رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووول أهو من البارت الياي راح يبدي الأكشن شويه عشان ما كنا حابين نخلي الأحداث تبدي من أول شي ​

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

عفيه حبيبتي نبي بارت!!

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

الــبارت الثـامن
-----------------------
على فكره بنات بليز بليز اللي حابه تنقل القصه ياريت تكتب اسمي
وما احلل حق وحده تنقلها وما تذكر اسمي
**********************************************************

قعدت ريون من النوم بنص الليل على صوت رنة تليفونها
شافت ولا يطلع أحمد ولا تقول بقلبها ولييييه شسوي معاه هذا الحين وسدته بويهه وتوها حطت راسها على المخدة جان يدق تليفونها مرة ثانيه وقعدت تفكر ترد عليه ولا لأ ؟
وقالت خل أشيله أقوله إني دقيت غلط وبس
وشالته بس ظلت ساكته
أحمد: ألو..ألوو
ريون بصوت متردد: ألوو
أحمد: منو معاي ؟
ريون: إنت منو ؟...ما تبيه يعرف منو إهيا
أحمد: انتي داقه علي
ريون: آسفه أخوي الواحد ما يدق غلط
أحمد: ما قلنا شي شفيج عصبتي ؟! بالعكس إذا منج عادي
ريون سكتت
أحمد: شفيج إنحرجتي ؟!
ريون: لا شكووو بس........
أحمد: بس شنو ؟!
ريون: بس أنا ما أقدر أكلمك لازم أسده تبي شي ؟
أحمد: نطري نطري شفيج ؟
ريون: آسفه أنا ما أكلم شباب
أحمد: إنزين عادي أكلمج فريندز ؟!
ريون: لا لا لا قلتلك ما أكلم شباب
أحمد: إنتي فكري ورديلي خبر أنا مستعد أنطرج
ريون قعدت تفكر: أوكي بس أنا لازم أخليك ألحين
أحمد: أوكي ترى ناطرج أنا وناطر ردج...بليييز لا تسكبين إنتي عجبتيني...تصبحين على خير
ريون منصدمه: أوكي باي وسدته
وندمت إنها دقت عليه بنفس الوقت استانست انها سمعت صوته وكلمته وظلت تفكر إذا تكلمه ولا لأ: عادي أكلمه فريندز شنو بصير مو لازم أحد يدري لأن إذا قلت حق روون راح تسويلي سالفه
وأنا ما راح أقوله منو أنا ولا راح أقوله إن روون بنت خالتي ونامت
-----------------------------------------------------------------------------------------
وصار الصبح روون قعدت وخذت تليفونها ودقت على فروس تبي تعرف شفيه لأن أمس لما ردت من الحفله ما رد عليها ومو من عوايده وقبلها كان متغير شويه
دقت عليه ونطرت قاعد يرن ولا شاله
جان تحط تليفونها وإهي متضايقه ونزلت تقعد مع أهلها
أم عبدالله كانت قاعده مع بوعبدالله وإخوانها الصغار
أم عبدالله: روون اليوم زوارة بيت يدج
روان: أوكييي وييي عاد من زمان مو شايفتهم
وراحت خذت اللاب على ما يصير وقت الزوراة عشان تقوم تبدل وقالت يمكن ألقى فروس شابك
وشبكت ما لقته شابك
وقعدت تسولف مع رفيجاتها
لما صار وقت الزوارة وراحت إهي وفروح تبدل
( روان لبست قميص مخصر لونه بني وسكارف في درجات البني والبيج وشيله بيج وجينز وفلات ذهبي )
( فروح لبست برموده أسود وقميص أبيض وسوت بف )
وصلوا وسلموا على يدهم ويدتهم
وعمهم عمار اللي أصغر من أبوهم ومرت عمهم فاطمه جان يروحون غرفة عمهم علي
(اكبر من روون بسنه وحيل مع روون وفروح بس اكثر شي مع فروح ويقولوله كل شي وميانه وفاصل معاهم)
طلع عمهم جسوم من غرفته
( جاسم عمره 20 وفاصل حنطاوي شعره بني اشقر جسمه عادي وطوله عادي ويحب وحده تصير حق مرت اخوه..فاطمه..)
ودشوا عندهم وقعدوا يسولفون
فروح عليها سوالف صبيان مرات بس مو بويه
فروح: أوووووووووف مزااااج كوووووووت
روان: غلطانه فرررررح شنوووو كوووت أنا شاكه فيج صبي
جسوم: أنا خابر البنات رقة وقعدة وإسلوووب إنتي بنت إنتي
روون: لوووول حددده
جسوم: صيري نفس إختج
روون: لوووول أحمممم...
فرح: جسووووم شراااااااايك توديناااا عصير الضاحيه
جسوم قعد يطالعها بطرف عينه: نعم نعم لوووول
روان: إيييي بلييييييز ودناااا
جسوم: إمممم يلا
فروح: هييييييييييييا
جسوم بعبط ويبي يكسر فيها: لووووول يلا أنا رايح عند ربعي
فروح: لووووووووول ملييييييييق
روان: لوووووووووول يلا عاد بلييييييز
جسوم: أوكي خلاص يلا أنا ناطر بالسيارة
روان: إنطرررررر بعدل شكلي
جسوم: خمس دقايق وبمشي
وراحوا جسوم وعلي وفروح وروون عصير الضاحيه وأهما بالسيارة مروا بنات بسيارة يمهم
جسوم بعبط: اللللللله شحلاااااتها
روان: ويييييع مو حلوة
جسوم: نزلوا رووسكم خل نضبطها لوووول
فروح وروون: لوووووول ماكوووووو شغل
-------------------------------------------------------------------------------------
اليوم بعد زوارة اهل ريون
بوحمني وام حمني وحمود ودانو راحر بسياره وحمني وريون بسيارة حمني
حمني : يبا انا بروح اخلص جم شغله وبعدين راح ايي
بوحمني :لا تتاخر
حمني : لا يبا انشالله ما اتاخر
وكل واحد ركب السياره ووصلوا بوحمني وام حمني وحمود ودانو
ودشوا بوحمني وام حمني وحمود ودانو
وسلموا بوحمني ما عنده ثلاث خوات واخو واحد
بوحمني : السلام عليكم
الكل وعليكم السلام
وقعدوا وسولفوا ام نوراخت بو حمني الكبيره : عيل وين ريون وحمني
ام حمني :حمني قال بخلص جم شغله وراح ايي انشالله
وقعدوا يسولفون
--------------------------------------------------------------------------
حمني بالسياره مشغل اغنية راشد الماجد
بلا حب
بلا حب بلا وجع قلب وش جانا من ورا هالحب
غير الالم غير التعب وش جانا
وريون قاعده تقول بقلبها : اي والله صج
وقعد حمني يطفرها بالسياره وحط اغنية عبط وفصلوا ومطول عالاغنيه
وراح مر واحد من ربعه وخذا منه جم شغله وبعدين راح يصب بانزين
وبعد ما خلصوا راحوا بيت يدتهم

