حوامل سمينات

[7alaty]

امممممممم بعد شوي ان شاء الله بتقهوا مع حبة كاكاو صغيرة
وكوب شاي بال زعفران

العشا بإذن الله بكتبه اذا رديت لكم شوي

 

[تبطي عظم!]

قوووو بنات قووو


ههههه يعني اشجعكم



تعشيت اشوا اشتهيت اكل

فليفله خضراء / مع توست بالحبوب غني بالالياف حمشتها شريحتين بس مع جبنه فرنسيه قليلة الدسم

وعصير برتقال ليمون كنت باكل روب خالي الدسم بس ولدي ناشبني عليه وعطيته هههههه واساسا احس بطني انترس مااقدر اكل بعد

 

[Aloe Vera]

غداي اليوم كان تشاينييز سمج هامور مع خضار انا مسويته بنفسي عشان اتاكد من المكونات
بس كانت الكمية اللي كليتها وسط مع عصير ليمون و برتقال

و بعدها اشتهيت جاي بالهيل و الزعفران و جم تمرة

العصر كملت صمونة بنتي مارتضت تكملها بس كانت صغيرة

و العشا جم قطعة بطاط بالفرن

و الحين حاسة بشوية يوع بس ماني ماكله


احس يبيلي ازيد الفواكهه و منتجات الحليب
احب لبن خالي الدسم مال المراعي وايد حلو


استانس اقرا تقارير اكلكم يعطيني افكار و اتشجع عالاكل الصحي



حياة ريلي

تروحين و تردين بالسلامة



تبطي عظم!

مبروك نزول الوزن و ان شاء الله يتم بصحة و عافية
و انا مثلج احاتي الميزان مال المراجعة خصوصاً انه يزيد عن ميزان البيت لان مع ملابس و ماكون على الريج

 

[حياة ريلي]

كتبت الرد مرتين و انمسح
باختصار شديد ﻷني واقفه بأمطار
رحت للدكتورة و طلعت نازله كيلو باسبوع
و ما عطتني نظام ﻷنها قالتلي اكلج ممتاز مافي شي باعطيج اياه احسن من جذي
و عطتني قوانين عامه حق السفر
منوع العصير و أكرواسون و ممنوع أمقالي و ممنوع الكربوهيدرات عالعشا
و اذا بتريق اكل نفس ريوقي بتلكويت و عالغدا يا مشوي يا سندويشة داخلها بروتين بدون جبن او صلصات و ما تكون كبيره
و شرب الماي بكثر
و استمر عالمشي 10.000 خطوه

 

[تبطي عظم!]

الوفيرا


ماشاء الله اكلج يشهي تصدقين مااعرف اسوي هالسوالف هههه اكلي الاعتيادي


حياة ريلي

ماشاء الله الله يتمم عليج بصحه وعافيه يارب

وتردين بالسلامه




ريوقي اليوم كالعاده كورن فليكس وحلييب وبعدها بنص ساعه شربت كوب ماي

 

[Aloe Vera]

اليوم وزني هم مثل امس!

لووول اول مرة جذي ٤ ايام ورا بعض نفس الوزن ٧٥.٥ الحمدلله ان مو قاعد يزيد بس هم ابي انزل شوية عشان ايام اللي اخربط فيها مايزيد حيل
و موعدي مع الدكتورة بعد اسبوع
صارو مواعيدي كل اسبوعين الحين لاني وصلت الاسبوع ٢٨ من الحمل




المهم
اليوم ريوقي خبز ايراني لبنة و زعتر و قيمر و عسل و جاي حليب كامل الدسم خلص خالي الدسم للاسف احس ريوقي ثقيل

و غداي احتمال اللي بقى من تشاينيز امس
لان مابي اكل من غدا البيت راح يكون دياي مقلي! و انا ماحبه اصلاً
و بس هذا هو


حياة ريلي
مبروك نزول الوزن الله يتمم عليج و تنزلين بصحة و عافية

 

[Aloe Vera]

تبطي عظم!


انا الحين في اجازة و قاعدة ادلع روحي بالاكل
لان ايام الدوام ركضة ركضة واااي ماكو مجال

 

[Aloe Vera]

وايد صعب مايزيد وزني بالسفر

انا اكل بدون كنترول بالسفر استااااانس اكل اكل دول الثانية
و عادتاً بحملاتي اللي طافو اسافر و انا بالشهر السابع و اتعب من كثر الاكل ههههه و يزيد وزني يمكن كيلوين بهالجم يوم سفر
الحمدلله هالمرة ماااااكو سفر و انا مستانسه هههه

 

[تبطي عظم!]

