رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[Miss.NoNo Q8]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بليييييييييز كملي

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الواحد والثلاثون..

ريون طول الليل تدق على إحمدو وعنده ويتنق وما يرد عليها ودموعها على خدها وبقلبها ( حرام عليك ليش تسوي فيني جذي ؟! )...ما تدري إن حبيبها قاعد يكلم بنت خالتها اللي إهي أقرب وحده لها وعلى قلب وااااااحد
---------------------------------------------
روان قامت الصبح حست راسهااا ثقيييييل ومصددددعه فكرت باللي صار أمس ودمعت عينها وبقلبها ( قولولي اللي صار أمس حلم قولولي إن كل هذا مو صج...وفروس ما قال عني هالكلام...وأنا ما قلت حق إحمدو أحبك...وفواز آآآآخ بتعبك معاي فواز وإنت مالك ذنب تتحمل كل هذا وفوق كل هذا تقولي أحبببج !...أبي أحد أكلمه أبي ريوووون ="( )
مسكت تليفونها على طول ودقت على ريون
شالته ريون بصوت نايم: ألووو
روان: ريون سويت شي غبييييي ريون والله مادري شلون سويييييته صوتها متغير شوي وتبجي
ريون إختررررعت عدلت قعدتها: أمبيه روون ويت ويت شفيج شنو سويتي
روان: ريوووون كلمته كلمت إحمدووو ألحين أنا أكلم هذااا حب ! وقعدت تبجيييييي
ريون سكتت جنه أحد صاكها طرااااااااق
روان: والله مادري شلون سويت جذي...مابيه مابيه ريون مابي أحد أنااا تعبت والله تعبت !
ريون ساكتتتتتته ودموعها تنزل على خدهاااا تتذكر كلام فروس وروان قبل لما كانت تبي إحمدو قالولها يلعب قالولها ما يحب ما صدقتهم وكلممممته كلمت وااااااحد خاااااااااين !!
ريون مشت دموعها وبقلبها ( أمبيه روون مالها غيري ) كلمت روان وصوتها مبين إنها كانت قاعده تبجي: روون قوليلي شصار لا تبجييييين إحمدو شكووو
روان قالتلها السالفه وكانت تتكلم بسرعه وتبجي: ريوووون فروس يقوووول حق إحمدووو إعتبرهاااا هديييية عيد ميلااااادك وتشااااهق ريون أنا طووول هالسنين أحبه والله شلوووون يقول جذييييييي آآآآآآخ ريون تعبت والله أنااااااا تعبببببببت وعشان جذي أنا قلت حق إحمدو أحبك بس والله ما أحبه ومااااابيه أبي فرووووس ماااابي غييييره
ريون إنصدمت ودموعها على خدها: يعني أهو كان قايلج أحبج من قبل ؟
روان: إييييي من جم يوووم وكنت أبي أقوله مابيك وأنا أحب فروس جان يقول هالكلاااام وقلتله أحبك وااااااي ريون خلاااااص أنا خسررررته خسررررت فرووووس ومالي غيييير هالزفت إحمدووو أكرهه والله أكرهه أدري إن يلعب والله أدريييييييي بس أبيه لأن أهو يوصل بيني وبين فروس مالي أحد غييييره !
ريون: يعني إنتي تكلمينه مصلحه بس ؟
روان: إي إي مصلحه بس مااااابيه أبي فروووس بس فروووس باعني ريون باااااعني ورضى إني أكلم واحد يلعب وخاين أنا ولا شي عنده ولا شي وقعدت تبجي
