تقرين روايات؟؟ تعالي قولي رايج ..

[بريسم]

مشاركة: تقرين روايات؟؟ تعالي قولي رايج ..

هلا فيج اختى

و الموضوع منور بأصحابه

و ليلى العثمان حيل جريئة بطرحها .... لها رواية أقل وصف ممكن تنوصف فيه : قذرة !

بس مو كل رواياتها جذيه .. و اسلوبها بالكتابة رشيق .. ما فيه مط و حشو ... و ممتع بصراحة

و الانسان العاقل راح يميز بين الغث و السمين من كتاباتها

 

[تفاخيه مبطوطه]

مشاركة: تقرين روايات؟؟ تعالي قولي رايج ..

أصلن مو بس إهي كل الكتاب !!

يكتبون لج 10 روايات تتحسفين عقبهم وتطلعين بوحده حلوه !

يالله ناطرين باجي المكتبه وينها !! شققوها العراقيين هههههههههه يعلهم الضربه<-- اللي كانو ضدنا بس مو كل الشعب لحد يفهمني غلط خوااااااافه ههههههههههه

 

[طوق البنفسج]

مشاركة: تقرين روايات؟؟ تعالي قولي رايج ..

تفوخ شكلي بشتريها من الامارات لي رحت الانه اتوقع سقف الكفايه مو موجوده بالكويت و بنات السعوديه الله موكاتب اشتريها كل مانويت اطلعتلي شغله ثانيه

 

[بريسم]

مشاركة: تقرين روايات؟؟ تعالي قولي رايج ..

تفاخية مبطوطه

يعلج شقول .... انا قاعده اقولج ماساتى و انتى تتطنزين على .... اييييييه مقيولة .... يوم لك و يوم عليك <<< شكوو !!

المهم اكملج :

قريت ليوسف السباعى : أرض النفاق او المنافقون ...... بس روعة هالرواية تهبببببببل

تحكى قصة واحد راح لعطار الاخلاق و اشترى منه أعشاب الصدق و رماها فى النيل و تعالى شوفى الناس اش صار فيها يوم اشربت منها و قامت تخوره و تقول الصج ...... ماراح اقول اكثر عشان ما احرقها عليكم

زميلتى مصرية تقول ان هالرواية محولينها فيلم لفؤاد المهندس .... بس ما شفته .

فيه دوريات حلوة يجمعون فيها كذا قصة مشهورة :

مثل الراوى - نوافذ

الراوى : قصص من الجزيرة العربية

نوافذ : ترجمة الادب العالمى

حلوين صراحة

 

[بريسم]

مشاركة: تقرين روايات؟؟ تعالي قولي رايج ..

فتشت مكتبتى

و لقيت بلاوى متلتلة

قصص و كتب ما انجاست

لانى ما عندى وقت كلش

بس لقيت لى طريقة حلوة للقراءة و هى قراءة ما قبل النوم

احط الكتاب اللى ابى اقراه على الكوميدينو

اطفى الليتات و افج الاباجورة و اقرا كل يوم شوية

ليما خلصت كذا كتاب كنت شاريتهم من فترة

أغلب الكتب اللى لقيتهم بمكتبتى قصص قصيرة

ممكن اعطيج اساميهم بس لا تسالينى عن رايى فيهم الحين لانى اما قاريتهم من زمااااااان او مو قاريتهم خيييير شر !

 

[طوق البنفسج]

مشاركة: تقرين روايات؟؟ تعالي قولي رايج ..

بريسم ماشالله عليج مكتبتج عامره

 

[بريسم]

مشاركة: تقرين روايات؟؟ تعالي قولي رايج ..

طوق البنفسج

لانى من كنت صغيرة اقرأ .... و احب احتفظ بكتبى ما اقطهم

تفاخية مبطوطة

زيدى اسئلتج عن الكتب خليها تشمل كتب الطبخ و الماكياج و غيره عشان نستفيد

مرات حسافة تشترين كتاب يطلع يلوع الجبد

 

[الضوءالناعم]

مشاركة: تقرين روايات؟؟ تعالي قولي رايج ..

