تجمع امهات العالمية الامريكية

[ReeMaN]

هلا والله فوز ولهنا عليج يالغاليه بس ماتنلامين من هالمنتدى عل قلبي مايفتح معانا .... الله يبارك فيكم مشكورين ماقصرتو والفال حق عيالكم تفرحون بتخرجهم وتشوفونهم باعلى المناصب عسى الله يبلغكم في عيالكم
انا شفت اليير بوك ماعجبنى كلش بس صوره وحده وصغيره حق ولدي وعاديه ولا فيهم صور تخرج الكي جي 2
مع ان شفت اليير بوك مال الابداع تبارك الرحمن صج ابداع ويشوق انج تشترينه لا وب 10 دنانير بعد ....

 

[ReeMaN]

امس الجو بالليل تقريبا بال 11 استغفر الله لاهوووووب حر موووت هذا ومادخل علينا شهر 7 ولا 8

عسى الله يرحمنا برحمته

 

[caramella]

السلام أمهات
الله يبارك بحياتكم ما قصرتوا
امبيه ولدي لي الحين يتعسر الصبح ما يبي يدخل المدرسه عاد قلت باجر بوديه لي نهاية البارتي و برجعه بس اليوم شاف ريفيجه بالهده و سألت امه إذا بتييبه الأربعا قالت إي بيي عاد قلت له شوف صديقك بيي إنت تبي تيي؟
قال إي عاد كلام النهار يمحوه صبح ثاني يوم
فوز ولهنا عليج والله
ريمان مبرووك تخرج وليدج و الله يوفقه يارب و تفرحين فيه معرس
مرووو حرام قنعي ولدج هذي احلى اللحظات قميظه
بيلا سلامات ما تشوفين شر إنشالله

 

[ReeMaN]

سلام امهات شخباركم بدوخكم كل شوي اطل عليكم خو فرصه دام المنتدى شغال معاي اللهم لا حسد :yaaaaaarb: :lololoe:

الله يسلمكم اليوم الصبح تفاجات بورقه البارتى بجنطه ولدي واللي البارتى حق اليووووم جان اشهق جااااااان

:RoadRunner: :RoadRunner: خذيت معجنات من لابجيت وبعدين :RoadRunner: :RoadRunner:

كرسبي كريم اخذت دونات حق الصف كل اليهال يحبونه الا ولدي مايواطنه عجيب هالولد :080402ask_prv:

 

[mr000]

السلام اشلونكم أمهات ..أوف ماصدقت فتح المنتدى..تصدقون اليوم حاولت في ولدي عيزت منه موراضي يروح الحفله يقول لازم أداوم علشان التدريب قبل الحفله مايصير أروح وآنا مو متدرب معاهم..انزين ياولد الحلال داوم باجر تدرب علشان الحفله ..لأ مايبي..يقول أداوم يوم كامل بس علشان تدريب آخر ساعتين..وبعدين شاف أمس كم واحد من ربعه واحنا طالعين بالليل وسألهم قالوله إحنا هم غايبين ماداومنا من الأحد.. الزبده خلاص مايبي يروح الحفله..كراميلا حبيبتي لما تخلصين من شقتج وترتاحين يعني قبل شهر 9 مو ألحين أبي منج بعض المعلومات عن لندن حق السفره إذا الله كتب.. بس تالي مو ألحين... لأن صارلي 3 أشهر وآنا أسيف معلومات تالي راح كلشي..لما اخترب لاب توبي.. ريمان ماينلام ولدج..مادري اشلون الناس يحبون الدونت مالت كريسبي كريم ..متروسه شكر ..يعني غير الككاو اللي فوقها تلاقينها كلها شكر ذايب..آنا مره ذقتها ماحبيتها كلش..حتى بنت ولدي ماحبتها..اشتريلها من بيت الدونت..تاكل بس الككاو اللي فوق..