حمني وريوون دشوا : السلام
الكل : وعليكم السلام
الحريم والرياييل قاعدين بصوب .. والبنات والصبيان قاعدين بصوب
وراحوا سلموا على عمهم وعماتهم
وبعدين راحوا صوب البنات والصبيان
وريون وحمني : هاااااي
الكل : هايات
وريون سلمت عالبنات
وحمني عالصبيان
خلونا نتعرف عالبنات
اسمها عروب .. وهيا اكبر من ريون بسنه طويله وضعيفه وبيضه وحدها فصله
فاطمه..كبر ريون متروسه وحنطاويه و مو طويله ولا قصره وحدها حبوبه
زينب.. هذي اكبر من ريون بسنتين واهيا واختها وامها ما يكلمون ريون وامها عدل ... يعني صاير شي بينهم... لا طويله ولا قصيره بيضه ومغروره
والحين دور الشباب
عيسى ..عمره 19 عمر حمني وحيل مع بعض حنطاوي وجسمه حلو اخو عروب
عبدالله اخو فاطمه ..عمره 17 واسمراني ومجسم شوي
....... ظلوا بيت يدتهم لي بالليل .......
وكل واحد رد بيته وريون راحت غرفتها جان يوصلها مسج
فتحته ولا يطلع من احمد
وكاتب في:
انتي قاعده
ردت عليه ريون: اي
جان يدق عليها واهيا كانت متردده اذا تشيله ولا لأ وشالته

هذا كان بارت اليوم وانشالله يعجبكم وبالبارتات اليايه راح تبدي تصير الاحداث
وانشالله نكمله لكم اليوم بالليل او باجر
جااااااااااااااااااااااااااااااااااااو:bye22:
برب:nbvppw:

 

[Miss.NoNo Q8]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بليييييييييييييز كملي الحين :eh_s(11):
بسررعــة :RoadRunner:​

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

كملي بغييييييييز

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الثامن..

