تجمع امهات العالمية الامريكية

[caramella]

السلام امهات اشلونكم
اليوم ولدي ياب ورقه فيها ان اليير بووك ينباع ب 15
اهل الخبره يسوا نشتريه ولا ما يسوا؟

 

[mr000]

السلام أمهات اشلونكم..كراميلا آنا العام شريت اليير بوك قلت أول سنه له بالمدرسه وللذكرى علشان صورته مع صفه وماحبيت أكسر خاطره لما قال ربعه شاريين الكتاب..بس غالي الله يهداهم 15 اشدعوه.. هالسنه ماقالي عن الكتاب..مادري إذا يبيه وإلا لأ..من ناحية يسوى وإلا لأ..يعني إحنا الكتاب كله مافيه إلا بس هالصوره الوحده لاصورته بالصف ولا بالانشطه ولا بحفله..بس يالله ذكرى حقه

 

[bella bambina]

صباح الخير أمهات
كراميلا آنا شايفه ان اليير بوك مايسوى بس العام تحسفت اني ما شريته لما شفت ان دلول حاطين لها صور وايد بس السنه ما أظن على شطانتها

 

[mr000]

صج والله بيلا حاطين صورة بنتج وايد في كتاب العام؟؟عاد والله عندي الكتاب بس بنتج شايفتها من بعيد مو مثبته وييها.عاد أنتي كافي تاخذين كتاب واحد في صور عيالج ثلاثتهم اسم الله عليهم..توه ولدي طرش مسج يبي نييبله فلوس بالهده علشان يشتري الكتاب بس مادري أحس مايسوى 15

 

[ReeMaN]

سلام امهات شخباركم حبايبي

انا بصراحه اشوفه ان وايد غالي بس انشالله باخذه لان ولدي تخرج روضه واذا مالقيت صور له وايد باليير بوك ماراح اخذ له السنه اليايه

ومروو وبيلا عيالكم تخرج من مرحله الى مرحله يديده عليهم حلووو تشترون اليير بوك يعنى اشتروه غصبا عليكم


:23_asmilies-com:

 

[mr000]

السلام أمهات اشلونكم..بيلا ماعندج فكره اشلون عالدوام اسبوع الياي؟؟العام ولدي داوم عادي لي آخر يوم بس كان يرجع يقول مادرسونا وبس جذي قاعدين وهالسنه خلاص مايبي يداوم أسبوع الياي خلص إمتحاناته اليوم..والأبو مشجعه لأنه ماله خلق ياخذه الساعه 2 ونص..

 

[mr000]

السلام أمهات اشلونكم..

 

[mr000]

السلاام أمهات اشلونكم..وينكم محد بين اليوم..اليوم ولدي يقولي خلاص هون مايبي اليير بوك لأن موحاطين صورته..ولما سألهم ليش موحاطين صورته قالوله يمكن كنت غايب يوم التصوير..اشلون غايب وأحنا شارين الصور..آنا ماكنت بشتري الكتاب بس لما قالي انبطت جبدي قلت بدق أكلمهم.على أي أساس يقولون أنه غايب وماعنده صور وهو مصور وشارينهم..بس يقولي الكتاب فيه لخبطه وايد يعني بنت حاطين لها أسم صبي..وفيه مدرسه هنديه حاطين صورتها مع العاملات( الخدامات)..هذي صج ضحكت عليها..بس ضاق خلقي عالولد اللي توفى بحادث السيكل يقول حاطين صورته في بداية الكتاب..عور قلبي الله يرحمه ويصبر أهله

 

[mr000]

