تجمع امهات العالمية الامريكية

[اجمل احساس ..!]

رد : تجمع امهات العالمية الامريكية

مساء الخير بنات شخباركم اصغركم اشوي ههه
امهات الحلوات ممكن طلب؟
صارلي جم اسبوع اسأل البنات اللي بالمنتدى محد عطاني الافاده عدل
وودي اطلب الطلب منكم
ولدي بعد 13 سنه الله رزقني فيه وابي ادخله حضانه عمره 3سنين وشهرين العالميه الامريكيه فيها حضانه واذا مافيها شنو احسن مدرسه تأسيس انجليزي من الحضانه الى الثانويه ياليت تفيدوني الله يرزقكم الجنه ياااارب
مابي ولدي يمر على اللي مريت عليه انا ماعرف انجليزي وتعقدت في حياتي .....*_~
انطر مساعداتكم وياليت كل من يدخل يفيدني ولو برقم تلفون للمدرسه او الحضانه
لاخلا ولاعدم فديتكم واتمنى اني اكون بإستمرار معاكم لدخل وليدي فديته

 

[ReeMaN]

كاراميلا اصلا انتى فعلا مطنشتها ومالج قلب يالقاسيه وكلنا ندري بسوالفج انج متعمده تخلينها بالمستشفى :botetoo:

ههههههههههه بسملله عليها مافيها الا العافيه واصلا انا احس احسن لها اتكون بالمستشفى كل شوي يشيكون عليها ومراقبه من

الممرضات وماعليها خوف بس التعب في الروحه والرده عشان الرضاعه ... بس مو تخلين حمود يخلص حليبها لابد من

المساواه الود ودي اكمل بالسالفه عشان اضمن حق فطومة بس شيفكنى من حلومه اتسوي فينى :23_asmilies-com: وتطردنى من التجمع

وسالفه المكافات ولدي حده قنوع يبي يروح الفرع ويشتري له برد وهالسالفه بس هالفتره الين يتعود على الواجبات ويعرف

معنى الامتحانات يعنى لا تخرج من الثانويه انشاءالله

 

[ReeMaN]

هلا والله بام الزعيم عسى الله يخليه لج ويتربى بعزكم ويبلغج فيه هالغالي ....وحالي من حالج ماعندي الا ضنى واحد الله يخليه لنا

بالنسبة للعالميه اى فيها حضانه و ولدي ماكان فيها بس وايد يمدحون حضانتهم وتقدرين تاخذين لج فره في المدرسه واهمه مداومين عشان

تشوفين اليهال وتعامل الابلات معاهم وعندنا نونا ولدها الله يحفظه بالحضانه انشاءالله تعطيج تفاصيل اكثر ...

وبالنسبه للانجليزي هم حالي من حالج هههههه بس انا تطورت اشوي بالانجليزي لانى مجبوره اتعامل مع المدرسه بالنجليزي مرات

و انتى اذا فعلا بتدخلين ولدج حضانه انجلييزيه فرصه تثقفين نفسج معاه من معاهد وكتب وحتى افلام التلفزون وصدقينى على ما يروح

الابتدائي الا انتى ماشالله بلبل بالانجليزي

 

[اجمل احساس ..!]

رد : رد: تجمع امهات العالمية الامريكية

هلا والله بام الزعيم عسى الله يخليه لج ويتربى بعزكم ويبلغج فيه هالغالي ....وحالي من حالج ماعندي الا ضنى واحد الله يخليه لنا

بالنسبة للعالميه اى فيها حضانه و ولدي ماكان فيها بس وايد يمدحون حضانتهم وتقدرين تاخذين لج فره في المدرسه واهمه مداومين عشان

تشوفين اليهال وتعامل الابلات معاهم وعندنا نونا ولدها الله يحفظه بالحضانه انشاءالله تعطيج تفاصيل اكثر ...