وقعدت ريون تسولف معاه
أحمد: أشوفج رضيتي تكلميني فريندز
ريون: يعني تبيني أسده
أحمد: لا لا شدعوه...بل بل بل معصببببه خلاص آسف بسكر حلجي أنا
ريون قعدت تضحك على خباله
أحمد: ما قلتيلي إسمج ؟!
ريون تدودهت: هااا ليش تبي تعرف اسمي
أحمد: لووول عشان لما أخزن رقمج عندي يكون فيه إسم ولا تبيني أسميج مجهول
ريون: لوووول إمممم إسمي أبرار
أحمد: عاشت الأسامي...وأنا ما تبين تعرفين اسمي
ريون بقلبها عارفته وخالصه: إمبله
أحمد: أنا إسمي أحمد وعمري 19 سنه
ريون: العمر كله أنا عمري 17...<< ما قالت عمرها الصجي عشان لا يشك
وقعدوا يسولفون مع بعض وأهو ما عرف ولا شي صج عنها ولا شك بشي وقالت أشوه خلاص حذي أقدر أكلمه وما راح يدري عن شي وتمت تكلمه كل يوم ومرات مرتين باليوم بعد
-------------------------------------------------------------------------------------------------------
فروس ليلحين ما يرد على روان ولا من عوايده أهو كل يوم يكلمها روان بدت تخاف وتقعد كل يوم تبجي بليل بس عشان تبي تسمع صوته ومهما تدزله مسجات أو تدق عليه ما يرد عليها
قعدت من النوم دقت عليه ما رد عليها صكت فيها الدنيا بس تحس إن ما تبي شي كانت حييييل متضايقه من كل شي نزلت قعدت مع أمها وأبوها وأخوانها وكان مبين عليها مالها خلق ولا شي ومتضايقه
وحتى أمها وأبوها لاحظوا عقب ما قعدت معاهم شويه ردت غرفتها دفنت راسها بالمخده وقعدت تبجي ليما نامت
بو عبدالله بالصاله مع أم عبدالله
بو عبدالله: شفيها روون متضايقه ؟
أم عبدالله: مادري والله يمكن متهاوشة مع وحده من رفيجاتها ولا شي
بو عبدالله: لا أنا ملاحظها من أمس مادري شفيها
أم عبدالله وقلبها مع بنتها: مادري والله يمكن متملله من العطله خو إنت تشوفها تقعد وتنام ومتمللين
بو عبدالله: شنو تبي ؟...الشي اللي تبيه ويونسها راح أسويه بس ما أشوف بنتي الكبيرة متضايقه جذي
أم عبدالله: تبيني أسألها ؟!
بو عبدالله: لا لا خلاص بحجز شاليه بشاليهات الخليفه ثلاث أيام يمكن تغير جو وتستانس إهناك
أم عبدالله: إي وقول حق بوعبدالرحمن إهي تستانس مع ريان
بو عبدالله: إنشالله اللي تشوفينه اليوم أكلمه وأشوف الحجز
-------------------------------------------------------------------------------------------------------
فروح قاعده في غرفتها تتكلم بالتليفون
دشت روان عقب ما قعدت من النوم
فروح: بسم الله يا حماااارة خرعتيني
روان مالها خلق ترد عليها وقطت نفسها على سرير أخوها الصغير
فروح بعبط: روون شفيج بتموتين
روان وإهي تضحك بس عشان ما تبجي بس غصبن عليها نزلت دمعتها
فروح: ليش قاعده تبجيييين ؟!
روان وإهي تبجي وقلبها يعورها لأنها محتاجته: فروووح أبي فروووس
فروح وإهي ما تدري إن ما يرد عليها: دقي عليه والله حاله
روان: فروح ما يررررد
فروح: أييي شي ! دقي على إحمدو ولد عمه يمكن يعرف عنه شي !
روان مشت دموعها: فشله أستحي أكلمه
فروح: عطيني أنا أكلمه لووول
روان: لووول يالمليقه مو وقت عبطج أنا متضايقه
فروح: آآآآآخ أنااااا ضاااااايق بالييي ضاييييق جوييييي ضايق كلنا متضايقين دنيااااا
روان ضحكت على ملاقة إختها وتعدل مزاجها شويه
-------------------------------------------------------------------------------------------------------
بيت بو عبدالرحمن
بو عبدالرحمن: اليوم بو عبدالله دق علي قالي يبون يحجزون الخليفه ويبينا نيي معاهم تبون تروحون ؟
حمني: الله الخليفه وناااسه يبيله
ريان وإهي تنزل من الدري: شنو اللي وناسه ويبيله ؟
حمني: عمي بو عبود داق على أبوي يبينا نروح معاهم شاليهات الخليفه
