رجيم من 1_11_2012 وحتــى السنه الجديده

[Laidy n3ooma]

اليوم اول ماقمت كلت حبة التخسيس

وعقبها شربت شاي ورحت الجامعه والساعه 4 ونص تغديت عيش ولحم وبس بتم لين باجر مو ماكله شي

طبعا قبل شوي شربت شاي التخسيس وبقوم امشي ويا انا ياجسمي




غنجي ودلوع انتي كم كيلو نزلتي بهل 17 يوم !! ترا احيانا الكيلوين وال 3 مايبينون باللبس وايد او انج مو قاعده تضعفين دهون يمكن العضل ينقص بس اما الدهون مثل ماهي

 

[Laidy n3ooma]

مدريديه ربي يوفقج يااااااارب



وبالعافيه على الكل

 

[am shooq]

الله يوفقكم

 

[Laidy n3ooma]

ام شوق حياج الله

 

[Laidy n3ooma]

توني دهنت بطني بكريم بارتنر لوف للتخسيس ومشيت 40 دقيقه

 

[Madrideya ~]

ليدي يعافيج حبيبتي وبس ليش حارمه نفسج جذي !!
يعني الحين من العصر لين تنامين ما تاكلين شي !! ترا الحرمان مأله فايده بالعكس جسمج ما راح يحرق
وإذا ما حرق ماراح تضعفين .. يعني عشان اكلتيييي عيش حارمه نفسج طول اليوم غلط غلط
المفروض تخففين عشاج دام اكلتي وايد بالغدا وسوي رياضة خفيفه ومشي وجاي اخضر وزنجبيل جذي بتكونين حرقتي الغدا عن بكره أبيه << اهم شي


ترا والله الحرمان ما أييب نتيجه وفوق هذا يولد عندج انفجاع عالاكل لا شعوري عن تجربه
وموقفه يارب ~

 

[Madrideya ~]

يومي اليوم

تريقت كورن فليكس فتنس مع حليب خالي الدسم
الغدا شوربه مع سلطه وفخذ دجاج مشوي
والعشاء شريحتين توست اسمر محمص مع لبنه ومسحه زعتر مع خيار وطماط وقهوة
وسنان قبل العشا ب ٣ ساعات تفاح اخضر مع كيوي ومؤزه الصغييييييره


وكليت قطعتين كاكاو اولكر مع حلاو بولو حبتين وعلج
وسويت رياضة خفيفه كنت ناويه أروح الجيم بس المطر خرب كل شي
اليوم ماشاء الله أمطرت مططططره الله يزيده يارب


وشربت تقريبا لترين ماي مع جاي اخضر بالزنجبيل وسلامتكم
هالاسبوع بشد حيلي لأني خرربطت بالاسابيع ألبي طافت والأيام تمشي واحنا ما نحس
وان شاء الله انزل على الأقل ٢ كيلو معني ما أتوقع لانه علي الدوره تكرمون بس أن شاء الله خير


وسلامتكم ؛)

 

[Madrideya ~]

]يومي اليوم

تريقت كورن فليكس فتنس مع حليب خالي الدسم
الغدا شوربه مع سلطه وفخذ دجاج مشوي
والعشاء شريحتين توست اسمر محمص مع لبنه ومسحه زعتر مع خيار وطماط وقهوة
وسناك قبل العشا ب 3 ساعات تفاح اخضر مع كيوي ومؤزه الصغييييييره


وكليت قطعتين كاكاو اولكر مع حلاو بولو حبتين وعلج
وسويت رياضة خفيفه كنت ناويه أروح الجيم بس المطر خرب كل شي
اليوم ماشاء الله أمطرت مططططره قويه الله يزيده يارب


وشربت تقريبا لترين ماي مع جاي اخضر بالزنجبيل وسلامتكم
هالاسبوع بشد حيلي لأني خرربطت بالاسابيع ألبي طافت والأيام تمشي واحنا ما نحس
وان شاء الله انزل على الأقل 2 كيلو معني ما أتوقع لانه علي الدوره تكرمون بس أن شاء الله خير


وسلامتكم ؛)

 

[ღسلڨاناღ]

الشهر الأول [ اليوم السابع عشر 18-11-2021]

الفطور: كاس حليب شاي
الغداء : ربيان سزلنج + رز
العشاء : لايوجد

الشهر الأول [ اليوم الثامن عشر 19-11-2021]

الفطور: لايوجد
الغداء : لايوجد
العشاء : بيتزا خضار


الرياضه : المشي لجميع الايام
​

 

[E ُ ALBADER]

حبيباتي انا بكون معاكم بعد
وزني للاسف 90 كيلو وطولي تقريبا 160 او ازيد بشوي
الهدف الأول 80 والثاني 70 والثالث 60

اانا اول ماصحى شربت شاي اخضر وفطوري بيكون ربع خبز اسمر وبيضه مسلوقه فقط البياض وربع قطعه جبن

