تجمع اولياء امور مدرسة الخليج الانجليزية في السالمية

[روحي تحب]

زهر وردي .... يابعد عمري تسلمين على هالدعوه الحلوه ولج مثلها يالغاليه اجمعين يارب مايوطوط عند ولا باب يارب

عزيزتي ......للاسف ولدي طلع من فريق كرة القدم لانه غاب مرتين يوم كان مريض احسهم حبطوه يعني كل انسان يمر بظروف المرض بما بالك بهالعمر وبهالوقت بذات بس ماعليه .....نشجع فريق مدرستنا وربع ولدي وولدج اللي هو مثل ولدي والله :ggdw::ggdw::ggdw::eh_s(9)::eh_s(9)::eh_s(9):
عاد نبي الفوز انشاءالله:n2006107::n2006107:

 

[روحي تحب]

أنا ابني الأول تخرج منها والحين في سنة ثانية جامعة
وابني الثاني في صف 12 ماخذ a level كمبيوتر و فيزياء
مين اولادها بنفس العمر؟

هلا والله وحياج الله معانا ....بصراحه وايد راح نستفيد من خبرتج والله يوفق اللي تخرج ويسهل عليه بدراسته الجامعيه

ويوفق الثاني ويتخرج وتشوفينهم باعلى المراتب .....صج محد فينا بعمر اولادج بس انشاء الله يتعجمعون باجي الامهات وتلقين بنفس مراحلة ولدج اعتقد خلاص السنه آخر سنه....و.ياريت تفيدينا شنو انطباعج عن الدراسه للسينير هل ممتازه ولا تشوفين ضعف بالمدرسه مقارنتا بالمدارس الثانيه وشنو الصعوبات اللي واجهتج علشان نتفاداها مستقبلا ومشكوره اذيتج باسئلتي سامحيني

 

[om mishaal]

تسلمين روحي تحب الله يعطيك العافية

أولادي كانوا بالعالمية الانجليزية من الروضة للصف الثامن لكن بعدها باعوها لشركة انجليزية وتراجعت وصارت من أسوأ المدارس تدفعين مبالغ بدون دراسة والكل طفش منها بعد ما تدهور وضعها وللحين

بالنسبة للخليج الانجليزية صارله فيها 4 سنين وما عندي مشاكل فيها صراحة المدرسين أقوياء ويتابعون الطلاب بتركيز كبير ونفسهم طويل مستعدين يعيدون ويزيدون بالشرح وما صادفت أي مشكلة بالخليج الانجليزية لكن يبيلهم متابعة من الأهالي مع المدرسين كل فترة دقي عليهم وخذي موعد خاص واسأليهم مثل ما تبين ما عندهم مشكلة بالتواصل.

ابني الكبير الحين بجامعة أمريكية ولأنه خذا مستوى A level شالوا عنه أكثر من 35 ساعة تقريبا وحسبوها pass نجاح له واعتبروا صف 12 و A level كأنه سنة أولى جامعة أو سنة تحضيرية
مفروض يدرس 4 سنين لكن الحين بيخلص ب 3 سنوات إن شاء الله
المشكلة أنه عندي ولدين بس ربي يخليهم رغم ذكاؤهم لكن من ييجي وقت الدراسة يشتغل اللعب وكل واحد يشغل الثاني وهذي كانت مشكلتي معاهم وللحين أصادفها مع ابني الثاني كله يشغل روحه باللعب

إن شاء الله تشوفين أولادك بعمرهم وبالجامعات يا رب

 

[زهر وردي]

:dddds:

روحي تحب

يتعجمعون

ترجمي ههههههههههههه

خووووش بدليه

 

[om mishaal]

زهر وردي انتبهت للكلمة بس ترجمتها بروحي

أكثر شي يعجبني بالمدرسة كثير مهتمة بموضوع التعقيم والمرض المنتشر الحين
ابني يقولي ندخل الصف لازم تعقيم نطلع منه لازم تعقيم وكل ما سوينا شي المدرس أو المدرسة تنادينا تعالوا اشوف لو فيه شي متغير عليهم وكل كم يوم يفحصونهم عند الممرضة وتاارسين المدرسة مواد التعقيم

صراحة مهتمين فيهم كثير وهالشي يسعدني لأني كنت خايفة على ابني لانه آخر همه هالامور

 

[زهر وردي]