ريان: الللله ونااااسه بنروح ؟!
بو عبدالرحمن: مادري كيفكم إذا تبونا نروح نروح...ها شرايج مريم ( أم عبدالرحن)
أم عبدالرحمن: إذا هالشي بيونسهم عيل إنشالله اللي تشوفونه
-------------------------------------------------------------------------------------------------------
وقالوا حق باجي الأهل محد قدر إيي لأنهم مشغولين وقالوا إذا قدروا يمرونهم بس خالتهم لطيفه قالت أوكي مع عيالها 2 ( خلود وفهود )
-------------------------------------------------------------------------------------------------------
وصار اليوم اللي يروحون فيه الشاليه
ريون وروون وفروح قاعدين يتمشون صوب second cup
ولا إيي واحد راكب قاري ويتحرش بروان: وااااي يمه فديتهم
روان مالها خلق شي ليلحين على سالفة فروس سكتت وعطته نظرة من فوق لي تحت ومشت
الصبي: تعالي ركبي وراي
روون عصبت وقعدت تقول بقلبها أمبيه شنو هالقلة أدب ومشت بسرعه ودشت second cup
ريان: روون خلاص شفيج متضايقه والله إحنا يايين نغير جو
روان لابسه نظارة راي بان مغطية عيونها وتعكس لما ريون قالتلها جذي جان تنزل دمعتها كانت صايرة وااايد حساسه هالأيام وبسرعه تبجي
ريون شافت دمعتها نزلت من تحت النظارة على خدها
عورها قلبها على بنت خالتها لأنها تدري شكثر إهي تحب فروس جان تمسح دمعتها
ريون: والله ما أحب أشوفج جذي
فروح: قلتلج دقي على إحمدو ولد عمه خو بس سألي عنه
ريون بس يابوا طاري إحمدو قلبها قام يطق خافت روان تدق عليه تسأله عن فروس ويقولها إن في وحده داقه عليه
ريون: بس إنسي والله إهني فصله خلينا نستانس شويه
جان بدق تليفون روان ولا يطلع فهود ولد خالتها لطيفه
روان: ألوو
فهود: ألوو...إنتو وينكم ؟
روان: موجودين متى ييتوا إنتوا ؟
فهود: تونا...وينكم بالضبط ؟
روان: عند second cup
فهود بعبط: يصير نيي ولا مو مسموح
روان تضحك: لووول تعال حياك
فهود: أوكي ألحين يايين أنا وحمود
ويو وقعدوا يتمشون كلهم على الرصيف وفهود حس إن روون متضايقه
فهود يملق على راسها
روون تضحك من غير نفس على ملاقته: لووول فهود والله مااالي خلقك
فهود وقف جدامها وما خلاها تمشي وكلهم مشوا عنهم
فهود: ما راح أمشي من إهني لما أعدل مزاجج اليوم
روون: لووول وإذا ما تعدل ؟
فهود قعد على الرصيف جدامها
فهود: قلتلج ما راح أمشي
روون فصلت ضحك على شكله: لوووووووول أمبييييه قوم فهود يالخبل قاعد على الأرض
فهود استانس لما سمعها تضحك: لوووول ها تعدل مزاجج
روون قعدت تطالعه بدون ما تتكلم وبس تبتسم
ريون من بعيييد: انشالله تييووووون
روون تضحك: أوكي أوكي كانا يايين
وراحوا يتمشون صوب الحمام سباحه
الرياييل والصبيان واليهال راحوا يبدلون ويتسبحون والحريم قاعدين على الكراسي ويصورونهم وروان وفروح وريان يتمشون داير مدار الحمام سباحه
ومستانسين وعقب صار العصر طلعوا الريايل واليهال من الحمام سباحه ودشوا يتسبحون ويلبسون
خلود يكلم أمه لطيفه: يمااا أبي الفوطه
لطيفه تقول حق ريون: ريونه روحي يبي فوطه من الغرفه وراحت يابت الفوطه وعطتها حق خلود ومشت
خلود يطالع ريون فترة: يمااا ريون مو جنها متغيرة
لطيفه: بعد كبرت البنت لازم تكبر لي متى بيقعدون يهال
خلود سكت: إممممممم
-------------------------------------------------------------------------------------------------------
عقب ما خلصوا صار العصر والحريم بالمطبخ يحطون الغدا والبنات قاعدين يطلون من الدريشه كان في مسابقات يم الحمام سباحه
ريان: الللللله وناااااسه خنرووووح
بو عبدالله: اكلوا وروحوا
