تجمع امهات العالمية الامريكية

[ReeMaN]

سلام امهات العالميه شلونكم شخباركم ؟؟؟

كاراميلاااا الف الف الف مبروك والحمدلله على سلامة فطومة العالميه :aha: وسوي لهم نووون :nbvppw: :klhfl: على سلامتهم وفطميهم بالحلاو _03BA: :botetoo: واشلونهم وياج انشاالله صحتهم زينه الحين ؟ و متغربله معاهم <--- سؤال سخيف صح

اله يتمم عليج يارب ويسخرهم لج ويبلغج فيهم ...:yaaaaaarb:

فوز شخبارج حبي زين سويتى وريتها العين الحمره :sfg: والله يوفقج انشالله بشهاده الدكتوراه:yaaaaaarb: خلاص نرفع عنج الخصم انتى وكارميلا شنسوي فيكم :eh_s(13):

 

[غيمه ممطره]

رد : تجمع امهات العالمية الامريكية

السلام عليكم..

حبيباتي امهاات ،، ودي استفسر منكم بنشاط او درس قدمته المدرسه لعيالكم وحسيتوه عجيب وستمتعوا فيه عيالكم

 

[omlolo]

السلام عليكم امهات

شلونكم وشخباركم

شلونكم ويا الدراسه ؟ الله المستعان

بنات بما اني يديده بالمدرسه فياليت تفيدوني على سالفه الكتب اللي نطلبها

الحين انا جدامي الاوراق اللي فيها الكتب واخترت اللي ابي بعدين شسوي؟؟؟

لازم اردها الاربعاء؟؟ ماني عارفه شسوي؟؟؟

 

[bella bambina]

السلام أمهات
اي والله مرو حتى رفيجتي بأمريكا تقول يردون البيت يلعبون ويروحون الحديقه الا اذا فيه دراسه حق الامتحانات والواجبات يسوونها بالمدرسه
ملكه معطينه 3 أوراق واجب رياضيات وورقة كومبريهنشن يقراها ويحلها وورقتين أسئله على الدرس فلازم نقرا الدرس واجب عربي يكتب الدرس 3 مرات ودراسه حق املاء العربي وامتحان اجتماعيات وامتحان قراءه وامتحان على درس القراءه طبعا عندنا بالعكس اذا فيه شي ما كمله بالمدرسه يرد يكمله بالبيت وولدي بطئ بالكتابه فكل يوم يرد جم ورقه غير الواجب وآنا بالبدايه لما اخترت مدرسه خاصه كنت حسبالي بيرجع الياهل البيت خالص من كل شي لأني أساسا مدرسه فأرد البيت مالي خلق أدرس عيالي وغير شغل التحضير حق مدرستي فصج هلكانه هذا طبعا غير ان اهمه اسم الله عليهم 3 بالمدرسه

 

[bella bambina]

أم لولو كذا مره بنتي تطلب كتب وآنا بعد طلبت حق مدرستي بس ولا مرة عبيت البيانات كانت بنتي تاخذ فلوس معاها وتقول حق الأبله عن الكتب اللي تبيهم والأبله تكمل الباجي

 

[bella bambina]

رد: رد : تجمع امهات العالمية الامريكية

السلام عليكم..

حبيباتي امهاات ،، ودي استفسر منكم بنشاط او درس قدمته المدرسه لعيالكم وحسيتوه عجيب وستمتعوا فيه عيالكم

هلا والله ما فهمت شنو قصدج بدرس أي ماده ؟ بس عموما اليهال يستانسون لما يشركونهم بأي شي عمليا العام استانسو لما يت مدرستهم كاتبة قصص قرت لهم قصه وبعدين اليهال اشترو القصه

 

[mr000]

السلام امهات اشلونكم..كراميلا الحمدلله على سلامة الصغيره..والله يخليهم ان شاءالله ويخليج لهم ويعينج على تربيتهم ومجابلهم..وتالي عاد تدريسهم..اسم الله عليهم..فوز الله يوفقج ان شاءالله بدراستج وتاخذين الدكتوراه وتفرحين بنتيجة تعبج..نونا..بيلا ..ام لولو..ريمان اشلونكم شخباركم..

