تجمع امهات العالمية الامريكية

[bella bambina]

صباح الخير أمهات
هلا والله بأهل لندن مرو باجر زوجي بيروح يسأل بالمدرسه لأنها بتقعد 3 سنين بأولى تسقط بالعربي على جذي
ريمان حرام مس ماهي قالت بتتساهل معاها وآمروني باللي تبونه ما راحت أمس حصة العربي وقالت اذا تبون ما أشد عليها وما تعطيها نفس منهج الصف بس ما راح تأسس حق السنه اليايه
ريمان آنا عيالي ما أغيبهم بالابتدائي فما أدري اشلون على الطبيه بس أتوقع أولى ما يتشددون قولي حق الطبيب يعطيج طبيه

 

[caramella]

رد : تجمع امهات العالمية الامريكية

:68_asmilies-com:
اشلونكم أمهات شخباركم
ولهانه عليكم فردا فردا
بقولكم اخباري إنشالله تعذروني من سالفة الغياب المتكرر
الله يسلمكم ولدي حمود اسمالله عليه رخصوه من المستشفى وفطومه لا بعدها حبيبتي والله قلبي عورني يووم طلعت خذيته و خليتها طبعا الصعوبه في اني مو ملحقه مع حمود و ومو لاقيه وقت ارووح فيه حق فطومه المستشفى حتى امس رحت لها 11 بالليل
قاعده احن عليهم رخصوها لأن تعبت رايحه راده إهما يقولون خليها جابلي حمود استقري معاه تالي نعطيج إياها
قلت لهم آنا مشتقيه بالروحه و الرده على الأقل اجابلهم اثنينهم اسمالله عليهم بمكان واحد ولا رايحه و راده و احاتي حمود بالروحه و الرده

مرووو عليج بالعافيه و انشالله باجر تنورين الكويت بالسلامه شمي هوا بارد وايد قبل لا تيين وانشالله بنت ولدج ما عليها الا العافيه

فوووز ليش جذي قاعد يصير معاج حرام عليهم انا مدششتها خاص عشان ارتاح بالاهتمام مو عشان تحترق اعصابي و بعدين المبلغ اللي ياخذونه مو شويه قاعدين ندفعه بس عشان عسالنا يرتاحون و يحبون المدرسه مو عشان يتنقمون اوديه حكومه و تحترق اعصابي ابلاش ولا اعصاب محروقه و خساير و ماكو اهتمام و عمك اصمخ
لابو العام كل يوم مدرسه و هالسنه مدرسه عسره نسره انا ما اشيشج حبيبتي بس لازم يشوفون لهم صرفه انا من رايي باجر لما تكلمينهم خليج حازمه معاهم و ان ما بذنج ماي وان انتي مو مرتاحه لأن بنتج مو مرتاحه وتبجي كل يووم بالبيت ما تبي ترووح المدرسه بسبة هالأبله و إن العام ما كان هالشي موجود على إن كل يووم مدرسه يديده عليهم
إنشالله يا رب تلقين حل ويكونون متعاونين معاج

ريمان انا شيلوو عني التوقيع مال الحضور بليزززز والله تدرين ما عندي وقت حتى اسبح آكل و انا امشي ابدل هدومي و انا نايمه
اسمالله عليه ولي العهد اشلونه مع اولى انشالله ماشي حاله و سلامات ما يشوف شر انشالله يا رب يصير اليوم احسن ولا يحتاج الطبيه

بيلا بنتج مو عند مس ساندا مع ولدي ؟؟؟ والله يساعدج عالعربي آنا بعد ولدي ما يحبه شنسوي عشان يحل الواجب ياخذ مني ويك اند كامل كل ساعه يكتب لي حرف و غير جذي ما فطنت بواجبه الا امس بالليل يعني اليوم القتله بضغط عليه لما يكتبه ما ادري شسالفة عقدة العربي هذي شنو سر كرهم له مادري

ملكه اشلونج و شلون بنيتج ؟؟

ليالي اشلونج ؟؟؟ متى دوام عيالج

جولي ما يشوفون شر عيالج و انشالله عالاحد يداومون

نوونا يعور القلب الياهل لما يرووح المدرسه دايخ بس اشوا اهم ينومونهم لما يحسونه دايخ ياحلوهم عيال الحضانه انتف صغاااار

 

[bella bambina]

