تجمع اولياء امور مدرسة الخليج الانجليزية في السالمية

[ملكة بيتها]

مشكوره عزيزتي على كلامج طمنني تدرين إحنا الأمهات نبي عيالنا دايما في أعلى المراتب ....
زهر وردي ...هلا حبيبتي والحمد الله تطمنتي على ولدج

 

[mr000]

سلام أمهات الخليج أشلونكم الله يوفق عيالكم يارب وتشوفونهم الأعلى بكل شي!أنتوا أحلى شي عندكم بالنظام البريطاني أن شغلات البوستر والبروجكت ماتأثر عالدرجات أحنا صج عندنا هالشي يساعد عالدرجات بس متعب لأنج تحاتين أنه راح يأثر على درجاته أذا ماقدم شي بيرفكت ألحين ولدي صارله يومين يشتغل على بروجكت السوشيال وهم عنده امتحانات فشغله متعبه وايد وماكو وقت نص يومهم بالمدرسه!!

 

[روحي تحب]

شلونكم امهات شخباركم يالغاليين ....... وكل امهات الخليج حتى اللي موقاعدين يتواصلون ....لاتطولون الغيبه يلا نبي تفاعل

عزيزتي .....مايشوف شر وليدج معافى يارب ..واذاعلى كتاب الماث اي حلو الاسئله مع المدرس وكذه مره يعطيهم هوم وورك فيه

ملكه ........ الشر ما اييج حبيبتي اي شفتي المستقبل الرياضي كله برقبتي ههههه يويلي شخلصني الحين .....ولا حبوبه مو لهالدرجه لاتضغطين عليها بالعكس خليها تحب الواجبات وتحلهم ولما تخلص كافئيها بالذات هالسنه والمدرسه توها باديه مامداها تتعود و لانها متعوده على اللعب حتى بنتي جذيه والله يسهل عليهم يارب

زهر ..... الحمد الله انج تطمنتي عليه

مروو .....حياج الله وشاكرين تواصلج معانا يالغاليه ومشكوره على هالدعوه الحلوه وعيالج يارب والله يعينكم والله مساكين هاليهال صج كل
كل نظام له مميزات وعيوب وانشاء الله تعبكم مايضيع وتلقونه والله يطمنج دايما على وليدج بس تدرين آنا ماكنت ادري انه اماتاثر على الدرجات وكنت اشط عمري معاهعلشان البوسر وهالسوالف وآخر شئ يطلع على الفاضي مو داخله اصلا من ضمن الحسبه وهم احسها ميزه بصراحه تساعده شوي علشان يرفع درجاته صح بس صاجه اذا كانت تتعارض مع الامتحانات شغله مو حلوه بصراحه يعني شراح يلحق عليه الله يعطيج العافيه ويبلغج فيه يارب وتشوفينه باعلى المراتب

 

[عزيزتى]

روحي تحب --- حبيبتي انا اقصد كتاب الساينس لان مدرسهم قيل لهم ما راح نحلة خلو في البيت حق المراجعة مع انة كان نقس مدرس ولدي في نفس المرحلة وكانو يحلونة مع بعض بالصف وتيى الكتاب مهم لان تقريبا نفس اسئلة الامتحان
وانا قلت يمكن ولدي موفاهم بس سالت ربعة وقالولي نقس الكلام علشان جذي ابي اعرف كل 5 نفس الشى ولا بس مدرسهم
ملكة --- العفو حبيبتي وانشاالله دوم تطمنين عليها
مروو--- هلا حبيبتي صاجة احنا البروجكت ماعلية درجات بس علية ges starوهذة نجوم اذا جمعوها يحصلون شهادة 8نجوم شهادة حمرة -16فضية وفي ذهبية هي شغلة حلوة للتشجيع والمنافسة وانا اعلقهم في غرفة عيالي وايد يستانسون ولما يزورونهم ربعهم يتشيحطون عليهم (شوف انا واصل الذهبية انت توك الحمرة )احسها تعطي دافع للعمل
وعلى كل شهادة اكافئهم كنوع من التشجيع

(

 

