*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[Laidy n3ooma]

قل ما تشاء

والله عبالي انج كويتيه

كلامج مو سعودي

 

[Laidy n3ooma]

اليوم قمت على الساعه 4 العصر

وشربت حليب قليل الدسم فيه قفشه عسل طبيعي >>> وبعد مافي فايده مع هل امساك

وكلت سمجه

وعلى ال5 ونص شربت شاي حليب

وبسسسس

 

[Orangiya]

ليليي ..

لووول اي والله كنت مع عيالي نلعب توم وجيري انا القطو وهم الفيران ينحاااااااااشووووووون من يسوون مصاايب ×_× ...
بس الحين الحمدلله صار عندي خدامة مريحة راسي شوي .. كلش ولا اني اشيب بصغري لوووووووووووووول ..

خلاص بطلب من اخوي يوديني امير الامراء ... بخاطري انواع من الخبز الاسمر مدحوه لي .. و جم شغلة ثانية ما اعرف اسمها ههههههههههه ..
ومرة وحدة اشتريلج درابيل وادزه بالمنجنيق لووووووووووووول > للحين عايشة الدور


اي والله الكويت ديرة بلع سكتي انا غصب ماسكة نفسي .. والله المطاعم هني مصيبة الواحد مايقدر يمسك نفسه عنها ههههههههههههه

هههههههههههههه خلينا نسولف عن الاكل عادي .. دامه بعيد عنا وما ناكله ... مثل ما تقول بريق نكحل عيوننا بس .. ههههههههه
عطيني طريقة الكوكيز اخلي اختي تسويه لي .. انا كلش مو صوب الطبخ .. مع اني كنت احب الطبخ بس الحين بالشقة اليديدة تغير علي المطبخ ما ينفع للطبخ كلش للاسف ..

×××××××××××××

تفاصيل ..

عدناااا .. سبيس تون تايم لووووووووووووووووول ..

عوااافي عليج مقدماً ولا تزيدين عن ال16 نقطة .. و هاف أ نايس تااايم~

ونااااااااااااااااسة انتي من الرياااااااااااااااااااااااااااااض ...

لا لا جد اذا في طريقة ترسلين لي الكوكيز ... وتعيدين لي ذكريات لندن العريقة .. لوووووووووووووول ..

لقيت في موقعهم الرئيسي ... افرع بنز كوكيز بالسعودية :

سحارا مول ..
و .. tahlia street beside tahady cafe >> ما فهمتها ..
و .. شرق بلازا .. المخرج 15
و .. مكتبة جرير .. طريق خريص مخرج 13
و .. مكتبة جرير (الحمرا) .. طريق الملك عبدالله

.. اختاري الاجابة الصحيحة وعرّفي عن اي الاماكن اقرب لكِ ...

ههههههههههههههههههههههه

والمشكلة كلش ما ينفع مع الدايت .. خلاص ابشرج بس اوصل 60 .. اقول لج ترسلين لي بالـ DHL على حسابي .. لووووووول ..

بس صج ما يتطوف .. روحي اكلي منه قطعة صغيرة ما يضر ... انا احب اللي بالاورانج .. و التربل تشكلت .. واللي بقطع ككاو الحليب .

××××××××××××

ام فجر .. عواااااااااافي حبوووبة .. ونشوف هالاسبوع تاخذين الوسام والا منووو .. ههههه


××××××××××××

تووميي ..

هههههههههههههههههههه دربولا والا دراكولا .. XD

مي توو احب الزبادي قصدي روب بالفواكه والبسكوت وجذي سوالف ..

كسلاااانة ليش متأخرة بالنومة لوووووووول ..
خلاص نطلع العشا عالبحر بعد و نسوي حفلة باربكيووو وناااااااااااااااااااااسة .. الاحلاام حلللوة ههههههههههه

و ماا انتبهت اذا كنتي رادة عن روايتي سووري حبووبة .. خلاص ولا يهمج ادزها لج الحين خاص .. بس عاااد عطيني راااايج فيها ههههههههه

لورد اوف ذ رنغ ميي توو احبه ارااغووون .. هههههههههههههه >> هالبنت منتهية اصلا ليش متزوجة XD

واشدعوه امس سهرانة عالفلم ولا تعزمين .. ههههههه .. عاد تدرين كلش ما احب اتابع فلم احبه من قناة .. يغثوووني بالدعايات الطويييلة >__< ...