هلا والله كراميلا الحمدلله على سلامة حمودي وصح كلامهم خلي فطومه عندهم أحسن أكيد يعتنون فيها والله يعينج على الروحه والرده بس اذا الدكتور يقول لازم تخلينها أكيد أفضل لها ميخالف راح تتعبين هالفترة الله يعينج وان شاء الله تستقرون عن قريب
لأ دلول عند مس سينثيا والله حليوه اهيه مس سوسن المساعده وعيالي كلهم ما يحبون العربي بس المشكله بدلول ما تعرف عربي مو نفس اخوانها اليوم زوجي راح المدرسه ما قدر يصبر ليما باجر قالو له بالاداره مستحيل ما يوافقون انها ما تاخذ العربي والأم والأبو كويتيين برد باجر أسأل مس ساره وايد متعقده كل شوي تسأل اخوانها انتو تاخذون عربي ولما يقولون اي تقول لهم عيل ليش تحبون المدرسه ؟

 

[ReeMaN]

هلا والله بيلا شخباركم ؟؟؟ واي الله يعينها على العربي تكسر الخاطر بس بيلا اهى لازم تاخذه لان العربي اولى ابتدائي حده صعب وايد

متغربلين بهالواجبات امل فراشه بيضاء ويوميا خمس مرات غير القراءه غصبن عليه بالصف وبالبيت غير باجي الواجبات وايد تغربلنا معاااه

وماعنده الا هالكلمه شنو هذا اكتب وايد بالمدرسه واكتب هنى بالبيت انتو ماتحبوني انا ادري انى مو ولدج انا ولد ناس ثانين مايعطونى واجبات

عيزت اكافأه لا خلص الواجب نطلعك العاب مطعم سينما يستانس اولها تالى يقول خلاص مو لازم اطلع مابي اكتب شسوي معاه بالله ؟؟

كاراميلااااا حبيبة التجمع شخبارج شلونج مع الورعان الله يحفظهم خلي فطومه بالمستشفى احسنلج وأأمن لج الين تتعودين على حمودي

وياخذ عافيته الله يحفظه ... صج بتتعبين بس ميخالف اخرتها بترتاحين انشاله ..... والله يعينج على مجابل اليهال ومجابل ولدج وواجباته

 

[ReeMaN]

مس لوفل اتقول عن ولدي مرات ايعرف الجواب بس مايبي يجاوب وهذا ياثر على مستواه وهم استاذ احمد يقول يعرف الاجابه وحافظ من

القران بس كله ماعررف ... ولما اكلمه بالبيت يقول اعرف وماابي اتكلم ... ويخلينى اتنرفز واهدده بابوه يجابلك ويجابل واجباتك هنى يهون

وااتصدقون مرات اقول بطلعه من الخاص بوديه مدرسه حكومه عندنا يربونه عدل الحكومه اشلون يتدلع بالصف

ومرات اقول حرام صغير انشاءالله باجر يتعدل بس شعقبه

 

[ReeMaN]

بيلا ترا kg2 ينحسب عليهم الغياب اتذكر العام اتفاجات اخر شهر 4 كان اجتماع اولياء الامور على التقارير وكان باقي له غيايبين وايله انذار

سالته ليش قالت ماقريتى قوانين المدرسه نسيت شسم الكتاب ان ينحسب عليهم الغياب بس عقبها الحمدلله ماغاب

 

[bella bambina]

هلا والله ريمان آنا يمكن لأني ما أغيبهم فولا مره خذو انذار وكذا سنه بنتي يعطونها شهادة انها نو غايبه ولا يوم
اي أدري العربي وايد صعب عليهم واليوم ولدي يقول لي نفس الكلام انتي ليش ما تحبيني موديتني مدرسه يعطون وايد واجبات قلت له خلاص أوديك مدرسه عربيه قال اذا صج تحبيني وديني مدرسه ما فيها عربي هم عنده واجب عربي وايد ومن الصبح بس أقول له متى تكتب واجب العربي يقول لي راسي يعورني بس صج واجبات العربي وايد وماخذه كل وقتنا

 

[N0oNa]

بنات بقيت اسالكم متى يصير اجتماع الامهات ؟؟؟؟

 

[ReeMaN]

ماشاءالله عليج والله زين ماتغيبينهم والله ذاك ليوم شفت وحده اتوصي الظاهر طبيبه والا ابله ولدها على جيس فيه دوا الظاهر ولدها مريض ولازم ياخذ كورس علاج