 

[غلاي عزوزي]

السلام عليكم


انا ضيفه عندكم


ولدي السنه اليايه 9 -2010 - 2011 يدخل اولي ابتدائي وانا مسجلته حكومه وودي ادخله معاكم


شرايكم ينفع ادخله الحين


يلحق معاهم

وفي تسجيل والا لأ

 

[mr000]

أختي غلاي عزوزي حياج الله ..من ناحية التسجيل والله مادري إذا ليلحين يسجلون وألا سكروا أنتي دقي عالمدرسه أو روحي لهم تأكدي بس لحقي لأنهم راح يعطلون آخر شهر 6..ومن ناحية القبول يعتمد على الاختبار والمقابله اللي يسوونها له...في مدارس قليله يمكن تقبل من روضة حكومه بس أغلب المدارس الأجنبيه لازم يكون دارس من الروضه بخاص...لأن المواد راح يدرسها كلها بالأنجليزي ...سألي بأكثر من مدرسه..بس وااااااااااااااااايد متأخره التسجيل بادي من شهر 2 بالمدارس كلها..

 

[الجعده]

سلام بنات مبرووووك الدوانيه وانشالله دايمه وعامره بوجودكم انشاءالله وأي شي تبون آنا حاضره وأذا تبون أستفسر لكم عن شي هم تدللوا وعفيه حسبوني بskim latte قهوتي المفضله والحلو علي جيز كيك من ديلايت عرفتوه؟ شي عجيب لا يفوتكم! وأرجو قبول عضويتي ولكم فائق الاحترام!!!بالنسبه حق موضوع الأختلاط مثل ماقالت الأخت كراميلا هذا يعتمد على تربية الولد يعني ولدي من الحضانه معاه بنات سواء بالغانم أو التكامل فالشي عنده عادي وماله شغل فيهم ولا حتي يكلمهم بالعكس ولدي يقولي البنات دلوعين بسرعه يبجون ويفتنون عند المدرسه ماحبهم!وآنا أكلمه وأفهمه دايما خاصه لما نقلته العالميه لأن من كلامه عرفت أن بعض البنات والأولاد شويه free ويكلمون بعض بالتلفون ويطلعون مطاعم فآنا فهمته أن أحنا مانتقبل هالشي وهم كيفهم اذا أهلهم راضين بس احنا تربيتنا غير وهو يحضر دروس بالمسجد وعارف الصح والغلط بس هم مايمنع اني دايما أسأله وأخليه يسولف عن المدرسه وعن صفه وعن مدرساته علشان أكون بالصوره

شلونج اختى مروو انشالله زينه الله يخليبج وليدج وتبلغين فيه وتشوفينه متخرج من احسن المدارس والجامعات بعدين العرس بس عندى ملاحظه تقولين ان ولدى ما يحب البنات ودايما ينتقدهم عيل ليش مخليته بمدرسه مختلطه؟ ومع ان ماشالله عليه يروح المسجد ويحضر دروس حرام تحطينه بهالمجتمع هذا لا تقوليلى خوش مدرسه و ممدرسه قويه و و ولان اكو مدارس نفس المستوى وما اختلاط مثل الابداع وان شالله كلامى مو ثجيل عليج وانطر ردج

 

[mr000]

هلا والله أختي الجعده..حياج الله حبيبتي وكلامج موثقيل ولاشي بالعكس يشرفني إني أجاوبج..أول شي أختي أنتي مثل ماقريتي بالكلام اللي آنا كاتبته من قبل..ولدي كان بالغانم من الحضانه لي غريد 2 تالي ماعجبني مستوى المدرسه ..ونقلته التكامل علشان بالمتوسط مايكون اختلاط .وللأسف 4 سنين شفنا سلبيات وايد ومر بمشاكل وايد لما كره المدرسه وآنا تعبت نفسيا..وقالي نقليني أي مكان وترى مارحت سيده العالميه آنا فريت فيه وايد مدارس خاصه يمكن 7 مدارس مقدم فيها اختبار قبول أول مدرسه رحتلها الإبداع قالولي راح يكون عالويتنق لست ومو معقوله أجازف أنطر تالي ماينقبل فيها و مدارس ثانيه مانصحوني فيها مستواها مو شي..ومدارس نظامها انجليزي وولدي كان رايح غريد 7 يعني صعب بهالمرحله ينتقل من نظام أمريكي لي انجليزي وولدي مستواه متوسط راح يكون صعب عليه النظام الأنجليزي..ولا روض الصالحين آنا سجلته مره ومامدحوها لي وخفت رديت نقلته..فماكو اختيارات وايد لازم أدور له مدرسه قويه ونظام أمريكي..وليش ما أقولج علشان المدرسه قويه..أكيد هذا أول شي حطيته في بالي لأني بصراحه 6 سنين دفعت فلوس على مدارس مستواها موشي وتأثر مستواه ولغته ضعيفه..يعني حرام الولد تخسبق لازم أنقله مدرسه قويه يكمل فيها المتوسط والثانويه..

