تجمع بداية حياة يديدة و رشاقة (نيو لوك العيد ) تعالو نشجع بعض

[Dana.Qtr]

شفيه المنتدى مخيس يالله لين فتح ><

 

[Dana.Qtr]

صباح الخيرر ووحشتوني وايد ♡♡♡
انا صارلي 3 ايام مريضة اول يوم ماكلت شي من الغثيان والترجيع عزكم الله
ثاني يوم تريقت صمون وشاي حمر
تغديت عيش وروب
تعشيت صمون ولبن
وللحيني ع نفس النظام
مغص تسمم غذائي + الم دورة
ماوصف لكم الوضع المأساوي :'(

وزني صار 68.4 واتوقع من المرض نزل

 

[نوفلتي]

صباح الخير,,,

ماعليج شر دانة قطر .. اجر وعافيه .. ومبروك نزول الوزن مثل مايقولون رب ضرة نافعه

 

[Dana.Qtr]

الله يعافيج حبيبتي هههههههه هذا هي

 

[Dana.Qtr]

صباح النور

ريوقي كان كوب جاي حليب
وتوستين سمر خالين
و5 انواع ادوية

 

[بـ سـ كـ وتـ ة]

سلامات دندون ما تشوفين شر حبيبتي

سما الإحساء قصدج تبين تعودين على الرضاعة الصناعية؟ إذا اي نصيحتين لوجه الله

لا تعطينها حليب صناعي أبدا قبل 6 أشهر حاولي تشفطين وتحطينه لها في الرضاعة المعقمة

ثانيا في رضاعات شكلهم نوعا ما نفس صدر الأم مثل ماركةAvent وBoots ونسيت بعد في غيرهم

المهم شكلها تقريبا مشابه حق اللي الطفل متعود عليه فممكن يتقبلها شوي

والله يعينج حبيبتي

يومي اليوم

صايرة دايما أبدا بالسناك لأن أفضل ريوقي يكون في المكتب مع كوب الجاي حليب

في السيارة كليت موزة

بعدين في المكتب كوب جاي حليب مع شابورة المطاحن بحبة البركة والحبة الحلوة

بطل ماي 330 مل

الساعة 11 عصير Sunkist

الساعة 12 تفاحة

الساعة 2 موزة وبطل ماي 330 مل

والحين الساعة 4:47 قاعدة آكل دانيت بنكهة الكوكيز

صدتكم ليش تشيكون وقت المشاركة؟ مو مصدقيني مثلا؟

 

[بـ سـ كـ وتـ ة]

اي صح ونسيت أضيف الساعة 3 تقريبا شربت شوربة فطر ماجي مالت الكوب

 

[سماء الاحساء]

هلا فيكم اي بسكوته هذا اللي اقصده مشكوره والله يعطيه العافيه

 

[سماء الاحساء]

هلا فيكم جميعا وينكم أخباركم شو عاملين

 

[بـ سـ كـ وتـ ة]

صباح الخير

هلا سماء الإحساء

تمام والله بخير

هالأيام مو متجرأة أوقف عالميزان لأني حاسة إني زايدة

كلها يومين ان شالله على رمضان ويبدا الالتزام الصح

الحمدلله احنا من النوع اللي نضعف في رمضان ما نخربط وايد

وان شالله خير يارب

 

[Dana.Qtr]

الله يسلمج بسكوته ♡♡

 

[Dana.Qtr]

امس واليوم رجعت شبه طبيعية من فضل الله
بس مقارنة بالسابق الحين اكلي وايد اقل من قبل
الحمدلله 3 كيلو واوصل هدفي
بذن الله بصحتي هالفترة ينزل وزني اكثر

 

[عاشقة الحب ميم]

السلام عليكم
انا ودي اشترك معكم وابدأ من بكرة ان شا الله
طولي 155
وزني 72
كان وزني 65 بس للاسف زدااااااااااااااااااات كثثثثير
وان شا الله بالتشجيع معكم بالقروب انزل على الاقل 4 كيلو برمضان

 

[Dana.Qtr]

مبارك عليكم الشهر :*

اليوم قمت 6 ونص المغرب وشربت كوب كرك وتوست بينات بتر
واخطط للسحور،

 

[فواصل]

مبارك عليكم الشهر


اليوم ببتدي معاكم بأذن الله تعالى

 

[فواصل]

صباح الخير

يومياتي ليوم امس

الفطور

3 حبات تمر و ماي

الصلاة

سلطة وشوربة كويكر بالخضار وعصير ليمون

بعد التراويح

3 ملاعق كل من باستا و هريس

5 حبات فطاير ميني

بيالة شاي احمر وقهوة

السحور

حبتين زعتر و اومليت بدون زيت ( سويته في الميكرويف)
روب وشاي حليب

----------------

اليوم بقلل من الفطاير

 

[Dana.Qtr]

وينكم اختفيتوا ><

 

[بـ سـ كـ وتـ ة]

مبارك عليكم الشهر

والله يقدرنا على صيامه وقيامه يارب

صعب وايد أحط يومياتي حاليا لأني أطلع من الدوام 4 وعلى ما أوصل البيت 5 تقريبا هذا غير إذا بمر جمعية ولاشي مثلا

عموما عندي خبرين واحد حلو وواحد مو حلو

المو حلو إني وزني رجع زاد لي 79 بوينت شي

الحلو إن من بدا رمضان نزلت لي 77.6 الحمدلله يا رب

 

[miss^unique]

السلام عليكم يا حلوين
عادي ادش اشارك معاكم والا قفلتو المشاركات اليديده؟
ابي قروب يشجعني كل يوم اقول باجر بابلش وارجع اخربط شوي
وايد مو شوي
بس اليوم التزمت
عادي اشارك هني؟

 

[بـ سـ كـ وتـ ة]

مس يونيك أكيد ممكن حياج الله

احنا مو ملتزمين 100% بالمشاركة بس ما عليه يمكن انتي تشجعينا

آنا شكلها يتني بس ليلحين مو متأكدة قبل الشروق أرجع أتأكد عشان أعرف أصلي ولا لأ

وزنت قبل شوي ووزني 77.6 مع إن أمس كان تخبيييييييص

الفطور بوفيه النوخذة وحلو وفي بيت عمتي حبتين ورق عنب وحبة ملفوف وقفشتين ليالي لبنان

عموما اليوم تسحرت علبة روب وتفاحة وكوب ماي

والله يسهل ان شالله