~*~ تجمع خاص - دورة المعلمين الجدد سنه 2011- 2012 ~*~

[Q8Buying]

اي اتوقع غير

وشكلي بروح الكليه اسأل بس اخاف مو مداومين التسجيل

ترا جامعة الكويت موظفينها مداومين من يوم الاحد

وأظن هالاسبوع مخصص للباي فورس فيعني التسجيل مداومين

 

[fri2010]

بنات طالعو الحظ

أوراقي مو عندهم لازم اروح المنطقه الحين :/

 

[Q8Buying]

فراي معانا جذيه بنات
الله يعينكم ويسهل عليكم


باجر نداوم بالمدارس كلولولوش جعله فاتحة خير

ولا تنسون تقرون قصار الصور وتدعون لأنفسكم ولجميع المسلمين بالخير

 

[miss roro]

بنااات متاكدين موضي العبيدي عادي بنطرونات؟؟

 

[بنات حواء2]

بنات خلاص انا طلعت مدرستي
و بثبت نفسي انشالله
و مايهمني اي شي
مادام ناظرتي عسل و مسؤولتي عسل
و موجهتي عسل
شلي بسفاسف الامور
و كل انسان بنشاطه و جهده و تعبه يثبت نفسه
وتوكلت على الله الي مايضيع حق عباده
و من باجر بباشر عمل و بجد و اجتهد و بحتسب الاجر من ربي

 

[بنات حواء2]

ملوكه فديتج انتي الوحيده الي فاهمتني و الله
طمنيني عليج لاني قاعده احاتيج

 

[بـنــت الــنـور]

بنات خلاص انا طلعت مدرستي
و بثبت نفسي انشالله
و مايهمني اي شي
مادام ناظرتي عسل و مسؤولتي عسل
و موجهتي عسل
شلي بسفاسف الامور
و كل انسان بنشاطه و جهده و تعبه يثبت نفسه
وتوكلت على الله الي مايضيع حق عباده
و من باجر بباشر عمل و بجد و اجتهد و بحتسب الاجر من ربي

ياااااااااااارب يوفقج :eh_s(7):والله انتي اللي محمستنا بالمنتدى وربي لما شفتج امس متحبطه صكت فيني الدنيا :eh_s(2): :eh_s(2): قلت مسستحيل هذي بنات حواء ماشاءالله تبارك الرحمن كنتي جدا متحمسه وفجاة من اول خبر اهتزيتي لالالا مانبيج جذي:bbbiu: وروووحي ياعل الله يرزقج بأحلى قسم وإداره وطالبات بعد يارب يوفقج وين مارحتي فددددديتج ياكثر غلاتج عندي

 

[بنات حواء2]

فديتج بنت النور قسم بالله دمعت عيني من كلامج
الله لايحرمني منكم خوات و اكثر
يارب الله يوفقنه و يفتح لنه ابواب الخير من كل مكان يارب
و لكم مني ارجع بحماس اكثر و افكار اكثر و نشاط اكثر

 

[دلوعه^عسل]

وزارة التربية =وزارة الواسطه للاسف

 

[بنات حواء2]

دلوعه وياج
بس لا تخلين هشي يكسرج
امس من التعب النفسي الي حاشني من هسالفه صخننت و مرضت
و الله مايفيد هلحجي تفائلي بالخير حبيبتي
و جددي نشاطج و انا واثق انج راح ترتاحين من الداخل

 

[دلوعه^عسل]

احس اني مقهووووره والله بفهم انا المراقب ليش حاطله مكتب مايستقبل الا واسطاات ليييش!!!
خل يريح عمره ويفتحله دوانيه ويوله ربعه يخلص شغلهم
يويله من الله

 

[fri2010]

حدها معاناه بس واخير عرفت مدرستي بطلعت الروح

تخيلووو قاعدين ينادون بالمايك الاسماء

وفجأه قالو الحين المتوسط

صعدت المسرح اسأل عن اسمي

والمشرف يدور والا يلقى اسمي مو مع محلة الثانوي مع اني مخلصه اوراقي من زمان

عاد رحت المنطقه ومن مكان الى مكان لما عرفت مدرستي واخيرا

المباشره باجر طبعا

بس الساعه جم لازم اروح المدرسه؟

 

[( المـلاك )]