[عزيزتى]

روحي تحب --- انا ولدي صار له يومين غايب طبعا من يوم المبارات باليل بلش حرارة والي عرقتة من ربعة ان امتحان الساينس الاسبوع الياي بس ما ادري اي يوم اذا عندج خبر ياليت تقولين لي ما عليج امر
وانشاالله باجر بمر اخذ واجباتة والي فاتة لانهم قاعدين يكتبون في دفتر الساينس مال الصف

 

[mr000]

هلا والله خواتي روحي تحب وعزيزتي والله خوش فكره شهادات التقدير تشجع الياهل وعموما كل مدرسه لها طريقتها بالمكافآت بس والله خوش مدرسه مدرستكم الله يوفق عيالكم فيها! والله مثل ماقلتي احنا عندنا البروجكت والبوستر عبء تشيلين همه ساعات ودي أسويه عنه بس علشان يتفرغ للدراسه بس أقول كافي أساعده في بعض الشغلات وخل يتعود يعتمد على نفسه!!

 

[عزيزتى]

هالمرة الخبر اكيد
في حالةh1n1في مدرستنا في قسم الثانوية 8sوالطالب غايب 4ايام بس اليوم عقمو الصف وقايسو درجات الحرارة في اثنين مرتفعة جرارتهم
رجعوهم البيت
واحنا عطونا ورقة بالموضوع وطلبو منا نتاكد من حرارتهم الصبح واذا في اى احساس بالتعب واي علامة لايداومون
والمدرسة كل يوم بعقمونهم ويقيسون حرارتهم
ولدي يقول كل واحد فينا يرفع ايدة ويرشونا ديتول سبرى على كل جسمنا
وانا امس اتصلو ربع ولدي يسالون ليش غايب وبيون يعرفون شنو المرض لان المدرس موصيهم وبيعرف متى يداوم؟!

 

[روحي تحب]

عزيزتي ....شلونج ومايشوف شر ولدج الله يقومه بالسلامه ويشافيه ويعافيه حبوبه انتي تقصدين كتاب الساينس ولامذكرة الساينس اللي شريناها بدينارين من التيشر لانه كتاب الساينس مثل ماقلتلج قاعدين يحلون فيه مع التيشر ويلزقون فيه اوراق عمل واييبه البيت معاه يحل الهوم وورك فيه مرات وولدي يقول ماعندنا دفتر للصف مال الساينس ما ادري هل في فرق ما بين الكلاسات و اي صح الامتحان الاسبوع الياي بس باجر يقولي اي يوم بالضبط

اما مذكرة الساينس صح اهي بس اسئلة مراجعه للامتحانات

وصح الجي اس ستار وايد تشجع وتعطيه حماس انه اييب درجات كامله مثلا بالسبلنج او لكتابه الستوري

وترى اليوم البنت اللي مع ولدي داومت الحمد الله صارت زينه تسولف لهم عن تجربتها يحليلها مع الh1n1 وشوفي كانوا ينكرون يعني شمعنا هالمره ماكدين الخبر اظاهر زاد حرصهم الحين ....الله يحفظ عيالنا انشاء الله وحرصي على ولدج الله يحفظه

 

[عزيزتى]

الشر ماييج حبيبتي --- انا اقصد المذكرة الي بدينارين ترى وايد مهمة ما ادري ليش مايحلها معاهم نفس اول

 

[BHS]

في 3 حالات في الثانوي و 5 في المتوسط و ترى حتى سكرتيرة الثانوي انصابت و حتى مو مدوامة من مدة
و الله أنا خايفة... على فكره هذي الاخبار من وحدة من مدرسات العربي حتي ان اثنين من اللي بالمتوسط في يير سكس أزرق

الله يعينا شنو هذا ابتلشنا مع هالمرض و الله

 

[الفرسان الثلاثة]