الوفيرا

ريوقج ثقيييل انا خربتها كليت برد ١٢٠ مل باسكن روبنز لووول

اشتهيته حييل

ع الغدا ماراح اكل عيش اجل باكل صدر دجاج وسلطه

 

[Aloe Vera]

وي عيل انا توني نزلت المطبخ و لا الخدامة مسوية كب كيك ككاو مع صوص نوتيلا امبيه كليتلي جم وحدة مادري هههههه

عادي بخفف عالغدا ان شاء الله

 

[تبطي عظم!]

لوول

الوفيرا انا ماخاف من اكل النهار لان في مجال تحرقينه بس المشكله لي خربطتي بليل هنيه عذاب الضمير ههههههه

 

[تبطي عظم!]

انصدمت بالغدا كنت متوقعه دجاج

طلع ربيان لووول عاد غرامي كليت ٦ ربيانات مع ٥ قفاش عيش

ونص قلاص لبن قليل الدسم


العصر باخذ جاي اخضر احسن وبليل بخلي عشاي نفس امس

 

[برد ابو الذهب]

ماشالله اكلكم يشهي وصحي ومفيد!، اليوم تريقت بسكويت دايجستف 5 حبات وجاي والغدا حمسه همبوجر مع خضار ولبن!؟ وبروح بيت أهلي شوي انشالله ما اخربط انشالله

 

[تبطي عظم!]

للاسف بيت اهلي ماوراهم رجيم


بس بعتبر اليوم يوم مفتوح مع اني خففت


المغرب كليت ملعقه من حلا الفستقيه ومن بسبوسه بالقشطه وجم حبة سمبوسه

فنجالين قهوه واستكانتين شاي مع بسكوت مالح هههههه

وضميري عذبني حييييل



وع العشا تعشيت قفشة حمص وقفشة متبل مع حبه وحده شيش طاووق ونص قلاص ببسي مع اني قاطعته من ٤ سنين او يمكن اكثر

بس لان كنت طالعه ورديت عطشانه والعشا جدامي كان

 

[تبطي عظم!]

صبااااحوو

وين الحلووين من امس



اليوم تريقت وحده صمون حلوم ووحده صمون لبنه مع كوب شاي

احس واجد بس ماعليه لي رديت شقتي بلتزم عند اهلي مااكو التزام امي تعصب هههههه

عندها الحامل لازم تاكل وتتغذى

 

[Aloe Vera]

انا بالليل ما اكل الا اذا معزومة او قاعدة بالطاوله مع ناس تاكل افقد السيطرة و اكل


صجً العشا اهومشكله لان ما يتهضم

الحمدلله اليوم نازله ٣٠٠ جرام وناسة لان اليوم اكيد بخربط بالزوارة ههههه
و ريوقي كان شريحتين فرنش توست مع قيمر و عسل لازم هههه و كوب جاي

 

[smo0o]

بنات أنا معاكم :eh_s(9):


حامل بالشهر الثاني قبل الحمل كنت باديه ريجيم قدر الله وحملت الحمد لله


كان وزني 84 خففت اكل و صرت آكل أكل صحي و مفيد و امشي نص ساعه يوميا نزلت بأسبوعين كيلوين

و رجعت خربطت واللحين ببدأ معاكم من جديد

 

[Huda alotaibi]

السؤال لماذا السمنه تحديدا فتره الحمل ؟

اليس الحميات الغذائيه جديره بذلك والاهتمام بالصحه خاصه في هذه الفتره
ماشاء الله في نساء شهيتها تنفتح 180 درجه لاشعوريا تاكل ويتضاعف الوزن

الحل هو مراجعه طبيب الحميات الغذائيه انتبهي انتبهي انتبهي من الوزن فهو بدايه الامراض العصريه

 

[Aloe Vera]

الحمدلله توني راجعة من الزوارة ماكثرت اكل
اكلت عادي و بعدها شوي حلويات بس ماكثرت عن المعقول

يا رب ما ازيد اكثر من كيلوين لين اولد

 

[Aloe Vera]

بنات أنا معاكم :eh_s(9):


حامل بالشهر الثاني قبل الحمل كنت باديه ريجيم قدر الله وحملت الحمد لله


كان وزني 84 خففت اكل و صرت آكل أكل صحي و مفيد و امشي نص ساعه يوميا نزلت بأسبوعين كيلوين

و رجعت خربطت واللحين ببدأ معاكم من جديد

حياج الله

الله يعينج اصعب فترة اول 3 شهور
الله يسهل عليج

و شاركينا بنظامج الغذائي