بنات حواء2
حبيبتي قريت معاناتج الله يفرجها عليج ويسهل امرج يارب
وحبيبتي الله فوق ويشوف ومايرضى بالظلم
تنامين مظلومه ولا ظالمه والله كريم ياربي :***

مس رورو والملاك
انا هالكورس ميداني واحاتي هالشي وايد وانا معاكم ساكنة بالعدان
وخفت يقطوني بمدرسة ممنوع فيها بنطرون لانه ادري مبارك الكبير متشددين بهالناحيه سمعت من بنات وااايد بالميداني الي طاف
عاد سجلت بجنوب السره والحين صارلي جم يوم ودي اغير واخذ مدرسة يم بيتنا بس خايفه من سالفة البنطرون
يطلعون طلعات بقراراتهم واصلا ماكو قانون ينص انه ممنوع بنطرون مالت على الناظرات الي تفكيرهم نخرب البنات ما شافو البنات بره المدرسه الحين احنا بنخربهم !!!!
مدرسة الصالحيه يرضون بنطرون ؟؟ اهي بالعدان يم بيتنا ضبط جان زين لو يرضون والقاها منزلينها ميداني
اي ومدرسة موضي العبيدي بصباح السالم يرضون اعرف وحده الكورس الي فات تمدحها وتقول يرضون عادي

وملاك وبنات حواء2 ترى انا نفسكم تخصصي (علوم الأسرة والمستهلك)

والله حبيبتي عادي
سجلي اهم شي يم بيتكم
سجلي وجنه العيد
سالفه البنطرون لا تحاتينها بالميداني
رفيجاتي الكورس اللي طاف
كانوا بالعدان + بالقرين + بالقصور
باختصار مروا بمدارس ممنوع فيها البنطرون
بس كانوا يلبسون
وخلوهم عادي
والسبب انهم ميداني
بس يهتمون انه يكون القميص طويل
فلا تحاتين
انتي ميداني
مايتحكمون فيج
وهالكلام عن تجربه
رفيجاتي كانوا بمدرسه امامه اللي بالعدان
وكانوا بمدرسه الحسناء اللي بالقصور
و لبسوا بنطرونات
و اليوم قاعدين نتكلم عن سالفه البنطرون ممنوع
قالوا احنا لبسنا عادي لانه احنا ميداني
ماقالولنا شي

فلا تحاتين
الزم ماعليج مدرسه يم بيتج
و اذا انتي علوم اسره ومستهلك حياج الله
انشالله تنقطين بمدرسه احنا فيها
ومانقصر معاج

=)

 

[( المـلاك )]

آنا ميداني هالكورس وحطوني بمدرسه عند بيتنا واختي كانت تدرس فيها وتقول ما شفت ولا ابله لابسه بنطلون طول الاربع سنين اللي درست فيها ...
فأنا قصيت الحق من نفسي وشريت تنانير ،،
بس ترى السالفه ما تسوى انكم تنقلون لمدرسه ثانيه علشان البنطلون !!
شهالعبووووووو !!!
صج والله !!
اخرب ع روحي واروح لمدرسه بعيده بس علشان قطعه خام طولها مترين !!!
كبروا عقولكم يا حريم خخخخخخخ

اول شي
اللي متعوده عالبنطرون غير المتعوده عالتنانير والعبي

ثاني شي
انتي مدرسه صاعده نازله رايحه راده
البنطرون عملي اكثرررررر

ثالث شي
التنورة والعبايه تخمين فيها المدرسه عدل
لانج بمدرسه مو بمكتب وتحتج سراميك و قطع زل وتمشين على سجاده حمره

رابع شي
التنانير مو موضه واشكالها لا تعليق و ماتقدرين تاخذين راحتج


واساسا المدرسه اللي ناظرتهم تلزمهم بهالشي عرفي انها مو شي
لانها تحط قوانين من كيفها وتبي مدرساتها يطبقونها
قوانين حتى مو موجوده بوزاره التربيه
ماكو قانون ينص على هالشي
فمعناته وراها وايد قرارات فاشله
ومحد يبي مدرسه ناظرتها جذي مو صاحيه

هذي اسبابي ،، ماتدرين عن اسباب باجي البنات ،،

احنا جربنا المدارس والشغل
و عرفنا لما يمر يوم ونداوم ببنطرون شلون لما يمر يوم نداوم فيه بعبايه ولا تنورة

اللي ما جربت انصحها تجرب بعدين تتكلم
مو حلو الواحد يتكلم بشي اهو مو فاهم

 

[( المـلاك )]

شنو وزعو المدارس ؟؟
شدراج بالمدرسه الي قاطينج فيها ؟؟
انا خبري والي قالولي باللقاء التنويري نعرف مدارسنا !!