ريون تسمع كلامها وسرحااااااانه وتبجي من غير صووووت ( خلااااااص عااااافك الخاطر إحمدووو ماااااابيك طلع صج كلامهم إنت جذاب وخاين وتلععععب ! ) وإهي بروحها تبي أحد معاها شلووون تبي توقف مع بنت خالتها وألحين روان حرااااام بنت خالتها ( شنووو أسوووي والصدمات اللي خذتها كاااافيه من هالأثنين كافي فروووس حراااام اللي سواه فيهااا وهذا يزاها على كل هالسنين الله يعينج والله أنا ما صارلي الا جم شهر وأحس إني بموووت شلون إنتي الله ياااااااااااخذكم يا فرووووس وإحمدوووو لعبتوا فيناااا لعبببببب الله ياخذكم ونفتك منكم ونرد نفس قببببببببل ! )
---------------------------------------------------
إحمدو قاعد مع نواف ولد عمه وعزوز
إحمدو: لفييييييييييتها !
نواف: إحلللللللللللف
إحمدو: والله وغمزله
عزوز تنح لما سمعه درى الكلام كان عن روان
عزوز وأهو منصدم: يااااا حماااار شلووون رضت تكلمك !
إحمدو يضحك: بطرييييييقتي
نواف: عااااااااش السبع بووو شهاااااب ندري فيك تقدر على كل البنات تحطهم خاتم بصبعك
عزوز: إنت شقااايلها عن فروووس ؟! أنا أدري روان ما ترضى تكللللم وخاصة إنت !
إحمدو طالعه من فوق لي تحت: تبي تعرف شقايلها ؟
عزوز: إي !
إحمدو: قايلها إن فروس يشوفج لعبه ومايبيج وطول هالسنين وإنتي ولا شي عنده وفروس قالي أكلمج وأعتبرج هدية عيدملادي بعد لووووول وضحك
عزوز إنصدددم وبقلبه ( والله إنك حقيييييير ودي أقول حق فروس بس إنتو عيال عمي وأدري إذا قلتله ما راح يصير شي فيه خير وفروس لو شيصير ما راح يسكت ما أقدر أفرقهم ! )
قطع تفكيره ضحكة نواف: هاااا عاد نبيك تضبطها عدل ألحيييين وتضبطنا معاك نبي نستانس دام إنك تقول إنها حلوة
عزوز بس سمعهم حس الدم اللي بعروقه قام يغلي ورفع صوته: يا حيوااااان هذي بنت ناس إنت ما تفهم
إحمدو ببروووود يذبححح: لو بنت ناس جان ما راح ترضى باللي راح يصير ومثل ما قدرت ألفها راح أقدر أسوي هالأشياء
عزوز حس وده يمسكه ويذبحه بس ماكووو شي بيده بس يدري روان أكبر من جذي يدري إنها ما راح ترضى وتنزل نفسها يدري إنها بنت ناس ومتربيه مو وحده من بنات الشوارع اللي يكلمهم إحمدو بس هم خايف وباله مووو مرتاااااااح !
--------------------------------------
ريان سكرته من روان قعدت تبجي حييييييييل وبقلبها ( يلييييييتني سمعت كلامهم يليتنييييي ما كلمته ولا حبييييته ! أكرهك إحمدو والله أكرهك وألحين ياي بتلعب على بنت خالتي بععععد وروان آآآآخ يا روون والله ما تستاهلين شسوى فيج فروووس أدري مالج ذنب أدري إنج ما تدرين إني أكلمه وأحبه أدري إنج او تدرين جان ما سويتيها الله يعينج والله الشباب كلهم وييييع كرهتكم ماااااكو شي اسمه حبببب بهالوووقت ! )
خذت تليفونها قعدت تكتب مسج حق إحمدو
( أحمد إنسى اللي بيني وبينك أنا وياك ما نصلح حق بعض خلاص بحاول أنساك وأنا حبيتك من كل قلبي بس خلاص جذي أريحلي وأريحلك أنا آسفه باي ) دورت اسمه بين الأسامي كانت مسميته حبي الأووول
غمضت عينها وضغطت على إرسااال نزلت دمعتها وبقلبها ( بنساك خلاااااااص )
راحت صوب الأسامي دورت اسمه ضغطت تعديل غيرت اسمه من ( حبي الأووول ) لي ( جرحي الأول والأخييييير )
-------------------------------------
روان وريون كانوا إمتحاناتهم الفاينل الإسبوع الياي وفواز كان بالجامعه وأهو إمتحانه باجر
