تجمع : ( تغذية , حركة - ماكو سمنة ) = تحمس

[fast-food-q8]

رد : يومياتي لمدة 40 يوم من 7 - 10 إلى ليلة العيـد

العفو اميره بلقيس بس ترى المعاناه وحده ولازم كل وحده فينها تشجع الثانيه
عاد لا تنسون بطوطات ترى باجر موعدنا اها من كل وحده تسحب نفسها
انا عن نفسي باجر بروح النادي وبقيس وزني ولما رد منه بقول لكم جم وان شاء الله نزلت 2 ل3 كيلو بالاسبوع
وباجر ببدا برجيم يديد ماراح اخذ اووف لاني كنت ابدع بالرجيم الاسبوع هذا

تصبحون على خير

 

[عليـاء]

رد : يومياتي لمدة 40 يوم من 7 - 10 إلى ليلة العيـد

شلونكم بنات أنا داخلة من الجوال وبكرة بارجع دعيت لكم وحدة وحدة والله وبالنسبة للوزن بليز بنات ارسلوه علة الخاص وأنا احطه يوم الأحد ان شاء الله بالليل ~ شدوا حيلكم ياحلوات والله يوفقكم ~ راجعة لكم باالردود لما ارجع وارتاح وسامحوني على القصور ياحلوات

 

[ZajiL]

رد: يومياتي لمدة 40 يوم من 7 - 10 إلى ليلة العيـد

حنونه

الله يسمع منج ياقلبي

ماقصرتي يالغاليه

 

[ZajiL]

رد: يومياتي لمدة 40 يوم من 7 - 10 إلى ليلة العيـد

علياء

بعد قلبي تقبل الله طاعتج ويالله ناطرييييييييييينج
وحمدالله على السلامه مقدما

 

[NaNa88]

رد: يومياتي لمدة 40 يوم من 7 - 10 إلى ليلة العيـد

قوووة بنات شخباركم ؟
اليوم ماتريقت والغدا كان سلطه والعشا 1 كباب 2 شيش طاووق
والمغرب شاي اخضر وقهوه عربيه
بنات الميزان السبت ولا الاحد ؟

 

[n_1]

رد: يومياتي لمدة 40 يوم من 7 - 10 إلى ليلة العيـد

ماتشووفين شر علياء ننتظرج بفارغ الصبر

=

ريوقي كوب قهوه مع كوفي ميت

 

[ZajiL]

رد: يومياتي لمدة 40 يوم من 7 - 10 إلى ليلة العيـد

اليو مراح يكون البدايه اليديده وغيرت نظامي وبحاول العب رياضه واشد حيلي زياده

 

[Red Lip]

رد : يومياتي لمدة 40 يوم من 7 - 10 إلى ليلة العيـد

انا بعد ابي التزم ..

راح اوقف معاج واشجعج وهم انتي شجعيني

بالنسبه لرجيمي قاسي مثل مايقولون

الصبح الساعه 6اشرب نسكافيه او قطعه بسكوت او كورنفليكس مع حليب قليل الدسم

وطبعا مااااااكل شي لين الساعه 4 العصر

وبعدين اشرب شوربه خضرواااات + سلطه او تبوله , ,

وبعديييييييييييييين ماكل ولا شي واسوي رياضه ع المشايه واركض

بعدين ارتاح نص ساعه واروح اسويلي شاي اخضر وخلاص مااكل ولا اشرب شي غير الماي طبعا

حتى اتعودت على هالنظام والحين ماقمت احس باليوع

وللامانه نزلت في 3 ايام كيلوين ونص

 

[NaNa88]

رد: يومياتي لمدة 40 يوم من 7 - 10 إلى ليلة العيـد

قووو بنات
انا قعدت من النوم مالي خلق اتريق شربت جاي اخضر
بنات بليز مارديتوا علي الميزان الاحد ولا اليوم ؟

 

[n_1]

رد: يومياتي لمدة 40 يوم من 7 - 10 إلى ليلة العيـد

انا عن نفسي اوزن الاحد مادري عن الباقي

 

[طخومه]

