حوامل سمينات

[7alaty]

سلامات تبطئ عظم حبيبتي

اي لا تهلكين نفسج وديري بالج بس توصلين الأشهر الاخيرة امشي شوي شوي

 

[Aloe Vera]

اليوم تريقت فرنش توست و جاي حليب

و الغدا ان شاء الله بسوي شوربة عدس و سلطة باستا

وزني اليوم مثل امس


بنات اللي يعانون من امساك لازم تعالجون المشكله
انا في اول حمل حبوب الحديد ذبحتني امساك و صار فيني بواسير و زاد بعد الولادة
ثاني حمل خذيت حبوب الفحم لمن بلشت اخذ حديد و كان نوعاً ما زين الوضع

هالمرة غيرت حبوب الحديد مالتي فررررررررق فررررررق و راحة و ماعندي مشاكل امساك الحمدلله
اسم الحبوب فيروز بنكهة الكاكاو حبوب صغيرة و طعمها حلو ما تغث نفس هاميوفيت

 

[Aloe Vera]

شوقتوني عالمشي اكيد مفيد
بس انا زوجي مو راضي لان ولادتي اللي طافت انفتح الرحم بسرعة خلال ساعة و نص و زوجي حيل اخترع من الموقف فا مانعني من الرياضه خير شر
ادري تفكيره غلط بس شسوي احاول اتحرك بالبيت و اكون نشيطة

 

[حياة ريلي]

طريقة المسقعه يا حبيبتي اهي تقطعين بيديان شرايح و كوسا شرايح و فلفل بارد شرايح و تصفينهم ببايركس. و تقصصين بصل و طماطم صغار و تحمسينهم على النار اول شي البصل بعدين الطماط فوقه لما يذبل و تحطين عليهم رشة ملح و فلفل اسود و نتفة كمون و اذا تحبين كاري و بعدين علبة معجون طماط و تحمسينهم عدل و تزيدينهم كوبين ماي و تخلين الصلصه تثقل شويه.
خلال هالوقت تييبين لحم مفروم في ناس تحمسه على طول و هو ني بس انا ما احب. احب افوحه عشر دقايق مع عودين دارسين و رشة هيل بودر خفيفه عشان اشيل الزفره و باقي الشحم. و عقب تصفينه من مايه و تضيفينه على الصلصه و تخلينه يطبخ بالصلصه خمس دقايق بعدين صبيه فوق الخضار بالبايركس. و حطي فوقه شرايح فلفل بارد و طماط. اذا مو مسويه رجيم احط فوقه جبن بعد بس ما انصحج تصير وايد دسمه. و عقب ما تخلصين غطي البايركس عدددل بقصدير و قطيها بالفرن على 250 من فوق و تحت يبيلها ساعه الا ربع تقريبا و بعدين كشفيها و رديها عشر دقايق تتحمر و ينشف الماي الزايد. و سلااامتج

 

[حياة ريلي]

اليوم تريقت ثلاث حبات شابورة العشر حبوب مع قفشة وحده لبنه قليلة الدسم و خيار. و نسكافيه حليب خالي الدسم و سبلندا.
و الضحى اخذتلي تفاحه خضرا
و الحين مسويه صينيه دياي بالفرن مع خضار جزر و كوسا و بطاط. و يوووعااانه انطرها تخلص عشان اكل.

 

[تبطي عظم!]

مسساءء الخيير



ريوقي اليوم

كان كورن فليكس وحليب ع الساعه ١١ شربت قهوه تركيه

الساعه ٢ غداي مقدار علبة الروب عيش ودجاج مع دقوس طماط ونص قلاص لبن



الساعه ٦ موعدي عند الدكتور بشوف وزني جم يارب مااكون زايده

 

[تبطي عظم!]

