رجيم من 1_11_2012 وحتــى السنه الجديده

[محبوبة محبوبها]

انا اتعشى ان شالله روب (زبادي ) وسلطة بس اكلت شوي حلويات يلا بالهنا والشفا على قلبي

 

[الله يعيني]

بنات وينكم يلا نبي نشجع بعض و نزف بعض

 

[ام حنااين]

بالعافية عليكم اللي اكلتوه

لكن الحلويات لازم تقللونها بالزوارة ممكن قطعة تجاملين الناس بس لاتكثرون

 

[ملاكـــ]

ودي اشترك معاكم وانزل بس عارفه مسسسستحيل استمر واكمل مدري شنو السبب
ضقت من نفسي مليت بس ماكو اراده مدري متى تصير عندي اراده اهئ اهئ

 

[ام حنااين]

ملاك شاركي معانا على ماتملين تكونين طيحتي 3 او 4 كيلوات حلوين

 

[الله يعيني]

بنات انقذوني عشانا بالزوارة جريش و مقلوبه و ما لذ و طاب من سلطات شسوي 

 

[محبوبة محبوبها]

يم يم الله يعينج يختي يلا بلاها من اليوم خليها بكرة بالهنا على قلبك

 

[الله يعيني]

صراحة ما قاومته خربت الرجيمباجر اتسنع ان شاء الله

 

[صمتها ونه]

هههههههههههههههههههه. العموووم. خرب. حتى انا خربت اكلت بيت زا. هت هههههههه. بس ماراح اكل وبعاقب نفسي ساعه مشي. والفجر ساعه برح مع زوجي

 

[محبوبة محبوبها]

تصبحون على خير

 

[الله يعيني]

وانت من اهله

 

[خاتم ذهب]

بنات مايصير تخربون النظام علشان بس زواره وماتقاومون من اليوم ورايح مافي خرابيط والا عمركم ماراح تضعفون اوكي اكلو قطعه قطعتين بس مو تخربونها مني ورايحومافي انا نصحتكم وانتو كيفكم نبي البدايه قويه

 

[صمتها ونه]

اي والله معااج حق. خلاص لاحقين على الاكل والاكل موطاير لكن شكل جسمنا الخاريس. لازم يطير عاقبت نفسي اليووم. مشيت ساعتين. وخلااص انضبااط

 

[فاطمه حمد]

يصير ابدا معاكم من بكره ان شاءالله

 

[صمتها ونه]

http://i.imgur.com/dAv0e.jpg. هذا اكلي طول هالاسبوع. النقانق سالت دكتور تغذيه عنها قال وحده بالصبح والتونه بالليل والعشا روب مع خيار او روب مع توست الوكاد روب مع شي بنات اذا نيتكم موو جديه قولووو لاني خلاااااص صج تعبت ابي انزل ابخس.ر. معااكم. ١٥ كيلووو و١٥ مع تجمع. ثاني. ورا تجمعنا لان وزني ٩٩ وطولي ١٥٨ يعني لازم اخسر ٣٠ كيلووووو الله يسهل واكيد هذا اراح يصير بيوم وليله ً

 

[Laidy n3ooma]

شلووونكم بنااات
انا كنت مخففه الاسبوعين اللي فاتو و نزلت كيلوين
و شكلي ردييتهم هاليومين من الخرابيط
انشالله التزم معاكم

الطول: 165
الوزن الحالي : 76
الهدف الاول: 70
الهدف الثاني: 65
و الهدف الاخير والمستحيل :"( 60
و انشالله احقق الاهداف قبل السنه اليديده
طبعا كل وحده تعرف روحها و جسمها شنو يحتاج
انا راح اخفف كمية الاكل و ابتعد عن المطاعم
و امشي كل ما سمحت لي الظروف و طبعا مع حبوب حرق الدهون