مشكله ولدي ان احسه صغير على اولى ابتدائي الى الحين يحسب نفسه نفس كي جي مو عارف معنى السبيلنق ولا التيست ولا شي مو فاهم ليش ياخذ علامات زينه ويصير شاطر على كثر مافهمناه هم مو مستوعب

نونا عقب كل تقرير يسوون اجتماع اولياء الامور مابقى شي عليه

 

[ReeMaN]

الحمدلله العطله ماخربت نومة ولدي .... نام بالسبع ونص

 

[bella bambina]

ريمان آنا ولدي بثانيه وليلحين مو عارف شنو امتحان أدرسه وثاني يوم أسأله شنو سوى يقول لي بشنو أي امتحان :23_asmilies-com:
نونا فيه open house يوم 22 /9 الساعه 7 بالليل

 

[ReeMaN]

ياعمري على الكتاكيت مايدرون عن شي

بيلا الاوبن هاوس حق الكي جي والا كل المدرسه @@ محد قال لي شي عنه

 

[ReeMaN]

امبيييه صاجه بيلا مسجل بالكالندر نسيت بالمره ان موجود .... بس اعتمد على الاوراق اللي يطرشونه مع ولدي

امهات لاتنسون باجر الطلعه ابجر من كل مره والسبب ان مدارس الحكومه باجر يداومون والله يعينا على الزحمه

 

[caramella]

رد : تجمع امهات العالمية الامريكية

السلام أمهات
ولدي نام 10.45 بالغصب الله يساعنا على حنة الصبح
بيلا شنو ال open house شيسوون فيه :gr4uu:
إذا انقابل المدرسات خووووش شي لأن ودي اقابل مدرسات ولدي لأني للأسف لي الحين ما شفتهم والعتب عالضروووف
عاد قايله باخذ مواعيد برروح اقابلهم إذا هال open house حق هالسالفه يريحوني من سالفة المواعيد

 

[N0oNa]

اي و الله انا بعد مو عارفه شنو سالفه الاوبن هاوس فسروا حقي هاليوم لاني قلت بكشت فيه و ان شي مو مهم
مشكله اول ياهل و ما اعرف هالسوالف

 

[bella bambina]

صباح الخير أمهات
الأوبن هاوس تلتقون بأبلات عيالكم يقولون لكم شنو أهدافهم السنه وشنو دراستهم ويومهم الدراسي شنو يسوون فيه وطبعا حق كل المدرسه

 

[ReeMaN]

صباح الخير امهات

وش الاخبار ؟ بيلا هالاوبن هاوس المفروض من بداية السنه مو الحين مابقى شي على التقارير واحنا مو فاهمين نظامهم شلون !

فوز شخبارج بشري شصار عليج انشاءالله يايبتلنا الاخبار الطيبه .....

مروو اليوم توصل بالسلامه انشاءالله

 

[caramella]

رد : رد: تجمع امهات العالمية الامريكية

هلا والله كراميلا الحمدلله على سلامة حمودي وصح كلامهم خلي فطومه عندهم أحسن أكيد يعتنون فيها والله يعينج على الروحه والرده بس اذا الدكتور يقول لازم تخلينها أكيد أفضل لها ميخالف راح تتعبين هالفترة الله يعينج وان شاء الله تستقرون عن قريب
لأ دلول عند مس سينثيا والله حليوه اهيه مس سوسن المساعده وعيالي كلهم ما يحبون العربي بس المشكله بدلول ما تعرف عربي مو نفس اخوانها اليوم زوجي راح المدرسه ما قدر يصبر ليما باجر قالو له بالاداره مستحيل ما يوافقون انها ما تاخذ العربي والأم والأبو كويتيين برد باجر أسأل مس ساره وايد متعقده كل شوي تسأل اخوانها انتو تاخذون عربي ولما يقولون اي تقول لهم عيل ليش تحبون المدرسه ؟

الله يسلمج يا عمري اي انا ماشيه على حجي الدكاتره ادري ان مصلحتها تكون هناك بس معوره قلبي بنتي لما ارووح لها تطالعني تعور القلب احس جني قاطتها و مادري عنها :yaaaaaarb: يا رب تطلع بسرعه