روان نفسيتها صاااارت واااايد أسوووووأ كانت طول اليوم ساكته ما تتكلم وحتى إذا فواز دق تقعد ساكته وتسرح واااااايد وكله تبجي دموعها ما توووقف بس تبجي على حالها والحال اللي وصلتله وكله من منو...من اللي كان حبيبها اللي كان حياتها من ( فروووس ) ! إذا أحد دش الغرفه تمسح دموعها بسرعه وتسوي روحها نايمه ودايما منسدحه وتبي تناااااام تبي كل اللي صار يكووون حلم تبي تبطل عيونها تلقى نفسها قاعده تكلم فروس وتسمع كلمه وحده منه ( أحبج ) محد يدري شكثر تريحها هالكلمممه تحس بأمااااااان وراااااحه بس تسمعها وألحين ماكووو وهالشي خله أمها وتشك و تخاف...تخاف من اللي ببالها وهالمرة مو بس أمها اللي قامت تشك حتى أبوها قام يلاااااحظ !
فواز قاعد بغرفته ويكلم روان
روان ساكته كعادتها هالأيام وفواز محتار ما يدري شيسوي معاها
فواز: شقاعده تسوين ؟
روان: قاعده
سكتوا شويه
فواز يدور أي سالفه عشان يكسر الصمت اللي بينهم: ماني قادر أدرس والله
روان: ليش ؟
فواز: منج
روان ضحكت غصصصب: أنااا شكووو
فواز: تدرين هالضحكه أنا من زمااان مو سامعهااا
روان استحححت: ليش مو قادر تدرس
فواز: بعض الناس صايرين وايد نفكر فيهم محنا قادرين ندرس شاغلين بالنا 24 ساعه << كان قاعد يتكلم عن روان
روان عرفت إن الحجي عنها: لااا فواز بليز إدرس
فواز: إنشالله أحاااول
-----------------------------------
ريون فتحت كتابها وتبي تحاول تدرس خلاص تدري هالسوالف كلها ما راح تفيدها وإحمدو حاول جم مرة دق عليها عقب ما دزتله المسج سدته بويها وسكرت تليفونها وقررت إنها تغير خطها لو الكويت كلها تعرف هالرقم بس المهم ما تبي إحمدو يوصلها بأي طريييييقه تبي تنساه ما تبي ولا صبي بعد من اللي شافته من إحمدو ومن اللي قاعده تشوفه يصير مع بنت خالتها
-----------------------------------
روان في بيتهم نازله المطبخ تبي تشوفلها شي تاكله من زمان مو ماكله عدل وفواز وصاها تاكل وعشان خاطره نزلت تاكل من زمان مو طالعه من غرفتها ولو تطلع حدها غرفة فروح وترد غرفتها من زمان مو قاعده مع أمها وأخوانها وأبوها
نزلت شافت الصاله كانوا مغيرين الأثاث ضحكت ضحكة استهزاء بقلبها ( مادري ليش عايشه أنا اللي حتى بيتنا مادري عنه ما أموت وأفتتتتتك )
روان: مغيرين الأثاث
بو عبدالله مو راضي عن حال بنته: إي ما جنج عايشة بالبيت اللي حتى ما نشوفج
روان سكتت وراحت المطبخ قالت حق خدامتهم تسويلها كورن فليكس بما إن الغدا اللي مسوينه كان لحم وإي ما تاكل لا احم ولا سمج بس دياي
حطت الخدامه الصينيه على طاوله صغيرة وقعدت روان على القنفه بالصاله و قعدت تاكل وإهي ساااكته
بو عبدالله يطالع بنته وحاس إن فيها شي وهيا خايفه تدري اللي بنتها قاعده تمر فيه مو عادي بس ما تبي أبوها يشك لأن تدري إذا درى راح يصير شي مووو زييييين
خلصت روان أكلها وقامت بنفس الهدوء اللي قعدت فيه وراحت غرفتها
بو عبدالله يكلم هيا: حال بنتج مو عاجبني ترى وراها بلوة
هيا سكتت والأفكار قامت توديها وتييبها
----------------------------------------