تأجل موعدي لي باجر الدكتور الغى كل مواعيده العصر وحولهم الصبح باجر جدي متشوقه اعرف جم وزني


ماعندي ميزان


توني جعت حييل كليت توست بر محمص خليته جنه شابووره

مع روب خالي الدسم مكتوب على العلبه ٤٤ سعره حراريه العشا مشتهيه كووسا محشيه عن خاطري باكل حبه مع عصير برتقال ليمون

 

[برد ابو الذهب]

عوافي يا بنات !!!! انا اليوم قلت بسوي رجيم التمر والبن كليت ٧تمرات ولبن ريوق و٧ ولبن غدا وانشالله انشالله ما اخربط عالعشا حيل ماسكه نفسي

 

[برد ابو الذهب]

حلاتي دشيتي السابع ولا بعدج واي لعد الأيام بولد ولهت عالطلعات والعزايم والكشخه والاهم الكورسيه ههههههه

 

[حياة ريلي]

تبطي عظم العلبه مكتوب عليها السعرات حق ١٠٠ جم و العلبه ١٧٠ جم يعني العلبه فيها حوالي ٦٥-٧٠ كالوري
برد بو ذهب مو زين رجيم التمر و اللبن حق الشخص العادي فما بالج بالحامل
مو زيييييين تحرمين جسمج من كل الانواع الثانيه و تقعدين بس على نوعين
و على فكره اذكر جربته مره ثلاث ايام ما نزلت غير ربع كيلو و يوم رديت اكل اكل طبيعي زدت كيلو بيوم واحد

 

[حياة ريلي]

اي و تعشيت اومليت اررربع بيضات كنت ميته يوع و بدون دهن او خبز و السعرات حوالي ٢٦٠ سعره و شربت كوب حليب خالي الدسم معاه

 

[حياة ريلي]

و مشيت ساعه و نص وحرقت فيهم ٦٧٩ سعره

 

[تبطي عظم!]

ماشاء الله حياة ريلي الله يتمم عليج

ماادري شفت مكتوب على العلبه هييك هو اساسا خالي الدسم فاستانست ههههه

 

[تبطي عظم!]

 

[برد ابو الذهب]

واي حياه ريلي ما قدرت ماكملته دخت ومت يوع ؟! أكلت اربع توستات وجبن وعصير جوافه ههههه خربتها عدل تالي الليل!؟

 

[7alaty]

اهلا اهلا كروشات
عوافي عليكم


تبطئ عظم : طمنينا عليج بعد الموعد

حياة ريلي : تم النسخ وان شاء الله بجربها قريبا تسسسلمين ،

الوفيرا: حبيبتي حاولي تستبدلين الباستا بالمشاوي احسن

برد ابو ذهب : ليييييييش تسوين ريجيم التمر واللبن !!!! غلط بلغط حبيبتي سوي نظام ال٤ مجموعات غذائية ، ديري بالج

 

[7alaty]

تبطئ عظم :
شكل السلطة لذيذة. بس بغيت اساال تتوقعون دبس الرمان كم سعره فيه ؟!

 

[فكتتتوريا]

هاي صبايا
انا بشهر الثاني
وزني كان68
والحين70
واحس جسمي منتفخه وابي انحف بي طريقه
ياريت تساعدوني خاصه قبل العيد
وسمعت عن مغلي اليمون والبرتقال يقولون ينحف بس اخاف يضر الحامل ماتعرفون اشياء وخلطات تنحف بس ماتضر

 

[فكتتتوريا]

بنات معقوله تنزل وزنننا واحنا حمل مع الدايت
احس الحامل
بيزيد وزنها طبيعي عشان حجم البسبي
وهل يصير امشي وانا بشهر الثاني؟

 

[7alaty]

امس يوم الثلاثاء الحمدلله مر يومي بنظام

فكتوريا : حياج الله بينا

لا تستخدمين خلطات تنحف إحنا هدفنا ننزل بدايت صحي منخفض السعرات بس كامل من حيث احتياجات الجسم

الحركة في بداية الشهور المفروض تكون خفيفة ف أجلي المشي لين تدشين الشهر ال٣ ان شاء الله بسلامة