{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[miss_lymoona]

لول ام بدير


مبروك جنى على النزول ويهبل الرجيم

بحاول التزم برجيم معين مادري شنو

 

[الحلا^^مبتليني]

بنات شلووونكم انا حدي مخربطه هاليومين امس اكلت صمونه من بوبايز جكن راب بس خبزها خفييييف حيل وقبل امس همن اكلت جكن راااااب على فكره الصمونه بس بدون بطاااط واليوم غداي وعشاي كورن فلكس يعني خربطتي حلووووه ماتمتن حيل لوووول
انشالله باجر بروجله واشووووووووووف وزني لوووووول عاد بااااجر التزام كلي
بنات النسكافيه جابلي التهااااب وحسر بالبول شسووووي ماله بديييييل

 

[miss_lymoona]

ماتشوفين شر الحلا مبتليني

بس ماتوقع من النسكفيه لان كلنا نشربه

 

[ضعيفه وعصله]

هلا بنات حيالله اليدد
جنى يارب توصلين للي تبين وانا احط مع النسكفيه حليب بودر عجيب

حيااااااااااااااكم بنات
ورجيم رجيم والله كرييييييييييييم
داااااااااااااايخه بحط راسي وانام

 

[miss_lymoona]

نوم العوافي ياضعيفه

انا خرتها اليوم بطاط برنقلز وفول

من باجر بجرب رجيم المطوع

 

[J.e.N.a.A.a.N]

هلا بنات صباح الخير
شلونكم
انا اليوم الصبح تريقت نسكافيه والضحى الساعة 11 باكل ساندويش توست اسمر بجبن لايت وطماط

 

[J.e.N.a.A.a.N]

الله يبارك فيج ليمونة وضعيفة وعصلة
ام بدير حبيبتي ان شاء الله نازلة وخليج متفائلة وكلنا نقدر نضعف ان شاء الله

 

[ضعيفه وعصله]

ان شاااءالله نقدر


ليمونه شفتج خربتيها ههههههههههههههههه جان اطلب انا واختي من هارديز ..
امبييييه مو طبيعي ههههههههههههههههه

بس ن باجر ببلش الرجيم بإذن الله
خوو عادي انا لازم اول 3 ايام اخورها وبعين ارد

باجر اول ما اقعد بسويلي نسكفيه
و الغدا راح يكون سلطة فقط ..
والعشا مممممممم ما ادري

 

[ضعيفه وعصله]

باقي 13 يوم على موعد الدكتور .. و بلتزم بـ 13 يوم ان شاااااءالله

 

[ضعيفه وعصله]

الحلا مبتليني ننطرج هاا عس نزلتي ؟

 

[أم بدير]

انا صارلي اسبوع فري
تهقون يأثر؟
خخخخخخخخخخخخخخخخخخخخ

 

[ضعيفه وعصله]

واااااااااااي ام بدير !!
انا لو عندج امسكج و ازنطج
لي متى البلعه خليها يوم او يومين
وبلشي رجيم خلاص
كل يوم باجر باجر باجر لييين يخترب جسمج و نفسيتج ويضيع عمرج ولا تستفيدين من شي ..

لا تخليني اعصب
لوووووووووول يلا الهمه

 

[أم بدير]

وي ضعيف حتى النادي صارلي شهر مارحتله

 

[ضعيفه وعصله]

بعد تبين تحريني انتي الظاهر
يباااا روحي
و ضعفي خلنا اناديج يالرشييييقة

 

[أم بدير]

وين احرج ضعيفه
اقولج صارلي شهر مو رايحه النادي
انشالله من الاحد الياي ارد اروح من يديد بس خل اتشجع
تعودت عالكسل

وعندي بنيه بالدوام ميته قهر ليش نزل وزني وكل يوم تحبط فيني
يوم صدقيني موزين رجيمج
صدقيني بيرد وزنج الدبل
صدقيني بتتحسفين
لوعت جبدي

 

[miss_lymoona]

هلا ضعيفه بالعافيه الهارديز لول

بس تصدقين صج كليت فول ومادري شنو امس بس قعدت نازل وزني لاني مشيت ساعه

وزني اليوم الصبح 65.0

 

[shams2008]

الله يوفقج متابعينج

 

[ضعيفه وعصله]

ام بدير مالج شغل بأحد
انا اللحين محد يدري اني اسو رجيم رجيم يعني اقول اي واسكت
ما اتحجى واعلق
خليها مالج شغل فيها ..

ليمووونه ما شاااءالله تبارك الرحمن
ألف ألف مبروووك يااا قلبي انتي
وااااصلي

شمس مشكورة حبيبتي

 

[miss_lymoona]

ضعيفه يلا سولفي ملل لوووووووووول

 

[ام سعود ديكسون]

فديتج

ان شا الله تضعفين علي صحة وعافية


مشكورة علي النظام حده سهل


بس مشكلتي بالزوارات ولي انعزمت ع الاكل بمطعم


انتي شنو خياراتج لي انعزمتي برا البيت