 

[الجعده]

ويه وايد افتريتى فيه انا ولدى بعد كان بالتكامل وقلت ابى انقله الى الابداع واتصلت فيهم وقالولى ويتنج ليست وكملت بالتكامل والسنه هذى رديت للابداع شهر 2 فتح التسجيل وعطونى موعد للاختبار والحمدالله نجح والحين ننطر الشهاده من التكامل علشان اكمل الاوراق اللى طالبينها الابداع وانشالله يرتاح وليدى لان تعبنا من التكامل بعيده بالاضافه ضعف تدريس ماده العربى والدين والمدرس مال العربى لسانه وسخ بالاضافه الى الاختلاط وبنات والصبيان هالوقت يخرعوووووون والله يوفق وليدج وتبلغين فيه امييييييييييين

 

[mr000]

مشوره حبيبتي الجعده والله يوفق وليدج وان شاءالله يرتاح بالإبداع وزين سويتي نقلتيه..خوش مدرسه الإبداع من ناحية التدريس..والتكامل بعد ماشفتيها بالمتوسط طقني واطقك أخس من الحكومه..والمدرسين موشي لابالتعامل ولا التدريس...

 

[caramella]

السلام أمهات
اليوم إستلمنا الربورت
وعطونه باجي الأغراض و ملفه مال الصف
فوز اليوم الصبح شفتج من بعيد كان ودي اسلم عليج بس ما لحقت عليج
و اليوم الظهر دمعت عيني اشلون اليهال يودعون الأبله لأن في وايد من اليهال ما راح إيون باجر عاد رفيج ولدي اللي حيل قريب منه قالت أمه اشوف اذا بييبه ادز لج مسج عاد توه دزت مسج قالت بيداوم ولدها باجر عاد على طناقر ولدي باجر نشوف إذا بيروح ولا لأ
مروو حبيبتي النوته ضاعت مني حتى ريفيجتي قبل لا انقل قالت تبي المعلومات عشان إختها بتروح علاج لندن
عيزت ادورها ما لقيتها للأسف حسافه عاد كانت تعب شهور و آنا اجمع هالمعلومات
عاد قلتلها إن كل المعلومات اللي فيها من منتدى العرب المسافرون إنشالله استفادت منه
واي سؤال آنا حاضر لا يردج إلا لسانج
ريمان ها بشري عن الأستعدادات حق باجر إخذي وياج جيس جمعيه و علبة كلينكس حق الدموع و ال...........
عاد آنا أم دميعه ما اتحمل اليوم لما رديت البيت طقيتها بجيه عالغدا لأن وايد اثر فيني موقف مس ويندي شلون تودع ولدي و تحاجيه إنها فخوره فيه و تتمنى له حياة موفقه بغيت ابجي جدامها بس استحيت جدام الأمهات الثانيين دموع و مسحتها بإيدي و مشيت بسرعه قبل لا أحد يلاحظ

 

[mr000]

السلام أمهات اشلونكم..مشكوره بعد عمري كراميلا..آنا بس كنت بسأل عن أرقام الباصات..وفي وحده بالمنتدى ماقصرت طرشتلي اللي تعرفهم عاد أشدعوه أعرف حق الباصات بس بجرب هالسنه ان شاءالله العام انهبتني التكاسي..الله يوفق وليدج..وتشوفينه متخرج من الجامعه..آنا أذكر لما تخرج ولدي من الجامعه كنت ماسكه نفسي غصب مابي أبجي بس ماقدرت..ولما كانوا حاطين شاشه كبيره عرضوا عليها لقطات عن الطلبه أيام الدراسه بالمختبرات والمكتبه..و البنات كانوا يبجون جان أبجي معاهم..انزين آنا شكو...