عزوز ولد عم إحمدو قاعد بالديوانيه وكانوا كل عيال عمه سهرانين ونواف وإحمدو وفروس كانوا موجودين وكعادتهم كل إسبوع يتيمعون ببيت إحمدو بالديوانيه وإذا صار الوقت متأخر بعضهم يردون بيتهم وبعضهم ينامون بالديوانيه وفروس قاعد يسولف مع إحمدو ويضحك وعزوز يطالعهم وبقلبه ( والله يا فروس إنك ما تدري شنو قاعد يصير من وراك )
فروس: هاااا بو سعيد سرحان بمنو ؟ الحبببب ؟ وغمزله
عزوز ضحك: لاااا يبا أي حب خلنا بعيد عن هالسوالف
فروس: ها عيل ليش سرحان ؟
عزوز بعبط: أفكر فيك
كلهم: لوووووووووووووول
نواف يكلم فروس بصوت خفيف: فروس إحمدو ما قالك ؟
فروس: عن شنو
نواف: إحمدو يكلم روان
فروس حس إن الدنيا وقفففففت
فروس: شنوووو
لف على إحمدو وكلمه: إحمدو صج ؟
إحمدو: إيييييي صج أكلمها
فروس سكت وسوا روحه مو مهتم عزوز انصدم من حركة نواف ويدري إن فروس كان شاااااب من دااااخله
فروس سرررررح بروااااان تخووووني مع ولد عمييييييي ؟!...شلوووون وليش وشمعنى إحمدووو ! وتقول إنها تحبنييييييي !
قعد يفكرررر بقلبه ( أنا ليلحين أحبها وإهي خانتني مع ولد عمي وكانت قايلتلي إنها ما راح تحب غيري وأليحن تكلم ولد عمييييي ! )
عزوز إحتقررر نواف على الحركه اللي سواها وبقلبه ( حرام يا فروس اللي قاعدين يسوونه فيك إنت وروان ) انسدح نطر لما صار الوقت متأخر...فروس رد بيتهم ( فروس من هد روان نفسيته تغيرت كان يحاول يكون طبيعي بس غصبن عليه مبين إن فيه شي ولما درى إن إحمدو يكلم روان كان مو قادر يطالع إحمدو ولا يحط عينه بعينه ) إحمدو ونواف ناموا وعيال عمه الباجي بعضهم ناموا وبعضهم راحوا بيوتهم
عزوز طل على إحمدو شافه نايم وطل على نواف لقاه قاعد يشخر بعد مو بس نايم راح صوب إحمدو شوي شوي يدور تليفون إحمدو لقاه قاطه يمه خذاه دش عالأسامي دور بين الأسامي لقى إسمها طلع تليفونه سيف رقمها ورد تليفون إحمدو مكانه وطلع من الديوانيه راح بيتهم وبقلبه ( إنشالله قاعد أسوي الصح )
----------------------------------------
روان قاعده بغرفتها تكلم إحمدو ومو مشتهيه تسمع صوووته ( تدري إن إحمدو يلعب عليها وما يحبها من صج بس هذا الشي الوحيد اللي يوصلها بفروس لو شنو قايل عنها هم ما تقدر تخليه )
إحمدو: روان أبي أشوفج
روان بقلبها ( بأحلامك ): ما أقدر أنا أهلي ما يخلوني أطلع بروحي
إحمدو: شدعوه ولا مكان ؟!
روان: لا ولا مكان
إحمدو: ما تروحين الجمعيه ؟
روان: لا أروح مع أمي
إحمدو بقلبه ( وليييييه ): عيل أبي أشوف صورتج
روان: لا ما أقدر أنا ما أوري صورتي حق صبيان
إحمدو: يعني بتقوليلي فروس ما شاف صورتج ؟
روان بس سمعت اسم فروس قلبها قام يطق ودمعت عينها: فروس غير
إحمدو سكت: إنت ليلحين تفكرين فيه صح
روان استغربت من سؤاله سكتت ما ردت عليه
إحمدو: أدري إنج تحبينه أكثر مني
روان سكتت جان تقوله: إي أحبه بس قاعده أنسااااه...بس إهي ما كانت قاعده تنساه بالعكس تبيه ليحين ولا تبي تنساه
إحمدو إنصدم من ردها ما توقعها بترد جذي
إحمدو: أنا أحبج أكثر مما أهو حبج ودام باعج بيعييييه أنا شاريج
روان ( ما أقدددر والله ما أقددددر ! ): إنشالله أحاول أنساه
إحمدو: أصلا أنا شايف صورتج
روان انصدمت: شنووو شلووون
