رجيم لورا مارسييه لعام 2010 ...فنتق حياكم ... :)**(شهر من تاريخه)

[laura mercier]

انااااااااااا ييييييييييييييييييت.... مساء الورد..:tek:

آسفه على الغياب بس لوية يوم الزواره....

المهم ماشاء الله دشيت اليوم الثالث بالرجيم حسيت بشوية صداع عشان ماكو سويت بس كليت لي تمرتين واحس اني احسن

المهم امس تريقت كورن فليكس و تغديت شوربة بروكلي بالكريمه ولحمة من غدا البيت...

العصر تفاحه خضراء

العشا سلطه فيها كل الخضره الي بثلاجتنا + سوس رانش + كوب شاي ...وبعد ساعتين علبة روب اكتيفيا...

اليوم الريوق كورن فليكس..

الغدا :شوربة كنور + بدلت اللحم ب 3 شابورات رجيم

العشا : ماااااااااااادري اي سلطة:tomato2:


هلا وغلا بكل من دخل وعطانا كلمه حلوه....ياحيالله من يانا:ggdw:

بنت مشرف : بغنيلك "الله يازين الي احضرت"

حياتي ودنيتي بقلدك بصور...موفقه حبيبتي...شخباركم؟؟؟؟؟؟؟

 

[el3aNoOoNa]

اممممبي انا خربطت اليوم كليت وايد اشياء
انشالله اعوض باجر

 

[laura mercier]

خربطي يا ماما ... اليوم عطله...بس بكره عوضي

 

[laura mercier]

من من وينك؟؟

 

[laura mercier]

انا تعشيت سيزر سالاد مامليت منها للحين وخذيت من نقصة بيت جيرانا 3 ربيانات بالبقصمات مع دايت وبعد ساعه باكل الروب

انا زدت الربيان لاني واااااااااااااااايد يوعانه..

 

[el3aNoOoNa]

انا من اشوي كليت برتقاااله عقب التخربط لووووووووووووووول

 

[laura mercier]

بالعافيه...اقول شربي شاي الليونه عشان بكره اطلعين الي ببطنك

 

[mn.mn]

من من وينك؟؟

يااااااااااااابعد عمري والله كاني والله موجودة بس واااااااااايد متضايقة من نفسي

مادري شفيني احس مو قادرة التزم اسبوع كامل بدون خرابيط لاااااااازم اخربط

على آخر الاسبوع ونزولي صار بطيء والله مادري شفيني خفت العزيمة والارادة

احس اني قاعدة آكل عبط جني اعاند نفسي واحس اني غبية قاعدة اضيع تعب شهور

ان شاء الله باجر ارد التزم لاني صج صج متضااااااااااااااايقة

صدعت راسج بحنتي والحمد الله انج ماسكة بزمام الامور وان شاء الله دوم على هالحال

 

[el3aNoOoNa]

لالالالا يا قلبي لا تتضايقين ولا شيء
ميخالف كلنا جذي نضعف جذام الاكل واولهم انا اليوم خربطت كليت كاكاو وبرد
بس ميخالف نحاول نحاول كل يوم نحاول مو على بو خربطنا نخرب كل شيءخلاص
شدي حيلج

 

[laura mercier]

هذا عشاي اليوم بنوتات غرت من حياتي ودنيتي بقلدها ههههههههه

بس اذكركم تعشيت سلطة قيصر وربيات بالبقصمات _03BA:

 

[el3aNoOoNa]

خخخخخخخخخخخخخخخخخخخخخخخخخخخخخخخخخخخ
عليج باااااااااااااالف عافيه

سامحوني اليوم ماصورت لكم
برد اصور لكم باجر انشالله

 

[mn.mn]

حياتي ودنيتي مشكووووووووورة على التشجيع وانا والله من داخلي مصممة أكمل الطريج ما ابي اوقف بالنص

الحمد الله على اللي وصلت له وطامعة بأكثر ودي أوصل 60 وان شاء الله بقدر واكيد بتشجعيكم بحااااااول أتغلب على هالعقبات

لورا بالعااااااااااااااافية العشا الربيان يشوق ما شاء الله

 

[laura mercier]

ياروحي يا من من وحياتي ودنيتي الله لايفرقنا ويعينا على برجيماتنا.... شوفو هالرابط بليييييييييييز

http://www.q8yat.net/showthread.php?t=380953&highlight=%E1%E6%D1%C7+%E3%C7%D1%D3%ED%ED%E5

 

[laura mercier]

من من : والله عن تجربه اكثري الاستغفار طول اليوم وانتي في بالك الرجيم ...والله مو مصبرني ولا معيني غير هالطريقه مفعولها اكثر من حبوب الرجيم....لازم اكون عندنا حسن ظن بربنا ان اهو القادر على انه احول حالنا من حال الى حال ...

 

[el3aNoOoNa]

صح كلامج
والنعم بالله
والله يصبرنا ويقوي ارادتنا ويثبتنا ع الرجيم لما ننزل بصحه وعافيه

 

[صلاتي-حياتي]

يسلموووووو

 

[mn.mn]

ان شاء الله لورا والله يعين الكل وتسلمين يا قلبي انتي اللي كلج ذوق

بس عاد ليش ما حسيتي اني حلوة ؟؟؟؟؟ >>> ترى انا شقرة وعيوني ملونة :tek:

>>> صج ما نعطى ويه :dddds:

 

[laura mercier]

انت الزين كله والشين والمتن عندي .... ياحلوك والله جميله باسلوبك والله...

 

[laura mercier]

صلاتي حياتي : منورتنا

 

[mn.mn]

أفا عليج والله انتي الزين والطش والرش وماي الورد اللي ما ينرش فديتج والله ما قصرتي

انا خلاص ان شاء الله من باجر برد التزم عدل والله اني استمد الارادة والحماس منكم عسى الله لا يفرقنا

وهالاسبوع راح تكون الرياضة يوميا مابين مشي واوربتراك والله يعينا ويصبرنا