تسمين على خالتج ؟

[z8rtia]

السلام عليكم ورحمة الله وبركاته

تسمية البنات

يعني الصبيان ما تفرق اساميهم عالريل .. بس عالبنوتااات

سؤاااااااااال .. منو سمت بنتها على خالتها ؟

انفرض عليج ولا برضاج؟

واللي ماااااااااا سمت .. على منو سميتي اول شي؟ والامور كانت سهله ولا واجهتي نغزاات ؟ :eh_s(6):

واللي ليلحين .. شناويين ؟ _03BA:

 

[dnyay_mll]

ماسميت على خالتي
حتى زوجي ماقط علي نغزات
وبجري كان ولد
وبنتي عمي ابو ريلي سماها

 

[cute-q8cat]

والله ودي أسمي على خالتي لأنها تستاهل بس أسمها موحلو صراحه ما أقدر أسمي بنتي أسم مو حلو..
و مشتهيه أسمي على أمي..
والولد مانقدر نسميه على عمي لأن حماي العود مسمس بجره على عمي فمايصير اثنينهم نفس الشي..
واحنا مختارين اسم حق الولد من خارج نطاق العايله..
بس ان شاء الله الله يرزقنا

 

[أم منصـ 85 ـور]

تستاهل خالتي وياحلو أسمها

 

[مضيعة]

ما أتخيل أسمي على اسم أحد لا أمي ولا خالتي ولا حتى أبوي أو عمي...:O_SHH_:

مادري ليش أفكر جذي مع إني أحبهم والله وأساميهم زينه ما فيها شي...
بس أحب أسمي عيالي أسماء مو مكررة بالعايلة والبنات بالذات أحب أسمها يكون مميز ويخصها إهي بروحها ..
وأتمنى أسميها أسم يكون له دور مهم بشخصيتها وتربيتها..

مادري.. هذا :eh_s(21): حب :eh_s(21): مني لها ؟!؟( ترى لي الحين ما يبتها!! )....... ولا أنانية منى؟؟ !! :rgewrg:

بس الحمد لله أهلي وأهل زوجي عارفين طبعي ومتقبلينه ..

:eh_s(17): والله يرزقني هالبنوتة اللي ناطرتها على نار :eh_s(17):

 

[لـعـيـونـهـا]

مافيهـــاا شي اذا سميتـي على (( خـالتج ))
بس اذا كـان اسمهاا مو حلوو لا والله مو لاززم
ومومعناة اذا سميت يعني اهي غاليه علي ,, ياما ناس
سمووا وهوشااات مع خالتهم والعكس صحيح ,,

بس ما ااييد اسمي على امي وخالتي موو سميه عليهـاا

احس احرآآآآج كلش موحلووووهـ ,,

 

[قلبي ابيض]

ما فكرت

 

[الأصيله]

والله خالتي نستاهل اني اسمي عليها

 

[meen_ana]

مافيها شي بس اذا كان الاسم وايد قديم البنت تنظلم

 

[.. مـــلاكـ ..]

ماعندي بيبي
الله يرزقني واقولكم

 

[mrs_sugar]

شوفي في بناتي كلهم طول فترة الحمل اختار اسم و عقب الولادة يتغير

يعني البنت الله يختار لها الاسم مو احنا

اول وحدة سماها عمي ابو ريلي

و الثانية انا سميتها عقب حلم حلمته باسمها ( مع ان الاسم اللي اخترته لها كان كلللللللللللللللللش غيييييييييييييييييير )

و الثالثة ابوها سماها

و الرابعة انا اشتهيت اسميها على امي و سميتها

و ما صار ولا نغزات و لا زعل و لا شي

بالعكس خالتي تقول لي والله المنة على بنتج اذا بتطلع مثل امج

عاد لما قلت لها عاد خالتي انا الحين سميت على امي ان شاء الله اللي وراها بسميها عليج

جان تقول لي

لالالالا المرة الياية نبي الولد عاد

خخخخخخخخخخخ

و اللي تسأل ليش ما سميتي من اول على خالتج

لأنه وايد عندنا مسمين عليها فالأسم صار وايد مكرر

و بس

و امي محد مسمي عليها

اساسا ما عندنا بنات الا بناتي الله يحفظهم

 

[بنوته86]

عادي اسمي بس اذا كان االاسم حلو ومعناته حلو
وخالتي تستاهل

 

[فيفي محمد]

انا مومزوجه لكن خواتي سمو علي خالاتهم عادي حبيبتي مافيها شي راح اتحبج اكثر وتستانس

 

[سارونه87]

انا وريلي مانحب نسمي اسماء مكرره بالعايله
ومن اول ماتعرفت عليه واحنا قايلين اسم البنت والولد
بس مافيها شي اسمي على خالتي فديتها تستاهل واسمها حلو

 

[noorq8]

أنا اسم خالتي نفس أسم امي وطبعا اسم عتيج وكنت كله أقول لايمكن اسمي على امي أوخالتي وسبحان الله صادف ولدت وبنتي شاربه ماي وقعدت معاها بالمستشفى 11 يوم وكنت خايفه تموت وماوعيت الا زوجي ياي ويايب شهادة ميلاد ومسميها على امه طبعا خالتي مو شايلتها الأرض من الفرحه وآنا مو صوبها أبي بس هالبنت تعيش ويوم طابت وطلعت استوعبت وعيزت منه غيّر الاسم مارضى وكنت ألاعبها ياااحلوووج ويااكره اسمج والسبب انه حده عتيج وسبحان الله سكنت بيتي والا أربع من جاراتي بناتهم نفس الاسهم ساعتها قلت الظاهر بس أنا أشوفه عتيج

 

[يابختي]

انا احس عادي حتى لو عتيج.. بس المهم معناه حلو

 

[& أم جمال &]

مافيها شي بس اذا كان الاسم وايد قديم البنت تنظلم

 

[سمبتيكة]

اي تستاهل, وانشاءالله بنتي تطلع عليها بسنعها وجمالها .............امين

 

[كشكول]

والله بصراحه هالأسامي بلشــــــــــــــــه مو طبيعيه

المفروض من حق الأم وبــــــــــــس لأنها تعبت

والريال ماله شغل بالأسامي ،، لأنه ما حس بنساة ولا تعب ،،

ياليت يحطون قانون جذي ياااااااااااااااااااااارب

 

[*غلاااي*]

انا حامل وفيني بنت ومن الحيييييييييين ينادوني بأأسم ام زوجي يعني يقولون ام فلانه
وانا حدييييييي لايعه جبدي من هالاسم