روايتي الآولى : لآ تلعبين معاي تراج منتي قدي ( نوف * حمد ) / بقلمي

[Dashtawya]

ثانكس و ناااطرين لا اطولين

 

[احب المدرسة]

اب اب اب اب اب اب اب اب اب اب اب اب اب

 

[Zhm1996]

Wench na6rench
Up up up
Motab3a b9mt ! -_-

 

[كويتية عز 93]

Up
Up

 

[shyy'Om]

البارت الــ33​

نروح حق نواف و قصتة مع جاسيكا واهو اكثر قصة صار فيها تطورات بهالاسبوع ​

جاسيكا يدتها ماتت و هدت نواف و راحت الفلبين لمن راحت ابوها فلس .. وصارت فقيرة يعني لو شنو ماراح ترد الكويت .. حالتة اهلها صعبة حييل .. طلبت الطلاق من نواف بس اهو ما وافق .. قالها عادي تعيشين بعيدة عني بس اتمين زوجتي .. فراق جاسيكا كان صعب على نواف طول هالاسبوع ونواف بالغرفة ما طلع ​

عقب ما نوف ردت البيت طقت الباب على نواف ما رد الا ادرعم .. اخترعت من منظر نواف كان ذبلان حييل و لحيتة طالت شوي و شعرة امعفس و تحت عيونة اسود و ضعفان حييل ​

نوف بخوف : نواف شفييك ؟! ليشش مسوي بروحك جذي صدقني راح ترد لك بس لا تسوي بروحك جذي ​

نواف منكسر : نووف انا تعودت عليها .. شلون تهدني و تروح مو قادر اعيش بدونها .. حياتي ما تسوى والله ما تسوى ​

نوف : اللله كريم .. الله ما ينسى عبدة واذا اهي مكتوبة لك صدقني راح ترد ولك مني اذا ردت عازمتكم على مطعم و ماعندي اي مشكلة اني اطلع معاكم ​

نواف : عقب شنو يا نووف ؟! خلاص اهي راحت ولا راح ترد هدتني و مشت والله اني كنت احبها اهي ليش سوت فيني جذي ​

نوف : خلاص نواف لازم تشوف حياتك مثل ما اهي شافت حياتها .. الا اهي شسمها ؟​

نواف : خلاص انا انتهيييت !! مابي اسمع اسمها ابي اشييلها من بالي خلاص ابي انساها مثل ما اهي طاوعها قلبها وهدتني ورااحت انا بعد راح انسى و اوقف على ريلي ​

نوف : هذا العشم فييك .. انت لازم ترد نواف الاولاني .. شوف شكلك تخرع جنة مطلعينك من القبر اسم الله علييك تخرع !! ​

نواف : هههه ​

نواف قرر ان ينسى جاسيييكا مثل ما اهي هدتة .. تتوقعون ينساها بالسهوولة هذي ولا الشغلة راح تكون علييه سهلة مثل ما نسى حوور ينسى جاسيكا ؟! ​

.................................................. .................................................. .................................................. .................................................. .................................................. .........................​

عبدالله ​

عبود تزوج دانة و حييل مستانس معاها .. قرر ان يربي الياهل الي ابطن دانة .. لان حس ان شعور ان يكون ابو احلى من اي شعور بالدنيا .. و بالنسبة حق ان الولد ولد حراام هذا راح يتم سر بينة و بين دانة .. ما يدري اذا الي قاعد يسوييه غلط ولا صح بس الي يعرفة ان قلبة يبي جذي ​

عبود : يالله هالقمة حق النونو ​

دانة آآآآ : شوي شوي علي والله انك راح تخرب جسمي وااي حدي متنانة والسبة انت لقمة حقي و لقمة حق النونو صحن حقي و صحن حق النونو ​