إحمدو: خذيت فون فروس مرة من غير ما يدري وشفتها
روان انصدممممت وبقلبها ( أمبيييه يمكن في أحد غير إحمدو شايف صورتي بعد ودمعت عينها أنا شلووون صدقته ودزيت له صوووورتي ! )
-------------------------------------
ريون من روان قالتلها إنها تكلم إحمدو مو قادرة ترفع تليفونها وتدق على روان تدري إنها مالها ذنب ومالها شغل بس مو قااادرة صعب عليها تشوفها تكلم حبيبها وما تقدر تسوووي شي
--------------------------------------
روان قاعده بغرفتها رن تليفونها تشوف الرقم كان غريب شالته
روان: ألووو
صوت صبي: ألوووو
روان سمعت صوته كان مألوف بس مو قادرة تعرف منو
روان: منو
الصبي: روان ؟
روان اخترعت وبقلبها (أمبييييه منوووو هذا ! ): إي روان منو إنت ؟
الصبي: أنا ولد عم فروس...( عــــزوووز )
روان: أهلين
عزوز: أدري بتقولين شنو يبي هذااا ؟!
روان ضحكت وبقلبها ( دام إنك من طرف فروس والله ما أقول ): لا عادي شدعوه
عزوز: روان والله أنا داق عشان أقولج شي ووالله أنا ما أدور مشاكل بالعكس والله إني أشوفج نفس إختي وأبي لج كل الخير وهالشي بيني وبينج أنا بقولج لأني خايف عليج
روان خافت: أوكي شنووو ؟
عزوز: وخري عن إحمدو روان
روان انصدمت: ليش ؟!
عزوز: أهو ولد عمي بس والله روان إن جذاب ويلعب على البنات باخذ منهم اللي يبيه ويقطهم وأنا أدري إنج بنت ناس والله يشهد علي إني خايف عليج نفس إختي
روان دمعت عينها: بس أنا ما أحبه أنا أحب فروس ليلحييييين !
عزوز تنح لما سمع كلامها: عيل ليش قاعده تكلمين إحمدو ؟
روان: لأن أهو الوحيد اللي يقدر يوصلني حق فروس وعلى الأقل أعرف أي شي عن فروس حتى لو فروس قال عني كلام أنا أبيه ليلحين والله !
عزوز: فروس ما قال الكلام اللي قاله إحمدو عنج !
روان حست إن أحد صكها طرااااق: شنوووو شقصدك ؟
عزوز: روان قلتلج إحمدو يجذب أهو بس قالج هالشي عشان يخليج تكرهين فروس والله أنا أدري إن فروس يعزج وما حب بنيه نفسج بس اللي فهمته إن هدج عشان مشاكله مع أهله بس لو شيصير ما راح يتكلم عنج جذي...ماكو أحد يعرف فروس كثرج تدرين إن ما يلعب تدرين إن لما حبج حبج من كل قلبه !
روان دمعت عينها شلون طافت عليها إنها تصدق واحد نفس إحمدو وإن يطلع كلام مافي شي صح
بقلبها ( يعني أنا ظلمته ! ظلمت حبيبي ! فروس حبني من صج وما قال هالكلام عني ! )
روان نزلت دمعتها: أمبيه مادري شلون طافت علي وصدقته
عزوز: روان أنا نصحتج وإنتي سوي اللي تبينه بس بقولج إن فروس يحبج والله لا تصدقين إحمدو بولا شي يقوله أدري بنت تكانه وخري عنه بس بليز لا تقولين حق إحمدو إني قلتلج
روان: إنشالله مشكوووور عزوووز وااايد والله أنا كنت مفكرة إني ولا شي عند فروس وظلمته بس ألحين عرفت وبوخر عن إحمدو
عزوز: خلاص إذا تبين شي رقمي عندج إعتبريني أخوج
روان: إنشالله
عزوز: يلا ديربالج على نفسج باي
روان: باي وسكروه
روان سدته وقعدت تبجي شلووون صدقت واحد نفس إحمدووو شلون ظلمت فروووس حبيبي شلون أظلمه وأصدق هالجذاب الله ياخذك إحمدووو أكرهك والله فرقتني عن حبيبي وخليتني أفكر بأشياء أهو ما قالهم ولا سواااهم !​

