رجيم من 1_11_2012 وحتــى السنه الجديده

[Laidy n3ooma]

اليوم قمت الصبح وشربت شاي بالحليب وعقبها كلت حبة التخسيس

والغدا سمك وعقبها كلت رمان

مرت عمي يوم شافتني الخميس تقول انتي ضعفانه !!! بس غيرت الموضوع وماقلت شي

وامي اليوم بعد الغدا تشوفني وانا جايتهم الصاله قلت لها شفيج !! تقووول ضعفتي مبين بجسمج

ونااااااااسه شعووور حلووووو

 

[الله يعيني]

خربت الرجيم بالويك اند خلاص باجر بتسنع و اخفف

 

[الله يعيني]

خربته بنوعية الاكل و كميته تخيلوا امس عشاي من برجر كنج

 

[Laidy n3ooma]

الله يعيني لييييش عاد مالقيتي الا فاست فووود

عاقبي نفسج بالرياضه اذا خربتي

يعني اذا متعوده تمشين نص ساعه قولي اليوم بامشي ساعه ونص عقاب على اللي كلته

بنااااااااات بليييييز مانبيكمم تخورونه بالاكل احنا همتنا عاااليه فكل مانشوف وحده تقول خرتها وخربتها وكلت ممكن نضعف

غير لما ادخل واشوووف الكل ملتزم ومتحمسسييين استحي على ويهي والتزم ويااااكم

ندري ان الويك اند معااااااااااناه لان اغلبه طلعااات ويمعة الاهل والاكل من هني لين هنااااك .. بس مايصير مانقدر نمسك نفسنا كلها شهرين

 

[Laidy n3ooma]

* ان الذين لايشربون الماء يعانون من مشكلة تخزين الدهون في الكبد
وتصبح عملية الايض بطيئه في التخلص من الدهون وحرقها

 

[دلوعة رشود]

بعد اذن صاحبة الموضوع
حياج الله دلوعه

الله يحييج حبيبتي

 

[دلوعة رشود]

حيااااج دلوعه رشود بتنورينا

عاد مانبييج تختفييين عقب جم يوووم

وياهلا

هلافيج باذن الله بتواجد قد ما اقدر

 

[دلوعة رشود]

الوزن اليوم٦٩

الريوق جاي حليب + صمونة


وشربت ماي






نمت العصر وقعدت قبل شوي شربت جاي حليب عاد مادري شنو اتعشى للحين!!

 

[fatma A]

اليوم الحمدالله التزمت 100%

 

[Laidy n3ooma]

تعشيت سلط

وشربت شاي التنحيف

والحين برقص

اشوفكم باااااااااجر بيوم جديد كله حيويه ونشاط ورشاقه

وادعولي عندي امتحان الصبح

تصبحون على خير حبايبي

 

[الله يعيني]

بنات شريت فيتامينات شعر اسمها هير فيت بس اخاف تمتني لان نوعيتي وزني صعب ينزل و امتن بسرعه

 

[الله يعيني]

لان صلعت ما في شعر

 

[fatma A]

الله يعيني
لاتاكلين حبوب دهني شعرج وانتي تسوين رجيم احسن لج

 

[نونة حبيبها]

سلام بنات
الحمدلله للان ملتزمة
لخبطت يوم الاربعاء والخميس
الجمعة افطرت كابتشينو وتفاحة
والعشاء من ابل بيز دجاج مشوي مع ربيان مشوي وشوربة وشوية سلطة مع عصير برتقال فرش
اليوم افطرت كابتشينو مع كمثرى
ماتغذيت
العشاء ربيان مشوي وبطاطس مهروسة وحبتين ملفوف محشي وملعقتين بابا غنوج مع عصير برتقال
وصار لي يومين اروح السوق امشي
بكرة بحاول افطر واتغذا كويس علشان العشاء يكون بس فواكه ولبن

 

[مذهــلــه]

مشكوره حبيبتي وان شالله التزم

انا قاطعه العيش صارلي اسبوع والعشا فواكهه واتريق واتغدا

من باجر بحط يومياتي

 

[غَـنْـجَـى و دَلـوعْ]

الف مبروووووووووووووووك النزووووووول حلووووووووين 3 كيلووو ونص

لالا لازززم اغلبج الاسبوع الجاااي :eh_s(14):

ولاتخربين على نفسج بالايام المفتوووحه تمي على نفس المستوى

الله يبارك فيج حبيبتي ، ان شاء الله كلنا نحطططططم رقم 3.5 الأسبوع الجاي
بس ان شاء الله أناااا أغلبكم لووول

 

[غَـنْـجَـى و دَلـوعْ]

السبت 10-11 ثامن يوم لي بالرجيم

مشيت تمام الحمدلله بس خربطت بشغلة بسيطة بس متأكدة إنها عادي ما راح تأثر لإنها من ضمن المسموووح


*عليّ الدورة و مييييتة من الفاكهة لما أكلها وقت الدورة تعورني ... الله يعينني لازم التزم فيهم على حساب دورتي

 

[Madrideya ~]

صباح الإجازة

يومي امس

تريقت كورن فليكس فتنس مع حليب قليل الدسم
وبعدها بساعه شربت جاي اخضر

وتغديت شوربه وصدر دياي وسلطه
وبعدها بساعه جاي اخضر


تعشيت تؤنه مع شريحه توست اسمر وروب خالي الدسم ورمانه
وبعدها بساعه جاي اخضر بزنجبيل


سناك تفاحه


ورحت الجيم قعدت ساعتين ساعه بالسويدي وساعه عالاجهزه
وبس سلامتكم ؛)

 

[Madrideya ~]

اللي تسال عن حبوب الشعر انا نفسج صلعت من الرجيم شريت فيتامينات تمنع التساقط
أهي ما تمتن بس تفتح الشهيه يعني اخذيها قبل النوم .. للأمانة شريتها ومقطوطه عندي ما أكلت الا حبتين
شكلي يرجعاها شعري راح فيها بس وايد ناس نفس حالتي وهم لا مسويه رجيم ولاهم يحزنون يمكن من ماينا والله اعلم


بنات منو عندها معلومه عن فيتامينات الطول امس المدربة قتلها عن معاناتي مع الطول قالتلي أخذي فيتامينات بحكم أني بمراحله نمو
احد عنده معلومه عنها شكلها شلون صاير وين تنباع !!

 

[تووته البسكوته]

هااي بنات شلووونكم
انا نسيت اوزن لوووول
بس احس روحي ضعفانه
ابي انزل خلال شهرين 10 كيلو ضروري عندنا عرس شهر 1 او 2
المهم هلايام بس اكل مشوي واحاول امنع الخرابيط ..واشرب جاي ابيض وجاي اخضر واعشاب وكل شي يضعف هههههه
والله كريييم