والغدى من اكل البيت العادي لكن بشيل ثلاث ارباع الكميه وبحط بدالها سلطه

والعشا كورن فلكس دايت مع حليب خالي الدسم

والرياضه ساعه بالجم بين الاوربتراك وبين جهاز المشي وبين الدراجه وبين تمارين البطن

 

[تووته البسكوته]

صباح الخير
ليدي نصيحه اكلي روب ع العشا وحطي معاه شوي دارسين (قرفه)وايد زين
حياج الله معاي اي البدر ..انتي نفس وزني تقريبا تعالي شاركيني

بنات انا امس تغديت بره بس ماخربطت لدرجه قمت وانا يوعانه شووي وماتعشيت لان الغدا متاخر وكنت تعبانه وشربت الصبح قهوه خضره
ةالله يوفقنا اجمعين حبيباتي

 

[E ُ ALBADER]

توته البسكوته تسوين رياضه ؟ واذا اي اي نوع ؟
مشكله احس ان رياضتي بسيطه لازم ازود الرياضه

 

[محبوبة محبوبها]

مساء الخير
عودا حميدا بنات الله يقويكم
شوي لخبطت نوعا ما
امس ابن اختي جاته نوبة ربو وكا ن عندي بالبيت بايت فتاخر عشاي لل11 بلليل وكلت لحم بعجين وميني بيتزا بس ما نمت لل4 ونص الفجر
نمت من ال4 ونص لل6 افطرت شاي حليب و شوي لحم بعجين
بال 12 اكلت اصبع صوصج مشوي واحد مع بيضة مسلوقة وشوي سلطة
وهلا ساعة 2 الظهر ومااكلت شي المفروض بالاربعة اشرب شاي مع شوي كيك ان شالله او قطعة معجنات والعشا سوتية خضار مع لحم مسلوق ان شالله
انا بعمل رياضة وكمان بشتغل كثير في البيت بس مع الاسف لخبطت

 

[Laidy n3ooma]

مدريديه انا ماحرم نفسي بس ماحس بيوع !!

يعني امس كلت 4 ونص غداي وفليل كلت رمان بس عليه لين اليوم الساعه 2 الظهر

انا ماحس بيوع شكله من الحبوب

اليوم لما قمت كلت حبة التخسيس

وشربت شاي وكلت روتي مع جبن وعقبها شربت شاي التخسيس ورحت الجامعه

اليوم مافي مشي ريلي اليسااار تعورني من صوب الورج اظاهر من المشي تدرون كلش مو متعودين

 

[Laidy n3ooma]

لاتنسون عقب باجر الخميس يوم الميزاااان

 

[Pretty Amoola]

الله يعطيكم العافية

وإن شاء الله توصلون للوزن اللي تحلمون فيه.​

 

[غَـنْـجَـى و دَلـوعْ]

الأربعاء 21- 11 اليوم 19 لي مع الرجيم :

الريوق قهوة ثري إن ون + بيضة عيون + خبز

هالوجبة برى نطاق الرجيم بس لأن لااااعت جبدي أسبوعين نفس الأكل زهقت أحس نفسي بسجن

لا و أبشركم وزني ثآآآآآبت بموت قهر أمس قعدت أبجي شلون تطوف 20 يوم ما أنزل إلا 3 كيلو


أبي أي حبوب تخسيس تكون مضمونة بنات شرايكم شنو أستخدم مع الرجيم ؟؟

 

[E ُ ALBADER]

غنجي انا افكر بعد استخدم حبه زنكال بعد وجبه الغدى لان شوي يكون فيها اكل بس مادري متردده بالاول بخلص
هالاسبوع وبجوف معدل النزول عندي

انا اليوم شربت بابونج الصبح والفطور ربع خبز اسمر وربع قطعه جبن وبياض بيض وشاي حليب عادي بس ربع القلاص

 

[تووته البسكوته]

صباح الخير
غنجي جربي قهوه تروبيكانا مافيها شكر وطعمها حلوو احسن من النسكافيه
عادي 3 كيلو احسن من ولا شي ..ويمكن انتي تيوعين نفسج وايد
بنات شربو زنجبيل ودارسين
واذا انتي ما تمشين ع نظام معين اخذي لج تفاحه قبل الغدا بساعه الا ربع وااايد زينه ويمدحونها
ويمكن وزنج مو قاعد ينزل لان وقت الدوره قريب |
ميخالف حبيبتي كلنامعاج

 

[تووته البسكوته]

انا امس وصل لي اكلي من دايت سنتر ماشالله راهي لدرجه كليت نص الغدا ماكملته ...
كان فتوش وشاورما دياي
وانا مشتركه ريوق وغدا بس
والحين قاعده اكتب لكم واكل منقوشه جبن وزعتر وعصير برتقال وقبلها شربت قهوه
وبحاول اروح النادي