ماشاء الله حمستوني على العودة للقراءه وخاصة اللي من هالنوع

طبعا تسلسل القراءة كلنا تقريبا نفتح عيونا على سوبرمان وميكي ماوس ولولو
ثم تختخ والشياطين ال 13
وبعدها تطورنا
صراحه اعشق الروايات الرائعه مثل اوليفر تويست,,جميله مؤلمه بس تظل حلوه
البؤساء ايضا حلوة
احدب نوتردام حلوه بس تحززززززززززززززن حبيت اسم ازميرالدا
القوس الاسود
وفيه دموع التماسيح..زي الفانتازيا
وفيه الشيخ والبحر اعجبتني وكانت جميله وبسيطه
طبعا قريت ل نجيب محفوظ اللي فيها الشيخ الجبالي..وبين القصرين وتظل الروايه المكتوبه اجمل من الفيلم
وهرينا كتب اجاثا كريستي حتى زوجي تفاجات مره انه جايب السلسله تقريبا<<<<<<<< كان عندنا فضول بوليسي

روايات عبير ماحبيتهااااا رومانسيه مرررررررررررررررره وماصخه قريت يمكن منها قصتين صدتها عند اختي
قريت رواية الطفيل <<<<اعتقد اسمها كذا
سلسلة الف ليله وليله<<<<<<<<ههههههههه
النظرات والعبرات للمنفلوطي اشتريته بالثانوي
الايام اعتقدايضا للمنفلوطي
امممممممممممم؟؟؟؟؟؟؟؟؟كتب دينيه قريت الرحيق المختوم ..عصر الصحابه..سيرة الرسول صلى الله عليه وسلم
وايضا سلسلة المذاهب العاصره...قريت لزينب الغزالي ومحمد قطب
وطبعا هذا الكلام يعني قبل فتره وكان عندنا مكتبه حلوه ببيت اهلي واخواتي مغرمات قراءه بس كل حد له ميول.........ولي فتره يمكن سنتين وزياده ما مسكت خلالها روايه
بس قريت المذاهب المعاصرة قبل كم شهر يعني ظروف الاغتراب والبعد عن الاهل والاحباب
موضوعكم حمسني وعطاني فكره عن بعض الروايات اللي ممكن الواحد يقتنيها ويقرأها
ودمتم سالمييييييييييييييييييييييين

 

[تفاخيه مبطوطه]

مشاركة: تقرين روايات؟؟ تعالي قولي رايج ..

طوق البنفسج

ويييييييي !! عيل تروحين وتردين بالسلامه .. ولاتنسين بنات المنتدى من الصوغه <--- وهقه ههههههههه

بريسم

لا والله مو قاعده أتطنز بالعكس مبطوووطه جبدي من اللي صار لج أفااا عليييج كلشي ولا شوفة الكتب مشققه !! خصوووصاً إذا صارت غاليه عليييج

وطريقة الكتاب على الكوميدينه هذي أنا أتبعها دايماً

الحين بيدي رواية رد قلبي حق يوسف السباعي وصلت ربعها تقريباً وشكلها حلللللوه!

الله يستر وراي إمتحاناااات مو وقته أندمج

بس ديري بالج إقري بضوء كافي لأنه بنت عمتي لبست نظاره والسبه هالطريقه بالقرايه

شوقتيييييييني على رواية السباعي اللي قلتي عنها !! خاطري أشوف الفلم شكله حلووو !

إشتريه وقولي لنا رايج فيه <--- مالها خلق تغامر كفايه عليها مغامرات

وإن شاء الله ناويه أسوي موضوع ثاني .. حق الكتب لأنه هذا مال الروااياات

الضوءالناعم

نفسسسس تسلسلي بالقرايه .. ماشاء الله عليج شكلج مرتبه من إسلوبج بالطرح

حتى أنا ماشدتني روايات عبير .. توها وحده من رفيجاتي مادحتلي بين القصرين مالت نجيب !! ممكن تنقدينها لنا

عاد تصدقين شريت يمكن 7 روايات حق أجاثا وكانو حلوين بس ما أفكر أزيدهم !!

يمكن أحب الروايات الإجتماعيه أكثر من البوليسيه!!

ولا تطوووفج رواية نساء صغيرات

 

[تفاخيه مبطوطه]

مشاركة: تقرين روايات؟؟ تعالي قولي رايج ..

مشكوووووووره حبنا الله عليه على التثبيت

 

[سبائك]

مشاركة: تقرين روايات؟؟ تعالي قولي رايج ..

شعلييييييييييييييييييييييييييييييييييييج ثبتوا موضوعج
بانضلج مثل ما نضلتي نجومي

خخخخخخخخخخخخخخخخخخخخخخخخخخخخخخخخ

 

[تفاخيه مبطوطه]

مشاركة: تقرين روايات؟؟ تعالي قولي رايج ..