روان: لا لا يباااا بعدين يخلصووون بنروح ألحين
بو عبدالله استانس لما شاف مزاج بنته تعدل
بو عبدالله: تبون تروحون ألحين ؟
روان: إي إي
بو عبدالله كان أهم شي عنده وناسة بنته: أوكي روحوا
ريان: فهود وحمود يلا قوموا بنروح
حمود: قلبييييي وييييهج يوعاااان حدددي
روان: إذلف مو لازم تيي لووول فهود صير أحسن منا وتعال معانا
فهود: لووول أوكي ويو بيروحون جان حمود يقوم: هونت بيي
ريان: لاااا والله روح إعلف
حمود: لوووول مابي هونت
وراحوا كلهم صوب المسابقات وقعدوا على الكراسي اللي جدام وكانت المسابقة أجمل صوت خدامه لوووووول
وقامت هنديه قعدت تغني وصوتها يلوووووع الجببببد
فهود بصوت عالي: آآآآآي أذوني يرحم أمكم النشااااز لوووووول
كلهم: لووووووووووووول
وقامت وحده ثانيه فلبينيه تبي تغني وصوتها كان حلو يمشي حاله
فهود: الللللله يا سلام بضبطها هذي
روون: لوووووووول فهود لا تفصل على روووسنا
عقب خلصوا المسابقات وراحوا يبون يأجرون قواري
كل واحد خذا من أهله فلوس وأجرولهم قوراي وفصلووووا
وخذوا قاري واحد في سله من وره
فهود يستعبط يبي يركب القاري: لووووول منو بيني أردفه وراي بالسله
كلهم: لوووووووووول أنااااااااااا
فهود: جبوا واحد واحد لووول من الصغير لي الكبير
أصغر واحد فيهم كان حمود وأهو ركب أول واحد
فهود يحاول يمشي بالقاري مو راضي يمشي: لووووووووول حمود شمتنك قووووم مو راضي يمشي
كلهم: لووووووووووووووووول
ريان: لووووووول حرام عليك أخوي مو متين قاريك الكحيان لوووول
روان: شراااااااااايكم نسوي سبااااق لووووول
فهود: لوووووول يلا أنا بتسابق بهذا
روان: لووووووول فهود يالعبيط مو بهذا بقاريك العادي
كلهم: أوكيييي يلااااا فوووووقه
وكان في نزله كلهم صعدوها وعدوا لي الثلاثه: 1 2 3
وداسوا وفهود يصرررخ: يماااااا بطيح على ويهي لووووووووول
كلهم فصلوا ضحك عليه: لووووووووووووووووووول
لما صار بليل سوو حفلة ويابوا أغاني صوب المكان اللي كان فيه مسابقات
كلهم راحوا إهناك وحمود وفهود وعبود أخو روون الصغير رقصوا وريون وروون وفروح فاصلين ضحك على أشكالهم جان ريون تطلع تليفونها وقعدت تصورهم
والفرقه عنوا إغنية ترقصصصصص
البنات فصلوا جان روان تهز على الخفيف لا شعوريا وحتى ما كانت قاعده ترقص بس خفيف
جان فهود يشوفها وعصب
وقرب منها مسكها من إيدها وقالها بنبرة عصبيه: لا ترقصيييين
روون اخترعت ونزلت عينها جان توخر ايده وقالتله: أوكيييي شفيييك مادري
محد لاحظه لأن كان إزعاج وااايد
وروان تناست السالفه جان يمر جدامها واحد لابس بلوزة سوده وجينز روان تنحت
نسخة فرووووس ! بس فروس كان شويه أقصر
أول ما شافته تذكرت فروس وتضااااايقت
وقالت بقلبها أمبيييه يشبهه واااايد بس يظل فروس أحلى ! =(
وقالتلهم بتروح تشرب ماي وريون قالت أنا بروح بعد
فهود مايدري شفيها قال بقلبه شفيها لا يكون زعلت من اللي سويته !؟...بعد أنا شكو فيها صج إني ملقوووف
ودشوا روان وريان الشاليه بسرعه وما كان في أحد إهناك كلهم قاعدين على الطاولات بره
ودشوا المطبخ خذت ماي وشربته
وريون جيكت تليفونها لقت 1 مس كول من إحمدو بس ما سمعته لأن كان لويه صوب الحفله
روان وإهي متضايقه: خل أجرب أدق عليه يمكن يشيله ألحين
ريان: أوكي جربي دام إن كلهم بره لاهيين
ودقت رقم فروس وبطنها قام يعورها كانت خايفة ولا تدري من شنو
شويه ويشيله صوت صبي: ألوو
روان تنحت: ألوو
الصبي ما كان فروس روان كان قلبها قاعد يطق حيل جان تمسك إيد ريون وريون ماتدري شالسالفه
روان: منو ؟!
الصبي: إنتي تبين فروس ؟!
روان: إي !
الصبي: فروس سافرررر !!!​

سوووري بنات تأخرنا عليكم هذا بارت طويل لكم لأن اليوم يمكن ما أقدر أنزلكم بارتين والأحداث بدت تبدي شوي شوي واليوم إذا قدرت إنشالله أنزلكم بارت بليل وثاااانكس على ردودكم

 

[sindrella]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

متـــــــاابعه كملي

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

كمليييي نااااااااطرينج لا طولييييييين ابلييييييييييز

 

[» miss♥f6oum «]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

الروايه حدهاا موؤصج .. ونااطرينج تكملينهاا

,,,,,,,,,,,,,,,,,,,,,,,,,,,,,,,,,,,,,,,,,,,

 

[ReeMoh]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

thnx so much 7elwa elqessa nan6rich enshallah eb agrab waqt

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

سوري بنات اذا طولت عليكم
لان انا وبنت خالتي بالثانويه وعندنا امتحانات
وانشالله اول ما نكتب البارت انزله لكم على طول
وحددددددددددددده مشكورين على الردود العجيييييييبه نفسكم

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت التاسع..

روان إنصدمت وريون حست بإيدها قاعده ترجف وقعدت تفكر بقلبها شلون سافر وليييش ما قالي !! ="(
الصبي: ألووو...ألووو
روان نزلت دمعتها وقعدت تبجي: معاك معاك...متى راح ؟ ومتى بيرد ؟!
الصبي:راح أمس ومادري والله متى بيرد 3 أو 4 أيام يمكن
روان ودموعها على خدها: وين سافر ؟!
الصبي: مصر
روان: أوكي بس أبي منك طلب
الصبي: تفضلي
روان: بليييز قوله إني سألت عنه وإذا قدر خل يطمني عليه أو يشبك
الصبي: إنشالله أقوله
روان: مشكور
الصبي: العفو...باي
روان: باي
وسدته وقعدت تبجي حييييييل وريون فهمت السالفه وكانت حدددها منصدمه شلون فروس سوا جذيييي وكسرت خاطرها روون جان تلمها
روان وإهي تبجي: ريووون ليش يسافر من غير ما يقولي والله سويتله كل شي أنااا
ريون ما عرفت شتقولها لأن كل كلامها صح
ريون: خلاص روون يمكن ظروف متى قالج بيرد ؟!
روان: واااااي ريون شنطرنيييي تعبت ريون والله تعبت أبييييه وراح صوتها بالبجي
----------------------------------------------------
فهود بالحفله كان باله مع روون وعباله إنها متضايقه منه قال حق حمود وفروح إن بيروح شويه وراد
راح صوب شاليهم لقى الحريم والرياييل بره
لطيفه: ها يمه وين رايح ؟
فهود: لا يما ياي أشرب ماي وأشوف وين ريون وروون
لطيفه: أوكي
دش الشاليه سمع أصوات بالمطبخ ودش المطبخ لقى روان قاعده تبجي وريون تحاول تسكتها
فهود إنصدم وقال بقلبه لاااا يكون قاعده تبجي منييي !
قرب منها جان يقولها: روون شفيييج ؟!
روان وإهي تبجي: ما فيني شي خلوووني مابي أحد جان تغطي ويها بإيدها
فهود يأشر حق ريون عشان تقوله شفيها ريون ما عرفت شتقوله جان تأشرله مادري
فهود قال حق ريون تطلع برا شويه يبي يكلم روان
ريون طلعت وفهود قرب من روون جان يقولها: روان روون شفيج ليش تبجين ؟!
روون شالت إيدها من على ويها بس ظلت منزله راسها وتبجي وتشاهق حيل
فهود: روون خلاص من شنو ؟ شنو اللي مخليج تبجين ؟!
روون ماردت عليه
وقف حدامها مايدري شسوي ولا يعرف شلون يسكت بنيه
رفع راسها يإيده وإبتسملها جان يقولها من زمان مو شايفج تبجييين
روون ضحكت شويه
فهود استانس لما شافها تضحك: تدرين متى آخر مرة
روون وإهي تمسح دموعها بإيدها: متى ؟
فهود: لما أمج خلتج تلبسين ملابس ما تبينهم وقعدتي بالغرفه تبجين ما تبين تطلعين
روون ضحكت: أووله فهود أهم شي إنك متذكر
فهود: لوووول إي لو مو أنا جان إنتي ليلحين قاعده تبجين لووول
إهني ريون دشت المطبخ: هااا خلصتوا إجتماعكم المغلق
روون: لووووول
فهود: لوووول لا ما خلصنا روحي إهناك صوب الحفله أبي أكلم روون بشغله سررررر لووول
ريون: أووووووه أسراااار جان تغمز حق روون شنو هالأسراااار ؟!
روون: لووووول والله مادري
فهود: لووول يلاااا رووووحي
ريون: أوكي أوكي وطلعت
روون تعدل مزاجها عن قبل شوي بس ليلحين متضايقه شويه: ها شنو هالسر ؟
فهود: دام إنج سكتي أبيج تقولينلي على شنو كنتي قاعدة تبجين قبل شوي
روان سكتت وقعدت تقول بقلبها أمبييييه شقوله ألحيييين
روان: ولا شي
فهود: في أحد يبجي مني والطريج ؟!
روون سكتت
فهود: إنزين إنتي تضايقتي من اللي أنا سويته قبل شوي...إذا هذا الشي اللي خلاج تبجين والله روون أنا......
روان وإهي تقاطعه: فهود شكو والله لأ أنا مثل إختك وإنت أكييييد بتغار علي وبس والله مو زعلانه منك
فهود إرتاح بس ليلحين وده يعرف ليش كانت قاعده تبجي: أوكي خلاص إمشي خنروحلهم
وطلعوا بره صوب الحفله وقعد فهود يرقص ويسوي حركات عبيطه كل ما شاف روان سرحانه عشان يضحكها لووول
----------------------------------------------------
بليل الحريم كلهم بشاليه والرياييل كلهم بالشاليه الثاني
البنات بالغرفه بروحهم
فروح: أمبييييه شلون يسافر من غير ما يقولج
ريون: إي والله
روون ساكته وحاطه الآيبود قاعده تسمع أغنية لا تذكريني ومقصرة وقاعده تسمعهم يتكلمون بس مو قاعده ترد عليهم لأن مهما قالوا عنه ومهما سوه راح تحببببببه !
لا تذكريني بغلطتي يوم حبيتج غلطه وراحت وإنتهت من سنين
روووحي وتناسي مثل ما أنا تناسيت وإن كان باقيلي قدر إتركيني
وسرحانه بفروس جان تدمع عينها وقاعده تقول ببالها يمكن إهو قاعد يقول إن مسافر بس عشان أهو ما يبيني بس إذا أهو ما يبيني أنا ليلحين أبيه والله ليلحييييين أبييييه...='(
فروح: أقولج دقي على ولد عمه
ريون سكتت ما كان ودها روون تدق على إحمدو
فروح: رووووون !
روان: ها شنووو ؟
فروح: دقي على إحمدووو !
روان شالت سماعة الآيبود ولفت على ريون وإهي متضايقه واااايد: أدق ؟!
ريون: هاا مادري كيفج
جان روان تاخذ تليفونها مسج حق إحمدو (قوة إحمدو شلونك ؟ شخبارك ؟ بغيتك بموضوع تقدر تكلمني ولا مشغول ؟) جان يرد عليها (هلا هلا ببمرت ولدعمي شلووونج ؟ شخبارج ؟ إي فاضي شنو بغيتي ؟!)
جان روون تدق عليه
وريون قاعده يمها وخاااايفه حددددها​

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

سوووري بنات تأخرنا عليكم هذا بارت قصير لكم أدري ما فيه أحداث وايد لووول نزلته قبل لا أروح المدرسة إنشالله اليوم بليل أنزل بارت ثاني =)

 

[loooly love]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

كــــــــــــــــــــــــــــــــــــــــــــــــــلي
متاااااااااااااااااابعه

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ثااانكس ناطرينج لا طولييييييييييين

