حوامل سمينات

[حياة ريلي]

غنج ممكن تاخذينهم بروحج بس لازم تراجعين بعد

 

[حياة ريلي]

امس سحوري كان توستتين مع بيضتين اومليت بدون دهن و طماط و جرجير وماي
امس شربت ثمان اكواب ماي اخيرا
وقبل النوم اكلت موزه
طبعا امس تفرفرت حق اغراض قرقيعان بنتي بالسوقه والجمعيه بس باقيلي كم شغله اخلصهم اليوم و اقعد الفلفهم و افتك
العام طلبته جاهز من باتشي بيس كلفني اربع اضعاف !!!!!!

 

[تبطي عظم!]

قوه


عفيه على صديقاتي اي الهمه الهمه لوول




امس فطوري

شوربه وهريس شويه و٣ تمرات ونص قلاص لبن



بعدها شربت ماي


ونزلت تحت شربت فنجالين قهوه مع قطعه صغيره حيييل حلو


ع الساعه ٩

شربت قهوه بشقتي يمكن ٤ فناجيل مع قطعة سويت

وكليت سمبوسه وحده وكبه وحده وخبز عروق وحده

وشربت قلاص ماي


الساعه ١٢ كليت عنب اخضر وموزه وقلاص ماي


الساعه ٢

قلاص لبن و٥ تمرات

 

[تبطي عظم!]

حياة ريلي

انا خلصت قرقيعان ولدي بس باقي اعبيه ناطره عاد بعد جم يوم بعبيه

واشتريله دشداشه لان شريت له السديري والكبوس والجيسه وبوديه اصووره

 

[Aloe Vera]

انا امس كان فطوري عيش و دياي و كانيلوني باللحم و بعدها حلو و للاسف كثر بالكمية و انغثيت

بعدها سحوري كان توستة سمرا و جبن اريش و جرجير و بقدونس و بسكوت ثلاث حبات شغل بيت و شوية رز بالحليب

طبعاً كثرت و المفروض الكمية اقل بوايد

اليوم بشوف وزني الله يستر!

 

[برد ابو الذهب]

السلام بنات شخباركم ؟؟؟ لا أبشركم ملتززززززززمه حدي فطوري صحي تمره ولبن وسلطه وبروتين شوي يا دياي أو لحم ؟! حلاتي شخبارج لج ووووووحشه ؟! شكلي بتبع معاج رجيم وجدان

 

[Aloe Vera]

بنات لقيت حل حلو بالنسبة لشرب الماي


انا عندي مطارة بلاستك تنباع في المكتبات ماركاتها ibc وايد يحطون دعايتها بالجمعيات
اهي يصير معاها انبوب من داخل تترسينه ماي و تثلجينه عشان الماي يظل بارد بالمطارة

المهم انا صارلي سنة استخدم هذي المطارة بالدوام وايد حلوة و تقدرين تعرفين شكثر شربتي ماي
انا دايماً اترسها مرتين باليوم لمن اكون بالدوام بحكم ان دوامي ٨ ساعات و المطارة تشيل ثلاث اكواب و نص بالظبط
يعني اذا ترستها و شربت منها مرتين باليوم اكون شربت ٧ اكواب

و دام الحين استخدمها برمضان حلو اني اتاكد اني شربت ٧ اكواب غير اللي اكيد بشربة عالفطور و السحور


هذي المطارة الحين اخذها معاي وين مارحت بالبيت
و هم بالسيارة معاي و مايحتاج اعد جم كوب شربت و جم كوب باقيلي

و حسيت ان شرب ٨ اكواب ماي صار شي سهل

 

[Aloe Vera]

توني خلصت المطارة و ترستها

بشرب منها حق السحور ان شاء الله اكون شربت ٨ اكواب

 

[حياة ريلي]