ماشاء الله
يا بكرمدان == ان شا الله اكون كتبت الاسم صح

الله يخليهم لج ويفرح قليبج فيهم وهم دايما باحسن وافضل المراتب يااارب

 

[om mishaal]

ب أول حرف من اسمي
ك اسم ابوي
رمضان اسم الثالث
لكن طلب تغييره بنتظر لما يغيرونه الى om mishaal اذا متوفر

الله يسلمج حبيبتي ما قصرتي

 

[زهر وردي]

الحمدالله وعسى الله يحفظ عيالنا يارب من كل شر وكل مرض ياااارب

 

[زهر وردي]

ونعم يا ام مشعل
تشرفنا والله يا الغاليه

 

[عزيزتى]

:ggdw::ggdw::ggdw:فازوووووووووووووووووو فازووووووووووووووو فااااااااااازوووووووووووووووو فاااااااااازووووووووووووو

 

[الفرسان الثلاثة]

شلونكم حبيباتي و صديقاتي والله ولهت عليكم احس تجمعنا حلو وايد وله نكهه خاصه
ان شاء الله تكون اموركم ماشيه تمام مع عيالكم والصحة عال العال اتمنى حق فريق مدرستنا الفوز باذن الله
بالنسبة لاجتماع الماث اليوم التييجر بلغتني انه راح يكون بتاريخ 4-11 هذا بالنسبة حق الريسبشن و قالت انه مهم وايد وضروري حضور الام او الاب وراح يسجلون منو اللي حضر واللي بيطوفه بعيدون له لان على قولتها المنهج دسم منهج تاسيس و يحتاج شغل .. وناسه عاد انا استانست حدني عشان يتأسس ولدي عدل الله يسهل على عيالكم كلكم ويحفظهم ياااااااااااااااااااااااااارب

 

[ملكة بيتها]

السلاااااااااااااااااااااااااااااام عليكككككككككككككككككم

زهر وردي سلامات يالغاليه
روحي تحب إن شاء الله إذا سمعت شي بخصوص الإجتماع ببلغج
بكرمضان ( أم مشعل مستقبلا ) .....حياج الله بالتجمع معانا

 

[الفرسان الثلاثة]

عاشوا :eh_s(1): عاشوا
عاشوا
عاشوا ايواه

 

[عزيزتى]

روحي تحب == ليش طلعو جان كلمتيهم حبيبي والله ضيقتي خلقي مو بيدة كان مريض

 

[الفرسان الثلاثة]

حياج الله
bkramadan
أهلا ومرحبا فيج
نورتي التجمع​

 

[ملكة بيتها]

وفازوووووووووووووو والله فازووووووو وناسسسسسسسسسسسسسسسسسسسه ههههه شنه المنتخب موفريق المدرسه
روحي تحب ليش طلعو ولدج ما عندهم سالفه بعد مريض
الفرسان الثلاثه الإجتماع وايد مهم لأنه بيعرفونا على المنهج والطرق المستخدمه في التدريس ومشكوره إنج بلغتينا

 

[lyale]

السلام ملكه ورحي تحب و الكل قلت امر اسلم عليكم وييييني عنكم انا @@ مسوين شاات وما قلتو لي
ومبروووووووووووك فوووز المنتخب قصدي منتخب الشباب الصغير بمدرستكم

 

[الفرسان الثلاثة]

ملكة بيتها ... العفو حياج الله

ومبروك لمنتخبنا الفوز ... عاشوا عاشوا عاشوا والله عاشوا
قومو غنو ويانا .. ايوا

 

[ملكة بيتها]

هلا ليال ....شلونج حبيبتي بشري عنج وعن عيالج ؟؟؟ أنا أحاتي باجر بنتي عندها سبلنج تيست ..

 

[الفرسان الثلاثة]

زهر وردي ... مشكورة على السؤال ... الحمدلله ولدي بخير وااللي عرفته انه التيشر مالتهم تاسيسها قوي وايد لان اللي كانوا عندها السنه اللي طافت والحين اهما ب year1 يقولون مطلعتهم صح و تاسيسهم قوي .. الحمدلله يعني طلعت جادة ماتغشمر يمكن هالشي لصالحهم لان المنهج مال الريسبشن ثقيل ويحتاج جد .. الله كريم بنشوف الايام الياية و ببلغكم بالاخبار