 

[MeMo.318]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

laaaa walla en a7mdoo kreeeeeeeeeh alla ya5thah
na6rtch 7oby
la t6wlen

 

[Miss.NoNo Q8]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

وااي حراام مسكينة روان
ناطريين البارت

 

[dlo3t^baba]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waa 8aalbe 3laaich ya rawoona
waiting you

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ناطرينج حبوبه

 

[cute princess]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ثانكس البارت حلو تسلمين
ناطرينج!

 

[القطة البريئة]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بليييييييييييييز كمليي
ناطرييييييينج

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

;** Na6rynich 7yati ;* mu 6awlyn 3alaina ;* waitin:ggdw:
waitin:ggdw:
waitin:ggdw:
waitin:ggdw:
waitin:ggdw:
waitin:ggdw:

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ناااااطرينج

 

[MeMo.318]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waiting ​

 

[Miss MaiS]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waiting galbi

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

إنشالله ألحين قاعده أكتب بارت شويه وأنزله =)

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الثاني والثلاثون..​

فواز قاعد يكلم روان
دش عليهم ضروي أخو فواز الصغير عمره 2 ونص
فواز: ضروووي لا تدوخني إنزين ؟
روان: وااااااااي فدييييييييييته ريييليييييي
فواز: ضروي تعال إهني
يا ضروي قعد على ريل فواز
فواز: سو بوسه مني ويأشر على التليفون
ضاري: أمووووااااااه
روان ضحكت: عسسسسل والله فواز بوووسه مني
فواز: وأخوه ماله شي
روان ضحكت وسكتت
فواز يكلم ضروي
فواز: تعال ضروي أبي أعطيك بوسه
ضاري يا يمه ولف ويهه فواز قرب منه جان يعضه على خده
ضاري: آآآآآآي عووووتنيييييييي وقعد يبجي
روان: فوازووو شسوييييت فيييييه أمبيه ليش قاعد يبجي
فواز ميت من الضحك
فواز: كاااااااااااااااااااااااااااااااك عضيييييييته
روان: أمبيييييييه فوااااز حرام عليك بجيييييته أكيد عاضه حييييل ترى يااااهل !
فواز: يبا زين هذا دلوع
وصوت ضروي يبجي يمه
فواز: ضاري تعال تعال وقعده على ريله أوووووش بس صييير رياااال الرياييل ما يبجون
روان: زييييين جذي واي عليك فوازو دفششش يلا راضه بوووسه
فواز يبوس ضاري على خده ويمسح دموعه
فواز: يلا دورك إنت بوسني...بس هاااا مو تعضني لوووول
ضاري باس فواز على خده
( روان تذكرت لما فروس كان يدش عليه ولد أخوه الصغير اسمه فروس بعد وروان تمووووت عليييييه ودايما تناديييييه ريلي وفروس يقول حق روان هذا ولدنا إذا تزوجنا نييب واحد نفسه أو نخطفه كيفج لووول وبقلبها يلييييت ترد هالأيااام )
فواز: روااااااااانووو وين رحتييييي طخيتييي فجأة لوووول
