شقاوة ان شاءالله تودعين التسعين والثمانين بصحه وعافيه يارب
بنات شرايكم نروح الانستغرام بعد يعني نسوي اكاونت مخصص للدايت ونكتب يومياتنا احلى عشان في صور وتشجيع وجذي
انا عندي اكاونت ف اللي عندها وحابه تعطيني اكاونتها :$
الله يسمع منج امس قمه المعاناه
ليلي و صباحي كله صيااح و الوالده تقولي صيحي بغرفتج
اجل ليش تسوين تقويم اذا انتي مو قده ههههههه
مع اني مستانسه على شكل التقويم بس استغفر الله حتى اللين ما اقدر اكله
تعبيت كالسيوم من الحليب و اللبن هذول اللي اشربهم او عصاير فرش من الكوفي اللي
عندنا لما اروح الجمعيه و ساروا يعرفوني لما ابغي قهوه او نسكافيه يسولي اياه من دون سكر او كريمه
شقاوه انا اتبع نظام السعرات هو مب صحي 100% بس انه تقريبا 70% صحي بالنسبه لي
احدد 1000 سعره باليوم والحين بحاول انزل لين 900 سعره لان وزني ثبت
والاكل اختراعاتي .. انصحج بمقلة تيفال احسن شي كلشي اكليه بدون زيوت
وايد ارتحت عليه والاكل اخف
كثري سلطة وخظرا
لاتاكلين لين تيوعين
وحاولي تقرين مواضيع عن الدايت بالانستقرام
وفي اكاونتات وايد تهتم بهالشي
وفي برنامج يحسب لج سعراتج باليوم
شوفي ردودي الي قبل وبتلاقين اشياء فادتني وكتبتها ♡
سمعت عن هذا الرجيم بس ما اعرف كيف احسب الكالوري
لان بعض المنتجات تعطيج الكميه بالقرام ما في شي للكالوري
و بعض المنتجات تحط لج الكميات بالقرام و الكالوري
و انا جوالي جلكسي تنصحيني ببرنامج كذا لحساب السعرات
لان البرنامج الوحيد اللي عندي اللي للجري يحسب لي الامتار و السعرات الحراريه
اثناء الجري و ما استخدمه وايد كنت استخدمه فتره الشتاء و الربيع و اما الصيف مستحيل
و لا بعد غبار بطيح غشيانه ان طلعت و ركضت
و بنسبه لانستغرام اعجبتني الفكره الصراحه
بس جوالي للان يشحن ان شاء الله بسويلي حساب الدايت و بحطه هنا
لان حسابي الاول مثل ما قلتوا ضايفه اهلي و صديقاتي
احب الرجيم يكون سري للعيد عشان يشوفون لوك جديد ههههههه