السلام عليكم يا امهات الخليج بصراحة عجبني تجمعكم وايد انا ولدي بالمدرسة في الريسبشن هذا ثاني اسبوع يداوم فيه لانا كنا خايفين من سالفة الانفلونزا والحين خوفتوني ان في حالات عندنا بالمدرسة الله يحفظ عيالنا يارب المشكلة ان عندي بيبي عمره 4 شهور و اخاف عليه الله يكافينا الشر يا رب
الله الحافظ ان شاء الله
حابه اتواصل معاكم اللي عندها فكرة عن تيشر العربي ريم شلون مستواها مع الطلبه؟ عيالكم استفادوا معاها؟ منو فيكم درست عيالها من قبل؟ قولو لي عن رايكم فيها لاني قاعدة افكر ادخل ولدي تاسيس عربي حق السنة الياية اذا الوضع مو اوكي​

 

[الفرسان الثلاثة]

اللي تعرفه ان المفروض إذا في طلاب اثنين في صف واحد انصابوا المفروض يتسكر الصف بالكامل مدة اسبوع و بعدين يرجع عشان لا تكبر الدائرة <<<< هذا اللي قريته من الجرايد من وزيرة التربية

 

[ملكة بيتها]

شلونكم أمهات الخليج حباايبي
مروو ...تصدقين توني أدري إن النظام البريطاني ما يحسبون البروجكتس والريبوتس بس الله يعينكم يعني الإمتحانات يبيلها مجابل وهم البروجكتس وصج ترى ماكو وقت كلش أنا اليوم بنتي ما درستها كلش طلعنا من المدرسه وديتها تغدينا بمطعم لأن مافي مجال أرجع البيت لأن كان عندها موعد عند دكتور الأسنان الساعه 4 فعقب مسكينه كلش أحسها داخت يالله كتبتها أمل فراشه بيضاء لأنها شافت بنت أختي تكتب الهوم وورك قلدتها يعني مو شطاره هههه
عزيزتي ...ديري بالج على ولدج ماعليه خليه يرتاح والهوم ووركس إخذيهم وخلي يحلهم بالويك إند ومايشوف شر وحلوه طريقتج إنج تبرزين نجاحاتهم هذا بيخليهم دوم حريصين على النجاح والتميز ويارب يبلغج فيهم

 

[ملكة بيتها]

روحي تحب ..والله أنا ما أضغط عليها بالعكس وايد مخليه الشغله سهاله معاها بس لازم أحسسها إن وقت الدراسه غير عن اللعب ومع هذا هم أعلمها وأدرسها بطريقه اللعب ...وربي يوفق عيالنا وييسر أمورهم يارب
والله يعينا ويكفينا شر هالأنفلونزا وهالوباء ..

 

[روحي تحب]

عزيزتي ....ماادري ليش مايحلونها بالصف بس التيشرقالت حق ولدي خله يحلها فالبيت بعد كل حصه ساينس علشان تثبت المعلومات فمخه والله كريم انشاء الله الله يسهل يارب

الفرسان الثلاث.....حياج الله معانا والله يحفظ عيالنا بس لاتخافين الصغار معزولين والله يحفظهم والله هذا حالنا كلنا ....وشاكرين تواصلج بالعكس لاتقطعين علشان تتواصلين مع الامهات اللي بعمر عيالج واحنا هني كلنا نستفيد من بعض واحنا خوات وصل مو مقطوع يارب
ومس ريم مالت العربي ممتازه مدرسه ولدي من قبل واغلب الامهات مجربينها وانشاء الله يعطونج رايهم وتاسيسها قوي بالنسبه لي محد من عيالي احتاج دروس اكثر من تدريس المدرسه

ملكه ....:33_1185028183:.حبيبتي يالغاليه مو قصدي والله إنج تضغطين عليها يمكن خاني التعبير بس لانه هذا حالنا احنا يالامهات يمكن لانه آنا وايد مشتطه مع بنتي كله تبي تلعب وليلحين مو حاسه بالفرق مابين الريسبشن ويير ون حتى مرات بدت تمل تقولي ما ابي اروح المدرسه واللي حوالي يقولولي لاتضغطين عليها عادي علشان جذيه قلتلج نفس الكلام يعني من واقع تجربه وكلنا والله نسوي اللي نقدر عليه ومرات نحس ها اخاف قصرنا بس الله لايضيعلج ولا يضيع لنا تعب ....يارب حبيبتي مشكوره على هالدعوه الحلوه اللي مثلج ولانه صج محتاجيلها بهالوقت بالذات