وبالنسبه للانجليزي هم حالي من حالج هههههه بس انا تطورت اشوي بالانجليزي لانى مجبوره اتعامل مع المدرسه بالنجليزي مرات

و انتى اذا فعلا بتدخلين ولدج حضانه انجلييزيه فرصه تثقفين نفسج معاه من معاهد وكتب وحتى افلام التلفزون وصدقينى على ما يروح

الابتدائي الا انتى ماشالله بلبل بالانجليزي

يابعد عمري والله لايخليني منج حبيبتي ودزيت مسج لنانا يارب ترد على بسرعه علشان اقدر الحق على وليدي
والله يبلغج بر وليدج يااااارب
في بنات قالوا ان العالميه الانجليزيه مستواها اقوى من الامريكيه ؟!
متوهقه فيهم والله يكتب اللي فيه الخير لنا جميع

 

[ملكة بيتها]

السلام أمهات
كارميلا ..الله يعينج ويعطيج العافيه حده وضعج متعب ..وشلعة قلب إنتي بمكان وظناج بمكان بس إن شاء الله تعدي هالأيام وتنام بحضنج عن قريب هي وأخوها ويستلمونج بواغ وويغ ..حدي بخفف عليج جني زدت الطين بله ..

ريمان ...صج يير 1 الصعب فيها إن اليهال مساكين ما يدرون شنو الطبخه وما يفهمون شنو واجبات وسبلنج ...بس مع الوقت بيفهمون وعلى فكره بعد بينافسون ربعهم ..

 

[bella bambina]

السلام أمهات
كراميلا ضحكتيني دلول تربي أجيال ما أظن هذي تخرب أجيال وبعدين اهيه مشكلتها انها ما تفهم عربي مو بس بالكتابه اليوم سجلتها شهر تقويه بالكتابه ساعتين بالأسبوع ان شاء الله تكون االأبله اللي بتعلمها بالها طويل
اي كراميلا تقدرين تسالين عن ولدج ومشاركته اكيد الأبله خذت انطباع عنه

 

[ReeMaN]

مشكوره على الدعوه ام الزعيم ماقصرتي ... والله سمعت انها قويه بس نظام بريطانى غير عن الامريكي انتى شوفي شنو اللي النظام اللي تبينه وقرري واستخيري عندج جم شهر تفكرين فيه على شهر يناير سجلي وليدج

صاجه ملكه توهم بالالف باء ويبيله وقت وانا اشوفه يوم عن يوم يتحسن بنقطه وحده هذا عقب ماقمت اقوله ان خلصت بسرعه بوديك الفرع قام يشغل مخه

بيلا لاتقولين جذي عن زينه البنات والله باجر بتنصدمين بشخصيتها طبعا للاحسن ودايما يقولون اللي يتعبج بالصغر لا كبر يصير وايد تتحسن شخصيته الله يسمع من هاللي قال هالمقوله

 

[caramella]

رد : تجمع امهات العالمية الامريكية

السلام أمهات
أي مسواة يا ريمان ما يطلع معاي حليب استخدم الشفاطه يوم كامل يطلع لي 30 مل بس تخيلي اعطيها بنتي لأن الدكتور قال عطيها طبيعي خل تزيد مناعتها و قلت له ولدي جان يقول ما عليه عطيه صناعي:eh_s(12):

انشالله تكون مدرسة دلول مالت التقويه بالها طويل و تجابلها عدل مدل

ام الزعيم الله يخليلج وليدج و انا رايي من راي ريمان روحي اخذيلج فره بالمدارس و انتي شوفي وين ترتاحين لأن مهما يتكلمون الامهات غير لما تشوفين بعينج ارض الواقع

ملكه اي صاجه شعور ملخبط ابيها عندي وخايفه من ان ما اقدر الحق عليهم اسماللله عليهم

ما قصرتي بيلا انشالله الله يقدرني وارووح الاوبن هاوس

مرووو وفوووز طمنونا عليكم

 

[bella bambina]

السلام أمهات
الله يسمع منج ريمان مع اني ما أتوقع اليوم دخلت تكرمون الحمام أغسل ايدي و يت الحلوه وقفلت علي باب الحمام من بره وخلتني بهالحر وخشت المفتاح واحنا الكهربا منقطعه الكيبل محترق من أمس صلحوه 3 الفير ورد الظهر فصل
حياج الله كراميلا وان شاء الله تقدرين تروحين

 

[ReeMaN]

سلام حبايبي شخباركم ؟

كاراميلا كثري من عصير الجوافه كثر ماتقدرين شربيه ماتصورين شكثر يدر الحليب ..... ويمكن الدكتور قصده مناعه البنت اكثر من الولد

بس شتسوين بعد ... الا اذا عندج احد من خواتج توها والده ترضعه

بيييييييييييييييييييييييييييييييييييييييييييلاااااااااااااااااااااااااااااااااااا @@ بصراحه لاتعليييييييييييييييييق ههههههههههههههه

 

[اجمل احساس ..!]

