تجمع امهات العالمية الامريكية

[mr000]

والله فوز ماعندي فكره عن كلمة اللاش بس جنه مالها معنى والله لو تشوفين العباره كلها بدايتها صح بس الرد ماله معنى

 

[mr000]

أمبيه توني أقرا الخبر بجريدة الأنباء إن إتحاد المدارس الخاصه مقدمين طلب للوزيره بزيادة رسوم المدارس الأنجليزيه والأمريكيه! عاد جانزين مقابل هالزياده تدريس عدل

 

[ReeMaN]

بنسوار امهاتنا كيفكم ؟؟ شو اخباركم ؟؟؟

مروو شلونج ها بشري شلون بنيتج انشالله صارت احسسن ؟؟ اتصدقين انا نفسج من اعطل خلاص مانى طالعه مكان يا شاليه او نسافر غيره نو وي ؟؟؟ حتى السمر كامب هونت عنه دام طول الصيف جذي جونا لا مانتحمل اخلي الطاقه حق السنه اليايه ان شاءالله ...

كاراميلا انا مع ابوكم بالفكره لاااااااااتاخذين شقه فيها غرفه النوم يم المطبخ او الصاله نصيحه نصيحه نصيحه انا لما كنت ساكنه بشقه بالعديليه كان المطبخ يم غرفة النوم ذبحتنا الشغاله بطقطقة الماعين او ريحة الطباخ والبصل والحميسه جنج نايمه داخل الجدر من قوة الريحه وغيرنا الشقه رحنا الروضه صار المطبخ قبال الصالة كل شوي الشغاله داشه وطالعه جدامنا واحنا بالصاله غير لما احد ايج الريحه كله بالصاله مايمديج اتبخرين الا ردت الريحه ماجنج حاطه شي اخذي شقه راهيه وادري ان الشقق غالين الحين بس عشان راحتكم ويكون المطبخ معزول عن باجي الغرف يعنى ممر طويل بعدين مطبخ او صالة كبيره تحطون القعده والتي في بعيد عن المطبخ اشوي ....

بيلا ماتشوف شر بنيتج مسكينه بروحها متعسره على قعدة الصبح بعد تطيح انشالله ارتاحت عقب ماحطو لها لزقه ...

فوز ههههههه الله يعينج على مشكله الدلاق لا والله ولدي الحمدلله الله يتمم عليه ماعندي اي مشكله معاه اى شي احطه يلبسه بس مايحب وتنرفز من القمصان مايحب يلبس قميص لازم تي شيرت ولا يحب يلبس بلوزه حفر يقول البس حفر حق الشاليه بس ماابي اطلع فيه اى مكان

سوري هذرت عليكم وايد ويارب مايصير ايرور ياااااااااااارب ان صار بزعل عليكم خخخخخخخخ

 

[ReeMaN]

فوز راح اسال فيها خبير بهالسوالف لان انا اقولها وانا ماعرف معناته

حتى اللي يقول لي قرت عينج ماادري ليش الرد يكون بعين نبيج مو ويه كله اقول عين ويضحكون علي ههههههه

والله مروو ان زيدو الاسعار على السنه اليايه بعد خلاااااااااااص بنطلعه من الخاص لوعو جبودنا كل سنه زياده 150 دينار ؟؟ عيل لا راح المتوسط بجم يطلع عليه 20 الف دينار علىالمتوسط بس !!!

ولو تشوفين الحكومه الحين ترا قريب بمنهج الخاص خلي نفسيه المدرسين بس كمنهج قريب اشوي من الخاص واغلب المواد الحين يفكرون يخلونه انجليزي يعنى اقتراح وماايندرا من الحين الى السنه اليايه شيصصير الله كريم

 

[caramella]