×××××××××××××

اخت خالتهم .. سلااامتج حبيبتي .. اهتمي بصحتج اكثر هالفترة حالج حال النفاس يقولوون ..

×××××××××××××

ليدي .. ولكمووو .. وعسى ما تزيديين 100 غرام بعد مثل الاسبوع اللي طاف لوووووووووول ..

لا افا عليج انا شكيت ان ليلي سعودية من لهجتها .... تتكلم نفس تفاصيل تقريباً ههههههههههههه ..

الحين انا اعرف اميز اللهجة الاماراتية والبحرينية والسعودية .... بس القطرية والعمانية كلللش ما قط مرة سمعتهم تصدقين ... لووول ..
شنو في لهجتكم كلام يختلف عن باجي دول الخليج ؟


مثلاً .. الترحيب ..

بالكويت .. شلوونكم شخبااركم
البحرين .. شحوااالكم
الامارات .. اللي اعرفها يامرحبا الساع لووول
السعودية .. كيف حاالكم ؟ او وش علومكم ؟؟ او في غيرها نسيتها ..

قطر وعمان ما اعرف .. ههههههههههه

 

[ام بوني ونوشه]

شلونكم يارشيقات


والله صرت جزء من يومي لازم اتطمن عليكم


اليوم تريقت نص خبزة مع بيض مفيوح

والغدا شوي عيش مع دجاج

وبس

شوي راح اشرب شاي اخضر او نسكافيه

 

[ToOMii]

اوورنجياا .. ههههههه هاي الناب طال عمرج بس وايد رقدت xD
الااااييي عاد اي بحر فيهم لووول ونسوي باربكيوو ليش لا
لا عاد أراغون لي انا :| بسج عاد المفروض ماجوفين ريايل يوزي لوول
ههههههههه كنت مندمجه وايد ويا الشعر الطويل نسيت اقولج
اففف سكتتييي الدعايه اطول من الفيلم غصب تلوع جبدج وانتي اطالعين
وانا كلش مو صوب الكوكييز بس شهيتيني فيه الصوور عجيييبه
تفاصيل انا بعد دزيلي كوكييز لووول او تدرين بايي ازورج ونروح ناكل منه
وعلى فكره إحنا مانقول شحوالكم نقول شلونكم شخباركم

ام بوني ونوشه .. ههههههه اي صار التجمع ادمااان
علييج بالعاافيه

 

[قــل مـا تـشـاء]

أم فجوورة ,,
عليج بألف عااااااااااافية حبووبة ,, العفو ولووو *_^
توومي ,,
ايييه على الزبادي من صغري ما آكله مااحببه استغفر الله حتى ريحته مااحبها ,,
هذا زوجي يقول لي اكلي ويا التمر زبادي يحلف اني بحبه قلت له مستحييييييييل أنا ممكن اشرب حليب اي
بس آكل زبادي واشرب لبن @@@@ !
وبالعااافية عليكم صحححححي صححي اعرف وحده تقول تاكله كأنها تاكل ايس كريم لآااازم يوميا زبادي
عليها بألف عافية .,
خلآص اذا جيت بجيب لج بس على الحدود مابدخل االبحرين بس وانتي بتأخذين الكيس جيبي لي حلوى ابي فيها مكسراات وااااااااااااااايد > اللــــــــــــــــه ههههههههههههههه
اخت خالتهم ,,
آهاااا يلا الله يعطيج العااافية ,,
ليدي ,,
هلا هلا اجاااااااازة سعيييدة ونومآ هنيئآ .,,,,
اييي سعودية لوول شلون مااتكلم سعودي .! أنا حساويه يعني شوي اللهجة مختلفة صايره ,,
بس لهجتي بعد مو حساوية 100% يعني شوي في اختلاف في اللهجة على حسب المنطقة اللي أنا فيها ,,
يعني مثل بشير الغنيم لهجته وووووووووووووووع الحمد لله اني مااتكلم جذي .!
ههههههههههههههههههههه
وبالعافية علييييج , كثري برتقال وعصير برتقال وعنب ,, اكلي وان شاء الله افراااج ,,,
أورنجيآ ,,
انا القطو وهم الفيران ينحاااااااااشووووووون من يسوون مصاايب ×_×
ههههههههههههههههههههههههههههههههههه تخيلتهم وهم يركضون وانتي وراااهم لووووووووووول
لا الدرابيل ابيه من الوطني مامره ذقته لووول وطرشيه بسررررررعه هههههههههههه
الكوكيز بحط لج الرابط بس المنتدى الحين مغلق للصيانه صبري شوي ,,,