عبود : يعني شنو تبين ولدي يطلع مجاعة افريقيا .. انا ابييه يطلع مجسم ​

دانة : انزين شرايك نشوف اذا صبي ولا بنت ​

عبود : نو نو انا احب المفاجعاات ​

دانة : هههه مفاجعات ها ! ​

حياتهم حلوة و بسيطة اثنينهم يحبون بعض بدون جذب و نفااق .. دانة انسانة وايد زينة بس الشيطان قص عليها .. والشيطان شاطر هذا ما يبرر الفعل الي سوتة اهي غلطانة و مليون مرة .. بس حبت اصلح غلطها انها تستر على روحها و تتزوج بنفس الوقت ​

.................................................. .................................................. .................................................. .................................................. .................................................. .........................​

نروح استراليا عند دييمة ​

بالاسبووع ديمة واايد تقربت من احمد والفضل يعود حق خالد .. ديمة اكثر من مرة كانت ادق علييه و اهو ما يرد عليها كانت اتكلمة مسن بس همن ما يرد عليها آخر شي عطالها بلوك لان حق انا هالشي اهو الصح والي لازم يصير .. حط ابالة شي واحد ان ديمة حق احمد .. واحمد حق ديمة ​

ديمة : يمة انا نازلة احط هالملابس بالغسالة الي تحت ​

ام ديمة : اخذي معاج واحد من عيال عمج لا تروحين بروحج الدنيا ليل ​

ديمة بفرح : خلاص باخذ احمد ​

ام ديمة : يمة منج ! بس لا تطولين ​

توها رايحة حق شقة عمها بطق الجرس الا احمد يطلع ابوها ​

ديمة : بسم الله من وين طلعت ​

احمد : شنو رايحة تحت ! سبحان الله قلبي على قلبج حتى انا بحط ملابسي بالغسالة ​

عقب ما نزلوا تحت ​

ديمة : عطني هدومك انا احطهم .. عازمتك على غسلة ​

احمد : ههههه حلوة هذي على غسلة ​

ديمة : انا طيبة وانت تستاهل ​

احمد قرب من ديمة حيييل .. حط عيونة بعيونها ​

احمد : احبج ديوم ​

.................................................. .................................................. .................................................. .................................................. .................................................. .........................​

ام نواف : شرايكم يا عيال نروح العمرة ​

نوف : يمة ما ينفع عندي كورس صيفي لا تروحون بدوني ​

نواف : انا تعبان ​

مشعل : ما علييه خليها وقت ثاني ​

طبعا ما ذكر ان نوف و نواف تعودا على مشعل بس طبعا ما خذة مكان ابوهم .. وكل هذا بس عشان امهم ​

ام نواف : انزين نوفة انتي متى تخلصين الكورس الصيفي ​

نوف : والله يا يمة انا بعدي ما ادري .. بس شرايكم اليوم نتعشى بمطعم ​

نواف : خوش فكرة انا حدي لازم اغير جو ​

مشعل : خلاص وانا عازمكم ​

ام نواف : طبعا انت عازمنا اخاف انا الي بدفع ​

نوف : خن نروح فرايديز ​

.................................................. .................................................. .................................................. .................................................. .................................................. .........................​

بطرف ثاني عند شيماء وحمد ​

حمد : خلاص يالله بدلي خن نروح دار الايتام ​

شيماء : حدي متحمسة اشوف اليهال ​

حمد : عاد انا ابي واحد خااال وانتي كيفج ​

شيماء : انزين مو لايق لا انت خال ولا انا خالة ليش نتبنى واحد خال ​

حمد : خلاص نبي واحد أشقرااني ​

شيماء : ههههه حمود الله يخسك الحين احنا خن نروح ​

لمن وصولوا الدار ​

مديرة الدار : انا آسفة بس انتوا ما عندكم المأهلات عشان تتبنون يعني انتوا اثنينكم لي الحين بالجامعة .. من شروط التبني ان الاب والام يكونون متوظفين و معاشهم زين .. عشان الطفل يعيش بأحسن حالة اجتماعية ​

شيماء : بس اهل حمد مو قاصر عليهم شي واحنا مستوانة واايد زين وحمد ياخذ معاش من الشؤؤن ​

