تـــــجمع رجيـــم الكــربوهيدرات من 24 - يونيو 30 كيلو في 9 اسابيع(شهر من تاريخه)

[Love \ Hate]

حبيبتي رشيقة المستقبل ... خلاص عيل ماكو مشكله انشالله ..

خلي الريوق مع الغدا وجبة الفطور عندج .. مثلا اول يوم اخذي من الريوق العصير والتوست وحطيه مع الغدا ..

يصير غداج سلطه ودياي و2 توست وعصير .. وعالساعه 11 ولا 12 اكلي العشا اللي مكتوب بالرجيم .. وخلي سحورج سلطه ..

لانه مكتوب عادي تاكلين خضروات بين الوجبات .. انا احس هذي احسن طريقة جربي وشوفي

 

[Love \ Hate]

بناتي زينة حياتي .. هلا وغلا فيج وحياج معانا ..

احنا راح تبدي باجر انشالله وانتي على حسب ظروفج .. والجهاز مااستخدمته من قبل بس مكتوب فوق اول 10 ايام بدون رياضه ؟؟

عقب تبلشين ..

 

[Love \ Hate]

بنات ترى توني استوعب ؟؟ انا مااحب الجبن الأبيض وهالأسبوع كله ريوقنا جبن ابيض شسوي @@

 

[أغلاهم]

Love Hate

حبيبتي حاولي تتقبلينه لان مب حلوو تبدين اول اسبوع بتغيير

 

[Love \ Hate]

هلااا والله اغلاهم وييينج ماشفتج اليووم ..

اي شسوي ؟؟ شكلي باكل خيار !! لانهم كاتبين يصير تحذفين

 

[أغلاهم]

هلا حبيبتي

والله اليوم قمت متأخر ورحت حفلة رفيجتي
...

بقولج مادري ليش جاني احساس مو حلووو ان الرجيم مب منزلني

مادري ليش هالاحباط

 

[Love \ Hate]

لاااا انشالله لاتفكرين جذي .. انشالله راح ننزل !!

بس بيني وبينج انا مادري ليش من قلت ببدي باجر رجيم وانا حايشتني حالة اكتئاب بس خلاص حلفت لي متى جذي ؟؟ اقرر واكنسل

هالمرره راح نستمررررررر باذن الله الايام تعدي تعدي خليها تعدي بشي مفيد احسن

 

[أغلاهم]

هو مضمون ومافيه ولا عيب ولا حد قالي عنه شي مب زين

بس الشيطان الله يقطعه لازم يوسوس براسي عشان اكنسله

بس بستمرررررررررررررررررررر

 

[Love \ Hate]

ايييي خلييج قويييه واستمري ..

زين مافكرتي تسوين اشياء مساعده مع الرجيم ؟؟ انا ودي بس مااقدر لاني حامل

 

[أغلاهم]

اي اكيد بسوي

اناا مشتركة بنادي رياضة من مدة شهر ونزلت معاهم 3 كيلو بدون رجيم وكنت وايد اخبص صراحة
وقياساتي حيل تغيرت

بضيف معاه المشي يوميا ونط الحبل

ابي اشد حيلي


بس بقولج انا لازم اصوم ايامي قبل رمضان شسوي ؟؟؟

 

[أغلاهم]

بناااااااااااات بمااااااااا انكم بتبدووووووووووون ويانا قررت احط لكم ردود الناس اللي استخدمو رجيم الكربوهيدرات
عشان ترتفع معنوياتكم ومايصيبكم احباط وياريت تنسخونه وتحطونه عندكم عشان يقوي ارادتكم >> انا بسوي جي :dddds:

وهاي يا حلويييييين ردود البنات اللي قريتها لما كنت اسوي سيرج عن الرجيم ..

