تجمـع نحيفـات عيـد الفطـر .. خـاصة اللي بيسـافرون بالعيـد .. تعـالو /الجزء الأول

[اخت خالتهم]

عيناوية
هلا وغلا حبيبتي
واي عاد انتي حاسة فيني تبين شكلج حلو بالسفر حياج الله معانا

عسل
حياج الله و مبرووووووك النزول ما شاءالله والنزول البطيء احسن من السريع يعني انا حاطة في بالي بالشهر 3 كيلوات
و حسبت لي نص 6 اكون نزلت 3 و لي نص 7 نزلت 3 و لي نص 8 نزلت 3 يصيرون 9
وايد حلوين و اكون بالستيناااات
يااااااااااااااااااااااااااارب

 

[كويتية بروما]

ياربي ابي اضعفففففف حتى ريلي قبل مايقولي شي الحين ينقز ع الرجيم وهالسوالف
كنت 90 وصار لي اسبوع رجيم صرت 88 وابي اصير 65 ان شاء الله
بنات هالمتن ياني من الحمال والاجهاض والله وايد تغير جسمي
ادعو لي اضغففففففف

 

[wojood22]

هلا حبيبتي خت خالتهم

عيني وزني افشل ١٠٤
طولي ١٥٦

انا قلت حلمي ادخل السبعينات لأن ولا عمري شفتها في حياتي

 

[wojood22]

المهم بخبركم عن وحده معانا بالدوا م
اهي طالع اجازه صار لها ست اشهور تقريبا
اليوم رجعت اتصدقون ما صدقت لما شفتها بققت عيوني مستحيل هذي اسوم
وين الشحوم وين المتون مسكتها من يدها جان اسألها شنو سويتي قالت لي
(( سويت عملية تغيير مسار المعده !!!!!!!) )
بس صدق ضعفت وايد يعني فرق السما عن الارض
كانت حول ١٥٠ صارت في الثما نينات

المهم هذي قصتها واذا صار عندي مجال بكمل لكم قصتها لان ليها تكمله حزينه

 

[Pink Cart]

انا نزلت 10 كيلوات بالاربعين بدون مجهود من ضمنهم اللي نزل مع الولاده وزن البيبي وجذي

وصلت 78 ورحت حق طالب الشمري ووصلني لي 73.5 وبس مليت من رجيمه وصرت اخربط وصارلي فتره موقفه ونلت كيلو الحمد الله اني ما زدت مع هالتخربط والاسبوع الياي بروح حق د بشاير البدر

 

[اخت خالتهم]

كويتية بروما مثل معاناتي انا السبب كان الحمل و الاجهاض والحبوب اللي خذيتها زادت وزني

وجووود ماشااءالله
كملي كملي

بينك كارت
انا رحت عند طالب نزلت كيلوين و وقفت قبل كنت عنده بس لاعت جبدي رجيمة كله نفس الشي

انا توني كليت قطعة صغيرة كيك و تغديت شيش طاووق مع شوي سلطة

و بعد شوي بدرس فـ لازم قهوه

و بعدين بمشي بالممشى مدة ساعه بإذن الله

 

[Pink Cart]

طالب رجيمه عجيب انا قبل رحتله وضعفت كان وزني 78 ووصلني لي 64 بس الحين لاعت جبدي من رجيمه كله توست توست توست مليت قمت اخربط

 

[Laidy n3ooma]

اليوم شربت جاي ع الريوق

والغدا كلت صحنين سلطة

وعلى الساعه 6 ونص المغرب دبييييت بغدا البيت كلت صحن بس ماحس اني شبعانه

خلاااااااااص بسكر حلجي

 

[Laidy n3ooma]

ابي اضعففففففففففف ابي اصييييييييير رشييييييييييقه واحرررررر العذاااال

 

[اخت خالتهم]

بينك كارت
صاااجة انا بعد نزلت من 74 لين 66
بس عرفت رجيمة وحفظته
و الصراحة سويت بروحي رجيم قبل كان تخفيف و ماكو خبز الا مرتين بالاسبوع و وجبة مفتوحة
نزلت لين 64 و ثبت وزني
بس زاد مع الحمل و الاجهاضين اللي مريت فيهم

 

[اخت خالتهم]

ليدي قمتي تخربطين
ممنوووووووووووع
ممنووووووووووووع

التزمي نبي نكون رشيقات بالعيد

انا قاعد افكر برمضان اسوي رجيم التمر و اللبن و ازيد عليه شوربه
و السحور يكون خفيف خفيف خفيف و ما اكل شي بين الفطور و السحور

واللحين بسوي زعتر واشربه

 

[اخت خالتهم]

ما ادري شنو اتعشى بنات ..
بس شكلي جكن ناقيت او اي شي بدون خبززززز

 

[Pink Cart]

الجكن احسن شي تحطينها بالفرن علشان تاكلين بدون تأنيب ضمير من الدهن مال القلي انا علطول احطها بالفرن ولذيذه