السلام عليكم امهات
اليوم الله يسلمكم ولدي تعسر علي من الصبح الا انتي قومي وديني المدرسه وانا حدي تعبانه مافيني حيل قلت له امرك الظهر وصياح وعساره انتي اذيتيني كل يوم توديني مكان لان امس نزلت من الشقه اللي في بيت اهلي حق شنو احكر روحي بروحي هناك نزلت مره ثانيه تحت وقلت لما ايي ريلي اصعد فوق فا عشان جذي معترض الحبيب ولدي
ومسكين ما مداه السايق يمرني اروح اييبه فا مرته الخدامه مع السايق
والعساره عندنا وعندج خير يا فوز انتو دلاقات واحنا فنايل داخليه الله يسلمج انزل كل الفنايل من الكبت ولا يعجب شنو سر الفنايل؟ الله يسلمج شفتي مكان الخياط اللي بدلاق بنتج اللي ما تحبه احنا عندنا العكس مكان الخياط اللي بالفنيله الحفر اللي صوب الجتف هذا يحب يلعب فيه ويبيه كبير مو قاصينه والماركات العدله اللي طقة ماركس سبنسر ما يوطنهم لا يحب ملوت بري مارك واي ماركه بوطقه لان يصيرون مو ذربين ومو قاصين الزايد عاد السنه بري مارك تذيربو عدلو الخياط وسببو لنا ازمه والحين حايسه ادور له فنايل الخياط مالها مو مقصوص لان حضرته يلعب فيه لما يمص صبعه يعني يحتاجه وقت المزاج ومن كثر مت يلعب فيه وايده وسخه الله وكيلكم مكان الخياط يصير اسود يفشل ولا يرضا يبدل الفنيله الا بوحده ثانيه تعجبه
اي صح في كلام نقوله ومانعرف معناته نردده مثل ما سمعناه
ريمان بويه نبيج يعني تقر عينج بشوفة ويه نبيج علي ما اظن طماشه انتي بعين نبيج لووول
مروو اب زياده بعد ويا ويهم انهبونه ماكو الا نشتغل عشان نصب لهم العاش ونقعد بدون معاش والله كل شي مرتفع سعره ومحد يزيد الاسعار الا هالتجار اللي طايحه اب بطنهم ومنو اللي ماكلها الا هالمستهلك الاخير اللي بس يدفع دون توقف ويضطر يتسلف عشان يواكب الحياة ------> تنفع مقاله يجريده لوووول
وهدوم المدرسه هالسنه ماني شاريه حق ولدي تريننغ مال الشتا شريته والله وكيلج علي يدته ما شكه ولا مره مادري يرضون يبدلونه ؟
فووز الله يساعدج عالسهر صعبه السهر مع دوام اييب صداع يذبح
ما تشوف شر بنتج بيلا وعليه عاد الطيحه عالقار تعور
ريمان علي قولتج اما بشقتي المطبخ معزول فا مو حاسه وريلي عنده اهم شي المطبخ بعيد عنه يطفر من ريحة الطباخ*

 

[Fouz]

رد الاستاذ أيوب الايوب على الشيخ مهلهل الياسين
لأن الشيخ كان كاتب بالصفحة الاخيرة قبل جم يوم وترك سؤال للأستاذ الأيوب

مفاد السؤال : ما معنى اللاش .. ؟
بقولنا
خطاك اللاش !!؟
يعني خطاك السو = خطاك السوء .. أما اللاش !!؟

من اللا شيء .. فيكون المعنى

1
لا شــــــــيء ينالك

2
وقريت التعليقات - اللي بسايت الجريده - أن اللاش هو الشخص الردي اللي مامنه فايده

 

[bella bambina]

صباح الخير أمهات
الله يسلمكم من الشر حبايبي طلع كذا زلغ و آنا مو منتبهه وداها أخوها حق النيرس منظفه الجروح وحاطه لها باندجز
أمس كان عندنا بالليل 7:30 لقاء تنويري مع ناظر الميدل سكول قالو لنا عن نظام المتوسط وراحت معاي بنتي ورفيجتها الاختياري بس بالفرنسي أو الباند بنتي تبي باند الله يعينا على السنه اليايه يقول انهم موفرين مدرسين كفايه الله كريم

 

[mr000]

السلام أمهات اشلونكم..سوووري ترى ماعندي لاب توب ..موديته أصلحه فجأه اخترب وألحين ماخذه لاب توب ولدي. علشان جذي مادشيت اليوم.والمشكله أن ولدي سواله فورمات فراح اللي فيه كله ..عاد صارلي شهرين أيمع معلومات عن سوقه وأماكن حق السفره...بيلا آنا أذكر هم سوولنا لقاء تنويري لما نقلت ولدي قبل سنتين حق الميدل سكول..بس ماحسيت إني وايد استفدت يعني ماعرفت طبيعة الدراسه والأمتحانات إلا لما درس أول كم شهر..لي درجة إني مادريت أنه ماعندهم امتحانات نهاية الفصل علبالي نفس التكامل وخليته مسكين قعد بإجازة الكريسمس درس الكتب كلها تالي أسأل السكرتيره متى تعطونهم جدول الأمتحانات تقولي ماكو أمتحانات فاينل إلا بس العربي والدين..