المديرة : حتى لو يا اختي معاش الشؤؤن يالله يكفي احتياجاتكم انتوا الاثنين ما يكفي حق تربية طفل معاكم .. وهذي شروط انا آسفة ما اقدر اخالف الشروط والقوانين ​

حمد : يعطيج العافية .. و ما قصرتي واحنا اصلا مو باقيلنة شي و نتخرج من الجامعة و اول ما نتوظف راح نتبنى انشاء الله .. انزين احنا عندنا طلب واحد بس ​

المديرة : فضل اخوي ​

شيماء : طبعا احنا يايين نتبنى لان ( سكتت ) ( تتنهد ) لان انا مافيني عيال و الحين بما ان ما صار نصيب ان نربي ياهل احنا بس نبي نشوفهم و نقعد معاهم شوية ​

المديرة تعاطفت معاهم حييل و خلتهم يشوفون اليهال و يوسعون صدرهم شوي ​

بالسيارة ​

شيماء : انا وايد استانست .. صج ان ما صار نصيب .. بس اليهال ردوا روحي ​

حمد : وانا بعد حسيت بشعور حلو حيييل .. مادري ليش حسيت انهم عيال كلهم .. يالله ما بقى شي و يصير عندنا واااحد .. شرايج نتعشى بمطعم ​

شيماء : خوش فكرة عاد حدي مشتهية فرايديز ​

حمد : حتى انا خلاص صار ​

.................................................. .................................................. .................................................. .................................................. .................................................. .........................​

​

ديمة كان عندها دفتر تكتب في كل شي عن خالد كل سالفة معااه كل طلعة كل شي كل شي عن خالد ​

ريوم : امبيييه جذاابة مو انتي الي مألفة هالشعر مو ؟!​

ديمة : والله ان انا الي كاتبة يبة خلوود عفس حياتي خلاني شاعرة ​

ريم : انتي بعدج ما نسيتييه ​

ديمة : ولا راح انساه انا قاعدة احب اخووج بس عشان انسااه انا مو قاعدة اجذب على احمد نو انا صج احبة بس مو كثر خالد .. خالد غير ​

اول ما وصل احمد الا ديمة تخش الدفتر داخل الجنطة ​

احمد : شقاعدين تسوون يا حلوين ​

ديمة : ماكو نحش كالعادة .. اليوم حدة زهقة يبيلة بولنق​

ريم : اووف حدة ​

احمد : عاد اليوم بالشارع كلة سكارة لان اليوم عطلتهم ما توقع يرضون نروح بولنق ​

ديمة : نروح بدون لا نقولهم .. شوف نقولهم رايحين ماك الا يم الفندق و بعدين نروح بولنق سهالات السالفة ​

ريم : افكاارج جهنمية ناار و شراار ​

احمد : ديووم طلعتي مو هينة شوفوا اقوول حق عزوز و ارد لكم خبر ​

ديمة بحزن : لا لا تقولة اكييد لمن تقولة ما راح يرضى انت ما تعرف اخوق معقد حدة ​

ريم : على قولتج يبط الجبد​

.................................................. .................................................. .................................................. .................................................. .................................................. .........................​

عند فاطمة بالمستشفى ​

فاطمة : انا بطلع من المستشفى خلاص مليت ​

جاسم : ولا يهمج الحين اكلم الدكتور والحمد الله انتي بعد شادة حييلج وصايرة تاكليين اكييد صرتي احسن ​

فاطمة تبتسم : جسووم انا آسفة لان تعبتك معاي الفترة الي طافت​

جاسم : تعبج راحة و يالله قومي بالسلامة ترى ما احب اشوفج جذي صفرة ​

فاطمة : الحين انت كلم الدكتور وانا احس اني وايد زينة مالاداعي نطول بالكويت واايد تأخرنا على شغلنا ​

جاسم : و من قالج لمن نرد لندن راح اداومين لا يبة راح ناخذ فترة نقاهة و نطق طرييج لي باريس و نسكن بفندق جدان برج اييفل ​