وسوري والله اخاف خذيتي بخاطرج ما ادري بس لانه ما احب اضايق احد بكلمه تكون طلعت مني بدون قصد و خلاص بنتج كلاسها اي لون ؟؟؟ باجر تلقيني عندج واطيب خاطرج:dddds: <<<<جني بالغت بردة الفعل :dddds:

ويه عاد آنا ما ايوز كله اقول بكتب كلمتين القاني سطرت مقاله

 

[عزيزتى]

الفرسان الثلاثة------- حياج الله حبيبتي معانا
وهذا تقرير مفصل عن مس ريم(مدرسة عربي قديمة من ايام الرميثية اهيا واختها ابلة روضة اسمها في المدرسة وابوهم استاذ ابراهيم رئيس قسم اللغة العربية مستواهم ممتاز وتدريسها قوي وايد طيبة وحنونة معاهم وماتشد عليهم علشان ماتكرههم بالعربي)

ملكة --- الشر ماييج حبيبتي واللة يحفظ عيالكم يارب وعلي فكرة وايد امهلت مايدرون عن البروجكت وانا كنت كنهم
روحي تحب ----اشلونج ,ما عرفتي موعد امتحان الساينس ؟؟؟؟؟؟؟؟

 

[الفرسان الثلاثة]

الفرسان الثلاثة------- حياج الله حبيبتي معانا
وهذا تقرير مفصل عن مس ريم(مدرسة عربي قديمة من ايام الرميثية اهيا واختها ابلة روضة اسمها في المدرسة وابوهم استاذ ابراهيم رئيس قسم اللغة العربية مستواهم ممتاز وتدريسها قوي وايد طيبة وحنونة معاهم وماتشد عليهم علشان ماتكرههم بالعربي)

عزيزتي .. انتي عزيزني و غالية مشكورة وايد على الرد بردتي قلبي الله يبرد قلبج يارب و يوفقلج عيالج و اتشووفينهم يارب في اعلى المراتب ان شاء الله ...
تيشر ولدي الحين اللي في الريسبشن مادري ليش دمها ثقيل و ما تعطي ويه بس اللي مريحني ان ولدي مستانس و متقبلها بس الله يهداها لو شوي تفردها احسها وايد جادة جنها حق ثانوي

 

[عزيزتى]

:الفرسان الثلاثة-----الله يسلمج ويبرد قلبج دوم ومشكورة على الدعوة الحلوة ويخليلج عيالج يارب
وعموما قسم الروضة ممتازين بالتدريس ولا تحاتين اذا في شى عن مستوي بنتج يقولون لج اول باول وعموما الرسبشن اقوى من اولى ابتدائى عندهم بس ساعات مايعطون وي مالهم خلق كل الامهات يسالون عن عيالهم خاصة بالهدة انا كنت ابي تقرير مفصل كل يوم لما ملو منى:krkrkr:

 

[روحي تحب]

عزيزتي ......هلا والله بخير عساج بخير انشاء الله و لاوالله ماعرفت متى الاختبار واليوم وزعوا الكالندر عليهم ماشفت اصلا انه فيها اختبارات الاسبوع الياي بصراحه ماني عارفه ليش ؟

وملكه ........وينج يالغاليه افا عليج إحنا جم ملكه عندنا كلها وحده <<<<<< بطلعج زعلانه غصب ههههه :dddds:

 

[الفرسان الثلاثة]

م بس ساعات مايعطون وي مالهم خلق كل الامهات يسالون عن عيالهم خاصة بالهدة انا كنت ابي تقرير مفصل كل يوم لما ملو منى:krkrkr:[/QUOTE]

الظاهر عشان اخر الدوام يكونون خلاص تعبوا من الحوسه مع عيالنا ماشا الله عليهم
السنه اللي فاتت كانت التيشر مالت ال كي جي عسل اتهبل و وايد تسمعلج و تعطي ويه