 

[caramella]

صباح الخير
سلامتها دلول مسكينه ما تستاهل وعليه زلوق من القار تذبح انشالله ما عليها الا العافيه ويروح اثره باقرب فرصه
الله يوفق بنتج بيلا بالميدل سكول
سوال شنو يعني باند؟
مرووو حرام اللي انمسح تعب جم شهر جان نقلتيهم بسيدي ولا هارد ديسك خارجي قبل لا يوديه اصلحه
انا صارت فيني بس بصور اخخخ لي الحين منقهره عليهم كنا مصورين العام بمدام توسود وجم مكان بلندن وولدي مسوي حركات روعه تضحك وامي واختي كانو ياين لي اختي ركبت الميموري عالكمبيوتر وما نزلت الصور كلهم بس صورها بتدزهم ايميل ظلو صورها وانمسح كل اللي بالميموري

 

[bella bambina]

صباح الخير أمهات
الله يسلمج كراميلا بنتي السنه كانت مشتركه بباند مثل فرقة موسيقى كل واحد يعزف على آله بنتي كانت تعزف على بيانو
عشان جذي ما أحب الالكترونيات الحديثه كل الشغل يروح بثانيه بيت أهلي هم راحو كل صورهم بسبة ان الجب ضاع

 

[mr000]

السلام أمهات اشلونكم..كراميلا اشلونج واشلون ولدج ..الله يسلمج هو قالي بيوديه يشوفون اشفيه..مادري ان سواله فورمات من غير مايقولي..بيلا ترى الفرنسي حلو وفرصه إنها تتعلم لغه ثانيه غير الأنجليزي..يعني هالفرصه ماتتوفر إلا بالمدارس الخاصه..آنا ليلحين محتره على ولدي إن ضاعت عليه هالفرصه..ألحين غصبا عليه ياخذ إختياري موسيقى لي الثانويه وهو مايبي..فإذا مابدت معاهم بالفرنسي من بداية الميدل سكول ماراح تقدر تاخذه تالي لأنهم يرتفعون مستويات..وهم حلو باجر ينفعها بالسفر..رفيجتي بنتها كانت بالخليج فتقول هي الوحيده اللي تعرف فرنسي ونافعتهم بالسفر لما يروحون فرنسا وألمانيا باقي أخوانها وخواتها كانوا كلهم بالحكومه علمي فمادرسوا فرنسي..

 

[ملكة بيتها]

شلونكم أمهات عساكم بخير ...
مروو ..فوز ...ريمان ..كارميلا ...بيلا ..ليال .........نايس ويك إند للجميع

 

[ReeMaN]

صباح الخير حبايبي شلونكم يالغاليات ؟؟؟

واعليه عليج مروو شكلج الى الحين تصلحين بهاللاب توب مالج حس بالتجمع ... انا اتذكر ايام المقررات اخذت فرنسي وكانت ماده اختياريه بس ماااقدرت اكمل لان وايد صعب علي سحبت الماده

واي على طاري الصور انا عندي كامرتى الديجيتال فيها ميموري تشيل 1500 صوره فيها كل صور سفرتنا تركيا وتخرج ولدي من الحضانه واعياد ميلاد وتصوير بالشااليه يا الله طاحت الكاميرا منى وماصارت فيها شي بس اللي تخرب الميموري علقو كل الصور وديته جم محل ابي اطلعهم على سي دي مايشتغل وكل يوم اقرا علي الميموري عل وعسى الله يهديه ويطلع لى الصور :0bee2e8d89:

فوز شخبارج عساج بخير شلون البنيات انشالله بخير ... وينج وينج شكلي بشيل عنج لقب رفيقة الدريشه وبهديها حق بيلا
صارت رفيقتى _03BA: ياحلوها هالبنوته اتهبل ماشالله

كاراميلا وملكه مامات شخباركم اشلون عيالكم ان شاء الله بخير

الله يسلمكم هالاسبوع الكي جي 2 عندهم اسبوع حافل بالبرامج الترفيهيه حق اليهال _03BA:
يوم الاحد ان شاء الله عندهم بيجاما دي والاثنين جنى هير كريزي دي والثلاثا هات دي والاربعا يوم الشاطئ يلبسون مايوهات ونظاره شمسيه وفليب فلوب الظاهر بيسبحونهم بالغبار :dddds: لان ماقالو ان بيسبحون بالحمام السباحه
والخميس داون دريس دي