رد: يومياتي لمدة 40 يوم من 7 - 10 إلى ليلة العيـد

بنات انا هذا ثاني تجمع لي وياارب التزم اول مره بحياتي بلتزم بشييي اول كنت لما اضعف اضعف جذيي صدفه ولما امتن هم صدفه ولاول مره امتن جذي حييل ويقولون سبب خمول بالغده مادري عااد بس يارب اضععععف لو يصير العيد وانا نازل 10 كيلو يصير احلا وحده واسعد وحده :$

اسمي طخومه
وزني 85
طولي 162

ابيكم تقولون لي شنو طريقة رجيم الكورن فليكس
وكل شي اعشاب او اشيا ممكن تضعفني وشكرا

 

[طخومه]

رد: يومياتي لمدة 40 يوم من 7 - 10 إلى ليلة العيـد

بناات انا قست وزني قبل شوي انصدمت مادري انا صج زايده ولا الوزن خربااان طلعلي اني 94 شكلي زايده
كله من خمول بالغده قاعده ازيد بشكل موطبيعي مع ان الحمدالله مو مبين علي حيل لاني طويله وعندي خصر والمتن متوزع باماكن بس

بس لام اضعف شجعووووووووني

 

[n_1]

رد: يومياتي لمدة 40 يوم من 7 - 10 إلى ليلة العيـد

حياج الله طخوومه

شناطره ناطره لين تصكين الـ100 كيلوو وتنفجرين

يالله ابدي من اليووم ابدي خففي واذا في مجال العبي رياضه

المهم وخري عن السكريات والدهون والمعجنات والعيوش

اكلي منهم بكمية قليله

واحسبي سعراتج اللي تاكلينها باليوم خليها من 1000 سعره وتحت

وبتشوفين النتيجه المهم اخطي الخطوه الاولى وكل شي عقبها سهل

 

[طخومه]

رد: يومياتي لمدة 40 يوم من 7 - 10 إلى ليلة العيـد

ان شاء الله ياارب بخفف حييل وبسوي الي اقدر عليه

لا اذا وصلت 100 انتحر

 

[بطوطة @]

رد: يومياتي لمدة 40 يوم من 7 - 10 إلى ليلة العيـد

هلا بطوطات شلونكم
انا قست وزني اليوم طبعا لمده اسبوع وانا على الكورن فلكس والعصاير ولازم اخربط شوي
بس نزلت كيلو الحمد لله صج صكني احباط بس والله شي احسن من لا شئ

 

[n_1]

رد: يومياتي لمدة 40 يوم من 7 - 10 إلى ليلة العيـد

مبرووك النزوول كيلووو زين احسن من انه ماينزل او يزيد

 

[حنونه بطبعها]

رد: يومياتي لمدة 40 يوم من 7 - 10 إلى ليلة العيـد

السلام عليكم
تريقت شابورة وحليب
سناكي موزه صغيره وشاي اخضر
تغديت صينيه همبرجر
سناكي لاتيه وتفاحه
تعشيت سندويتش تيركي من صب وي

 

[حنونه بطبعها]

رد: يومياتي لمدة 40 يوم من 7 - 10 إلى ليلة العيـد

علياء الحمد لله على السلامه
وتقبل الله طاعتج شصار على نتيجة الميزان بشري نبي النتايج

 

[ZajiL]

رد: يومياتي لمدة 40 يوم من 7 - 10 إلى ليلة العيـد

السلام عليكم يومياتي

الريوق

كابتشينو + توسته سمره جبن ابيض رشة زعتر طماط جرجير

السناك

3 تمرات

الغدا

شيش طاوق + نص خبزه + سلطة جرجير

السناك

2 بتقالتين

العشا

كوب حليب وشاي + بقصم وحده بدون دسم المفروض شابوره بس هذا يبته مخصوص من غير دسم وكليت وحده

وان شاء الله يارب هالاسبوع القى نتيجه لانه شكله جسمي تعود على نظامي

 

[حنونه بطبعها]

رد: يومياتي لمدة 40 يوم من 7 - 10 إلى ليلة العيـد

بالعافيه زاجل
ميخالف حبيبتي صدمة الوزن لين الحين مضيقه خلقج بس ترى اكلج اليوم خفيف وان شاء الله تشوفين الرقم اللي يونسج السوائل المحتبسه وتغيير النظام والحركه بتظهر نتايجها وبتفولين قالت حنونه
اليوم دعيت لنا كلنا بتغيير الحال الى حال احسن منه ويقوي ارادتنا اللهم امين