السلاام أمهات اشلونكم..وينكم محد بين اليوم..اليوم ولدي يقولي خلاص هون مايبي اليير بوك لأن موحاطين صورته..ولما سألهم ليش موحاطين صورته قالوله يمكن كنت غايب يوم التصوير..اشلون غايب وأحنا شارين الصور..آنا ماكنت بشتري الكتاب بس لما قالي انبطت جبدي قلت بدق أكلمهم.على أي أساس يقولون أنه غايب وماعنده صور وهو مصور وشارينهم..بس يقولي الكتاب فيه لخبطه وايد يعني بنت حاطين لها أسم صبي..وفيه مدرسه هنديه حاطين صورتها مع العاملات( الخدامات)..هذي صج ضحكت عليها..بس ضاق خلقي عالولد اللي توفى بحادث السيكل يقول حاطين صورته في بداية الكتاب..عور قلبي الله يرحمه ويصبر أهله

 

[mr000]

السلام أمهات اشلونكم..

 

[bella bambina]

صباح الخير أمهات
هلا والله مرو اشلون نبين والمنتدى على طول يطلع حاول وقت آخر جني داشه سحب حاول مرة أخرى
آنا عيالي بوديهم يمكن ليما 8-6 وايد يهال سافرو ما نطرو حتى التخرج أقول لكم لا تشترون اليير بوك وبنتي شرته يوم الخميس والله ما يسوى صح مرو حتى عيال عمتي يقولون وايد فيه لخبطه وايد طلاب ناسين يحطون صورهم بس بنتي الكبيرة حاطين لها كذا صوره ولا اخوانها على صوره وحده وكانت ألوان التصوير السنه باهته فطالعين جلحان جنهم واويه المفروض يبيعونه على 5 دنانير حاطين الطالب اللي توفى الله يرحمه ويصبر أهله وحاطين له بعد صورة يسولف مع رفيجه صج عور قلبي

 

[bella bambina]

اليوم بنتي الكبيرة بيودونهم كوزمو يلعبون بولينغ عشان تخرجهم

 

[ReeMaN]

صباح الخير امهات شلونكم شخباركم ؟؟؟

واي شنو هالمنتدى اللي عل قلبي مو راضي يشبك معاي حتى شكيت باشتراكنا اهو السبب بس لما سالت خواتى قالو حتى اهمه مايشبك وياهم
بيلا شخبارج حبي اى والله حتى صف ولدي يوم الخميس كانو اشويه سالت مس كي عن السبب قالت الخميس سته طلعو من العشر تقريبا كلهم بيسافرون اليوم واستلمو شهاده عيالهم من الاداره وماراح يحضرون التخرج قلت حرام احلى شي يوم التخرج جان تقول اى صح بس يضلون يهال يوم التخرج مايحسون فيه الا الكبار ....

 

[ReeMaN]

بيلا زين مابغو يودونهم رحلات جنى هالسنه ماراحو مكان ؟؟؟

حتى ولدج مروو .. ماودوه مكان هالسنه؟

 

[mr000]

السلام اشلونكم فرصه خل ندش بدام المنتدى مومعلق..ريمان آنا ولدي ودوهم مره حديقة الشعب بس كلش مااستانس ولا لعب أي لعبه يقول مو كل الألعاب مشغلينهم لأن ودوهم مبجر من ال9 ومودين كل صفوف غريد8 فزحمه عالألعاب... وقبل كم أسبوع ودوهم كوزمو ماراح معاهم غاب...واليوم هم مودينهم حديقة الشعب بس ولدي خلاص عطل بعد مايبي أحد اييبله طاري المدرسه..ويقولي معاهم صبي غايب من 10 أيام تقريبا علشان بيسافر مع أهله فامتحن قبلهم..وبالنسبه حق حفلة التخرج ..مايبي يروح..شسوي فيه والله ودي يروح ونصوره بس هو مايبي..

