رجيم النقاط .... لعيون رشيقات المستقبل

[shaikhaq8]

والله اهوا خوش رجيم انا وايد مستانسه عليه بس مايندرا عن النتيجه بعد اسبوعين بقايس وزني وانشالله خير :ggdw:

 

[عنيّد]

شيخة ،، فتحي الصورة ببرنامج paint وصغريها من image وبعدين skew وكتبي باول مربعين 50 و 50
وحفظيها
وحمليها على هالموقع www.imageshack.us وحطي لنك الصورة هون بتلقين بالتعقيب مربع لونه أصفر وفيه جبل رمادي دوسي عليه وحطي لنك الصورة فيه


وجدان الكويت ،، تمقلي وان مافهمتي حاضرين ^_^


دريم ويب ،، الربع خبزه الخفيفه 11 نقطه والخبزه الكامله 44 نقطه ، ماذكر وين كتبت 17 لا طبعاً غلط !!

 

[غلا شاعرها]

مشكورره حبيبتي
انا الحين اسوي رجيم الدكتور اسامه حمدي وانشاء الله بعد مااخلص راح اجرب هالرجيم
ماقصرتي والله شكله حلو
////////////////////////////// جاري التحميل
تحياتي

 

[shaikhaq8]

عنيد يمه منج ماتقولين جم صار وزنج شكلج تاكلين نقاط زياده من ورانا لووووووووول :dddds:
وهذا الميزان

 

[غرشوبه23]

والله شكله 100% وبجربه

وكل شي فيه حلوووو يبيله راح اطبقه بعد المسعده هههههههههههههههههههههههههههه

 

[عنيّد]

شيخه ،، مثل ماتوقعت ، ميزانج ، الشخطة الي مكتوب عليها 1 بالاحمر = 1 كيلو جرام
يعني الشخطة الصغيره الي مكتوب عليها 2 بالاسود = 200 جرام مـــــــو 2 جرام :eh_s(6):


غرشوبه ،، خخخخخخ اي والله :dddds: شوفي تقريبا الشهر الي طاف نزلت على هالرجيم 5-6 كجم ، والله مو حاسبه عدل لأني خربطت وايد كلا من العزايم والطلعات :eh_s(14):

 

[دريم ويب]

بلييييييييييييييييييييز عنيده

ولا شيخه

عطيني مثاال على الفطور والغدا والعشا
40 نقطه
برجر ماافيه ولا نقطه شلوووووووووون؟؟؟

 

[عنيّد]

بلييييييييييييييييييييز عنيده

ولا شيخه

عطيني مثاال على الفطور والغدا والعشا
40 نقطه
برجر ماافيه ولا نقطه شلوووووووووون؟؟؟

هذا مثال حبوبه

شوفي حبوبه ، اهو كل شي يعتمد عليج انتي شنو تحبين
يعني أنا غراااااامي الككااااااااااااااااااو ، اكتشفت مؤخراً اني ماقدر أستغني عنه :dddds:

فاشلون أقسم أيامي ؟؟؟؟ على شكلين

باليوم الي باكل فيه مشاوي (دياي/لحم/سمج) ، هاليوم أحط لي فيه 3 ككاو آرو الحجم الكبير المكتوب عليه 46 جرام ، بمعنى أوضح وبشكل عام فأنا أخصص 30 نقطه للككاو
تبقى عندي 10 نقط أخليهم احتياطات أمنيه :eh_s(6): يعني مثلاً اذا يعت بليل أخذتي ثلاث اربع حبات يوز يسسسسسسدون اليوع أو قطعة جبن ، ولأني دايماً الصبح أتريق بيوزتين + جبنه أو لبنه ، فهذيل ماحسبهم لأ ، مخليتهم بهالعشر نقاط لأنه أدري ماراح يعدونها


أما اليوم الي باكل فيه اسكلوب أو جكن بوب كورن ، فهذا أخصص فيه 20 نقطه للككاو ، لأنه الشي الي فيه بقسمات له 11 نقطه ، بجذي هم تزيد عندي 9 نقط أخليهم لوقت العازه ، والعشا أخليه مشاوي همبرجر او دياي عادي ...