مثلاً .. الترحيب ..
بالكويت .. شلوونكم شخبااركم
البحرين .. شحوااالكم
الامارات .. اللي اعرفها يامرحبا الساع لووول
السعودية .. كيف حاالكم ؟ او وش علومكم ؟؟ او في غيرها نسيتها ..

للمعلومية ,,
أحنا في الحسا مانقول كيف حالكم ولا وش علومكم > هههه بس هالكلمات خذيتها من قوزي وخلاص قمت استعملها لووول
نقول مثلكم ,, شخباركم بس كلمة شلونكم هذي الكبار هم اللي يقولونها ( الشياب )
فلو بدخل البيت مثلا وبقول لهم شلونكم بيموتووووووووون من الضحك هههههههههههههههههههه > كللش مو جايه ,,

هلا هلا ام بوني ,,
عوااافي عليج اللي اكلتيه ,,

 

[قــل مـا تـشـاء]

هذي طريقة الكوكيز يا أورنجيآ ,,
http://www.vb.eqla3.com/showpost.php?p=34945911&postcount=560

 

[قــل مـا تـشـاء]

يومياتي لليوم .,
الفطور ,,
آآآآآآحم حررركات يعني وعلى انه مسويه انه يومي صحي وحرركآت خخخ
برتقالة و خسه , آكلتهم وشربت ماي 62
ونص كوب فتنس 60 سعرة
وقطعة جبن ابيض و3 حبات زيتون او 4 مو متذكرة ونص خبزة 50 +40+60= 150
لآتيه 90
سناك :
تفاحة =81
الغدا :
سندوتشة همبرغر دجاج محشية بـ شريحتين طماط وخس = 245
عصير 104
سناك
شاي 21
العشا :
كوب فتنس = 120
المجموع ,,
933
آآآآآآآآآآآآآآآآآحم ههههه حاولت قد مااقدر أخلي يومي صحي .,,
اي تعليق مني والا مناك .,

 

[Orangiya]

ام بوني .. ناقصج خضار وفواكه يا حلوة .. والف عااافية ..

اي والله صار التجمع ادمااان .. في سبيل الرشااقة ههههه

...

توومي ..

اييي اعجبج .. نروح البحر ونفرش ونبسط و نشوي .. ورا كنتاكي اللي عالبحر في خوش قعدة عالشاطي .. لوووووووووول اللي يقول عرفتوا وين XD

بعددد حاطة عينج على اراغوون .. مو كافي ادوارد الميت ؟ .. >> الكلااام لج يلا بعيد هههههههههههههههههههه
لا انا احب شخصياتهم والا الحب الاول والاخير لزوجي فديته > اي رقعيها ههههههههههههههههههه

الكوكيز اللي نعرفه اليابس حده عادي .. ولا مكان يسوونه حلو ...
بس بنز كوكيز شي ثاااااااااااااانيي ... ترف و يذووب بالحلج مو مثل البسكوت الياابس ... يللاا متى اصير رشيقة عشان اكله لوووول

افاا طلعت معلوماتي غلط .. انتو بعد شلونكم شخباركم .. يلا خليجنا واحد ما تفرق هههههههه بس سامعة وايد من البحرين يقولون شحوااالكم ..