فاطمة متحمسة : صج ! ​

جاسم : انا لمن اقوول شي اسوييه افا علييج بس قومي بلا دلع !! ​

فاطمة : قتلك انا بطلع بس كلم الدكتور ​

عقب ما وقع جاسم على اوراق الخروج على طول حجز حق لندن و قعدوا بالفندق لان فاطمة كانت رافضة فكرة انها تنام ابيت امها ولا تبي ادشة مرة ثانية لانها كل ما ادشة تتذكر كل شي صاار ​

.................................................. .................................................. .................................................. .................................................. .................................................. .........................​

خالد يكلم ريم بالمسن ​

خالد : اهي شلونها ! ​

ريم : زينة الحمد الله بس والله انك ما تطيح من لسانها خالد وخالد .. قبل شوي كنا نسولف عنك ​

خالد : شنو تقولون ؟!​

ريم : شوف ديوم ما قالتلك عن الدفتر الي عنك ​

خالد يتذكر ​

ديمة : هااك شووف هذا ​

خالد : شنو هذا ؟!​

ديمة : هذا خالد الثاني ​

خالد : هههه شلون يعني خالد الثاني ​

ديمة : يعني هذا في كل شي عنك .. كل شي عني وعنك شووف اول صفحة فيها صفاتك و عمرك وتاريخ ميلادك وكل شي كل شي ​

خالد : خلاص انا بسوي ديوم بعد ​

ديمة : نو نو ديمة هني داخل الدفتر .. داخل قلب خالد ​

خالد : ههههه جان اروح ملح ​

ريم : الووو ​

خالد : اي اي اتذكر الدفتر شفييه الدفتر ​

ريم : اليوم كتبت عنك شعر ​

خالد : صج

​

ريم : اي والله صج عاد الشعر حدة حلو ​

خالد : ريوم والله اني مشتاق لها حدي والله اني كنت حاط منبه عشان ايي المطار بس راحت علي نومة لاني طول الوقت كنت مواصل يا ريت انها تفهم ​

ريم : مالك شغل يبة ديووم تموت علييك بس تتغلى ​

خالد استانس حييييل : شالفايدة بس ديمة لو شنو ماراح تصير حقي ​

ريم : الللله كريم .. انزين خلود الحين انا لازم افصل تامر على شي ​

خالد : سلامتج .. ديري بالج على ديمة ​

.................................................. .................................................. .................................................. .................................................. .................................................. .........................​

بالمطعم وصلت نوف مع امها و مشعل و نواف ​

نوف كان شكلها حدة ناعم و حلو ​

قعدت على الطاولة و بعد ربع ساعة دش حمد مع شيماء .. حمد ما لاحظ نوف ونوف بعد ما لاحظت حمد لان الطاولات كانوا بعاد عن بعض ​

حمد : يالله شنو تبين تاكلين ​

شيماء : اليوم انا راح آكل على ذووقك ​

حمد : خلاص اطلبلج الباستا الي انا احبها مع عصير ليمون بالنعناع و يمي يمي ​

شيماء : ههههه بالعافية مقدما ​

بالطاولة الثانية ​

نوف : والله يا مشعل ( طبعا نوف ما كانت تقول حق مشعل عمي ولا يبة تنادييه بأسمة واهو كان راضي ) الدراسة كل مالا و تصير اصعب هذا لو داشة طب ولا هندسة جان شصار فيني ​

نواف : انا شكلي راح اوقف قيدي ​

ام نواف : الله ياخذ هالسيرة .. لا تقول جذي وليشش انشاء الله ​

نوف : يمة نواف وين والجامعة وين هذا معهد و يخب علييه ​

نواف : هههه بالضبط يمة صعب كل شي بالانقليزي انا يعرفني بالله اصلا لو مو خويلد معاي بكل الكلاسات جان انا ضايع من زمان ​