أنا خلصت ولله الحمد 3 أسابيع بهالطريقه ، ومرتاااااااحه حيل لأني ماحرمت نفسي من شي أو بمعنى أصح ماحرمت نفسي من أهم شي وهو الككاو :eh_s(6): وحتى الآيسكريم اذا اشتهيته آكله بيوم عادي ، والعيش بعد أحطلي 5-6 قفاش واكله مع مشاوي وبهالحالتين تقل كمية الككاو عندي تصير 1 او 1.5 باليوم




في ناس موحيل مع الككاو ، مثل خالي (الحين انضم لنا وقاعد يسويه معانا ) اهو من ربع الفاكهه ، فشنو يسوي ، مخصص يومياً 35 نقطه (برتقالة + تفاحه) وباقي أكله كله مشاوي وأجبان ، وبعد مرتااااح

 

[shaikhaq8]

دريم ويب اقولج انا شنو اكلت اليوم..
انا اقعد متأخر من النوم فأتغدا على طول ماعندي مشكله لووول...غدانا مرق باميا...انا حطيت 6 اقفاش عيش(قفشه مو ملااس) هذي تساوي 20 نقطه..وحطيت معاه لحم وشوية مرق وهاللحم ماعليه نقاط صفر..طبعا ماحطيت الباميه لانه مادري جم نقاطها.
العصر اكلت روب اكتيفيا 100غرام= 3 نقاط على حسب ماقالت عنيد لانه مو مكتوب بالجدول عن الروب فحسبته نفس اللبنه
المغرب اكلت كاكاو آرو الكبير 46 غرام وهذا فيه 10 نقط
بالليل اكلت 2 همبورغر وعليهم جبنتين سلايز ..الهمبورغر صفر مافيه نقط..الجبن سلايز الوحده حسبته 3 نقط يعني الثنتين 6 نقط
المجموع صار 39نقطه
باقيلج نقطه زياده مو لازم تاكلينها ))) :ggdw:

 

[عنيّد]

شيخه ،، عفيه ع الشاطره دارسه عدل خخخخخخخخخخخ :ggdw:

بشرينا بالنتيجه عاد

أتمنى لكم التوفيق ^_^

 

[عنيّد]

شيوخ ،، بالنسبه للجبن وايد حاسبه الشريحه الوحده بــ 3 نقاط ! حرام عليج
لو بنحسبها من ظمن جبن المثلثات فهو مكتوب الــ 100 جرام 3 نقاط ، ليش حاسبه الشريحه بثلاثه
روحي شوفي القرطاس مال الجبن جم مكتوب عليه الوزن الكُلي او للشريحه


على فكره ، أنا جبن الكرافت الازرق القواطي أحسبه جبن يابس يعني 100 جرام = 1 نقطه ، واعتقد الشريحه نفسهم جبن يابس

جبن المثلثات انا اشوفه نفس جبن القلاص والكيري فأحسبه 3


عموماً بكل الحالات وايد على الشريحه 3 نقط قومي قومي شوفي الجيس جم مكتوب عليه :dddds:

 

[دريم ويب]

<<,والله ياا بناات اني القطهاا وهي طاايره
بس ماا ادري وش جااني

آسفه اذا غثيتكم بس تأكدوا اني بدعيلكم من كل قلبي

بقولكم على برناامجي وانتو احسبوها لي كم نقطه

شابوره3قطع+كوب نسكافيه ((فطور + غدا))

كوب صير اناناس العصر

بعض الاحيان كتكات شنكي الكبير+قهوة المغرب

العشاا 2شريحة توست بر+جبن حلوم شريحه صغيره+عصير اناناس كوب

 

[دريم ويب]

للرفـــــــــــــــــــــــــع

 

[shaikhaq8]

اي عنيد حافظته عدل :dddds:
اقولكم شنو اكلت اليووم...رحت زعتر وزييييت والبنات اطلبو كفته(صايره جنها بيتزا خفيفه فوقها كفته ومايونيز وجبن وطماط)
انسه شيخه ماقدرت تقاوم فشنو سوت ؟؟؟
اهوه صاير مثلثات فأكلت 3 مثلثاااااات والوحده حسبها 11 نقطه لاها خفيفه وصغيره جنها ربع خبزه وحسبت الجبن مع الطماط تقريبا 3 نقط والمجموع صار 36 نقطه

والعشا اكلت همبورغر دياي ساديا ياحلاته ..."بعا انا اكلت 3 حطيتهم فوق بعظ وبينهم خس وطمام وجبن (وتمتع بالمذاق الليذيذ

 

[shaikhaq8]

دريم ويب انتي حسبتج صعبه ماعرف احسبلج جذييي لانه مو كل شي موجود بالجدول
انا امشي على اللي موجود بالجدول بالظبط...بس شكله خوش رجيم اللي انتي مسويته كملي عليه اذا مرتاحه منه

 

[رائحـة المطـر‘]

بجربه إن شاء الله و أشوف شيصير معاي

جزاج ربي الجنة يا عنيّد

 

[لباسه اللولو]

مشكوووووره ياقلبي واب للافاده

 

[احبك ربي]

مشكوره اختي

شكلي ببداء فيه

<<<حالتها صعبه

 

[q8yah]

تسلمين حبيبتي شكله حلو الصراحه يبيله عقب رمضان

 

[green tea]

يبييييييله عقب ارمضاااااان نوخر الكرش :ggdw: