حوامل سمينات

[7alaty]

اليوم نظامي اوك بس وايد افكر بالمراجعة الاسبوع الجاي وأخاف اكون زايدة

شربت ماي عال فطور ونص كوب شوربة وقفشتين عيش وقفشتين تشريب وقفشتين معكرونة صاروا ٦

بعدين ورآهم كليت كرز وخوخ حبة ورديت شربت ماي وايد شبعت ما قدرت اشرب حليب ولا شي

بعدين كليت ٣ حبات لقيمات وقهوة

والحين شربت عصير تفاح وان شاء الله اكمل سحوري خضراوات مثل الحمسة بدون دهن

 

[Aloe Vera]

7alaty

انا ودي انزل كيلو او اثنين بس اخاف الدكتورة تذبحني هههه فا قلت بحاول اثبت وزني و الله يقدرني
و هم انا لان حملت وزني ٦٣ فا اعتبر نفسي زايدة ١٥ كيلو الحين و انا دخلت الاسبوع الثاني من الثامن يعني خلاص بس وصلت الحد

 

[Aloe Vera]

اي عاد فطوري خربوطة راح استر على نفسي

سحوري زين نوعاً ما
عبارة عن جم حبة بلاكبيري و جم حبة كرز و قطعه جبن اريش و حبة مشمش مجفف و قلاص فيمتو خخخخ الفيمتو شكو داش عرض

 

[تبطي عظم!]

قووه يعني اشوا تتوقعون مو زايده كيلوين

انا متوقعه زايده كيلو !




اليوم احس اكلي زين ماادري مااحس اني كثرت ولا خربطت عادي الحمد لله

بس عندي مشكله مع الماي والفيتامينات انساااااهم

 

[Aloe Vera]

حطي الفيتامينات عالطاولة علطول
و انا اذا باكل برة اخذهم معاي
الحمدلله نادر اني انساهم اخاف بصراحة

او حطي منبه و ماراح تنسين ان شاء الله

 

[Aloe Vera]

و انا نفسج بمشكلة الماي صارلي يومين مو قادرة اشرب ٨ اكواب
كله احس اني منغثة و حارج و شي يصعد لي فوق
و لمن اشرب ماي تزيد الحاله و ماعرف انام الا و انا رافعه نفسي احس برجّع

 

[Aloe Vera]

Where's the Pregnancy Weight Going?
It’s pretty much a given that you won’t be giving birth to a 25-to-35-pound baby. And that’s a very good thing. Want to know where the rest of those pounds settle? For a 30-pound weight gain, they’ll be distributed approximately like this:

Baby: 7.5 pounds

Placenta: 1.5 pounds

Amniotic fluid: 2 pounds

Uterine enlargement: 2 pounds

Maternal breast tissue: 2 pounds

Maternal blood volume: 4 pounds

Fluids in maternal tissue: 4 pounds

Maternal fat stores: 7 pounds

 

[Aloe Vera]

تقسيمة زيادة الوزن بالنسبة للحامل اذا الزيادة الكلية ١٣ كيلو

تقريباً ٥ كيلو وزن البيبي و الماي و المشيمة

بحدود ٧ كيلو وزن لالصدر و الرحم لانهم يكبرون بالحمل و الماي المحتبس ً و كمية الدم اللي تزيد بالحمل اشياء طبيعية مو شحوم

و المفروض ٣ كيلو شحم

 

[Aloe Vera]

طبعاً تقسيمة الوزن هذي مو حق كل الناس لان الناس تختلف احجامهم

 

[7alaty]

صباح الخير


يعطيك العافية الوفيرا

عاد انا المفروض ما أزيد بالحمل اكثر من ٩ كغ لأني بالأساس حملت على متن

ان شاء الله ما أزيد اكثر

 

[7alaty]

اليوم ولله الحمد فطوري كان

تمرة وكوب ماي

وكليت قفشتين من الانواع عيش وتشريبة ومعكرونة وكوب شوربة وحبتين من مقالي وربع دياي مقلي

بين الفطور والسحور قطعه صغيرونة حيل كنافة بالقشطة و كيك شوي مع كاكاو مخلوط وقهوة


والسحور حمسة كبدة بطماط وزيت زيتون وكوب حليب

 

[حياة ريلي]