مشعل : هههه انا كنت جذي اخلي صاحبي يحل كل شي عني حتى الامتحان ​

نوف : صج انت شنو تخصصك ؟! ​

مشعل : إدارة أعمال ​

نوف : كنت بدش بس ما صار ​

.................................................. .................................................. .................................................. .................................................. .................................................. .........................​

حمد منفعل بالسوالف الا يطق قلاص العصير بالغلط و كل العصير طاح على دشداشة حمد ​

شيماء : ويييي عين ما صلت ع النبي ​

حمد متنرفز : استغفر الله .. دقايق اروح الحمام انزين حياتي ​

شيماء : اوكييه حبيبي ناطرتك ​

بالطرف الثاني ​

نوف : امبيييه بطني انتفخ شكثر بلعت .. يالله دقايق بس اروح الحمام ورادة​

.................................................. .................................................. .................................................. .................................................. .................................................. .........................​

نهاية البارت ​

واخيييراا افتكيتوا من الجااسيييكا

! ​

توقعاتكم يا الحلوين

..! ​

​

 

[shyy'Om]

** ​

حمد توة طالع من الحمام منزل راسة قاعد ينشف الدشداشة بالكلينكس و نوف تطلع كريم من جنطتها فجأة الا يدعمون ابعض​

نوف بدون لا ترفع راسي : سوري اخـوـ... ( رفعت راسها ) ​

حمد متنح و نوف مو مصدقة ان حمد قبالها ​

نوف : ح حمــ .... دد ​

حمد يطالع عيونها : اي حمد ​

نوف زاد تنفسها و حست انها ما قامت اطالع عدل راسها بدة يدور توها بطيح الا تحط ايدها على الطوفة ​

حمد طلعت منة لا أرادية : نوفتي شفيج ؟! يا عل فيني ولا فييج !! ​

نوف : شنو ؟! شنو قلت !! ​

الا يرن فون نوف ( مشيري الحب ) ​

دمعة نوف نزلت ما تدري شنو السبب و ليشش و شمعنى الحين لمن دق مشاري بعض الاحيان ​

نبجي وماندري شنو السبب و متى راح توقف دموعنا ​

نوف كالعادة عنييدة و تحب العناد ردت على مشاري و نست دموعها وقالت بصوت مبحور : هلا حياتي ​

شافت حمد بنظرة غرور وانكسار بنفس الوقت هدتة و مشت ​

حمد ضااع بعيون نوف .. اكثر شي حمد يحبة بنوف عيونها العسلية و الوسيعة رموشها الطوال شامتها الي تحت حواجبها .. مايدري شلون الكلام طلع ​

منة تم فترة واقف​

نواف قاعد بالفراش و يففكر شنو اهية الخطوة الأولى عشان يتغير عشان يبدي حياتة من يديد ​

نواف : منو تكلم يا نواف .. منو ؟! خويلد راح يطنز علي وانا ادري .. لا لا اكييد ماراح ترد .. انزين انا شنو خسران خن اجرب حظي ​

حور اول شخص طرا على بال نواف ​

***​

بطرف ثاني ​

حور : ماما عودة مابي مو غصب .. انا مرتاحة وانا جي​

اليدة : بس يا يمة اذا قعدتي ترفضين هذا وهذاك بدون سبب الناس راح تطلع عليج كلام ​

حور : يمة خل يقولون الي يقولونة ​

رن تلفون حور .. ارتسمت ابتساامة عرييضة حييل على ويها ​

اليدة : اللهم اجعلوا خيير ​

حور : يمة عن اذنج ​

حور صعدت فوق ​

نواف : لا يكون مشغولة ​

حور : وعليكم السلام ​

نواف : ههههه سوري و السلام عليكم ​

فترة سكوت ​

نواف منكسر : حور انا تعبان ​

حور : يا عل التعب فيني ولا فيييك .. شفيك يا بعد هالكون ​

حور استوعبت الكلام الا تستحي حييل ​

نواف : بعدج يا حور .. انا ما استاهل ليش تدعين على روحج عشاني .. ليش بعدج تحبيني .. ​