 

[فواصل]

مساء الخير. ... يومياتي الرجيمية =. الريوق. : سندويش فول بدون اي اضافات. و كابتشينو سكيني. ....السناك : ماي و ٢ شوكليت صغار و قهوة. واخر شي شريت شاي اخضر. ....... الغداء : برجر مشوي و شرايح فلفل اخضر و مشروم و روتي اسمر وتبولة و ملة صغيرة باستا .............السناك: حبة كل من ميني سينبون قد اللقمة و ميني كيك و قهوة ......... العشاء :بيض عيون عليه رشة فلفل اسود بدون خبز. ......... قررت اوقف واشرب ماي وبحاول احرق كل اللي كلته برياضة خفيفة .....سوري على الخربطة لاني اكتب لكم بالايباد

 

[RicardO]

اخت خالتهم اي صح جذي اسمي
انا بلشت رجيم من اليوم الحمدالله اليوم صايمه الله يتقبل ان شاءالله وماخربطت وايد
رجيمي من دايت سنتر واللي تبي تسوي نفسه تقولي ادز لها الاوراق او اذا تبون انزلهم اهني بالمنتدى

بس ترا بنات اهم شي حتا لو خربطتو
انكم تقومون موشبعانين تخفيف
وتاكلون 5 وجبات = يعني ( 3 وجبات و2 سناك بين الريوق والغدا والعشا خلو 7 )

وانا اذا عالسوالف بتتعبون من قرقتي

انزين اخت خالتهم نبي نوزن شلون متا تحطين الميزان عشان يصير حماس
اكثر مابي يدش رمضان وانا تناحه على هالوزن

سوي فورما نعبي بياناتنا
الاسم الطول الوزن وتاريخ الرجيم والرجيم المستخدم والاشياء المساعده . . وجذي يعني​

 

[قَلبڪْ صًخرْ]

اليوم عطاني دكتور فري
لان الحمدلله نزلت نزول الي ابيه بهالاسبووع
والله ضغطت على نفسي ونلت الي اتمنئ

باقي الحين 10 كيلووو قدامي
وانا قدهااااا

حدي متحمسه


بس خايفه الاسبوع الجاي دورتي
وبدوره يثبت الوزن ?


شجعوني بنات

 

[قَلبڪْ صًخرْ]

بنات خلو عندكم حلم
اذا ضعف شنو بيصير بتغير بصير شخص ثاني

انا ماكنت مقتنعه اني بطه
لما امي قالت ضعفي بس انتفختي
قلت هاااا امي قالت بس يعني انا وارمه
لان امي تحب المتختخه
قلت صج انا بطه الحين
قالت جنج كبت متنقل ههههههههه


والله ضاق خلقي وليلتها افكر واخطط
ماطولت من باجر رحت رجيم سنتر وراجعت
وقلت بس انت قدهاااا

 

[RicardO]

سلام
انا بلشت رجيم من ١٥/٥
لي سبوع
وابي انقص ١٥ كيلو
يارب انقصهم بعافيه


انا رجيمي تبع شركه رجيم سنتر
بس انا احضر الاكل يعطيني نظام واسويه بالبيت
الحين امشي واسوي رياضه لشد صدر وزنود

بس من بداية ٦ بدش نادي
عشان اشد اكثر
وبس


طبعا بكون معاكم ومع يومياتي ?

اي والله زين ان شاءالله تنزلين زين رجيم كل اللي اعرفهم اضعفو عليه بس انتي شنو وجبات ولا دايت سمارت ماتدرين شلون رجيمهم برمضان لان انا علي قضى وقاعد اصومه ومادري شلون نظام الحين قاعد اسوي وجبتين وسناك بعد ساعه من الفطور على جمعتنا وماكثرت فنيال قهوه بس واحد شلون اذا عندج فكره او موعد ياريت تسالينهم

 

[RicardO]

كلكم نفسي انا بعد رحت لطالب وصراحه رجيمه غثيث بس نسكافيه وتوسست والبيبسي عادي والعصير ممنوع
اللي اكتشفته يابنات ابدا ابدا لاتحطون ملح باكلكم ولا تاكلون طماط ولا جزر والسلطه لاتحطون درسنق معاها غير زيت زيتون وليمون

 

[كويتية بروما]

انا سويت الكيمائي اربع ايام وبموت ودي انحر اللي بالبيت كلهم فوقفته اليوم وباجر ببلش برجيم طالب ان شاء الله
في يم بيتنا جيم بس ريلي مو راضي لانه خلط قالي امشي احسن ومن حظي النحس اشتغل المطر من يومين بنطر المطر يوقف وامشي توني من اسبوع اجهضت عادي امشي ولا موزين

بنات انا عكسكم انتو بتسافرون بالعيد انا برد الكويت بنص رمضان ان شاء الله وبعيد بالكويت وثاني يوم برد ايطاليا
فودي لما ارد الكويت اكون اضعف لو 12 كيلو انا راضيه