 

[caramella]

السلام أمهات
اشلونكم ؟
واي إش هالمنتدى العله لوع جبدنا حتى قاعده اقول ماكو إلا نروح منتدى ثاني نفتح لنا تجمع هناك
آنا قمه بالحوسه يوم اليمعه نزلت شقتي والشقه تمشي تمشي من العفسه الله لا يعوز احد عالنقال صراحه ظيييييييييييييييم
آنا وديت ولدي اليوم وسوا مناحه عالخدامه والسايق ما بينزل من السياره عاد دق علي برجع البيت قلت له أوكي دش قول حق مس ويندي برجع البيت ساحلته مس ويندي و قعد
لأن أمس نايم متأخر عشان شكله كان دايخ وماله خلق يداوم
ولما مريته الظهر عور قلبي وايد غايبين يمكن حول 7 اللي غايبين على اللي شفته اليوم شكله يوم الأربعا اللي إهو هاف دي محد بيداوم من اليهال
وقالت إن اليهال قاعدين يساعدونها في ترتيب الصف
هم آنا شكلي بخليه يداوم لي يوم الثلاثاء عشان عندهم بارتي وطالبين منه إييب فطاير أو بيتزا وهم بيوزعون عليهم التقارير
ريمان متى حفلتهم مالت التخرج أي يوم ؟؟؟

 

[ReeMaN]

صباح الخير امهات شخباركم؟؟؟

اليوم ماادري اشفينى مو راضيه اتزورنى النومه ومعدتى اتعورنى اشوي لانى مخربطه بعشا االليله

مروو غميضه على حفلة تخرجه غصبيه عليها قولي له انا تعبانه فيك اوديك وايبك كل يوم خلنى افرح فيك لو بس بيوم تخرجك

الله يهديه يارب

صايرين عسرين جيل الحين مايقتنعوون بكلام الامهات ....

كاراميلا الله يسلمج حفلة تخرج الكي جي 2 يوم الاربعا الساعه 8 الصبح ان شاء الله .... واتصدقين اليوم وايد غايبين انا مستغربه كل يوم بروفه حق حفله التخرج يدربونهم ؟؟ طبعا اذا مو مسافرين ليش يغيبونهم

 

[Fouz]

مااااااااااااااااااااااااااااااااااااااا أصدق المنتدى فتح لاعت جبدي ما يمديني اقرا مشاركاتكم و ابي ارد الا طلعت لي الصفحة اللوعة
شلونكم أمهات شخباركم، ان شاءالله كلكم بخير
بيلا حبيبتي شوفي اذا صور فوز موجودة باليير بوك و الا لأ علشان اشتريه
كاراميلا منزل مبارك ان شاءالله و الله يعينج على الحوسة
مرو شخبارج ان شاءالله بخير و صاجة ريمان حاولي فيه يروح حسافة هذي لحظات ما تتكرر
ريمان مبروك تخرج وليدج مقدما و ان شاءالله تحضرين تخرجه من الجامعة

 

[bella bambina]

صباح الخير أمهات
هلا و الله ريمان وفوز اشلونكم حبايبي ريمان سلامات آنا قضيت الويك اند بعوار بطن الظاهر داير بالديرة حتى بنتي الكبيرة الله يعين أجسامنا على هالحر ؟
فوز ما يسوى تشترينه حاطين صورة صغيرة نفسها مالت البكتشر دي
كراميلا الله يعينج وعساه منزل مبارك ان شاء الله

 

[mr000]

السلام عليكم اشلونكم..فوز اشلونج شخبارج اشلون بنياتج..ولهنا عليج..بيلا سلامتج ماتشوفين شر..استغفرالله جونا كلش مايشجع عالطلعه بالنهار..الله يعينكم عالدوام..كراميلا منزل مبارك ان شاءالله والله يعينج هالفتره على ترتيب الشقه ..صج الطلعه من شقه لي شقه عذاااااب آنا كرهت عمري بالفتره اللي كنا كل كم سنه نغير الشقه..والله أذيه..ريمان شخبارج..شنو برنامجج حق ولدج بالعطله؟ آنا ليلحين مارحت سألت تشامبينز ودقيت عليهم كم مره ماردوا..بس حسب اللي شفته بالجريده جنه عندهم السمر كامب بدى من أول شهر 6 لمدة شهرين..