انتي جذي تخليني اتعذب .. ليش قوليلي ليش ؟!​

حور : انا نفسي ما ادري ليش ؟! نواف انا ما قدرت اكرهك ولا قدرت انسااك ولا قدرت اشيلك من بالي .. ​

احس انك معاي بكل لحظة بحياتي ​

نواف بحزن : حور سامحيني ​

حور : انا ما زعلت عليك عشان اسامحك .. نواف انا حييل فقدتك انت صرت شي اساسي بحياتي و فجاة اختفيييت ​

نواف : وعد اني ما اختفي ​

حور تبجي : ما اقدر نواف .. اخاف تروح و تخليني مثل اول .. ​

نواف : عطيني فرصة ثانية و صدقيني ما راح اخلييج ​

حور : اوعدني انك ما تروح .. اوعدني انك تحبني مثل اول واكثر .. اوعدني انك تحافظ علي .. ​

اوعدني انك ما تجرحني .. اوعدني انك ما تنزل دمعتي ​

نواف : وعد والله وعد .. حور ردي حياتي .. ابيج تنورينها ​

حور تقاطعة و بصرااخ : واهي .. وين راحت ؟! .. الحين ياي لمن هدتك وراحت ..​

ليش انا دايما خيارك الثاني ( بصرااااخ ) لييييييش ؟!​

نواف : قصت علي حور والله قصت علي و يمكن ساحرتني والله مادري شنو صار فيني حور سامحيني الله يخلييج والله اني راح احافظ علييج وراح​

نعيش مثل اول واحسن .. انا موافق على كل شروط امج وابوج ​

حور ساكتة .. بعد فترة ​

حور : مع السلامة ​

نواف : حور ردي علي شنو مع السلامة​

حور سدة التلفون وعلى طول دقت على نوف ​

حور : نووفوو ابي اشوفج ضروري ​

نوف : ليش شفيييج ! ؟​

حور تبجي : نوف لمن اشوفج اقولج ​

نوف : انزين وين ​

حور : حديقة رميثية قطعة 6 ​

نوف : ما لقيتي احسن من هالمكان .. انزين انزين دقايق و اكون عندج​

ديمة قاعدة بالرسبشن و قاعدة تكتب بالدفتر مال خالد .. اول ما شافت احمد مقرب صوبها الا تخش الدفتر .. ​

هالحركة واايد تكررت و احمد صار عندة فضوول ان يشوف شنو في هالدفتر الي ديمة ما ترضى ولا احد يقرب صوبة​

احمد : شقاعدة تسويين ؟!​

ديمة متوترة : ولا شي ناطرة ريوم تنزل نبي نروح السوق الي يم الفندق ​

احمد : عادي ايي وياكم ​

ديمة : لا مو عادي .. احمد ما يصير وين ما نروح معانة ترى انا ما احب جذي بعدين امل منك ​

احمد مستغرب من اسلوبها : اهم شي تملين .. خلاص لا تموتين عليينة روحوا بإلي ما يحفظكم ​

ديمة تجمعت الدمعة بعيونها : الللله يسمع منك .. انشاء الله اطلع من باب الفندق و تشيلني سيارة تموتني ... ​

عشان تعرف شلون تدعي علي مرة ثانية ​

ديمة هدت احمد و طلعت من الفندق ​

احمد لحقها يناديها ما ترد علييه .. مسك ايدها حييييل ​

احمد : ديووم وربي مو قصدي بس تنرفزت شوي بالايام الاخيرة انتي وايد بعيدة عني مادري شفيج .. لا تزعلين ​

