((( تجمع معلمات قسم الاجتماعيات 2011 - 2012 )))

[fri2010]

ايه بس وايد يقولون الملف احسن

اذا ما رضو الملف باخذ اللي فيه سلك احسن

عشان اذا غلط بورقه اقدر اشقها عادي ما يخرب شي

 

[ذكريات عشاق]

اي تصدقين وانا اشوف الصور قاعده اقول السلك افضل عشان اذا غلطتي بكلمة او شي
نفس اللي افكر فيه
وبصراحه انا ماافضل الملف وكل يوم اطبع والخص مادري احس مضيعه للوقت اكثر خاصة اذا كان الجرس ثقيل ودسم

 

[fri2010]

ايه والله صح كلامج بعد

 

[ذكريات عشاق]

مجموعه خراىط انشالله تستفيدون منها انا عن نفسي حفظتها عندي بالجهاز

 

[ذكريات عشاق]

http://www.mo3alem.com/up/

 

[ذكريات عشاق]

وللجغرافياااا

 

[fri2010]

يعطيج العافيه ذكريات صج راح نستفيد من الخرايط وايد جزاج الله خير

 

[fri2010]

بنات تصدقون اذا قالو لي عادي تدرسين دستور بقول لهم لا

بس عادي لو عطيتوني ادرس فلسفه لووول

وايد احلم هههههههههههههه

 

[fri2010]

للرفع

 

[ملآمح يوسفيه]

صبآح الخير
شلونكم بنات
انا ابلة اجتماعيات ثانووي
شهر 11 اكمل سنه
لان تعييينت اخير كورس اول
مو تربويه

موفقين


​

 

[fri2010]

صباح النور ملامح

حياج الله بينا

ياليت تعطينا فكره عن التحضير والشرح وضبط الصف

والسوالف الاداريه مثل درس نموذجي وريادي وورش عمل

 

[درة أهل الطولات]

عســاكمــ على القــوة

 

[EviL^^GirL]

صباح الخير
صورتلكم دفتر تحضيري ، طبعا اهو ملف
وخليت الغلاف صوره من النت وكبرتها بمركز الطالب على ورقة A3
الغلاف كان وايد عملي وناعم

اذا اعجبتكم الفكره تقدرون تاخذون من الصور الي حطتها ذكريات عشاق






وهذي الصفحة الاولى



وهذا مثال على التحضير و بالصفحه المقابله انا دايما اخليها حق اوراق العمل الزايده لان البنات دااااايما يضيعون اوراقهم و الشفافيه او الصور

 

[EviL^^GirL]

وهذي صوره عن تحضيري

عشان تعرفون الطريقه حق تحضير الكمبيوتر




و اعتذر عن رداءه التصوير لان من كاميرا التلفون

 

[ذكريات عشاق]

يعطيج العافية ايفل غيرل
ححلو ومرتب
بس تحضير الكمبيوتر يبيله شغل انا افضل التحضير العادي

 

[fri2010]

ماشاء الله وايد حلو الغلاف ايفل غيرل يشوق ممكن تقولين لي الطريقه بالتفصيل بليز

وشوقتيني اكثر على سالفه التحضير بالكمبيوتر خو انا اقعد بالساعات عليه فما عندي مشكله اذا سويت شغلي فيه

وانتي اي مرحله اتدرسين؟

 

[EviL^^GirL]

يعطيج العافية ايفل غيرل
ححلو ومرتب
بس تحضير الكمبيوتر يبيله شغل انا افضل التحضير العادي

الله يعافيج :eh_s(7):
صدقيني لو كان يبيله شغل زياده جان ما سويته
اهو يختصرلج الوقت ، اول شي اذا بتعدلين مراح اتشقين الورقه ولا تخربينها بالكوركتر
بس بالكمبيوتر تعدلين الغلطه و تطبعين الورقه مره ثانيه و انا بالنسبه لي الكتابه بالكمبيوتر وايد اسهل من القلم
و النقطة المهمه : انج تقدرين تحتفطين بتحاضيرج للسنين اليايه ان شاء الله مجرد تغيرين التاريخ
وبرنت يديد

ماشاء الله وايد حلو الغلاف ايفل غيرل يشوق ممكن تقولين لي الطريقه بالتفصيل بليز 
 
وشوقتيني اكثر على سالفه التحضير بالكمبيوتر خو انا اقعد بالساعات عليه فما عندي مشكله اذا سويت شغلي فيه
 
وانتي اي مرحله اتدرسين؟

ان شاء الله متوسط وانتي؟

الطريقه ما يبيلها شي طبعيلج اي صورة اعجبتج من النت وعاد ضبطيها شووية
كتبي اسمج المرحلة و الي تبينه وخليها على كبر الـA4 ووديها مركز الطالب يكبرونها لج
على قد الملف بالضبط ويقصونها و يدخلونها
وكل هذا بدينار بس ووايد عملي و حلو
عكس لما تودين ملف بوابه الهدايا بياخذون اقل شي 8 وبيدمرج زري و يتشقق لي نهايه الكورس
وبيكون شكله اوفر



في ابلات يسوون دفاتررهم بالجوخ ووايد حلو وذرب واحلى ما فيه ان شغل ايدج
ان شاء الله ناوية عليه وان سويته انزلكم صور شغلي

اي سؤال ثاني انا حاظره :eh_s(7):

 

[fri2010]

يعني اطبع لهم الصوره وودي لهم الملف عشان يضبطونه لي؟
شنو اقول لهم عشان يضبطونه لي؟
الملف أخذ بو جم ورقه شفافه داخله؟
انا ثانوي ان شاء الله
لا بصراحه ما ابي اوديه بوابه هدايا اعرف خبتهم
بس قلت يا اما ملف بو اوراق شفافه او دفتر التحضير اللي فيه أسلاك عشان اذا شقيت ورقه ما يخترب
بس شنو يعني جوخ؟

 

[ملآمح يوسفيه]

,
EviL^^GirL
مشاءالله شغلج روووعه
نفسج انا هالسنه بسوي تحضير بالكمبيوتر ارتب و احلىىىى
وقبل ابتلشت اذا بدلية ممنوع كركتر ومن هذي الامور
حبيبتي لو تقدرين ترفعين لناا ورقة تحضيرج الي بورد ​

fri2010​

هلا حبيبتي
تحضير اهو اكثر شي كنت خايفه منه من بداية تعيني
بسسس في ابله انتقلت واخذت تحضيرها وصرت انقل منه
بس قبل لا انقل اكون فاهمه ووو مرات اضيف شغلات او احذف
مع ممارسه طبعاا تفهمين شنو تحضير .
​

انا سويت له تغليف دفتر االتحضير سويته اخير مره
ب 5دك شغلهم مرت وحلووو في مكتبة السنافر ​

بس هالسنه بسوي كمبيوتر وفايل بدال دفتر التحضير للاسباب التاليه
خطي يلوع جبد ومخيس الدفتر
الموجهات ما يحبون الكركتر وشخابيط يعني لازم تشقين ورقه بعدين يتقطعون اوراق مثل ما صار لي ​

انا مسويه طريقه كل بعد تحضير درس الزق صوره تختص بالموضوع يخلي كتابج التحضير مثل مجله وحلووو

​

هذا بالنسبه للتحضير ودفتر ​

 

[fri2010]

وين صايرة مكتبة السنافر؟

انا بعد اقول جذي اما ملف او دفتر تحضير بو سلك احسن شي عشان ما يخرب اذا انشقت ورقه

حلوه خوش فكره