تقرين روايات؟؟ تعالي قولي رايج ..

[تفاخيه مبطوطه]

مشاركة: تقرين روايات؟؟ تعالي قولي رايج ..

إشقرعته !!! صج الحقوق ضايعه بين الخوات

ياباخذها من طوووق ولا سنبوله

ولا العازه حق ربع رياييل الخوااااااااات <-- أصلن يوم دريت مابي آخذها خلاااااااص أشتريها أرحم هههههههههه أخاف تضيع ولا شي !!

 

[تفاخيه مبطوطه]

مشاركة: تقرين روايات؟؟ تعالي قولي رايج ..

بنات .. توني قريت روايه حق يوسف السباعي عندي إياها من زمااااااان بس قاطتها مادري عنها ..

إسمها ليل له آخر

جزئيييييييين .. حلوه قصتها بس شوي تملل وايد تمطط بالأحدااااث ..

قصتها عن وحده سوريه إسمها سهير .. ياها شلل أطفال لما كان عمرها 16 وسوت عمليه وفشلت وتمت على هالحال ..

لما راحت تسوي العمليه بلندن شافت لها واحد هناك مصري وحبته ..

بس حبته بخيالها وإهو مادرى عنها إلا بالجزء الثاني

ويوم تصارحو خطبها <-- عشتو الروايه فيها حركات عوايل

ولما خطبها راحت تسوي العمليه مره ثانيه لأنها ماتبي تتزوج وإهي مشلوله !!

وسوت العمليه ونجحت ويوم ردت ولا الريال مأسووور بحرب إسرائيل (كان مع الجيش )

يعني بالمختصر كانت قبس على الريال

مو جني حرقت الأحداث؟؟ <-- لاااااااااااااااا

وسلامتكم وتعيشوووون

بس الحلو بالروايه إنه مافيها خرابيط يوسف السباعي مالت القدر اللي قلت لكم عنها ..

وكان فيها ديانه يعني الأم دينه والخدامه دينه .. وعندهم ثقه برب العالمين

ومافيها خرابيط من نوع آخر

إقروها حلوه بس الشي المو حلو التمقط بالأحداااث أحس كان ممكن تصير جزء واحد!

....

هاه منو قرت شي مؤخراً ؟؟

 

[سمسميه]

مشاركة: تقرين روايات؟؟ تعالي قولي رايج ..

انا قريت رواية بنات الرياض حلوه

 

[طوق البنفسج]

مشاركة: تقرين روايات؟؟ تعالي قولي رايج ..

وااا على بنات الرياض حدي ابيها وسالت عنها موجوده بالعجيري ب 4 عاد شوفوا متى الله بيفتح علي واشتريها <<<< مو تقشف بس مادري متى بروح ام بزي ومن << هين مجابله النت و البيت

 

[سمسميه]

مشاركة: تقرين روايات؟؟ تعالي قولي رايج ..

انا خذيتها من مكتبة art بحولي ب 4 دك

 

[رنين]

مشاركة: تقرين روايات؟؟ تعالي قولي رايج ..

طوق البنفسج ليش تشترينها؟!!!

منشورة علانترنت خابرتها في منتديات الم الامارات بس بعنوان ثاني و مكتوب انها قصة سعوديه...


انشالله تحصلينها هناك و لا العازه للعجيري

 

[تفاخيه مبطوطه]

مشاركة: تقرين روايات؟؟ تعالي قولي رايج ..

سمسميه .. نقديها لنا لو سمحتي

طوق نطري نقد سمسميه شوفي يمكن تغيرين رايج

ولا إنتي معزمه مابذنج مااااااااااااااي؟

 

[طوق البنفسج]

مشاركة: تقرين روايات؟؟ تعالي قولي رايج ..

والله من عقب النقد الي قريته بالنت زااد اصراري اني اشتريها ولا بضيف عليها سقف الكفايه بس مادري شنو هذي اعده اسئل عنها الانه هم يمدحونها

 

[تفاخيه مبطوطه]

مشاركة: تقرين روايات؟؟ تعالي قولي رايج ..

