((( تجمع معلمات قسم الاجتماعيات 2011 - 2012 )))

[fri2010]

بنات بغيت اعرف لاني نسيت بصراحه

الابله شنو كانت تكتب بالسبوره بحصه التاريخ

اختي تقول بس حقائق!

 

[ذكريات عشاق]

التاريخين والعنوان+المفاهيم+الحقاىق+ترسم خريطة عشان تشرح عليها اذا تبي+النشاط اللاصفي ان وجد

 

[ذكريات عشاق]

راح انزل لكم مجموعه صور ممكن انج تستفيدين منها لتزين غلاف دفتر التحضير او لوسيلة :-

 

[ذكريات عشاق]

تابع

 

[fri2010]

يعطيج العافيه ذكريات واشتقت لج والله

 

[fri2010]

رحت اليوم مركز سلطان وجرير :eh_s(15):

طبعا استفسرت بمكتبة جرير اول شي عن القلم الكاشف عن كاميرات التيلفون

وطبعا الموظف قاعد يقول لي منو قال لج عن هالقلم!!

قلت له ما ادري لوول تنحت ما عرفت شقول شكلي كان غبي :eh_s(2):

بس قلت يمكن اهوا ما يعرفه لان موظف مو بقسم الاجهزه

وبعدين سألت عن داتا شو وما عندهم غير ماركة LG عاد الموظف يمدحه ويقول شغل كوري

و نفس ما قالت كويتيه كول سعره 159

ويشتغل بالــ usp بس اذا بشغل فيديو لازم يتوصل باللاب

شفت ادوات المكتب معبر عن مادة الاجتماعيات حلوين




و الكره الارضيه




وادراج بس ما تنفع حق الدفاتر صح ؟ بس شكلها حلو:bbbiu:










وشفت دفاتر تحضير





حلو من داخل فيه سلك






آخر مكان اشوف فيه الادوات اهوا رامز وعقب اقرر من وين اشتري :rerrerek:

بجذي صار عندي فكره عن احسن الاشياء:eh_s(10):

عشان عقب الدورة اشتري

ومركز السلطان ما عجبني فيه شي

أو بمعنى اصح اشياء مكرره

بس صور منه دفاتر التحضير





دفاتر عاديه اعجبوني لوول




وبث :eh_s(7):

 

[وجداني]

friانا عندي جهاز الداتاشو LG صرااااحه حيييل حلو اخذته بنفس السعر من الكترووزان واضح علي السبوره واخذت من عندهم سماهات صغيره بس عيبها بسرعه تخرب وانا احب يكون تحضيري بالكمبيوتر ارتب من خط الايد بما انج جديده اسالي رئيسة قسمج اذا ترضي بالطباعه اطبعي وحطي بالملف الشفاف احلي ويقعد معاج التحضير للسنوات الجايه انشاءالله

 

[fri2010]

شريتيه بـــ 159؟

في ناس يقولون شارينه بـــ 140 وناس تقول 132

ما ادري ليش الاسعار تختلف!

واللي بالجرير قال لي في فرق بين الداتا شو والبروجكتر!

انا مو حابه بصراحه داتا شو ولاب وسماعات !! احسه حيل اوفر والحصه بتروح على اساس التركيب والتعديل!

اي والله صح كلامج احسن شي خط الكمبيوتر وجان الزين المدرسه ترضى بهالشي

 

[fri2010]

للرفع

 

[jen2n]

مشكورةة فراي على اللينك والتجمع الحلو واعذروني على غيابي وتقصيري كنت لاهيه بفحص ما قبل الزواج وملجتي ثالث يوم العيد فحدي مشغوله
أدعو لي

 

[fri2010]

جننننننون. ولهت عليج وايد حبيبتي معذوره الله يوفقج ومبروك الملجه مقدما*

 

[نسناس الشمال]

السلام عليكم ورحمة الله وبركاته,,,
اختي انا نفسج تعيين جديد تاريخ واحاتي شييين التحضير لان متوقعه يسلموني عاشر وودي بتحضير جاهز وشلون ارتب شكله باوراق مطبوعه احس اني ضايعه وموعارفه الطريقه والشي الثاني افكار للتقويم والنشاط الاستهلالي لان بنات الثنوي مو اي شي يشد انتباههم نفس المراحل الثانية .وبس فياليت اللي عندها افكار تفيدني:yaaaaaarb:

 

[EviL^^GirL]

عيدكم مبارك مقدما َ ابلالالات
تقبل الله صيامكم و قيامكم و عساكم تعودوونه :yaaaaaarb:


fri2010

بالنسبة حق سؤالج عن السبورة
تكتبين العنوان و التاريخين وركزي عالهجري مو زين تنسينه اول نقد بييلج مما كتبتي التاريخ الهجري
و تالي تكتبين تحت التاريخ عاليمين المفاهيم و كل حصه لااااازم تكتبين مفهوم حتى لو مو مذكور بالدرس او مكرر من الحصه السابقة

