تقرين روايات؟؟ تعالي قولي رايج ..

[Dancing^Queen]

مشاركة: تقرين روايات؟؟ تعالي قولي رايج ..

بنات ابشرررررررررركم ابشركم خلصت قصه دان براون دافنشي كود النهايه غير متوقعه الصراحه حلوه سسبنس وانا ماقصرت بالمؤثرات الصوتيه وكل شوي اشهق وكل شوي انقز
فررررري نايس مابغيت اخلص ال 500 صفحه الا خرده


الحين عندي قصه مدائن الضباب اللي قلتلكم عنها وقصص ممنوعه في التلمود ببلش من اليوم

 

[شاهة]

مشاركة: تقرين روايات؟؟ تعالي قولي رايج ..

ماشاء الله عليكم الله يحفظكم ويوفقكم (في ناس تقرا للحين ) كنت قاعدة اقرا ردودكم وحطيت في بالي جم كتاب بقراهم من اختياراتكم ما اقدر اطول معاكم انا صايمة خل اتفطر وارد اكلمكم عن رواياتي المفضلة

 

[GaMoRa]

مشاركة: تقرين روايات؟؟ تعالي قولي رايج ..

أنا قاعدة أقرا الحين بنات الرياض وقصص من التاريخ مال الطنطاوي أحب القرايه بس لازم يكون هدوء عشان أركز ومابقى شي وأخلص بنات الرياض وباقرا دافنشي كود
وفي قصة حلوة اسمها الخيميائي وايد حلوة هم بقراها بس تعبت بروح أصلي

 

[شاهة]

مشاركة: تقرين روايات؟؟ تعالي قولي رايج ..

حبيباتي بالنسبة لي من زمان وانا صغيرة كنت احب روايات تختخ وربعة وقصص الاطفال عقب اتجهت للكتب العلمية وخاصة الموسوعات اما الحين فاحب كتب تنمية الذات والادارة
من اجمل الروايات الي قريتهم روايات المنفلوطي
1- ماجدولين (تحت ظلال الزيزفون ).
2-بول وفيرجني(الفضيلة)
3- سيرانو دي برجراك(الشاعر)
4-في سبيل التاج
5-مجموعة قصص قصيرة(العبرات)
اسلوب رائع ومتميز اول مرة اقرا قصة وابجي من كل قلبي والله, طريقة استخدامة للغة العربية شي عجيب اسلوب وابداع تستمتعين استمتاع مو طبيعي عكس روايات عبير الصراحة مع احترامي اسلوبها ركيكة وواضح انها ترجمة حرفية لقصص اجنبية ما تتناسب مع مجتمعاتنا قريت منهم 3 قصص وما عجبتني
شكرا لكم علي هالموضوع المميز .

 

[bambena]

مشاركة: تقرين روايات؟؟ تعالي قولي رايج ..

ميكي المصري الحين ماكو منه قبل اخذه من معرض الكتاب مكتبه سمير اعتقد نسيت اسمها

الحين شريت بنات الرياض بديت فيها

كوين دافنشي كود بالعربي ؟؟ ومنو كاتبها ؟؟ وشنو نوعها؟؟

 

[Dancing^Queen]

مشاركة: تقرين روايات؟؟ تعالي قولي رايج ..

اي بالعرربي بامبينا في مترجمه عربي
موجوده بجرير وان شاريتها من المطار سعرها قرب ال 5 او 5
ونوعها اهي بوليسيه بس مو بوليسيه وادخل يده في المعطف وتناول الرشاش ورش الاكو والماكو وقفز فوق العماره الي سططح بيت ييرانهم


لاوالله اتهبل وايد يازتلي
ليش؟
لانهم متعرضين للحضارات والالغاز التاريخيه والجامعات الدينيه والسريه اشياء عجيبه عيجيبه اقرا واشاهق ولاني احب الترا ث والحضارات حبيتها حيل
ولاني ادري ان الروايه كانت مسويه ضجه وططابين بالكنيسه والكنيسه كانت موقفتها هتميت اقراها
وايد نايس انصح فيها






الحين قاعده اقرا قصص ممنوعه في التواره طارت عيووووووووووووووووووووووووووووووووووووووني بنات ابيه كل هالاشياء موجوده !!!
شنو مسفهين الانبياء ابيه سفاح الاقارب ابيييييييييييييييزه
ولد سيدنا يعقوب ياهوذا يزني بارمله بنته علي اساس انها بغي وتييبله ولد
ووسيدنا لوط بناته نامو وياه ويابو منه عياااااااااااااااااال مؤاب ونيت اسم الثاني
كل الناااااس رايحين فيها مو انبياء ورسل لا ابد تحسون مسلسل مكسيكي مدبلج
ماوعيت الا طايره وواصله صفحه 200
خلون ياشك بعمري ابيه كتاب ايخرع
مادري شلون منشور كله سكس وقصص رايحه فيها (موحجي وصخ لا بس كل من نايم مع كل من )

 

[bambena]

مشاركة: تقرين روايات؟؟ تعالي قولي رايج ..