بعدين حبيبتي مو سالفة اخرب على روحي
السالفه انه اذا ملابسج كله بنطرون مع بلوزه ساتره ماله داعي البس تنوره لانه ما ارتاح الا بالبنطرون والتنوره مو كل محلات القاها ولازم اذا لبستها مع كعب انا ماقدر عالكعب كل يوم بصراحه ظهر بينقص نوعي بنطرون وفلات اريحلي
بالنهايه وجهات نظر والله يوفقج ويسهل عليج الميداني :***

حبيبتي مني لج
روحي سجلي بمدرسه يم بيتكم
ترى انا كنت ميداني الكورس اللي طاف
وسجلت بمدرسه بعيده عني لاسباب ثانيه
انا ماكان عندي موضوع البنطرون لاني كنت بمحافظة مالها شغل بهالموضوع
ماعندها تعقيدات مثل مبارك
المهم ماعليج من قصتي

فكنت مسجله بمكان بعيد عني
و يوم داومت كانت الاداره والقسم وكل شي مو شي
حاولت انقل
قالولي حدج اول يومين من اللقاء التنويري
عقبها اسمج يتسجل وخلاص مابيدج شي

فمصل ماقلتلج
روحي شوفي
شنو المدارس اللي قابلين فيها ميداني لتخصصج
في محافظتج
ودوري اقرب مدرسه لبيتكم
وشوفي في مجال تنقطين فيها
روحي حاولي بالتربيه العمليه المسؤوله عندكم
تقطج يم بيتكم
وقوليلها اسباب مقنعه

ومثل ماقلتلج لا تحاتين سالفه البنطرونات
اقولج ياها عن خبره
بنات الميداني مايجبرونهم على هالشي
لا تحاتين .

 

[صدقني@صعبه]

قوووووووووووووووووووووووووووه

مبرووووووووووووووووووووووووووك للكل

واااااااااااااااااااااااااااااااااااي استانست لج بنات حواااااااااااء اي هذي انتي اتووقع امس ما كنتي بوووعيج
وربي يوووفقج وين ما ترحيييييييييين ويكفي كل وحده تدخل المنتدى وتدعيلج لانج بصراحه مو مقصرهه معانا

والله يوووفق الجمييييييييييييييييع

والدوام باجر نفس المدارس بعد س7ونص يحتسب لج تاخير

 

[( المـلاك )]

وزارة التربية =وزارة الواسطه للاسف

احس اني مقهووووره والله بفهم انا المراقب ليش حاطله مكتب مايستقبل الا واسطاات ليييش!!!
خل يريح عمره ويفتحله دوانيه ويوله ربعه يخلص شغلهم
يويله من الله

اي والله
حسبي الله عليه
عسى حوبتي ما تتعداه
ياعله يشوفها بعياله اليوم قبل باجر
والله مو مسامحته ولا محللته لي يوم الدين

لانه اهو لو ريال
جان في امه خير يصرخ علي ويمي ريال
بس لما شافني بروحي بنيه قام يصرخ
مالت على رجولته

حوبة المظلوم مو بعيده
الله فوقه

صج ماهمني
انا رحتله وبقلبي اقول مو مهم
انتقلت انتقلت اوك
ما انتقلت الحمدلله
موجهتي زينه ومدرستي يقولون زوينه والله يعلم شنو داخل

بس انه يسوي جذي
حسبي الله عليه
والمشكله جدامنا 2 مادري 3 جدام عيونا
بدلوا اوراقهم اشكرررررررررررررررررره جدام عيونا

يا عل يصير بعيونه شي هالحين اقول

 

[Rosydays]

بنات شرايكم بمدرسة عبدالوهاب الفارس بصباح السالم....في وحدة عندها معلومات جزاكم الله خير

 

[Rosydays]

يعني اقصد من ناحية الادراة وناحية لبس البنطرون(اللي شاغل الكل)

 

[دلوعه^عسل]

اي والله ياعل حوبتنا ما تتعداه ابو الواسطات حرام فيه معاشه هذا المصلحجي
حسبي الله ونعم الوكيل