وي شنو هذي بعااااااااااد؟؟؟

ياربي نخلص من وحده تطلع الثانيه متى بندرس

إي طوق صاجه ناقدينها بالنت بس أحس نقد سمسميه راح يكون فصااال

 

[طوق البنفسج]

مشاركة: تقرين روايات؟؟ تعالي قولي رايج ..

والله مادري بس حدي متشوقه ابيهم ثنتينهم يمكن اليوم ازرق حولي اشوفهم اذا موجودين ولا لا

 

[تفاخيه مبطوطه]

مشاركة: تقرين روايات؟؟ تعالي قولي رايج ..

وي مابذنج مااااااااي !

يالله زرقي وعطيني رايج فيهم بعدين ..

ناطرين منج نقد مفصل

 

[طوق البنفسج]

مشاركة: تقرين روايات؟؟ تعالي قولي رايج ..

مازرقت على مارحت النادي ورديت الاماكو وقت

 

[تفاخيه مبطوطه]

مشاركة: تقرين روايات؟؟ تعالي قولي رايج ..

خيرها بغيرها مهي طايره لا تخافين :d

 

[سمسميه]

مشاركة: تقرين روايات؟؟ تعالي قولي رايج ..

الصراحه الروايه تشد ج وتشوقج تقرينها للنهايه اسلوب الكاتبه سلس وقريب من حياتنا العاديه
تشرح فيها تزمت العادات والتقاليد عندهم و تبين لج ان في وايد عوايل عندهم متحرره على الرغم من القيود المفروضه عليهم
انا عجبتني وعتقد انها تستحق القراءه

 

[تفاخيه مبطوطه]

مشاركة: تقرين روايات؟؟ تعالي قولي رايج ..

وي سمسميه لا تسمعج طوق بتطير طيران تشتريها ههههههههههههههه

 

[سمسميه]

مشاركة: تقرين روايات؟؟ تعالي قولي رايج ..

في البدايه قبل لا اشتريها سمعتها كانت ان فيها فضايح ولكن لما قريتها عرفت انها قصه حقيقيه واسلوبها حلو يشرح مشاكل اجتماعيه بدون ذكر فضايح

 

[تفاخيه مبطوطه]

مشاركة: تقرين روايات؟؟ تعالي قولي رايج ..

هو إشفضايحه؟؟

أنا اللي سمعته إنه إسلوبها غير أخلاقي !

وإنه مو عاجبتها العادات والتقاليد!!

 

[طوق البنفسج]

مشاركة: تقرين روايات؟؟ تعالي قولي رايج ..

انا من الي قريته بالنت انه السعودين شايشين ليش تقول بنات الرياض ليش ماقالت جده ولا الدمام و هم اهم شايفين انه هذي على قولتهم قصه الكاتبه نفسها و رفيجاتها ليش ماقالت انها مذكراتها

تفوخ بس لاتشيشيني لووول

الحين اكو سقف الكفايه هذي يقولون شي بعد

 

[بريسم]

مشاركة: تقرين روايات؟؟ تعالي قولي رايج ..

كالعادة .... جايه متأخره ... بس هم بشارك لأنه موضوع حلو


1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )؟

أحب أقرا فى كل المواضيع : دينية - تاريخية - طب - أدب - طبخ

و بالنسبة للروايات أحب اقرا كل الانواع

2-منو (الكاتب/الكاتبه) اللي تحبين تقرين له ؟

أجاثا كرستى - ليلى العثمان - و كثيرين

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

بصراحة ما عندى وقت أعيد و أزيد لأنى اشترى شكثر كتب و ما فيه وقت اقراهم

بس بقولج عن الروايات اللى قريتها و رايى فيها :

- وسمية تخرج من البحر .... ليلى العثمان .... شنو عجيبة هالرواية .... قعدت يومين بعدها و انا مسبهه مسحورة بأحداثها مو قادرة أطلع من جوها .... و حدها حزينة ... بس حيل أثرت فينى و حبيت اسم وسميه بعدها .... و حولوها تمثيلية او مسلسل تمثل فيه سعاد عبدالله بس فرررررررررق حيل فرررررق عن الرواية !