سلام يا جميلات
فطوري اليوم كوب شوربة عدس وثلاث تمرات و كوب سلطه و كنت مسوية صينية خضار بالفرن اكلت منها طاسه طبعا بدون دهن او شي بس صوص طماط
و بعد الفطور بساعه اكلت شريحتين اناناس و نص تفاحه و نص برتقاله
و توني تسحرت بيضتين اومليت بدون دهن و خبزة شعير الخفيفه مالت المطاحن
و قبل النوم موزه لازم عشان العطش باجر
اليوم لاحظت لاني امس شربت ثمان قلاصات ماي ما حسيت بالعطش كلش اليوم بس للاسف شربت بس اربع قلاصات ماي لي الحين ما يمديني اشرب اربعه قبل النوم

 

[حياة ريلي]

قوة يا حلوات
صخه بالنهار شكلكم نيام

 

[Aloe Vera]

امس شفت وزني و طلعت زايدة بس مو وايد الحمدلله ما انصدمت بس هم ابي انزل
مادري شنو اسوي حق روحي يمكن شوربة عدس بالخضار يمييي


امس نمت متاخر و طافني السحور و ماشربت الماي حسافة

 

[Aloe Vera]

حياة ريلي


فطورج يشوق ماشاء الله انا وايد احب الاكل الفيجيتاريان

 

[حلااتك حلم]

۝السلام ڠڶېڪم و رحمۿ اللۿ ۉپڒگاتۿ۝

ماشاء الله الموضوع وروعه وصج يحمس الوحده ويشجعها تحافظ على وزنها مو شرط الوزن حتى اللي فيها ضغط وسكر يكون حميه لها

بنات بسالكم حبوب الفيتامينات تمتن؟؟. انا احس اكلي طبيعي بس الحبوب اللي اخذهم بريجلاان؟؟؟


تمتن ولا لا؟؟؟

 

[Aloe Vera]

انا سمعت ان حبوب بريقلابلان تمتن

بس وانا اكلهم ساعات اخفف اكلي ما امتن بالعكس ينزل وزني

سألي الدكتورة احسن

 

[تبطي عظم!]

قووه


اكلي برمضان احسه مو صجي ماادري ليش


سحوري امس كان عيش ربيان كليت شويه مع قلاص لبن


اليوم بنتبه لاكلي حيل وبكثر ماي ماشربت امس ولا قلاص

 

[تبطي عظم!]

الحمد لله


اليوم ماخربطت




فطوري


شوربه + خبز الصاج بالدجاج ٣ حبات صغار + خبز عروق وحده

سلطة شمندر وجرجير ٣ تمرات وقلاص ماي



ع الساعه ٩ سكانتين جاي مع ٣ قطع صغيره من كيكة البرتقال ٣ حبات معمول تمر بر


وتوني تسحرت توسته محمشه مع جبن لايت وعنب اخضر وقلاص ماي

 

[تبطي عظم!]

بنات مااحس في وقت اكل فيه !!!


كتبو جدولكم بالساعات لان كلش مو لاقيه وقت ابداً

احس حتى الماي حدي 3 قلاصات بسرعه اشبع مااقدر اكمل اذا شرب 4 يكون انجاز

 

[((غنج))]

السلام عليكم ياحلوااات

اليوم كليت عالفطور جبنيه وشوربه بس وعليهاا

ورحت السوق افرفر واكلت ايسكريم بالفواكه

وبس يمقن شوي اتسحر سلطه بس

 

[Aloe Vera]

انا اتفطر وبعدها اتسحر الساعة بال١٢ او وحدة بس
و قبل الفجر اشرب ماي

و الماي اشربه بين الوجبات علطول من مطارتي كلشوي اشرب
بس المهم اخلصها و اترسها و اخلصها مرة ثانية

امس شربت ٧ قلاصات ماي و ٣ قلاصات فيمتو !
احس الفيمتو خرب الموضوع هههه

 

[Aloe Vera]

فطوري كان شوية شورربة عدس و جم حبة صغار مسخن دياي و ذقت باستا بالكريمة بس تذواقة مرة وحدة و مرتين من خضار مشوية مع الكسكس
و حليت بمحلبية مع قمر دين و قطعة صغيرة كيكة

و سحوري قلاص لبن خالي الدسم و ثلاث تمرات مغمسين بهردة و حبتين مسخن دياي كلش صغار كبر ورق العنب و حبتين غريبة صغار و قفشتين جزر بالفرن

ان شاء الله اليوم بشوف وزني احس اكلي مو مضبوط