حوامل سمينات

[7alaty]

حابة اليوم امشي نص ساعه بس ما ادري عن ظروفي ان شاء الله تسسمح

برد ايو ذهب حبيبتي وايد افكر فيج طمنيني عنج

انا توني بالسادس

 

[تبطي عظم!]

حلاتي تصدقين توني سويت بحث طلع فيها ٤٠ سعره حراريه للملعقه الوحده من دبس الرمان!!

وكاتبين مالها اي علاقه بالرجيم !!

عاد هالوصفه ماخذتها من حساب للرجيم بالانستقرام

انا بسويها وبكتفي بملعقه وحده بس

 

[7alaty]

اي تبطئ عظم وايد سعرات توقعت فيها

 

[7alaty]

صحبكم الله بالخير يا الغوالي اليوم ولله الحمد بدئت يومي :

شاي حليب + خبزة خفيفه شعير + جبنة سلفايد+ طماط محموس مع جزر بدون زيت وبهارات وشوي معجون طماط + قفشة جبن مالح + ٢ بيض مسلوق


الحين شربت قهوة عربية

 

[7alaty]

تنبيه


بكرة ان شاء الله يبتدئ الويكند ديروا بالكم حبيباتي نبي هالويكند بدون خربطة للجميع ما باقي شي على رمضان ربي يجعلنا من صيامه

 

[تبطي عظم!]

حلاتي عاافيه



المشكله الويكند ههههه هو الخربووطه مالتنا انا بخلي باجر يوم مفتوح لان بروح اقعوي وحده والده

ومابي اقولهم رجيم وخرابيط بس هم بنتبه وبحاول اشبع نفسي علشان عندهم مااشتهي الحلوو

 

[تبطي عظم!]

ريوقي اليوم كان الساعه ٦

كورن فليكس وحليب كالعاده وللحين ماكليت ولا شيء والسبب ماطره موعدي والدكتور طووول حيييل

ومالي خلق اقوم مابقى شيء ع الغدا بنطره احسن ولو اني مييته جوووووع

 

[برد ابو الذهب]

هلاااااااااااا. بالغوالي شخباركم عوافي ما كليتو!!! حلاتي فديتج انا بخير شفتيني الخبله مسويه التمر واللبن هههههه والله بغيت أموت هبوط واذني تسكرت واي ما ردت روحي إلا لما كليت هههههههههه؟! حياه ريلي وينج اليوم ! تبطي عظم شكلها خووووش سلطه بس شيلي دبس الرمان

 

[حياة ريلي]

هلا وغلا برد بو ذهب
احسن شي سويتيه انج وقفتي هالرجيم الخربوطه
انا تريقت كورن فليكس سبيشل كي ١١٤ كالوري و حليب خالي الدسم ٨٥ كالوري يعني كله ٢٠٠ سعره
و طلعت اقضي مشاوير وايد لاني بسافر الليله متاخر لمدة اسبوعين ( دعواتكم ما اخربط )
اليوم موعدي مع هبه بن سلامه الساعه تسع بالليل دعواتك بتعطيني النظام الاول اليوم و برجع احطه لكم باذن الله قبل لا اسافر
شريت لي كورن فليكس سبيشل كي جم قوطي صغير و مربى سمكرز خاليه من السكر القفشه فيها بس ٢٥ سعره و طعمها لذيذ. و بينت بتر بس حدي قفشه عالريوق. و شريت لي سلطه و سندويشه من دايت سنتر حق الطيارة عشان لا اكل اكلهم لاني قريت ان وجبة الطيارة يسوونها تقارب ٦٠٠ سعرة حراريه حسب القوانين. يعني وايد صراحه
و شريت كاكاو رجيم فيه بس ٦٠ سعره اذا اشتهيت كاكاو بالسفر لا اخربط و جيس توست اسمر و جبن سلايس خالي الدسم
لا تضحكون علي ترا انا وايد اخذ اكل معاي بالسفر لان انا عكس الناس امتن بالسفر بدال لا اضعف ، لاني بالكويت اتحرك و امشي و اسوي رياضه اكثر من بره

 

[حياة ريلي]

تغديت اليوم نص كوب عيش مشخول بدون دهن او ملح مع قفشتين مرق و قطعة لحم و جزرة و حبة كوسا و طاسة سلطه مع نص قفشة زيت و ليمون

 

[Aloe Vera]

اليوم وزني نفس امس الحمدلله

ريوقي بيضتين اومليت مع سبانخ و طماط و جبن حلوم وايد لذيذة
و ثلاث ارباع رغيف خبز اسمر
و جاي

و ليلحين ماتغديت

الحين بنزل المطبخ و اشوف
مشتهية سلطة فيها بروتين بس مادري شنو عندي


كورن فليكس سبيشل كي لذييييذ انا اموت على اللي بالفواكهه الحمراء يمييييي

 

[تبطي عظم!]

يالله لك الحمد كل شيء زيين

وطلعت نازله ٧٠٠ غرام عفيه علي شطووره

وعقبال ماانزل اكثر من هيييك بعد

باجر بروح الجمعيه وبشتري اغراض للرجيم بدور الكورن فليكس الي تقولون عنه

لانه انا اكل مو مال رجيم اكل بوديج هههههه اموووت فيه عشق الطفووله

 

[حياة ريلي]

تبطي عظم سبيشل ك من منتجات بوديج بس هذا مال الرجيم

 

[حياة ريلي]

يوعانه باكل طاسة روب خالي الدسم مع شريحتين اناناس

 

[برد ابو الذهب]

حياه ريلي لا تقطعينا تراااااا راح نشتااااااقلج!!!! وتردين بالسلامه ولا ترهقين نفسج بالسفر حطي بالج ؟! تبطي مبروووووك النزول الفال لي ترا انتي نازله أكثر لان البيبي قاعد يكبر عشان جذي ما بين معاج؟! عفيه عالشطووووووره

 

[حياة ريلي]

لا كل يوم ان شاء الله ادش و اعطيكم التقرير اليومي

 

[تبطي عظم!]

حياة ريلي بالسلامه ياارب وانتبهي لنفسج



برد بوذهب

اكثر شيء كنت احاتيه الميزان ههههههه اهم شيء عندي بالمراجعه الحمدلله


احس نفسي شبعانه عاد ماادري شفيني


الحين بروح المستشفى ازور جدة زوجي منومه وبعدين برد اشرب برتقال ليمون

وقبل النوم باخذ روب خالتي الدسم

 

[7alaty]

الف الف مبروك تبطئ عظم

وايد فرحت لج ،،، وأي قمت احاتي وزني

برد ابو ذهب الحمدلله انج ماشية عالنظام لا تخربطين ابد

حياة ريلي تروحين وتردين بالسلامة وديري بالج على نفسج
الوفيرا : حبيبتي ان شاء الله ما تزيدين بصحة وعافيه

 

[7alaty]

الغدا اليوم كان :

٣ قفاش عيش
صدر دياي
كوب ونص شوربة
برتقالة وكيوي

 

[7alaty]

الحين اشرب ينسون عشان الغازات في بطني احس متفووووخة وايد اتعب هاليومين مع ان اكلي خفيف اذا كليت اي شي بعدها بطني تنتفخ

ربي يسهل