و تقسمين السبورة نصين قسم ثابت و قسم متحرك
الثابت للحقائق و يكون تحت المفاهيم و سؤال النشاط اللاصفي
والقسم الثاني اهو القسم المتحرك
عشان تشرحين فيه ولا ترسمين او تلزقين بطاقات او تعرضين عليه بالبروجكتر او الداتا شو

الثابت ما تكتبين و تمسحين لا , ما ينمسح شي لي اخر الحصه بس المتحرك على كيفج تمسحين و تكتبين و تلزقين و تشيلين


ذكريات عشاق
تسلميين عالصور وايد حلوين لو تطبعونهم وتكبرونهم بمركز الطالب على اوراق A3
وتخللونهم غلاف حق الملف
انا كنت مسويه جذي حق الميداني و كان شكله ذرب وعملي



ومبروك jen2n :eh_s(7):

و بالنسبة حق الداتا شو لا تتسرعون و تشترون واحد لان في اقسام يوفرون جهاز حق كل الابلات
و بالنسبة حقي انا مراح اشتري واحد
اذا وفرو الجهاز بالقسم زين على زين واذا لا كلش مو ناوية اشتري
احس وايد نقله وما يسوى الصور الي بعرضهم على هالجهاز اقدر اخليهم على شفافيه
اخف و تلزقينها يم الدرس عشان لي يت الموجهه ولا الناظره و تصفحت دفتر التحضير تشوف كل شي جدامها :rerrerek:

 

[EviL^^GirL]

نسناس الشمال


كلش ما انصحج بالبداية بتحضير جاهز لان اهو خطتج لشرح الدرس
شلون بتمشين على خطه مو خطتج ! كل ابله ولها اسلوبها و حلو ان يكون لج اسلوبج الخاص :rerrerek:
بالبداية بتستصعبينه شوي بعدين بتصيرين سريعه

واتوقع بنات الثانوية اكبرو على الصور و البطاقات
لو تسوين معاهم انشطه تحركين الصف كله مثلا تمثيليه او
تستخدمين اسلوب التعلم التعاوني واااايد بترتاحين او المعلمه الصغيره
واذا اقفلت معاج كلش مسكي دفتر الدرجات حدددددهم بينتبهون لما يعرفون ان كل شي محسوب

وان شاء الله احطلج صوره عن تحضيري انا كنت اسويه بالكمبيوتر عشان تعرفين الطريقه

 

[أم شاهين]

هلا هلا هلا والله تدرون حدي خايفه ومطقطقه مادري شسوي وشلون اتعامل معا البنات وخطي مو حلو شلون اكتب بالسبوره ومادري شلون اشرح ودي اقوي شخصيتي واكون قدها وما ارتبك

 

[عيون سارة]

حلاتكم بس انا للحين ماصحيت من الغيبوبه خل افوق
ووسعوا الملعب حقي

 

[fri2010]

نسناس الشمالي حتى انا ما اعرف شي عن التحضير لاني مو تربويه ولا جربت التدريس فان شاء الله بالدوره نتعلم وناخذ حصص مشاهده وتتسهل الامور

ايفيل غيرل ايامج سعيده يارب واجمعين ان شاء الله

ومشكوره حبيبتي على الافاده

اما سالفه كل قسم يوفر جهاز واحد حق كل الابلات انا مو متقبلته بتاتا

بصراحه ودي يكون لي جهاز خاص فيني بروحي عشان محد يقول هذا لي ولا حاجزته قبلج والا خربتيه

حقي بروحي احسن لي واحسن لهم بس اقدر اعرض عليه حقائق الدرس والمفاهيم والا بس صور!؟

وياليت تحطين لنا دفاتر التحضير والافكار اللي سويتها نبي نستفيد بصراحه خاصه احنا مو تربويات

ام شاهين والله كلنا في الهوا سوا فعشان جذي اشتري سبوره وشوفي احد من اهلكم بنات ثانويه واشرحي لهم

وان شاء الله الامور بتتسهل

حياج الله عيون ساره منوره وياللا ما بقى شي

 

[ذكريات عشاق]

مسساء الخخير بنات ششخخخباركم
السموحه على الغيبة بس النت كان مفصول
وانشالله كل مالقيت شي بضيفه لكم
جنون مبروك حبيبتي مقدما والله يوفقج وتتهنين يارب والله يتمم على خير

 

[fri2010]

يعطيج العافيه ذكريات والله مكانج امبين فديتج

 

[ذكريات عشاق]

فديتج حياتي انشالله ماتفقدين غالي


التقرير وايد حلو اللي سويتيه ودفتر التحضير الحلو فيه انه مقسم من داخل مرتب