وانشالله نطلع بنتيجه
و يكون هالتجمع اهوا فاتحه خير و يكون سبب برشاقتنا

Am In
Lets Go

ماااافي شي مستحيل باذن الله وان شاء الله توصلين لهدفج

حياج الله حبيبتي

مم رررري يقولوون البطاط المفيوح خفيف ومايمتن. سويت سيرش بقوقل في وني تكفون

لااااااااا طبعاااا البطاطا من النشويات وتمتن :rgewrg:

صباح الخير
كيف صباحكم ان شاء الله جمعة مباركة على الكل
اول ما صحيت شربت كوب ماء كبير بارد وبعد ساعة الافطار
انا افطرت الحمد لله بيضة مسلوقة وكوب حليب كبير فيه سكر قليل وربع رغيف خبز شوي واقوم انظف البيت واطلع اتمشى

بالعافيه

صباح الورد شلونكم بنات امممم وزني ٦٨ و اليوم اول يوم دايت ريوقي عصير برتقال المراعي و شابوره ان شاء استمر مع ان اليوم زوارة و المغريات وايد

حياج حبيبتي

ماشاء الله عليكم رشيقات حماس
أنا رجيمي الصيام العكسي يبتدي أكلي بعد أذ ان الفجر وأمسك عن الأكل قبل اذان المغرب ​

صمت شهرين ونزلت 3 كيلو رجع كيلو والحين برجع بهمه عاليه ​

الشهر الأول [ اليوم الأول 2-11-2012]​

الفطور: فاصوليا وخبز عربي و نسكافيه ​

الغداء: رز + ربيان حمصه ​

راح امسك على أذان المغرب ​

الرياضه : المشي على سير بس بعدني ما امشي ناويه على حسب قدرتي ​

احسن شي الواحد ماياكل عقب الساعه 6 او 7 لان صعب حررق الدهون بالليل والاكل يختزن خوووش نظام بسوي نفسج بخلي اخر وجبه الساعه 6 بس مشكلتي اسهرر بايوع نص الليل:eh_s(2):

سامحوني اول يوم لي وخربتها صايره ارادتي صفر

لالا مانبي ارااااااااده صفرررررر نبي هممممه عااااااااااليه

للاسف خربتها غداي نص سمجه زبيدي مقلي للاسف و 5قفاش عيش و سلطة و توني شربت شاي مغربي بالنعناع مشكلة الويك اند لازم اخربها

ممم مادري احس مايأثر يعني 5 قفاش معقوووول بس يفضل تبتعدين عن العيش اوووف مشكلتنا هل عييش مانقدر نستغني عنه

الله يعيني عادى غداج خففي بالعشا ان شاء الله

بالنسبة ليومياتي : الفطور توست وجبن سلفايد

الغدا سلطة سيزر دجاج من ماكدونالدز

رياضة مو باين علي بسوي اكره الريااااضة

العشا مادرى شنو باكل ماقررت

يارب ننزل كلنا بصحة وعافية

بالعااافيه

ولازم تضغطين على نفسج وتسوين رياضه عشان تحرقين اكثر وجسمج ينشد

 

[Laidy n3ooma]

فاطمه حمد اكيد يصيير

 

[Laidy n3ooma]

صبااااااااح الخيير بنات

سوري امس مادخلت كنا رايحين المخيم

بس طول الاسبوع بكون متواجده اول باول باذن الله

اليوم صحيت 8 ونص وميييييته تعب لاني مانمت الا عقب صلاة الفجررر مادري شمقعدني من الصبح

كلت حبة من الكبسولات اللي تنزل الوزن ونطرت نص ساعه وعقبها شربت شاي بالحليب وبس

احس مالي نفس اتريق الحين يمكن بعد شوي

 

[ღسلڨاناღ]

صباحج خير ليدي ..
خلاص لما تجلسين ابدي أكل وقبل اذان الفجر مسكي كأنه صيااااام ^_^

يومياتي


الشهر الأول [ اليوم الثاني 3-11-2012]

الفطور: اومليت بيض + نسكافيه + قطعة كيك

الغداء : سلطة

العشاء : سلطة

الرياضه : أكيد مشي​

 

[الله يعيني]

ريوقي كبتشينو و جبن فيلادلفيا لايت و خبزه و خيار و طماط