رد : تجمع امهات العالمية الامريكية
صباح الورد يا أحلى أمهات و الله ولهت عليكم
مرو ريمان بيلا كاراميلا ملكة و باجي الامهات شخباركم
مرو الحمدلله على السلامة
كاراميلا الحمدلله على سلامة محمد و الفال حق فاطمة يارب
ودي أقرا كل شي و أرد عليكم لاني حدي لاهية، أطلع من البيت الساعة 8 الصبح و أرجع 7 بالليل الا انا مخلصة كلش، شغل الدكتوراة بلش صارلي سنة و نص مطنشته فالشغل حامي حده و الحين بروح أشوف التسجيل لأني كنت موقفة قيدي الكورس اللي فات فالظاهر فيه مشكلة لاني مو قادرة أسجل بالنت
بالنسبة حق اجتماعي للامانة ارتحت و طلعت اللي بقلبي كله و المدرسة انقلب حالها لاني كلمتها جدام البرينسبل و قلت لها عدلي كلامي اذا انا مبالغة أو قايلة شي ما صار بس ما قدرت تبرر و لا تقولي ان اللي قلته مو صحيح، و البرينسبل قالت لي مكتبي مفتوح و اللي يضايقج بلغيني عنه على طول و الكلام كان جدامها، حتى قلت حق بيلا ان الظاهر خايفين يفتحون الباب و تالي محد بيقعد بالصف، و المشكلة الأساسية ان بنتي ما تبي تغير الصف فهالشي ما كان بصالحي أبد لاني عيزت أقولها أوديج صف ثاني تقولي مابي، النتيجة انها ظلت بصفها و كل يوم اخذها تقولي مدرستها انها شاطرة و يومها كان حلو و اشوف بنتي مستانسة و اليوم ان شاءالله الاوبن داي بعد لازم اروح عقب شغل المختبر
و اشوف شنو عندهم مع اني كل يوم صبح و ظهر أروح بس يمكن نستفيد زيادة
بلييييييييييييييز شيلوني من كشف الحضور هاليومين ما نبي خصم
أخليكم الحين لازم أروح الجامعة