الو فيرا جنج تتكلمين عني مو عن نفسج
انا ارضع بالظلمه عشان البيبي لا يقعد
و ما ابدل دايبر بالليل الا اذا نمبر تو و الياهل يتعود يقوم ما يسويها بالليل
و اشرب ماي وايد لاني ارضع و اهتم باكل صحي يرد عافيتي من لحوم و خضروات و فواكه بدون نشويات ولا دهون
بس ما اشرب اعشاب عشان لا تاذي البيبي بالرضاعه و تنزله بالحليب الا اشياء مثل النعناع ما تضايقه بس دارسين و زنجبيل لا
و نفاسي فبيتي عشاني و عشان ريلي ما نرتاح الا مع بعض و عادي ننام بغرفه وحده يعني كان علي الدورة بس
و اتدفا زين لاني ابرد بالنفاس بس هم ما اغطي راسي بالبيت شالسالفه دعايه سعوديه ههههههه
و هم انا امي ما عندها خرابيط نفاس و ما ادري شنو
و عادي اطلع و ازور حمولتي و اهلي سالفة الحكرة مالها معنى ولا اساس من الصحه
و لحد يقولي عين لاني ما ابني حياتي بناء على خوف من العين. اسوي اللي ابيه و اقرا على روحي و بيتي و اطلع صدقات و الله الحافظ

 

[Aloe Vera]

7alaty

زين اكلج اليوم ماشااء الله


حياة ريلي

نفس نظامي بالنفاس هههه سبحان الله
و ترا جاي الكمون حق الام وايد حلو حق الرضاعة يخلي البيبي مافيه غازات توصل له الفايدة من الحليب
بس من ناحية الطلعة بالنفاس بصراحة ما اطلع وايد الا اذا شي مهم مو لاني خايفة من العين بس لاني ما ارتاح احس بالاربعين الياهل كل شوي يبي رضعه و تصير حوسة و في بجري كنت انزل ايام زوارة اهل ريلي لان اصلاً نفاسي كان بس اول اسبوعين عند امي و بعدها رجعت بيتي و صج امي ماقصرت بس ياربي بيتي اريح بوايد
ثاني نفاس هم في شقتي من بدايته و كان حلو الحمدلله
و الله يسهل عليي هالنفاس بيت بروحي و بناتي مدارس

 

[Aloe Vera]

بنات انا اليومة فطوري عند اهلي اكلي كان نص و نص
بس شربت واااااايد يمكن ٥ قلاصات مادري عادي و لا لأ

 

[حياة ريلي]

انا وزنت اليوم و طلعت زايده كيلوييييين من خربطة هالاسبوع
اليوم برد على نظامي الاولي شوربة و سلطه و مشوي و ماي بس
و بين الوجبات اكل فاكهه و سحور توست و بيض او كويست بار
و الماي اشرب كفاي هالحمد لله
و المشي برد عليه اليوم

 

[حياة ريلي]

اليوم تفطرت شوربة عدس و ثلاث تمرات و صدر ديايه بالفرن و قفشتين سلطه و ثلاث قلاصات ماي
طلبت من هيلثي سناك تعرفونها ذ? بالانستجرام اسمها اقبال العرفج healthysnack
ميزة شغلهم انه بدون طحين كلش و سكر قليل كل شو سعراته قليله .. طليت منهم فطاير و خبز و بقصم و قبوط

 

[Aloe Vera]

اليوم و امس فطوري سلطة فتوش و جم حبة كبة

وزني زاد في رمضان كيلو لحد الحين
ان شاء الله ما ازيد اكثر
و بعد رمضان ارد اخفف يا رب و انزل هالكيلو يا رب

 

[حياة ريلي]

اخيرا رد المنتدى ذبحنب معلق من امس

 

[حياة ريلي]

عاشت الوفيرا
ايوا ايوا
اليوم كان تعيس جدا بالنسبه لي قلبي قعد يرقع حيل من الساعه ثلاث لي بعد الفطور بساعه و كل شوي ترد الحاله مرة ثانية واقعد انهت جني راكضه خمسة كيلو و اذوني تسكر

 

[Aloe Vera]

حياة ريلي

سلامات
هذا مو جنة اعراض ضغط عالي؟؟؟
انا لو منج اروح الطبيب افحص