وصح انا اطالبج بحلوى حمرااا وخضرااا حاااااااااارة .. بس اذا يصير بدون دهن >> وين صارت هذي ؟! ههههههههههههه

..

ليليي ..

ايييه تخيلتي الوضع .. بالضبط مثل القطو والفار لوووووووووووووول .. شسوي عيال هالوقت ينانوة اسم الله عليهم الكل يقوول .. عياالج شنووو غير عن عيال الناس >_< !!!

الكووكييز اللي حطيتيه شكله رهييييييييييييييييب نفس بنز كوكيز ونااااسة ... خلاص بخلي اختي تسويلنا بزوارتنا عاد بضيف له قطع ككاو حليب الابيض .. و ابي بالبرتقال بعد .. عايشة جو بنز كوكيز لوووول ..

ول .. طلعت شلونكم كلمة شياب ×_× ... واحنا الكل يقولها صغار وكبار هههههههههههههههههه ..


×××××××××××××


يووومي ...
ريوق شابورة وشاي اعشاب
غدا ... شوربة خضاااار ..
سناك .. مكسرات وعنب
عشا .. اشتهيت ريد بيري كلوقز وحليب .

بسس .. لان اليوم ماااكو رياضة ما كليت وايد .. متى يخلص اسبوع المرور الاحمر ياربي .. تعودت عالرياضة كل يووم >_< ..

ايي صج توومي .. نزلت من التورنت تمارين جوليان .. تصدقين اغلب الحركات اللي سوتها سويتها امس بالنادي مع كلاس ال atb !! .. وناااسة يعني فادني كلاس امس ...

 

[Orangiya]

ليلي ..

وناااسة مدلعة نفسج بالريوووق .. هههههه
لا جذي صرتي 100% صحية .. تعجبييينيييي~ .. ^_~

حلو الواحد ينوع بالاكل من كل قطر اغنية .. من كل نوع من الاكل ناكل شي ..

والف عاافية كل وجباتج ..


انا اليوم اكلي كلش قليل لان الايام اللي رحت فيها بيت ابوي شوي اكل بزوود .. مع اني ما اخربط وارووح النااادي .. بس احس الكميات زايدة شوي .. عشان جذي اليوم قللت حيل .. وباجر نفس الشي .. ان شالله ..
لان يوم الجمعة زوااارة .. ومابي اخرب على يوم السبت .. ان شالله بس متحرك الوزن !!!

 

[قــل مـا تـشـاء]

هلا اووورانج ,,
اييي اعجبج صايره هيلثيه لووووووووووووووول
اييي وتشبع حدددها تعطي طاقة .,
الله يعاافيج وانتي بعد بالعااافية .,,
اييي مو هذي الوهقة السبت هو يوم الميزان لوووول مانقدر نرقع شوي خخخخ .,
والكوكيز مو يابس تررررررف وحدددددده لذييييذ .,, توني مسويته قبل 3 اسابيع تقريبا .,,

 

[Orangiya]

هلاا فييج حبوبة ... وللحيني احوووس ورااا عيالي .. ولدي عمره سنة ونص .. احطه بسريره يعرررف يتسلقه و ينزل منه ويرررركض عالصااالة و هو يضحك !!!!!! >_< ...

قبل ثلاث اسابيع مسوية كوكيز ؟! .. عدل .. وبعدين قولي الوزن مو راضي يتحرك هههههههههههههههههههههه

 

[قــل مـا تـشـاء]

ههههههههههههههههه شييي ولدج الله يحفظه أهم شي انه يجي وهو يضحك
لوووووووووووووول
لآ لآتحااتين مسويته في بيت أهلي بالويك اند ,.,
لآزم عاد نوريهم الشطاره شوي لوووووووووووووووووووول

 

[قــل مـا تـشـاء]

ترا على فكره بكره في الليل شبه معزومه هههههههههه مو معزومة بروح مكان خخخ
يعني اولا مابتشوفوني مسنتره هني الا يمكن تالي الليل
ثانيا السعرات قد تزيد قليلا
وسلامتكم

 

[تفاصيل روح .!.]