 

[ملكة بيتها]

بيلا.... صاجه الكميه اللي معطينها من ولدج وايد على يوم واحد ما حاولتي تكلمينهم ينسقون الإمتحانات مع الهومووركس بصراحه هو شنو الهدف من الهوم ووركس مو لازم يكون تركيز المعلومات بمخ الطالب وتأكيد على استيعابه بشذي بيشتتونه وبتختلط المعلومات

 

[ReeMaN]

مساء الخير امهات العالميه

شلونكم شخباركم ؟؟؟ بيلااااااا!!!!!!!!! ياحرام شنو هالواطبات اللي يعطونه حق ولدج توه ثانيه ابتدائي وجذي عيل شلون بنتج الكبيره

بصراحه واعليه عليهم الله يعينهم على الواجبات ... انزين ولازم يسلمون الواجب من ثاني يوم والا نفس اللي تعودنا عليه من الاحد ويسلمونه الخميس ؟

هلا مروو شلونج حبيبتي ماشاءالله شفتى الجو اليوم شحلاته مايذكرج بلندن _03BA: :ada:

 

[omlolo]

مشكووووره بيلا ياقلبي ماقصرتي

اهلين مروو شلونج وشخبارج

 

[mr000]

بيلا.... صاجه الكميه اللي معطينها من ولدج وايد على يوم واحد ما حاولتي تكلمينهم ينسقون الإمتحانات مع الهومووركس بصراحه هو شنو الهدف من الهوم ووركس مو لازم يكون تركيز المعلومات بمخ الطالب وتأكيد على استيعابه بشذي بيشتتونه وبتختلط المعلومات

ملكه اشلونج شخبارج..اشلون بنيتج..حيا الله من زارنا ..ولو انج من أهل التجمع موضيفه:hjy5jewf: بسألج ملكه أنتوا اشلون الواجبات عندكم:080402ask_prv: ولدي الله يهديه ملزم يدخل بنته مدرسه انجليزيه مو أمريكيه..وآنا والله خايفه عليها من صعوبة الدراسه..

 

[Fouz]

رد : تجمع امهات العالمية الامريكية

صباح الورد أمهات شخباركم ان شاءالله بخير

مرو حبيبتي الله يسمع منج و أخلص هالسنة علشان أجابل حياتي ،، تصدقينن مرات من كثر ما مخي مشغول تلاقيني متنحة و ما أسوي شي،، اذا جابلت اليهال كشت بأبوهم و اذا جابلته كشت بشغلي و اذا جابلت شغلي أفكر بدراستي استغفر الله تشوفيني بالنهاية ما سويت شي
ما سألتج شلون لندن ان شاءالله خذيتي بريك و استانستي،، اكو كويتيين وايد و الا لأ، مفكرة أروح اسبوع بالونتر بريك مالت بنتي بس بروح بروحي بدون يهال لأن برودة و ماراح يتحملون بس ان شاءالله وضع عمي يتعدل لان ريلي ما يقدر يروح مكان و عمي بهالوضع عسى الله يشفيه

بيلا الله يعطيج العافية على مجابل اليهال بالدوام و تدريس عيالج بالبيت و صراحة وااااااااااااااايد معطينه واجبات شصاير!!!

كاراميلا ألف مبروك حبيبتي اللي ربي فرح عيونج بشوفة بنيتج عسى الله يعينج على مجبلهم و يحفظهم لج يارب

ريماااااااااان شلونج بشري شلون ولدج مع المرحلة اليديدة؟؟ و مشكورة حبيبتي عسى الله يسمع منج و ارتاح هالسنة من الدراسة

بيلا بسئلج يفتحون باب المسيد بالهاف داي و الا بس الباب الرئيسي؟؟

 

[غيمه ممطره]

رد : رد: رد : تجمع امهات العالمية الامريكية

هلا والله ما فهمت شنو قصدج بدرس أي ماده ؟ بس عموما اليهال يستانسون لما يشركونهم بأي شي عمليا العام استانسو لما يت مدرستهم كاتبة قصص قرت لهم قصه وبعدين اليهال اشترو القصه

حبيبتي ماقصرتي ع مبادرتج بالجواب،،

انا ااقصد يالغاليه مثل مره المدرسه سوا رحله حول العالم والاطفال شافوا معالم العالم والازيا وجذي،،

فابي شي بعد شفتوه بمدارس عيالكم او نشاط عجبكم ،، لان انا مدرسه بروضه حكومه وودي اخذ افكار حق عيالي بالروضه :eh_s(8):

 

[N0oNa]

بنات شلونكم
جنه معطيني جدول بصورون اليهال صايره ماانتبه على الحجي مالي خلق اركز و اقرا
و في ورقه 2 مكتوب معطيني معاها مثل كتيب فيه قصص و اسعارهم
هذيله شنو بضبط طالبينهم و لا اهما يبيعونهم
حق البيت و لا حق المدرسه يقرونهم بنات سوري بس حدي متنحه و مالي خلق اركز يليت تفيدوني
شغل البيت هدني ابيييييي خدامه صج احنا من غير خدم ما انعيش

 

[ملكة بيتها]

