ام مهرة والله دخلتها بالتدريج
ماقولج نزلت بشهر مع دشتي ٧ كيلو استانست عليها بس من هالسبعة الحين زايدة كيلوين والله حدي مكتابة
علا فكرة انا مو انسانة بمعدة طبيعية مثلكم انا بعشرين بالامية معدة بس يعني حتا لو شديت حيلي بالاكل طول اليوم ما يصير وجبة وحدة حق انسان طبيعي
توني اقرا بمنتدا ثاني وحدة نفس حالتي بس اهي مشكلتها ثبات وانا قاغدة ازيد والناس قاعدة تهديها عيل انا شقول والله حدي محبطة وودي انزل هال١٦ كيلو قبل العيد لاني جد تعبت من هالسمنة القاتلة
اليوم بيت اهلي خواتي يقولون لي لولو صج ضعفتي بس نحسج هزيلةالحين وقفي كل الرجيمات وخلج طبيعية ومتا مانزلتي خير بس والله اللي ايده بالماي غير اللي ايده بالنار
يمكن تقولين عني سخيفة لما تقرين الحين اكلمج والله نزلت دمعتي لاني جد جد تعبانة نفسيتي من الزيادة اللي قاعدة اشوفها كل يوم والله الحين دمعتي فرت خلاص
والله والله مصدقتج
شفتي انت مو بروحج كا وحدة ثانية مثل حالتج
تراني مو بعيدة عنج اقطع عمري بالرجيم والرياضة
وازيد
وصلت مرات كنت اتمنى بس يثبت
واخير وصلت مرحلة الثبات على 106 يمكن بدون مبالغة 4 او 5 شهور صج كنت ارخي 5ايام سته بس عقب ارد لنظامي وانا خلقة مو مالت بلعة من يوم اني صغيرة الله رحم حالي يمكن لو كنت راعية اكل مدري جم اوصل
اخرته اليوم حاشني احباط لاني جربت تنورة شاريتها وفرحانه فيها هههههههههه وما ادري ليه حاسة اني بصير فيها واااايد حلوه جريتها ولا تطلع لوعة اطالع عمري بالمنظرة وعيوني تغورق
احد يصدق اني لي شهور رجيم
.
عقب مرحلة الثبات الله يسلمج جربت خل التفاح وتحرك الميزان واخير ونزلت وصرت 104
واخر مرة وزنت لقيت اني طالعة شوي بس انا بعتبر نفسي اني وصلت لها
غمضي عيونج واستمري على نظامج وان شالله بتنزلين واذا حاسة نفسج متضايقة ريحي جم يوم وردي
وانا ترى والله ما الومج حتى انا تيني حالات مثلج وساعات الله يهديني واطوف