هاهاهاهاهااااااااي


يونا الحسااااااااااااااااااااااااااد أشوه إني قاريه على موضوووعي وراشته بماي مقري <--- ماخذه إحتياطاتها الأمنيه خاااااااالصه بابااااا

يالله عاد لحد يحاجيني !! عندي مووضوووع مثبت ماعرفكم وإعتبروني متنازله عن منصبي بآل سبجه <-- وي وي وي !!! كل هذا على موضوع مثبت عيل لو آخذ إشراف


خخخخخخخخخخخخخخخخخخ

 

[Dancing^Queen]

مشاركة: تقرين روايات؟؟ تعالي قولي رايج ..

ويييييييييييييييييييييييي شحجيلكم شوصف شوصف

شوفومعالمها شوفو معالما
انا قريت كل كتاب طالته يداي سياسي يني مذهبي (سني - شيعي - الفئات الاخري) عقيدي تفجيري بعثي (اقصد من صج كتب البعثيه والاشتراكيه والماسونيه والماركوسيه )
كل شي تتوقعونه قريته
من مجله تان تان وماجد وشمسه وقمره وتختخ ولوزه ووسعد وكل كلمه انكتبت لليهال وكل قصه بصور وبدون صور
لييييييييييييييييييين اليوم
الشي الوحيد اللي ماتحمسله حيل الجرايد
ابوي كان عنده مكتبه نفس الانجليز الله يرحمه كببببببببر طوفه دار الاستقبال
كتب لاتعد ولاتحصا
الممنوع والمسموح
وانا كنت استغل الوضع ابوق الكتاب واندعس واقراه
تصدقون اني قريت نسخه تاريخيه تراثيه لألف ليله وليله (مجلدها هارد كوبي اسود واهي اوراقها صفر من القدم حتا الكلمات مختلفه) وكان عمري ماتميت ال 12؟
قريت قصص نجيب محفوظ واحسان عبد القدوس كلهم وماجدولين (تحت ضلال الزيزفون ) خلتني اعيط ايام
ونساء صغيرات بديت مراهقتي وافكر بالحب معها وجدا تاثرت بجو
وبعدين عاد اهلي اسمحولي جهرا اقرا قصص (كل اللي طاف بالخش والدس)
عاد اهني كفرررررررررررررررررررررررررررت بعبير
كانو عندي كراتبين كبار مكوده والله يمكن الكرتون الواحد فيه 200 اذا مو 300 ومسويتلهم فهارس كل كرتون شنو فيه من قصص واحسر باللي يقراهم واحطله وقت ان ماخلص القصه سحبته مو بكييييييييفهم ملوتي هذول بناتي
لين تزوجت امي علي ابو خشتهم خشتهم وهوووووووب راحو علي

عاد من يومها اقرا من عره وبره كل كتاب تطاله يداي
واول ماتزوجت جبح صرت رومانسيه مابقا ديوان حق نزار ماشريته
بس يظل عشقي الاول والاخير للملاحم التاريخيه التراثيه والميثولوجيز خصوصا الغريك
اموت علي التلاريخ وسوالف الاله ما الاله
وديمونزي ، واخيليوس ومانيرفا وربعها وسحقا واللعنه والويل لك
لدرجه يوم سافرما باريس انا وريلي واول سفره لنا << شهر العسل جبح رحنا اللوفر قمت اناقز عند مجسم الخنزير اللي مخلينه علي اساس انه اللي ذبح ايدونيس ريلي يوم ردينا قام يشرحلي انه هذول مو صجين ويكلمني بالواقع ويقولي لاتعتقدين فيهم ترا كفر لاتكفرين (اي شي اصدقهم !!)
وبشهر العسل ذبحتهم بالألياذه
والحين اخر كتب قريتها
امرأه من هذا العصر حق هيفاء بيطار نص نص وصخه شوي بس فيج خير قلي القصه ماتقدرين
جميلات بتصرف <<< مالت ظهريه او زواره مالج خلقها
بنات الرياض << روعععععععععععععه وايد وايد وايد تاثرت فيها حيل وايد عجبتني واقعيه جدا وماعليكم بكل الذم اللي انقال عنها قصه جنها عن رفيجاتنا شي يويمي مو وحلقو بمشارعهم وطارو والتقو عند روب الشمس ولاهو طويل القامه ولوحته الشمس ولعريض المنكبين مت مت مت مت من الضحك لما قمره واجه كاري رفيجه ريلها وقامت تسبها بالسعودي وعلومتس وماعلومتس ومن هالحجي
اينن

الحين قاعده اقرا حق دان براون دافنشي كود
ويابنات ترا قصه بنات الرياض مكوده بالمطار

 

[bambena]

مشاركة: تقرين روايات؟؟ تعالي قولي رايج ..