انا جييييت

لاتحاتون كل اللي كليته فواكه بسس حتى اشتهيت ورق عنب لما رفعتها باكلها تذكرت الـ400 جرام وخفت ونزلتها :"(

اورنجيا صحارى مول دوم نروح له نلعب البزران واهلي يحبون يتغدون او يتعشون هيناك

هذا غير ان التسوق فيه غير شكل عجيب لانه كبير وتحصلين فيه كل شي

اما جرير اسمحي لي انا مقاطعه المكتبات من تخرجت

اذا تبين برسل لج بس انا حاليا مابي اجربه لما اوصل لهدفي اخاف اجربه واخرب ام الدايت

وبعدين تعالي وش جاب لهجه الحساء نفس لهجه اهل الرياض ترى وايد اشياء طافتج

اولها ان لا انا ولا هي نحكي بالجيم .. لان لهحه السعوديه اصلها كاف مثل كيفك وش اخبارك بس انا وياها هينا نقول وش اخبارج >> لاحظتي

واممم فيه اختلاف في طريقه نطق بعض الكلمات يعني بنات الشرقيه كلامهم تحسينه شوي كبير يفخمون الحروف وايد

وبنات الرياض لا رقيقه الحروف بس لهجتهم عاديه واحيانا تميل للدلع طبعا قليل هالشي بس تحسينه عاادي جداا

عاااد الحجاازز يجنن كلام بناتهم اسلوب نطقهم بالحرووف بحدده دلع يجذبج

اهل القصيم نو كومنت x..x


تومي لا ماوصلت 18 يمكن وصلت بس 12 او 10

كل اللي كليت طول اليوم فواكه رغم اني ماليه صحني مشاوي عشان ماينتبهون الناس اني مركزه على الفواكه لووول

كثير اليوم يقول لي احلويني قلت اصلا من يومي حلوه تنكرون >> مغروره

ولد عمي يغمز لي يقول طالعه خقه قلت اكيد من يومي مطيره عقول خلق الله

قال لما نحفتي احلويتي الله يحفظك

هههههههههههههههههه تلاحظون انه يمون يسولف معي بس ماعليه مادام يمدحني فلا باس

انا مثلج احب الزبادي صراحه يمممي


ليلوو

ايه ابد ماقدرت افلها بس والله اهم شي سعه الصدر واني فخوره بالانجاز اللي وصلته خصوصا نصهم مو شايفتهم من العام
وكل مامر عند طاوله اسمعهم يتكلمون عني هذا بحد ذاته فخر

وبالعافيه عليكم كلكم اللي كليتووه

 

[Laidy n3ooma]

ليدي .. ولكمووو .. وعسى ما تزيديين 100 غرام بعد مثل الاسبوع اللي طاف لوووووووووول ..

لا افا عليج انا شكيت ان ليلي سعودية من لهجتها .... تتكلم نفس تفاصيل تقريباً ههههههههههههه ..

الحين انا اعرف اميز اللهجة الاماراتية والبحرينية والسعودية .... بس القطرية والعمانية كلللش ما قط مرة سمعتهم تصدقين ... لووول ..
شنو في لهجتكم كلام يختلف عن باجي دول الخليج ؟


مثلاً .. الترحيب ..

بالكويت .. شلوونكم شخبااركم
البحرين .. شحوااالكم
الامارات .. اللي اعرفها يامرحبا الساع لووول
السعودية .. كيف حاالكم ؟ او وش علومكم ؟؟ او في غيرها نسيتها ..