زين ثاكيو كوين انا الحين شوي واخلص بنات الرياض اتيننننننن

 

[Dancing^Queen]

مشاركة: تقرين روايات؟؟ تعالي قولي رايج ..

وايد موشويه بامبينا ص تسوا

 

[bambena]

مشاركة: تقرين روايات؟؟ تعالي قولي رايج ..

خلصتهاااا وباقتها بنت خالتي ):

بروح جرير اشتري روايه يديده

 

[[ . . Jee Jee . . ]]

مشاركة: تقرين روايات؟؟ تعالي قولي رايج ..

قوة بنيه


1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ ) ؟

رومانسية عادة اجتماعيه بعدين

2-منو (الكاتب/الكاتبه) اللي تحبين تقرين له ؟

لويستوي ..

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

آنا كارنينا .. معه انها 4 مجلدات اموت عليها
ليش .. ؟
احس فيها حب ثاني معه انها غلطانة حيل والغلط راكبها
بس غريبة .. يمكن لانه مفهوم ثاني عن الحب ما قريت او سمعت عنه من قبل يعني باختصار .. " هذي احلى واروع قصة حب انوجدت بالدنيا " << صاجة اوبرا يوم تقول


احسان عبدالقدوس :/ شوقتوني اقراله في بيتنا رجل
يمكن اعرف القصه من الفيلم انا هوايتي الافلام العربية ابيض واسود :/

انا مرة قريت لـ آجاثا بس ما كملتها احس ماكنت اتحمل اصبر واقرا فترة طويلة مشتهية اخلص لها شي



4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

ماعندي نقد ينذكر بس لو احد قاري الرواية الي ذكرتها يمكن فيها شوي مبالغه انه نهايتها عبيطة
ليش تذبح روحها تحت القطار بس عشان تأخر وخافت انه ماقام يحبها ..؟ كانت تقدر تنطر شوي اوف لول


الروايه لها فلم وميته علما اشوووفه


انا توني بادية اقرا ماصارلي سنتين قريت فيهم بس كتابين ورواية .. الكتاب لانهم مادحينه لي حيل
والرواية لاني سمعت ممثله بفيلم تقول عنها من اجمل الروايات
وأوبرا حاطتها بسايتها وتكلمت عنها مرة
اهي فعلا حلوة ...

قريت جين أير يوم خلصتها ذكرت الفيلم مال فاتن حمامة جان تلوع جبدي حسافه الوقت اللي قريته فيها لول ..

في وحده ثانيه بعد اجنبية مترجمة بس ما كملتها من فترة قاطتها بالدرج ومخليتها توني فضيت بقراها اسمها امم والله نسيت بجيّك عليه ...

في روايه اخوي قاريها وقاطها عندي سمعت عنها لين قلت بس
اسمها مرتفعات وذرينج .. ودي اقراها عقب ذيج

 

[bambena]

مشاركة: تقرين روايات؟؟ تعالي قولي رايج ..

نجومه من وين شريتي انا كارنينا ؟؟؟

 

[طوق البنفسج]

مشاركة: تقرين روايات؟؟ تعالي قولي رايج ..

تفوووخ باركيلي اليوم شريت بنات الرياض و وصلت ص 46 رحت مركز سلطان وانا احاسب شفتها على الرف و خذيتها بس تندمجين فيها

نجمه شنو هذي انا كارنينا؟ و من وين لقيتيها ؟

 

[[ . . Jee Jee . . ]]

مشاركة: تقرين روايات؟؟ تعالي قولي رايج ..

بامبينا .. طوق البنفسج ..