 

[ملكة بيتها]

سلام حبايبي شلونكم ولهت عليكم ..طبعا معاناة مع المنتدى الحمد الله اليوم لحد الحين فصل مني مرتين بس ..
المهم ...عطله سعيده للكل وكل عام وإنتو بخير ...

 

[ملكة بيتها]

سلام حبايبي شلونكم ولهت عليكم ..طبعا معاناة مع المنتدى الحمد الله اليوم لحد الحين فصل مني مرتين بس ..
المهم ...عطله سعيده للكل وكل عام وإنتو بخير ...

 

[ReeMaN]

ياصباح الخير والله يصبرنى اليوم على البجي شكلي بفصخ عدساتى والبس نظارتى الطبيه عاد انا شنووووووووووو بجايه

عيال الناس لاتخرجو في برنامج ماما انيسه قبل كانت عيونى اتدمع .... عاد امس بالدوام كل من يقول وااااي الله يعين اللي بتقعد يمج اكيد

بيقولون هذي فيها طلق هههههه .... اول العام كان تخرج بنت اختى من الثانويه والحفله كانت بشيراتون حفلتهم كانت فضيييييييييييعه بدايه حطو صورهم واهمه صغار والاغلبيه مواليد قبل الغزو باشهر وفي منهم صورو بالغزو وتدرجو بالصور على حسب مراحل عمرهم وانا دموعي تقولون نافوره مو دموع التفت يمي والا خواتى كل وححده تدور لها كلينكس

عسى الله يبلغكم بهاليوم تفرحون بعيالكم كلكم وتشوفونهم معاريس

 

[mr000]

السلام عليكم اشلونكم..ريمان ألف مبروك تخرج ولدج وان شاءالله تشوفينه متخرج من الجامعه وتفرحين فيه معرس يارب..بس أهم شي ترسي جنطتج كلينكس اليوم..

 

[mr000]

لا اليوم كلش مو مال عدسات..آنا بتخرج بنتي من الثانويه لبست نظارتي مالبست العدسات الطبيه لأن أعرف نفسي.. لا وتعالي شوفي كم صوره عندي معاها عقب الحفله عيوني حمر وخشمي جنه طماطه..أي شالله حادج تصورين..أشوف بنتي تقولي مو إلا نصور...

 

[bella bambina]

صباح الخير أمهات
أخيرا افتكيت من التوصيل بس احنا بلشنا امتحانات ولجان
أمس كانت حفلة تخرج بنتي الله يعينا على المتوسط
ريمان ألف مبروك تخرج ولدج وان شاء الله تفرحين بتخرجه من الجامعه

 

[caramella]

السلام امهات
اليوم ولدي فزع 7.20 يلا بروح المدرسه
بطلت عيني قلت طول السنه شالع قلبي ويوم اللي مابيك تروح بالعناد بروح
بيروح عشان رفيجه قلت له انا دزيت حق امه مسج ان انت بتغيب اكيد ك
ما راح ايي فج حلجه الا بروح قلت له درب السلامه دقيت عالسايق يه خذاه وراح يوم رحت الظهر ولا مو ياي رفيجه ومس ويندي قالت مو يايين الا 4 جمعنا الصفوف علي بعض شكلهم زهقو من اليهال
عاد بوالباس القوي اقوله استانست اقول اي بس ريفيجي ما يه
كل عام وانتو بخير ومبروك تخرج بنتج بيلا ومبروك تخرج ولدج ريمان
ملكه وانتي بخير حبيبتي