شلونكم أمهات
مروو ,,,, شكرا ياعمري إي أنا وحده من بنات هالتجمع وههه وأسجل غياب عندكم معطيه نفسي صلاحيات ..... بالنسبه للهوم ووركس كل يوم فيه هوم وورك ويرجع ثاني يوم للسكول وطبعا العربي يوميا عندنا هوم وورك ولازم يقرون لأن ثاني يوم في الصف تعطيهم إملاء خارجي + إمتحان قراءه ....الإنجلش عندهم حاليا كل خميس سبلنج تيست + ون منت ماث تيست ....فلازم يوميا قراءه ( عربي \ e )+ حل هوم ووركس + تمارين ماث ...يعني يبيله مجابل بس مثل ما قلتلج التيشر نبهت على إن الهوم وورك مالازم ياخذ وقت أطول من ساعه والقراءه لمده 10 دقائق والماث لازم نعطيهم مسائل مثلا 10 مسائل يحلونها بدقيقه مثل ما يسوون بالصف فلو بتلاقين وتحسبينها مثل ما هم حاسبينها صج مالازم يطول الياهل بالدراسه بس يمكن إنتو عندكم مراحل أكبر فيصير لود عليكم بالدراسه ....

 

[mr000]

بنات شلونكم
جنه معطيني جدول بصورون اليهال صايره ماانتبه على الحجي مالي خلق اركز و اقرا
و في ورقه 2 مكتوب معطيني معاها مثل كتيب فيه قصص و اسعارهم
هذيله شنو بضبط طالبينهم و لا اهما يبيعونهم
حق البيت و لا حق المدرسه يقرونهم بنات سوري بس حدي متنحه و مالي خلق اركز يليت تفيدوني
شغل البيت هدني ابيييييي خدامه صج احنا من غير خدم ما انعيش

السلام امهات اشلونكم..شخباركم..نونا القصص هذيله تختارين منهم حق ولدج وشوفي كم اسعارهم بالدينار وحطيلهم الفلوس مع الجزء اللي تكتبين فيه الاسم والصف حطيهم بظرف وعطيهم مدرسته أو شوفي شنو كاتبين لكم منو تعطونهم..مادري آنا كنت أسوي جذي حق ولدي لما كان صغير بس ألحين هو يختار ويكتب الورقه ويحط معاها الفلوس ويوديها...ملكه مشكوره عالتوضيح..وصاجه والله تمونين تسجلين غياب وتخصمين وكلشي..اليوم وآنا موديه بنت ولدي الحضانه واشوف جدامي الطريج زحمه وايد مع انها كانت 8 ونص مو مع دوام المدارس وإلا 6 سيارات متداعمين ..عاد توني داقه على بنتي أقولها لاتطلعين حزة الحزه وتستعيلين بالسواقه..ماأشوف إلا صوت قوي والسياره اهتزت حيل إلا اللي وراي داش بسيارتي..الحمدلله سيارتي ماتعورت وايد بس يبيلها كراج وتصليح بس سيارته تكسرت ليتاته.. على طول قلتله خلاص مابي شي ومشيت..

 

[bella bambina]

السلام أمهات اشلونكم واشلون عيالكم ؟
مرو خطاج السو
ريمان واجباتهم السنه يوميه ريمان اليوم الرطوبه ما ذكرتكم بتايلند ؟:cxxxp:
فوز الله يعافيج , اي يفتحون باب المسجد
نونا اي اليوم صورو اليهال وباجر يكملون الصفوف اللي ما صوروهم

 

[N0oNa]

مشكوره مروو و الحمدلله بالحديد و لا فيج
بيلا انا قالولي التصوير حق ولدي 29 خل اتذكر احلقه قبلها بيوم
و الله سالفه هل القصص عاد لدي امس كان غايب ماكو الا باجر بس ماني عارفه شنو اختارله و جم قصه

 

[ReeMaN]

سلام عليكم احبابي

خطاج السو ياقلبي مروو بالحديدد الف الحمدلله على السلامه .......

شنو سالفه التصوير ماطرشو لي ورقه واليوم ولدي عليه سبورت وقال صورونااا ! انتى طرشو لكم ورقه قولو لي عشان اكلمهم باجر اخاف

طالبين منهم لبس اليونيفورم وتسنع الشعر عاد بروحه ولدي شبه اقرع

 

[ReeMaN]

بيلاا يعنى من اسنه اليايه انشاءالله يبدون بالواجب اليومي مو اسبوعي الله يستر من طفل المعجزه ماادري شبسوي معاه

فوووز الحمدلله بخير ماشي الحال انتى شلونج مع البنات شلون بنتج مع ابلتها المليقه انشاالله صارت احسن من اول ؟