تجمع امهات العالمية الامريكية

[a7la2006]

علينا وعليج ..
انا يديده معاكم انا ولدي بكجي 1 صج دوامهم تا 24-8؟؟
وشنو احتاج له اغراض عشان ازهب له من الحين
وشلون اول يوم اكون معاه والا بروحه كاسر خاطري

 

[lyale]

مبارك عليكم الشهر

 

[Fouz]

رد : تجمع امهات العالمية الامريكية

هلا والله مرو و ليالي علينا و عليكم ان شاءالله

أحلا 2006 حياج الله ويانا، بنتي اسم الله عليها تروح كي جي 2، بالنسبة للدوام اي تاريخ 24 - 8 الساعة 9 بس الطلعة قالولي الساعة 1 بس خليج متابعة الاخبار اهني علشان تتأكدين عدل من المواعيد
بالنسبة حق الدوام أذكر خلوني ويا بنتي تقريبا نص ساعة تالي قالولنا خلاص طلعوا عاد لازم بجي من البنت و أمها ههههه ، قوي قلبج لا تصيرين مثلي انا كنت حامل و الحساسية زايدة و كل شي يبجيني عاد زودتها شوي بس الحمدلله ما صار جم يوم الا البنت تعودت و انحلت الأزمة
الأغراض الله يسلمج لما يداومون اليهال يعطونج لستة باللي يبونه و يخيرونج يا اما تييبينهم او تعطينهم 15 دينار و اهما يتكفلون و بما ان احنا كويتيين أكيد اخترت الاختيار الاخير و افتكيت من اللوية و الا اييب شي مو مثل الل يبونه و تعالي عابلي
و أي شي ودت تسئلين عنه لا تترددين، بس بسئلج شريتي ملابس و الا بعد؟؟ اذا بعدج ما شريتي مري الستور و اخذي له

 

[mr000]

السلام اشلونكم ..اهلين ليالي مبارك عليج الشهر..اشلونكم امهاتنا..بسألكم حق الحضانه هم يسوون مقابله ويشوفون إذا الياهل يعرف انجليزي وإلا لأ؟؟والله أحاتي بنت ولدي..ماأظن يمديها ب3 اشهر تتعلم قبل المقابله بشهر 1 وإلا متى المقابله؟؟مو سيده وقت التسجيل؟؟

 

[bella bambina]

السلام أمهات مبارك عليكم الشهر
مروو تينن القطوه بس خلاص حرمت أدخل حيوانات البيت كل يوم واحد منهم متمرض بس عندنا سمج
صاج ريلج مرو آنا نفس الشي أشتري علب أقلام رصاص ستيدلر خاصه عيال أولى يستانسون على الشخصيات وكل ما أبري أقلامهم يتكسرون وما يعجبونهم أقلامي ما عليهم صور بس عيالي المدرسه يطلبون منا كذا علبه أقلام زينه غالبا ستيدلر
مرو آنا يقابلون عيالي مبجر مو مثل اللي من برة المدرسه المهم الياهل يفهم شنو يبون منه آنا عيالي قبل لا يدشون المدرسه يعرفون انجليزي حطيلها بارني ودورا وبشهر راح تتعلم الأساسيات عموما أحسن لها لما تدخل المدرسه ما تستغرب اللغه دلول أمس حاطين بنيكالودين سبونج بوب يتكلمون مصري قعدت تطالع جان تقول why do they speak in germany ? الحلوة حسبالها المصري ألماني

 

[mr000]

السلام اشلونكم امهات ..بيلا والله آنا مجابلتها من زمان وآنا أحاول أعلمها واحطلها بارني واشتريلها من أيرلي ليرننغ الدي في دي اللي يعلم الألون والارقام والاشكال وهم آنا أحاول أعلمها بالبيت وايد اشتريلها قصص تعليميه. .بس بسرعه تمل وتقوم بتلعب..وأمها تقول بعدين الحضانه يعلمونها..

 

[bella bambina]

مرو بس هذا المطلوب تكون متعوده على سماع الانجليزي والألوان والأرقام والأشكال وبعدين تتعلم بالحضانه

 

[mr000]

بيلا بس لو يسألونها ماتعرف تجاوب عدل..يعني ليلحين تلخبط بالألوان والارقام وماتعرف الاشكال مع اني وايد أعلمها عليهم.. اليوم أخيرا ردوا علي قسم الثانويه..وقلت لهم الموضوع فقالتلي نطري لما يداوم بعدين نشوف..