آنا كارنينا شريتها من مكتبة جرير .. 4 مجلدات اثنينه متان حيل اممم يعني بس واحد متين صج واثنينه ضعاف << الرواية كلها

هاذي رواية عن وحده متزوجة من واحد .. بعدين تشوف واحد وتحبه ويبدون الناس يتكلمون
وزوجها يشك بعدين يعرف .. ويرضى يطلقها لما مرضت وصارت بتموت .. تزوجت اللي تحبه
.. ومرة قالت له انها تبي تسافر لانها ماتحب هالمكان ولانه مرتبط بكل شي مو حلو تعرفه
وتعذبت منه .. ويوم رضى اللي اتحبه قالها انه بيروح ويرد وتأخر عليها خافت انه ماقام يحبها مثل قبل
طرشت واحد من خدمهم يروح يناديه وردلها بورقه انه بيرجع متأخر اليوم ..
راحت لسكة القطار المكان اللي شافته فيه اول مرة .. وقطت روحها جدام القطار لما شافته
قبل لا تموت كانت بتقوم بسرعة بس مر القطار فوقها وماتت .. بالضبط مثل اللي مات تحت القطار يوم ما التقت فيه " اللي تحبه " ..


<< خلاصة الرواية لول

فيها قصة اخو آنا وقصة رفيجه المزارع اللي حب وحده غنية

ودي ارد اقراها مرة ثانية :/



بس جد حلوة قريتها من شهر 3 اللي طاف لي شهر 5 مادري طولت فيها ولا فترة قصيرة :/
بس حبيتها حيل ..

 

[[ . . Jee Jee . . ]]

مشاركة: تقرين روايات؟؟ تعالي قولي رايج ..

في وحده ثانيه بعد اجنبية مترجمة بس ما كملتها من فترة قاطتها بالدرج ومخليتها توني فضيت بقراها اسمها امم والله نسيت بجيّك عليه ... <<<


اسمها الآمال الصغيرة ...

 

[bambena]

مشاركة: تقرين روايات؟؟ تعالي قولي رايج ..

): ليش قلتي القصه شالفايده اشتريها الحين ؟؟

 

[طوق البنفسج]

مشاركة: تقرين روايات؟؟ تعالي قولي رايج ..

خلصت روايه بنات الرياض الصراحه الروايه حلوه صج فيها اشويه اشياء مالها داعي و كان ممكن تحذفها و ماتاثر بسير القصه بس اجمالا حلوه و تعلم البنات انه الحب مو كل شي بالحياه و انه الوحده لما تحب لازم تتمسك بشخصيتها و الي يحبها لازم يحبها مثل ما اهي و ماتقدم اي تنازلات ممكن تضرها بالمستقبل حدها اعجبتني

 

[تفاخيه مبطوطه]

مشاركة: تقرين روايات؟؟ تعالي قولي رايج ..

سامحوني بنات لضيق الوقت ما أقدر أرد على كل وحده بالتفصيل ! إدعولي وراي إمتحانات

بس مبروك طووووق وترى مانسيت باخذها منج هههههههههههههههه <-- عندها أمل

أنا يبيلي روحه حق مركز سلطان وايد شغلات ودي أشتريها من هناك .. إذا لقيتها باخذها بس عقب ما أخلص

 

[coffee]

مشاركة: تقرين روايات؟؟ تعالي قولي رايج ..

اهلين
انا عادة اقرى كتب بس روايات قريت فوربيدن لوف عجيبه بالانجليزي عن وحده اردنيه وتناقش قضايا اجتماعيه اما بالعربي قريت بنات الرياض ولجه على الفاضي
بذمتكم شرايكم فيها؟
الزين فيها ان اسلوب يديد.. لكن انصح الكاتبه ما تكتب شي الا بعد ما اتزوج! لان مبين الكتاب من عنوانه اللي فيه تعميم استفزاززي وفيه التحدي الكبير للجنس الاخر وكان السان حالها يقول التفتو علي يا رجاله!
ويبين ان الكاتبه اسلوبها غير راشد والله جني اقرى مذكرات وحده توها داشه الثانوي.. وفيه تناقضات عجيبة بالاحداث ومادري ليش غصب طيب تييب طاري الكويت جنه ها اذا منعوها بالسعوديه اكو كويت!

 

[طوق البنفسج]

مشاركة: تقرين روايات؟؟ تعالي قولي رايج ..

فعلا كوفي الدور الي حاطته حق الكويتيه جدا بايخ يعني صاحبه شقه دعاره بس بشكل مستتر شنو يعني تفتح بيتها لهم عشان ايقابلون ربعهم مالت عليها و الولد جنس ثالث وده امريكا سنتين رد ريال امريكا الي هالشي عندها عادي اشلون عالجوه يعني في واايد متناقضات بس بالمجمل زينه

 

[bambena]

مشاركة: تقرين روايات؟؟ تعالي قولي رايج ..

بس اهي تقول ان القصه صجيه وعن رفيجاتها وهالكويتيه موجوده فعلا واهي بررت ان مو قصدها شي بس عشان ما يسوون شي غلط من وراهم اهي تيمعهم ببيتها