رجيم الكربوهيدرات حلوووو صراااحة وعلى فكرة أنا كنت أراجع مع أخصائية تغذية وكان نظام الرجيم هو الكربوهيدرات وكنت صراحة مرتاحة عليه في الأسبوع الأول كانت السعرات حوالي 1100 سعرة حرارية ونزلت تقريبا 3كيلو ونص وبعدها قامت تنزل من السعرات الحرارية في كل أسبوع أجيها ونقصت 10كيلو بشهر تقريبا

سويت الكربوهيدرات 5 أسابيع نزلت 10 كيلو بالنسبه للنزول كان من كل الجسم لأني كنت أمشي وأتمرن يعني ما حست النزول كان من مكان عن مكان

انا اختي عملته وكانت 110 صارت 81 وكانت تمشي يوميا في الحديقة العامة لمدة ساعه


هذا اللي قدرت انقله

بس لا تاخذون على الاوزان اللي نزلت لان ممكن تنزلون اكثر او اقل

على حسب عمركم ووزنكم وانتظامكم فالرجيم والرياضة

والله يوفقنا ياااااااااااااااااااااارب

 

[Love \ Hate]

مشكورة حبيبتي أغلاهم .. على التشجيع بس اي لازم تصومين قبل رمضان .. عادي جمعي الريوق مع الغدا للفطور

والسحور اهوا العشا .. شتسوين بعد

 

[M!$$.3NoNa]

موفقين بنات انا مسافره اسبوعين ان شاءلله وراجعه ابي اشوف تجاربكم عشان ابتدي فيه


موفقييييييييين .....

 

[أغلاهم]

هلووووووو

اليوم قمت تريقت 2 توست مع جبنه بيضا وشربت ماي وياهم

الغدا .. ماتغديت ابددددد .. لاني نمت وعقبها قمت المغرب ماقدرت آكل قلت انطر العشا

احين سويت لي شوربة خضار + 2 توست مع لبنه +حبتين فاكهة ..

بشرونا عنكم

 

[LUXURY]

قوووووووه

شنو هذا؟؟؟ لالالا
جذي ازعل؟؟؟
ليش الاكتئاب والتحبيط؟؟؟
روحوا شوفوا اجسامكم بالمنظره بدون هدوم عشان تعرفون معناة التحبيط
سوري مو قصدي اجرحكم بس في شئ اسمه مرحله يبيلها حددددد وتوقفين وتقولين ستووووووب لي هني وخلاص باتخذ قرار صارم واللي ضعفوا مو احسن مني
وقولوا احنا نتبع نظام غذائي صحي ومو قاعد نسوي ريجيم وحرمان
زرعوا هالفكره ببالكم واستمروا وباذن الله توصلون للي تبونه يا رب


شنو شريتوا حق الريجيم ؟؟؟<<<<ياحبها لاغراض الجمعيه خخخخخ

 

[Love \ Hate]

هلوووووو بنات شلونكم ؟؟

ادري بتقتلوني بس شسوي

اليوم ماتريقت !! قمت وايد وايد لايعه جبدي .. تغديت دياي مشوي وسلطه وماتعشيت بس خررربطت بشي !!

وادري بتقولون شنو هالآدمية اللي من اول يوم مخربطه عيد ميلاد بنت حماي ويابولي وكليتها !!

 

[Love \ Hate]

بس ماتعشيييييييييت كلش ..


Luxury ثانكس على الكلام ومافيه تجريح هذا واقع !! بالنسبه لي ؟؟ ابي من هالكلام واكثر !!!!!! عشان اتأدب

 

[أغلاهم]

Luxury

فديتج والله .. ولا احراج ولا شي احنا يبيلنا حجي من هالنوع عشان نمشي صح
يختي احس الاكل وااااااااااااايد

وبنات نصيييييييييييييييييييييحة مني .. لا تقربون ع الميزان

انا غلطت ورحت لها مباشرة بعد العشاء طلعت زايدة 400 غرام .. تحبطت وكنت مفكرة اطنش له بس قلت هذا جزا اللي يمشي ورا الميزان :0bee2e8d89:
.....

احين ميته من اليووووووووع .. شربت ماي قلاصين كبار وكلت بسكوت دايت .. مادري شسمه

........


Luxury
نسيت اقولج شنو شريت بما انج تحبين الجمعيه :dddds:
رحت الله يسلمج
وخذت
لبنه بينار
توست عادي ماحبيت اخذ الاسمر لانه يلعب بالقولون
بسكوت للرجيم
فواكه وخضره
سكر رجيم
جبنه بيضا

ووووووووبس ..
باقي الستيك باخذه في يومه :eh_s(6):



بنات تكفوووووون نبي تشجييييييييع

 

[أغلاهم]

Love Hate

حرام عليج ليش هالتخبيص من اول يوم

انا كلش ماتغديت بس ماخربطت

بليز نبي انتظام تكفين

من بكرة امشي صح

 

[بنت شيوخ..]

انا معك
يالله الله يسهل يااارب