رد : تجمع امهات العالمية الامريكية

مساكم الله بالخير بنات اخباركم

الله لايخليني منكم على الردود

بس حبيت استفسار بسيط يقولون التسجيل راح علي متى اقدر اسجل ولدي بالحضانه؟

ياليت اللي تعرف او عندها احد تسأله متى اقدر اسجله علشان مايروح على بعد والله يخليلكم عياااالكم ياااارب

 

[ReeMaN]

هلا ام الزعيم شخبارج

من قالج ان بدو التسجيل عشان يخلص ؟؟؟؟ اذا مانى غلطانه يبتدي التسجيل بشهر يناير او فبراير وانشالله البنات يفيدونج

 

[ReeMaN]

ام الزعيم

على فكره ترا في اختبار يسوونه حق ولدج ويمكن يقبلونه ويمكن لا ... انتى من الحين علميه على الالوان والاشكال ومادري شنو بعد بس علميه على الاشياء الاساسيه في بالانترنت وفي سيديات تعليم انتى تشترينه خاصه حق اطفال الحضانه خل يتعلم احسن له الاحرف والالوان والفواكه والاشياء البسيطه

 

[اجمل احساس ..!]

رد : تجمع امهات العالمية الامريكية

يابعد عمري عمرج انتي والله يسهل عليج طريج العمل الصالح

ويخليلج وليدج وربي فرحتيني بتواجج وردودج الله لايخليني منج

على كل حال باجر ببدأ معاه ان شاء الله

لاخلا ولاعدم يالغاليه والله يريح بالج من اوسع ابوابه

 

[ReeMaN]

وي حياج الله بتجمعنا يالغاليه ومشكوره ماقصرتي على الدعوه الحلوه ولج مثلها يارب

لاتغصبينه على التدريس انتى اخذيله بدايه اغاني تعليميه ولو d v d بعد احسن عشان يطالع الصور ويحاول يحفظ مثل الارقام والاحرف

والالوان وانشاءالله معانا العميده مروو عندها حفيده انشاءالله بتسجلها بالحضانه و عندها خبره بسوالف الاشرطه التعليميه والبنات مايقصرون

معاج انشالله فيهم الخير والبركه .... بس طيعيييني هم لاتهملين نفسج باللغه حاولى تتعلمين اكو مواقع تعليم صوت وصوره وانتى قاعده

مجابلتنى تتعلمين اللغه

 

[mr000]

السلام امهات اشلونكم شخباركم آنا وصلت الحمدلله..وليلحين والله دايخه ومفتر راسي من اطيارة ولوية المطار قبلها..تعب ودوخه..المهم انتوا اشلونكم ..كراميلا ان شاءالله يطلعون بنتج وتتطمنين عليها والله يعينج صج تعب روحة المستشفى كل يوم بس شتسوين ميخالف..فوز ..وريمان وبيلا ونونا وام الزعيم اشلونكم شخباركم..آنا ماقدرت أطول بالسفره لي الخميس كله على سبة القاء المفتوح يوم 22 قلت علشان اشوف المدرسين شيقولون عن ولدي وبعرف عن نظام الثانويه وايد خايفه واحاتيه..باجر عنده امتحان ساينس..الله يستر

 

[lyale]

حمد الله علي سلامتج مرووو وتوها ما نورت الكويت

 

[mr000]

حمد الله علي سلامتج مرووو وتوها ما نورت الكويت

الله يسلمج حبيبتي..منوره بوجودج:eh_s(6): بشرينا عن العيال اشلونهم مع المدرسه..بدينا بالتوصيل كل يوم من الصبح:ada:

 

[bella bambina]

السلام أمهات
حمدلله على السلامه مرو الله يعينج على التوصيل ملاحظه ان السنه الزحمه عند المدرسه أكثر من العام الله يوفق ولدج بالمتحان والثانويه
أم الزعيم اذا قصدج تدخلينه السنه حضانه اذا كان عمره 3 سنين راحت عليج السنه لأن صار لهم شهر مداومين بس اذا بتسجلينه حق السنه اليايه يعني عمره الحين سنتين فطبعا التسجيل بيكون تو الناس عليه والله يخليه لج ويسلمه

 

[mr000]

الله يسلمج بيلا حبيبتي ويوفق عيالج..آنا ألحين ماأوصل ولدي الصبح لأن أودي بنت ولدي الحضانه فأكون بالبيت علشان أقعدها وألبسها واريقها تالي بال8 ونص أوديها!! موجنه اجتماع باجر المغرب بال7؟ وإلا متى؟؟