ودي اقراها بنات الرياض

 

[bambena]

مشاركة: تقرين روايات؟؟ تعالي قولي رايج ..

نسيت اقول انا كنت اقرا لاحسان عبدالقدوس وبيار روفائيل وجرجي زيدان ومجلد ميكي المصري x:

 

[نفانيف]

مشاركة: تقرين روايات؟؟ تعالي قولي رايج ..

انا احب اقرا روايات جين اوستن وفي رواية كبرياء وكرامه اللي كانت بالسينما وايد حلوة وانا احب بعد المنفلوطي وخصوصا رواية تحت ظلال الزيزفزن والنظرات والعبرات واحب بعد اميلي وتشارلوت برونتي وخصوصا رواية مرتفعات ويذرنج واحب رواية نساء صغيرات واحب بعد احسان عبد القدوس وخصوصا الروايات اللي صارت افلام مثل انف وثلاثة عيون والنظارة السوداء بس روايات احسان فيها ايحاءات تفشل وايد واحب قصة بئر الحرمان وانا غرامي افلام جيمس بوند احلى من الروايات وخصوصا السلسله اللي مثلها شون كونري ودايما ام بي سي 2 يعيدون افلامه روووووووووووعة

 

[نفانيف]

مشاركة: تقرين روايات؟؟ تعالي قولي رايج ..

اي وصح نسيت مجلد ميكي المصري وسمير عندي كولكشن من سنة خمسة وسبعين ولد عمتي عطاني اياهم روعة وكان فيها قصة نساء صغيرات مرسومه روعه واحب قصص الشعر العربي

 

[Dancing^Queen]

مشاركة: تقرين روايات؟؟ تعالي قولي رايج ..

واي بنات لاتطووووووووووووووفكم دافنشي كود شي شي ماني قادره احطها من ايدي بس 500 صفحه موشويه اكشن وكله اشااااااااااااهق واتاثر جني قاعده اطالع فلم وايد وايد وايد وايد حلوه
وامس رحت جرير شريت مدائن الرماد وقصص ممنوعه من التلمود

 

[رفرف]

مشاركة: تقرين روايات؟؟ تعالي قولي رايج ..

انا ماحب الروايات وايد بس قبل ايام ماكان عمري 10 جذي ابوي كان ايودينا العجيري ونشتري روايات البؤساء ولمن تدق الاجراس واحدب نوتردام والحرب والسلام طبعا كل وحدة الفين صفحة وزود جنها كتب الجامعة وكنت اقراهم بالعطلة والله كثر ماكنت اندمج ماكان عندنا خدامة حاطة الرواية برف المطبخ انظف شوي واقرا شوي ...
وكنت اقرا روايات اسلامية وايد وايد حبيت عين جالوت وقريتها الف مرة ....
وياتني فترة كنت احب عبير وبعدين بطلتها ...
الروايات المصرية كلش كلش ماحبها لا نجيب محفوظ ولا العقاد ولا السباعي ولاربعهم ماعمرهم شدوني ..

قريت شقة الحرية نوعا ما ماعندها سالفة بس قريتها من باب العلم بالشيء ...
والحين اقرا كتب اكثر شي ... ماني لاقية روايات اتعجبني صج ...

بين فترة والثانية اختارلي اي رواية واقراها على فراغتي حتى لو بايخة ...

اخر رواية قريتها بنات الرياض اهيه حليوة بس الصراحة ماعجبتني وايد ماقتنعت فيها ... يعني شلة البنات اللي فيها مو راكبين على بعض اللي اعرفه ان الطيور على اشكالها تقع هذول من كل بستان وردة مالهم شغل ابعض بس عموما اسلوب الكاتبة حلو وبسيط والرواية خفيفة وظريفة

 

[تفاخيه مبطوطه]

مشاركة: تقرين روايات؟؟ تعالي قولي رايج ..

Dancing^Queen

ماشااااااااااء الله علييييييييييج!!!

ماخليتي شي عيني عليج بارده..

قلطي عيل على موضوعي الثاني تقرين كتب؟؟ تعالي قولي رايج

وبصراحه كل اللي قلتيه مافهمته ههههههههههه ماعرف حق القصص التاريخيه !! ولا الكتب التاريخيه أحس معقده

bambena

من وين تشترين ميكي المصري؟ عيزت أدوووووووره ما ألقاااااااه

نفانيف

مشكوره على المشاركه..

رفرف

من صجج 10 سنين وتقرين هالروايات؟ أنا ذيك الساع حدي ميكي وبطوط وتختخ !!

جنه يبيلج دخله على موضووع الكتب؟؟

يالله قلطيييي