روان تغير صوتها شويه: ها لا معاك
فواز: وسرحتي بمنو عيل ؟
روان: محححد
فواز سكت يدري إن فروووس !
فواز: روان شرااايج بقولج جمله وأبيها دايما تكون ببالج
روان: شنو إهي ؟
فواز: الـلـي يـبـجـي روونـا بـن كـلـب
روان فصللللللللت ضححححك
فواز يضحك: لووول هااا شرايج فيها
روان: لوووول عجيبه
فواز: يلا إنتي قوليها
روان: لا والله ما أقولها لوووول
فواز: روانو يلا قولييييي
روان: مااااابي فشله
فواز: روووون عشاني !
روان: لوووول أمبيه فشله بس عشانك بقووول ( اللي يبجي روونا بن ....... )
فواز: قولي الكلمه الأخيييرة !
روان: مابي أستحي لوووول
فواز: قوووولي !
روان: بن كلب لوووووول
فواز: صج قليلة أدب تقول كلام بذيء لووووووول
روان: لوووووووووول لا واللللللله
ضاري قاعد يم فواز
ضاري: بن كلب بن كلب بن كلب
فواز تنح وفصل ضحك: يااااا حماااار لا تقول هالكلمه
ضاري يضحك: بننننننننننن كلللللللب ويضحك
فواز: يا حمااااار لا تقولهاااا !
ضاري يقولها ويعانده
فواز يكلم روان: رحنااا فيها لووووول
روان فاصله ضحك عليهم
روان: عسل والله فديييته محجوز حقي
فواز: وإخوه ما فديتيه ؟!
روان استحت حدها: لووووووووول فواااااااز
وسولفوا شويه جان يسدونه فواز انسدح على فراشه ( إهي محتاجه أحد معاها وأنا راح أوقف معاها ما راح أخليها كلللش...مابيها تتضايق أبيها تشيل فروس من بالهااا عشان ما أشوف دموعهااا )
-----------------------------------------
روان منسدحه بغرفتها تفكر بفروس جملة وحده يت ببالها تدري إنها ما راحح تنساه وتدري إنها ما راح تحب أحد كثر ما حبته أهو
(أنـا مـازلت أفـكر فـيك وأمـوووت بحـبك وطاريـك )
-----------------------------------------
فهود قاعد يكلم مي عشان ينسى روان بس مووو قادررر
(أنـا مـازلت أفـكر فـيك وأمـوووت بحـبك وطاريـك )
توصف حالته بالضبط
فهود: مي أبي أقولج شي
مي: قول حياتي
فهود: مي أنا وياج ما نصلح حق بعض
مي تنحت: شنووو
فهود: مي أنا آسف إنشالله تلقين اللي أحسن مني أنا
مي دمعت عينها: بس فهود أنا حبيتك
فهود: مي بليييز والله ما أقدر أكلمج أنا أدري بتلقين أحسن مني باي وسكره
فهود بقلبه ( روان يمكن ترضى فيني ألحين عقب ما إهي وفروس افترقوا يمكن تقتنع وتصدق شكثر أنا أحبها ! )
-----------------------------------------
ريان ليلحين منصدمه من إحمدو تحاول تنساه وكل ما تشيله من بالها تتذكره وتتذكر كلامه وبقلبها ( أنا توقعت إنك تغيرت توقعت إنك حبيتني من صج )
(أنـا مـازلت أفـكر فـيك وأمـوووت بحـبك وطاريـك )
----------------------------------------
فروس قاعد ببيتهم يسمع أول أغنية عطاها إهداء حق روان كانت غرامك شي عجيب - فرقة ميامي
عادت له ذكريات قديييييييييمه من أول الأيام اللي كلم فيهم روان
آآه قلبي معاك لا ما نساك لا مانساك بأقسى الظروف
نبضاتي انت وعيوني انت اللي تشوف
خذني بهواك وارحل معاك وين ما تروح
وانت بعيد ابقى وحيد كلي جروح