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Waaaaaaaaiiii knt shway o abchi weyaha!! Walla tbachi mn al7yn il 8e9a!! .. o 7beebti 8e9itich raw3a!!!! o nshalla Tsawyn ketaab ;** xD Nshalla ;p Betawfyg ;* o Nshalla Taktebyn il partat bser3a o wedna enich ma te5ta9rain shay lo shnu y9eer ;** o maskuura waayid 7beebti 3ala il 8e9a e raw3a!!!
Yalla na6ryn il part il ydeed ;** :ggdw: Yalla Yalla
:ggdw: 7adna na6ryn 3ala nar
:ggdw::ggdw::ggdw:

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مشكوورة حياتي وزين منج اتنزلين بارت ويعطيج العافيه

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت العاشر..​

إحمدو: ألو
روان وإهي متوترة: ألو
إحمدو: أهلين...شلونج يا مرت ولد عمي ؟ ( إحمدو دايما يناديها جذي )
روان ضحكت: هلا تمام وإنت شلونك ؟
إحمدو: تمام الله يسلمج
ريون متنحه وحتى إهي متوترة وتطالع روان وإهي تتكلم
فروح تساسر روان: قوليله يلا سإليه
روان: إممم إحمدو بغيتك بشغله
إحمدو: آمري...أكيييييد لقيتيلي بنييييه لووول
روان وإهي تضحك: لا لا مو هذا موضوعي
إحمدو: لووول عيل شنو ؟
روان وإهي مترددة: إممممم إحمدو صج إن فروس مسافر ؟!
إحمدو إنصدم: شنووو ؟! متى سافر ؟!
روان دمعت عينها: مادري الأيام اللي طافت مادري شفيه كل ما أدق ما يرد وقبلها كان متغير علي وأمس دقيت على تليفونه ولا يشيه واحد وقالي إن فروس مسافر
إحمدو: وأهو متنح: إممممم...مادري والله توني أدري منج...خلاص خمس دقايق وأنا أدق عليج خل أروح أشوف هالحمار ليش مزعلج لووووول
روان: لوووول مو حمااار...أوكي
إحمدو: لوووول ما يرضووون...خلاص يلا باي
روان: باي وسكره
عقب شويه إحمدو دق عليها مرة ثانيه وقالها إن فروس صج مسافر
إحمدو: إنزين أهو ليش ما قالج ؟!
روان والدمعه بعينها: مادري والله مادري
إحمدو: والله حتى أنا مادري بعد بس روان أبي منج طلب
روان: هلا ؟
إحمدو: روان حطي فروس بعيونج ترى والله أهو يحبج وايد
روان نزلت دمعتها ووخرت التليفون عشان ما يسمع وكانت قاعده تقول بقلبها والله أنا أحبه أكثر
روان وإهي تبجي بس تحاول تخليه ما يحس: أكيد بحطه بعيوني
إحمدو يحاول يضحكها لأن حس فيها متضايقه أوكي وأنا أعلمج فيه لما يرد
روان ضحكت بالغصب: خلاص أنا أخليك ألحين
إحمدو: أوكي ديري بالج على نفسج...باي وسكروه
ريون إرتاحت لما عرفت إن إحمدو ما قال شي حق روان
-------------------------------------------------------------------------------------------------------------------
بمصر
فروس منسدح على السرير ويفكر بروان ووباله ليش ما قلتلها أنا والله أنا أحبها بس غصبن علييييي والله تعبت من الكل
أخوه الكبير ( طلال): فروس قوم معاي
فروس وإهو سرحان: وين ؟
طلال: أبي أتمشى على البحر الجو عجيب بليل
فروس: مالي خلق طلال روح إنت مع أبوي
طلال: فروس خلصني ما صارت بنيه خلاص يبا إنت سافرت شنو صار يعني والله إذا أبوي شافك مطنقر والله بيخليك تقعد إهني شهر بروحه يايبك عشان يوخرك عنها
فروس تضايق من صج: طلال خلاص مالي شغل فيه أنا بنام إطلع وسكر الليت
----------------------------------------------------------------------------------------------------------------------
بالشاليه الثاني عند الرياييل
فهود منسدح يبي ينام وقاعد يطالع الرياييل يلعبون كوت
فهود بباله: أوووف إزعاج إهني أروح أنام فوق أحسن
وصعد الغرفه وإنسدح يبي ينام جان يفكر بروان لما كانت قاعده تبجي
فهود: إنزييين ليش هامني أنا !؟ بس والله ودي أعرف يعني شنو اللي مخليها تبجي ومضايقها ما يصير مني والطريج...
وقعد يفكر شويه جان يقول:خلاااااص لقيتهاااا باجر أنا أعرف شلون أخليها تقولي وحط راسه ونام
--------------------------------------------------------------------------------------------------------------------------
ثاني يوم الكل قعد من النوم الا روان نايمه لأنها ما قدرت تنام بليل
فروح وريون في
second cup
قاعدين على الطاوله يسولفون ويطالعون اللي رايح واللي راد
ريون: وااااااي ملللل من غير روون
فروح: لااااااا والللله شنو مو تارسه عيييينج أنا لوووول
ريون: لوووول روون غيييير
فروح: إممممم