 

[N0oNa]

السلام عليكم
اختي مروو انا ولدي سووله المقابله و ولدي ميييح ما يعرف غير العد بالانجليزي وقت المقابله اهيا تسوولف بالانجليزي بس ما يعرف ما رد عليها قالتلي اترجمله بالعربي و اشوه جاوب على كل شي و قبلوه يعني مو ضروري الانجليزي اهما انشالله يعلمونه
بقيت اسالج عن الدي في دي التعليمي من وين ماخذته و شسمه ودي اييبه حقه يساعده شوي

 

[mr000]

هلا والله نونا..تعرفين أول ماتدشين مذركير السالميه يم مركز سلطان فيه قسم ألعاب أسمه التعليم المبكرearly learning وهم أكو نفسه محل فوق بالأفنيوز..آنا ماخذه من عندهم الدي في دي..وحق اللي بالابتدائي ترى عندهم بعد تعليم جدول الضرب..نونا إذا ماحصلتي ساعات يخلصون ترى هم أكو بمركز سلطان دي في دي نفس النوعيه تعليمي..وهم مره شفت بالمثنى بس كانوا أغلى ..واعتقد فيه بمحل تويز آر أس في مول 360

 

[mr000]

نونا شوفي هذا السايت هو المحل اللي أقصده بس هني مالقيت نفس صورة الدي في دي التعليمي اللي شريته بس آنا هم شاريه نفس اللي بالصوره بس for fun موتعليمي..http://www.elc.co.uk/children's-DVDs/5570,default,sc.html

 

[أم فرووحة]

شلونكم يا امهات؟؟

منو عندها فكره اذا خلاص وقفوا التسجيل ولا مفتوح؟؟

مليت و انا ادق على رقمهم اللي بالسايت
1822827 كله يطلعلي مفصول عن الخدمة !!

 

[mr000]

أم فروحه مادري عن التسجيل بس بعطيج أرقام ثانيه أمس آنا داقه وكلمتهم..22629556/22629529/22629858 راح يرد عليج الرد الآلي وتسمعين ارقام الاداره والمراحل وتدخلين رقم القسم اللي تبينه أو المرحله..

 

[ملكة بيتها]

السلام أمهات عساكم خير اشتقت لكم وايد ...
ومبارك عليكم الشهر وتقبل الله طاعتكم .....

 

[caramella]

رد : تجمع امهات العالمية الامريكية

مبارك عليكم الشهر حبايبي:eh_s(17):

 

[N0oNa]

مشكوره حبيبتي مروو انشالله هاليومين اروح اخذله

 

[mr000]

السلاام اشلونكم امهات..أهلين ملكه اشلونج شخبارج..اشلون بنيتج ..مبارك عليج الشهر..نونا حبيبتي العفو..وان شاءالله إذا شفت من هالدي في دي بعد راح أقولج من وين..

 

[mr000]

هلا والله كراميلا مبارك عليج الشهر ..طمنينا عليج ان شاءالله كلشي تمام..وعسى بعدج صامده بالبيت..والله الجو حار وصيام خليج بالبيت أحسن..والله يسهل عليج وتولدين بالسلامه..

 

[mr000]

نوونا قبل شوي كنت رايحه الأفنيوز ومريت محل أيرلي لييرننغ ماشفت عندهم الاشرطه التعليميه بس باقي شريط أغاني أطفال..وتعليم اللغه الاسبانيه حق الأطفال..تعليم جدول الضرب..ترى من بداية العطله كل ماأمر عليهم مايابوا شي يديد..علشان جذي الدي في ديات الأخيره شريتهم من مركز سلطان وشوفي بعد بروي والمثنى..

 

[ReeMaN]

سلاااام عليكم امهات العالميه ومبارك عليكم الشهر

شلونكم مع الصيام عسى ماتعبتو اول يومين ....... واي انا اول يوم صداع مو طبيييييييييييييييييييييعي يالهويي الله لايعيد هاليوم قلت ياربي

جذي القهوه اتسوي ........

مشكوووره مروو ماقصرتى مروو اليوم رحت مركز سلطان السالميه والا لقيت له اغرراض المدرسه والحمدلله افتكيت بس باقى اغراض

الموسيقى مانى عارفه طلباتهم انشالله لا داومو راح استفسر منهم....

امبيه اليوم مركز سلطان شي مو طبيعي الزحمه بطلعه الروح تطلعين من اي ممر انتى وعربانتج يمكن عشان عطله والناس متفرقه بالنهار

مع انى رايحه تقريبا عالوحده والنص قلت هالحزه من له خلق يطلع بهاللاهوب ... لا والله انصدمت لما وصلت الموقف بالغصب حصلته

وبغيت اروح جمعيتنا بس شيفكنى من صيحه ولدي انتى قلتى وانتى قلتى ....

بنات مو جنى الاداره اتداوم السبت ؟؟ ابي اروح الستور باجر ان شاء الله ...... مروو بنت اخت رفيجتىكانت مسجله بنتها بحضانه العالميه اتقول ماسالوو بنتها وايد بس تساالها وات يور نيم ؟ قومي اوقفى قعدي كله بانجليزي وجم لون ..بس يبون يعرفون ان مافيها خلل ذهني والحمدلله نجحت بس بعدين سحبت اوراقها لان زوجها طلع قبوله بامريكا ....