اسألك وين ذاك الحنين ياناس وينه
قلبي الحزين مخلص امين والله يعينه
( تخونيني مع إحمدووو ليييش ؟ أنا ما سووويتلج شي أنا ابتعدت عنج عشانج عشان أريحج ليش تجرحيني وأنا اللي خليتج بس عشان ما أشوفج متضايقه ولا أشوف دموعج أنا خليييتج عشانج ! )
(أنـا مـازلت أفـكر فـيك وأمـوووت بحـبك وطاريـك )
كانت توصف حالهم كلهم وحال كل واحد يحب من طرررف واااحد أو كل واحد حبيبه نساه وأهو ليلحين عايش على ذكراه وطاريه
----------------------------------------
روان قاعده ببيتهم جان تقول بقلبها ( أمبيه وين ريون من زمان ما كلمتها من صارت السالفه ذيك المرة والله حدي مشتاقه حق السوالف معاها ) بس قالت يمكن لاهيه بالدراسه حق الإمتحانات الإسبوع الياي ودقت عليها عشان تقولها تيي بيتهم
ريون في بيت روان قاعدين يسولفون وروان قالتلها السالفه اللي صارت مع عزوز وإن إحمدو جذب عليها
ريون تنحت وبقلبها ( أمبييييه إحمدو يسوي جذذذي وأنا إنخدعت فييييك كرهتتتتك كرهت الصبيان وكرهت الحبببببب ! )
ريون من عرفت السالفه كلها وإن إحمدو طلع مجذب على روان بكل شيييي طااااح من عينها وكرهت اللحظه اللي عرفته فيهااا وقامت تكلم روان أحسن وبتحاول مع الأيام غصبن على قلبها تنساه !
ريون: أشوه إنج عرفتي الصج روون
روان: بس إحمدو قالي إن شاف صورتي ريووون
ريون: أمبييييه من ويييين !؟ يعني شافهااا من فروووس ؟!
روان: يقول إن شافها بتليفون فروس...ريون أنا خايفه إن فروس ما مسح صوري وأخاف وايد يشوفونها معني واثقه بفروس والله بس مادري
ريون: مادري روون إنتي سمعتي عزوز شنو قال فروس يحبج ولو يحبج ما أتوقع بيخلي شباب عايلتهم كلهم يشوفون صورتج إنزين إحمدو شنو قالج بالضبط
روان: قالي إن خذا تليفون فروس وأهو ما يدري وشافها !
ريون: عيل فروس ما يدري بس قولي حق فروس يمسح صورج اللي عنده وإنشالله ماكو أحد شافهم بس روون إنتي لا تخافين وشبكي هالأيام إنتي ما تشبكين يمكن تلقينه شابك كلميه
روان وإهي خايفه: إمممم أوكي أحاول أشبك هالأيام وإنشالله ألقاه وأكلمه​

 

[!pink-card!]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

nice


thx 4 the part


oo waiting el.part el.yay

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ناااااااطريينج

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

iL part eyanin!! Bs na6rynich bely waraah ,, Go Roona!! Roo Roonna!! Go Roonnaa!! 3ashaaaaaaaaww!! Fdaitich ;* ~

 

[Miss MaiS]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

niice elpart 3ajeeb bass wayed q9eer
thx 7obii nan6rich

 

[MeMo.318]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

yslmoosh 3la el.part
waiting the next part << 3shtaaw kkkk
See U

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

إنشالله البارت باجر بنات نطروني وثاااانكس على متابعتكم منورين الموضوووع