قطر وعمان ما اعرف .. ههههههههههه

من الصووووت ينعرف انا من اول نطقه اعرف اللي جدامي اي جنسيه

ترا تقريبا احنا قراب من البحريني بس بدون حرف الدال خخخخخخخخخخخخخخخخخ:d >>> بانطق بعد شوووي

شوفي المسلسلات القطريه

وانقول شخباركم وشلونكم اممم مادري والله يمكن عشاني قطريه مادقق شنوو الشي اللي يميزنا بس تقريبا كلامنا اقرب للبحريني والكويتي

بس وايد بعاااااد من السعودي والامراتي

 

[دلوعتهـ]

يومي
الريوق توست وبيض وعصير جريب فروت
الغدا شوي عيش وصدر دجاج
العشا ربع خبزه حلوم وربع ثاني فلافل مع جاي هههههه
والحين يمي مطاره الاعشاب واشرب


الاسبوع اللي طاف ما نزلت الا 100 جرام لاني انعفست بالامتحانات وتعب ولدي فقمت اخربط شوي وما العب رياضه مافي وقت عشتووو ان شاءالله هالاسبوع انزل عدل

اورنجيه البيض مو هذاك الزود معاه بس لان ماعندي كالسيوم ف اعوض شوي والحليب بعد مو هذاك الزود بس اضطر ان اكل بيض او اشرب حليب اهم شي الصحه على قولتهم وعندي نقص بالحديد بس احيانا اكل الحبوب واحيانا انسى اما السبانخ املللللللللللللللج الله يديم النعمه

الحين عطلتي تقريبا شهر قاعده اقنع زوجي ادش نادي بس مقفللل لان بالنادي التزم بالرياضه عسى ربي يهديه ويوافق

 

[قــل مـا تـشـاء]

هلا بنات بالعافية عليكم ماكليتوا
لوووووووول تفاصيله
ودي ارد عليج على اللهجات ههههههههههههه بس الحين مااقدر قاعده اكتب من الفون
وشوي نعسانه برد عليج وقت ثاني حتى لو الاسبوع الياي عادي خزنت الصفحه بالمفضلة لووول
والله سالفه حلوه وعندي كلام واااايد بس لمني افضى واجي اكتبه
سييييييييييو

 

[اخت خالتهم]

بنااااااااات
اليوم كان يومي

الغدا = الريوق كلهم بوقت واااحـد
كان بيضة وحده خلطت معاها الاعشاب اللي من امي = اعشاب امي بسميهم ههههههه
و حطيت فلفل اخضر بارد و شريحتين طماط
وشريحة جبنة قليلة الدسم .. و المشروب ( يا عيييبي شنو مشروووب ) المهم كان ماي

وبين الغدا و العشا شربت عصير من مطعم لانوتر رمان وكرز وليمون مع بعض اينن و ما طلبت شي بعد ولاطب بحلجي الا هالعصير والماي والله والله << عشان تصدقون والكل ياكل وانا بس اشرب هالعصير و اطلع مليون سالفه
و مصدووومين اني ما اكل

شرايكم قوووية انا صح ؟


و عقب واحنا رادين مريت مع ريلي دياي تكا و شريت صدر ديايه مشوية سبايسي
وما كليتها كلها و قبلها كليت 4 قفشات سلطة .. والحمدلله احس اليوم خفييييييييفه

وماشرب الا ماي وهالعصير

واللحين بشرب كوب قهوه

و احس ابي حلو كليت تمره وحده

وريلي راد من المطار يايب بنك بيري على جوز الهند
قلت له والله ماراح اذوق الا قفشتين
لان حلووو ومشتهيته


شرايكم قوية اليوم وشاطرة ؟

والرياضة مشيت شوي بالممشى على البحر يمكن ربع ساعه لان نسيت لبست كعب
و احنا كنا رايحين عشان نمشي

و سويت اليوم رياضة الخصر 15 مرة بس ..

والقاري ان شاءالله بشتريه مع المعاشات


عاد شجعوني عـاد

 

[اخت خالتهم]

اورنجيا
اي مهتمه ماتشوفين احط الاعشاب بكل شي
و اخذ قفشة بليل وقفشة الصبح