- بلا قيود دعونى اتكلم ..... ليلى العثمان ..... هذى مو رواية ... لا .. هى مذكرات الكاتبة بس صراحة تونس انصحكم تقرونها .

- انثى العنكبوت .... قماشة العليان ... بصراحة ما صدقت أخلص منها ... اسلوبها ممل و تمط حيل .... و هم الاحداث فيها شوية عدم واقعية ... مع انها حائزة على جائزة عن هالرواية !

- الخيميائى ..... باولو كويلو .....هالرواية غريبة و حلوه .... اللى عنده حلم و يائس عن تحقيقه خل يقرا هالرواية .... يعنى تحسينها فلسفية و نفسية ...... غريبة بصراحة .. اقروها و تعرفون
بس اتبرا قدام الله و قدامكم من الكلام اللى جاء فى الصفحات الاخيرة : تعرفون كلام المسيحيين عن الرب و ابن الرب ..... بس طول الرواية تكلم عن الاسلام كلام منصف ....

- عندى الحين روايات فى انتظار القراءة :

سيد الذباب ...وليم غولدينغ

ثمانون عاما بحثا عن مخرج ...الشهيد صلاح حسن

شفرة دافنشى ... دان براون و هذى كانت ممنوعة و ردوا اسمحوا فيها .... و قامت الكنائس فى اوربا و قعدت على هالرواية يبون منعها لانها جايبه طاريهم و انطبعت منها 35 مليون نسخة و ترجمت الى 50 لغة ..بس يبيى لى 6 سنين عشان اخلصها ( 500 صفحة تقريبا )

ملائكة و شياطين ...دان براون ...نفس المؤلف



من روايات عبير فيه رواية تجنن قريتها كذا مرة اسمها :: عيناك بصرى :: عن وحدة عمياء تحب واحد مفتح << طاع الوصف ... بس حدها رومانسية



بس فيه مؤلفين ندمت انى قريت لهم مثل حمد الحمد .... فاطمه يوسف العلى ...بيار روفايل


مكتبتى مليانة صراحة و القهر ان بالغزو عايلة عراقية سكنت بيتنا و قعدوا بالسرداب و كنت حاطه كل كتبى بالسرداب لما تزوجت ..... الاخوان مقطعينهم و مالين جدر كبير ( مال ذبايح ) ماى و قاطينهم داخل << يصنعون كمام الظاهر !

انقهرت عاد انا احب احتفظ بكتبى و ما احب اعطيهم احد احس فيه ناس ما تقدر قيمة الكتاب يتقطع .. يشخبطون عليه عادى و احس كتبى عزيزين على و كل كتاب اقراه احس انه ارتبط بذكرى من حياتى لدرجة انى اكتب على كل كتاب التاريخ اللى شريته فيه و من وين !

المهم عندى كتب بعد بس يبيلى افتش المكتبة ... لى عودة للموضوع و اشكر صاحبة الموضوع و البنات اللى شاركو

 

[تفاخيه مبطوطه]

مشاركة: تقرين روايات؟؟ تعالي قولي رايج ..

طوق البنفسج

خلاص إذا قريتيها ناطره نقدج

وإشتري سقف الكفايه بالمره

بريسم

هلا واللــــه تو مانور الموضوع

أنا شفت وسميه تخرج من البحر التمثيليه وحسيت إنه الروايه راح تكون حلـــــــــوه

ذكرتيني فيها أصلن ناسيتها

واي أبيه مادري شبدي !!

بس تدرين إنه ليلى العثمان إحبسوها بالسجن والسبه إسلوبها بالروايات

ولا تقولين العراقيين شققو كتبج شق الله راس إبليس

ياكرهم <--- هذا اللي قدرت عليه

ناطرين باجي مكتبتج ..