واجازه سعيده بالويك اند للجميع ان شاء الله :ggdw:

 

[mr000]

السلام أمهات اشلونكم..أخيرا استلمت لاب توبي بس يضيق الخلق راح اللي فيه كله..والله برنامجهم حلو حق الكي جي آخر أسبوع ..عيل ولدي كله أمتحانات عنده هالأسبوع..لما اسمع عن الكي جي وطريقة تدريسهم وانشطتهم..يضيق خلقي على بنت ولدي ..ان شاء الله الله يهدي امها وتوافق تدخلها العالميه أو عالاقل لو الخليج مع إن ماابي ندخلها في متاهة التحويل لي أمريكي تالي وتنزل صف..بس ميخالف عالاقل مدرسه خاصه ولاتلزم توديها الحكومه..

 

[bella bambina]

السلام أمهات اشلونكم واشلون عيالكم ؟
هلا والله ملكه و سيم تو يو حبيبتي
حبيبتي والله ريمان انتي اللي عسل والله يومها بسرعه مر الوقت أحلى شي اني بتأكد انتي ولا لأ قمت أرجع قري بالسياره
صاجه مرو روضة الحكومه ولا ببيزه يطلعون منها اليهال ما يعرفون كوعهم من بوعهم

 

[mr000]

السلااام أمهات اشلونكم..البارحه فرحانه باللاب توب أنه تصلح ماأشوف إلا الأنترنت ماادري اشفيه فاصل بالبيت..انبطت جبدي.. المهم شخباركم..أي والله صاجه بيلا روضة الحكومه هي وقلتها واحد..آنا كنت أداوم بروضه وولدي بروضه خاصه ويقولون المدرسات ليش مو يايبته معاج هني..شقولهم كافي الأهمال وقلة التدريس اللي قاعده أشوفه بعيوني... والله أمس ريلي يقول خلاص آنا أدخلها على حسابي إذا أمها مستخسره الفلوس بس ماتروح الحكومه..

 

[mr000]

لاريمان مايصير جذي لازم أشوفج مره..انزين عالدوام جنه مو هاف داي الخميس مع إنه آخر يوم وإلا لأ؟؟ عيالكم لي متى بيداومون؟؟ولدي يقول بس لي الخميس عنده آخر أمتحان..بصراحه النطام الأمريكي رحمه..أمس شفت أخوي بالليل يقولي تونى نطلع شويه كلش مو قادرين نطلع علشان امتحانات بنته بالمدرسه الانجليزيه لأن الدرجات كلها عالفاينل وكميه الدروس وايد حق الأمتحان...هذا بعد توها بيير 5

 

[bella bambina]

السلام أمهات
مرو دوام اليهال ليما 9 - 6 بس جنه الشهادات 8- 6

 

[caramella]

السلام رفيقاتي
إشلونكم
الخبر السعيد اللي بقوله اني لقيت شقه باركولي
بالقادسيه يم بيت اهلي و القطعه اللي قبال مدرسة ولدي الحمدلله اهم شي انها قريبه من مدرسته بصراحه وايد عانيت هالسنه من الطريج لي جنوب السره يرد لي نايم بالطريج من الزحمه و تنعفس نومته ويتأخر في نومة الليل
يلا ريمان بشوفج ما يصير جذي ييت يوم الخميس خذيت ولدي بس ما شفتج شفت بيلا بس

ملكه شخبارج
مرووو إنشالله ياربي تقتنع جنتج لأن الحكومه إنتي اكثر وحده لج خبره فيها
ولهانه عليكم كلكم حبايبي
خل اقوم استعد لأن ابوي عسى الله يطول بعمره بيمر شقتي القديمه مع الصبيان و ريلي واخوي انقلون اغراضي

 

[mr000]

السلااااام أمهات اشلونكم..مبروووووووك مبروووووووك كراميلا الشقه..تتهنين فيها ان شاءالله..بس الله يخليج ديري بالج على روحج من التعب..لاتنسين نفسج وتتحركين وايد وترتبين الأغراض..بيلا والله مادري ولدي يقولي ماراح أداوم بعد آخر امتحان الخميس..