ريون: الله يعينها والله كاسرة خاطري والله أنا ما توقعت بيوم فروس يسوي جذي...أنا أدري إن يحبها
فروح: مادري شسالفته بس أهو كان متغير قبل
فهود دش
second cup
ريون شافته جان تأشرله
فهود: كنت أدري إني بلقاكم إهني
ريون: إي قاعدين
فهود: عيل وين روون ؟!
ريون غمزتله: أشوف واايد هامتك روون هالأيام لووول
فروح: أوه أوه
فهود: جبوا جبوا خو سألت سؤال بس لأن أحسها متضايقه هالأيام ولأن إهي كل يوم معاكم
فروح: لا إهي نايمه تعبانه شوي
فهود: شفيها ؟!
ريون سكتت وفروح سكتت
فهود: شفييييها ؟!
ريون: خو تعبانه تبي تنام وبس
فهود: قومي قعديها خل نفصل شويه
ريون: أوكي
----------------------------------------------------------------------------------------------------------------
ريون راحت قعدت روان وقعدت بس ما كان لها خلق غسلت وبدلت ولبست ترينق ونظارة شمسيه وما كانت حاطه ولا شي على ويها لأن ما كان لها خلق ولا شي
وطلعت بره تتمشى معاهم وكلهم قاعدين يسولفون بس إهي مشغله الآيبود وقاعدة تسمع وساكته
فهود وأهو يساسر ريون: شفيها روون متضايقه ؟
ريون بروحها كانت متضايقه على بنت خالتها: أوووه فهود دوختني شدراني عنها إسألها
فهود سكت جان يقول حق روون: روون تعالي شوي
مشى جان تمشي وراه ووخر عنهم: شفيج ؟!
روون وإهي متضايقه: متهاوشة مع رفيجتي
فهود يبي يضحكها: منو هذي اللي ما تستحي على ويها اللي مزعلتج
روون ضحكت جان تسكت وفهود قعد يفصل عليها وملق عليها لما خلاها تضحك غصب
روون: وااااااااي فهود تخليني أضحك غصب
فهود: أفاااا عليييج شفتي شلون أعرفلج
روون: لوووول
فهود: شرايج نلعب ؟!
روون: شنو ؟!
فهود:
TruTh oR DaRe
روون: الله يبيييييله !
وراحوا كلهم يلعبون وقعدوا دائرة وحطوا بطل على الأرض وفروه طلع فهود أهو اللي يسأل أو يطلب وفروه مرة ثانيه طلع حمود
وحمود قال إن يبي طلب جان فهود يفكر ويطالعه بنظرة خبيثة: أبيييييك تروح صوب الحمام سباحه وتهززززززز
كلهم: لوووووووووول
ريون: قويه فهود حرام عليييييييييك لووووول
فهود: مو يبي طلب عيل خل يصير قدها ويسويه لوووول
حمود: لووووول والله أسويييييه عاااادي
وطلعوا بره وراحوا صوب الحمام سباحه أول شي وقف وكان مستحي منها أول شي جان يقول بقلبه: أووووه عاااااادي خنبيييييعهااااا جان يهز
العموم قاعد يضحك على شكله لووووول
روان: أمبيييييييه حمود مو من صجججججك لوووول
فهود: كااااااااااااااااااااااااك آيييي يا بطني حمود رقصنيييييييي ياااا جددددع لوووووول
كلهم: لوووووول
فروح: والله إنك ريال حموووود لووول
وردوا داخل جان يلفون البطل طلع فهود وعقبها روان
فهود بقلبه: أيوووووووه هذا اللي أبييييييه
فهود: شنو تبين ؟!
روان: لوووول سؤال أكيد عشان تسوي فيني نفس اللي سويته بحمود
فهود: إمممم ليش بجيتي أمس ؟!
ريون: واااااي فهود دوختنا على هالسالفه
روون وما كان ودها تقول: إمممم...في شخص أو شخصة لووول أنا أعزهم وااايد وسووا حركه ضايقتني حيييييل
فهود بقلبه أكيد صبي منو هذا ؟!! أنا إلا أعرف
ولفوا البطل مرة ثانيه طلعت روان وعقب ريون
روان: شنو تبين ؟!
ريون: إممممم شؤاااال
روان: إممممممممم شنو آخر مسج وصلج ؟!
ريون تدودهت لأن كان مسج من إحمدو كاتب فبه وينج ؟!
ريون: إممممم مكتوب فيه وينج ؟!
روان: إممممم أوكي
ولفووووه طلع فهود وروون مرة ثانيه
روون: وااااااي وأنا كله معااااااك
فهود: لووول سؤال أكيد صح
روون: صح
فهود سكت جان يطالعها وقالها: روون منو تحبييين ؟!
حمود: أووووخ خوش سؤااااال
روون تنحت: شنووو ؟!
فهود: اللي سمعتيه لوووول
روون سكتت وتمت تطالع فروح وريون
حمود: يلا يلا قولي
روون: غير سؤال مااااااااابي
فهود: مااااااااكو
فروح تليقفت جان تنط وتقول: أوووووه يباااا خلاااااص أنا أقوووول...تحب واااااحد إسمه فرووووووس !
العموووم سكت !!

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بناااات بس بغيت أقولكم شي ترى القصه موووو عني لا أنا ولا بنت خالتي يعني القصة مو عن حياتنا الشخصيييييه بس في شويه أشياء صارت جدامنا يمكن من رفيجاتنا أو أهلنا وفدييييتكمممم و مشكوووورين على المتابعه كلكمممم

 

[ميسوره]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

قويه فروح بطتها لووووووووول

كملي