وعلى دلول انا معاج ان اهي مو حابه العربي و احنا نشوف ان احنا ما استفدنا من العربي اللي درسناه بس ترا ضروري تعرف تقرا و تكتب عربي على الأقل كونها كويتيه شوفي كان في موقف بسيط مريت فيه بس مؤثر بنفس الوقت مره كنت ماره طبيب وفيه دكتوره كويتيه تتحجى كويتي عدل المهم ان المفروض تكتب لي طبيه بالعربي حق دوامي ويها حمر و جان تقوللي انا اسفه انا لا اقرا ولا اكتب بالعربي دارسه برا الكويت وللاسف ما تعلمت عربي كلش وكانت حيل متأثره مسكينه
انا ادري هالموضوع بيكون متعب لج طول مراحل دراستها وخصوصا انها مو حابته بس ضروري تعرف عربي لأن يتحتاجه في حياتها العامه تالي لي كبرت بدوامها بمعاملاتها و خصوصا انها بتكون ام انشالله وبتربي جيل

 

[caramella]

رد : رد: تجمع امهات العالمية الامريكية

هلا والله بيلا شخباركم ؟؟؟ واي الله يعينها على العربي تكسر الخاطر بس بيلا اهى لازم تاخذه لان العربي اولى ابتدائي حده صعب وايد

متغربلين بهالواجبات امل فراشه بيضاء ويوميا خمس مرات غير القراءه غصبن عليه بالصف وبالبيت غير باجي الواجبات وايد تغربلنا معاااه

وماعنده الا هالكلمه شنو هذا اكتب وايد بالمدرسه واكتب هنى بالبيت انتو ماتحبوني انا ادري انى مو ولدج انا ولد ناس ثانين مايعطونى واجبات

عيزت اكافأه لا خلص الواجب نطلعك العاب مطعم سينما يستانس اولها تالى يقول خلاص مو لازم اطلع مابي اكتب شسوي معاه بالله ؟؟

كاراميلااااا حبيبة التجمع شخبارج شلونج مع الورعان الله يحفظهم خلي فطومه بالمستشفى احسنلج وأأمن لج الين تتعودين على حمودي

وياخذ عافيته الله يحفظه ... صج بتتعبين بس ميخالف اخرتها بترتاحين انشاله ..... والله يعينج على مجابل اليهال ومجابل ولدج وواجباته

حبيبتي ريمان يا خفيفة طينة التجمع والله الورعان طيبين طاب حالج
في امهات لازم ياخذون عيالهم من المستشفى من شهر تقريبا يدقون عليهم تعالو اخذو عيالكم طناش ما ايوون و يزورون عيالهم مره بالاسبوعين وعادي عندهم عفيه قلب ليش تيبونهم بالدنيا يووم انكم مالكم خلقهم والله حرام عليهم
وانا منشلع قلبي على بنتي ودي اخذها اليوم قبل باجر ادقدق عليهم 3 مرات باليوم و ارووح مره وحده باليوم و احس اني مقصره قلبي يتفتفت لما تطالعني احس جني مطنشتها :krkrkr:
انا ادري بتعب لما اخذها عندي بس اامن لي قلب حتى لما انام بالليل انام مو مرتاحه بس من التعب تغط عيني و انام

وحبيبي ولي العهد لا تحسين ان ولدج غير باجي اليهال و ماله خلق يحل الواجب اغلب اللي باولى ابتدائي جذي لأن يصير load عليهم وايد واجبات مقارنه بالروضه فا يحس ان المدرسه بس حق كتابه و هالموضوع بالنسبه له متعب انشالله بيتعود مع الايام و يطخ للامر الواقع ان لازم يكتب

وسالفة المكافىات خفي منها شوي حسسيسه ان هذا الشي لازم تسويه و مو بس انتا كل اليهال ووريه واجبات احد من عيال خواتج ولا اخوانج خل يحس ان مو بس اهو و كافئيه على انجاز يسويلج اياه مثل تقريره كان زين او تحسن في شغله كان بالاول مو شاطر فيها اما على كل واجب بتتعبين وياه ان كل ما احل ولا درس شي من دروسه ينطر المقابل بالمكافئات
جني قرقت وايد

 

[caramella]

رد : تجمع امهات العالمية الامريكية

انشالله برووح الاوبن هاوس بيلا اذيناج بالاسئله بس عادي نكلم الابلات عن عيالنا اذا عندنا ملاحضات ولا بس محاضرات كل مدرسه تشرح خطتها و تمشي
ونشوف ابلات الالعب و الموسيقى والسم ولا لأ؟؟؟؟

فوووز طمنينا عليج اشصار معاج اليوم انشالله تسهلت الامور ؟؟؟

مرووو ناطرين وصولج فقدناج يالغاليه