ديمة : احمد خلني بروحي و رووح .. خلاص مصدقتك !! ​

**​

جاسم يحط أغراض فاطمة داخل الجنطة .. اليوم تطلع من المستشفى ​

فاطمة : و أخيييرا راح اطلع والله ان قعدة المستشفى تلوع الجبد ​

جاسم : وانا سويت مثل ما قلتي حجزت بفندق اليوم و باجر نرد لندن ​

فاطمة : بخاطري اسوي شي ​

جاسم : شنو ؟!​

فاطمة : ودي اروح الحدااق ​

جاسم : ههههه الي عمرة ما تبخر تبخر و احترق ​

فاطمة : خلاص خلاص ما ابي شي ​

جاسم : هههه خو اتغشمر .. ما عاش من يزعلج .. شوفي انا بروح بيتنا و آخذ الطرااد و نروح البحر ​

فاطمة فرحاانة : صج ​

جاسم : اي صج انا جم فطووم عندي ؟!​

فاطمة بدلع : وحدة !! ​

بحدييقة رميثية عند حور و نوف ​

نوف : لا ترديلة

حور : ليش ؟!​

نوف : حور انا اعرف اخووي اكثر من نفسة ادري ان راح يهدج مرة ثانية .. و بعدين انتي
​

شلون ترضين على نفسج ان تردين له مرة ثانية واهو هدج عشان وحدة ما تسوى و ياريت هادها و رادلج اهي الي هدتة و قطتة قطة الجلــب
​

حور : محتارة نوف .. عقلي يقولي لا و قلبي يقوول اي ​

نوف : شوفي انا قتلج رايي وانتي سوي الي تبينة ​

حور : بس انا احبة .. واهو ردلي بنفسة .. نوف انا اول مرة اسمع صوتة و اهو يبجي .. نواف كان يبجي ..

نوف تقاطعها : اخااف عشاانج يبجي .. يبجي لان هالسحييلة هدتة اخييه بس لو اعرف اسمها و شكلها .. اهو من كثر ما يخاف عليها حتى اسمها مو

قايلة لنا

حور : نوف خلاص انا قررت ..

تتوقعون حور راح ترد حق نواف ولا لأأ ؟​

؟!

**
بالسوق

ديمة وريم قاعدين بالكوفي

ريم : ديووم مو حلو علييج جذي رفعي شعرج احلى

ديمة متوترة : لا لا جذي انا عاجبني

ريم راحت من ورة ديمة الا تربط شعرها

ريم بعصبية : ديمة شنو هذا !!

ديمة ساكتة

ريم : ترى انتي وايد مصختيها .. قاعدة تلعبين على الحبلين .. شوفي ديمة اذا ما وخرتي عن احمد انا راح اقولة كل شي

ديمة : انتي شقاعدة تخربطين .. شلون تفضحيني جدامة

ريم : مالاداعي هالحركات ترى انا ملاحظة انكم كل يوم تطلعون من الشقة بنفس الوقت .. لا عبالج انا مدمقة و ما افتهم ..

انتي لازم توخرين عن احمد

ديمة : حراام عليييج !! انا صج احبة انتي ليش قاعدة تسوين جذي

ريم : حرام علي ولا علييج .. ترى حرام الي قاعدين تسوونة .. انتوا شنو ما تخافون الله اهم شي عندكم وناستكم

ديمة : وعد والله وعد .. ماراح نسوي شي انا عادي عندي بس اطالعة من بعيد بس لا تفضحيني .. الله يخليج لا تفضحيني

ريم قامت من الطاولة معصبة و راحت بعيد عن ديمة .. كل وحدة ردت الفندق بروحها

نوف ردت البيت معصبة

اول ما دشت الا نواف قاعد بالظلمة و يطالع فلم مندمج بطلت الليتات قربت من التلفزيون الا تسكرة

نوف : انت شقاعد تحاول تسوي .. تبي ترد لها عشان ترد تهدها و تجرحها حرام عليك

نواف : سكري الليت و بطلي التلفزيون

نوف : نواف رد علي لا تغير الموضوع .. حرام عليك البنت بدت تنسااك ليش ترد تذكرها فييك

نواف : انا ابيها

نوف : عشان شنو ؟! عشان تلقالك خدامة ثانية و تهدها و تروح .. تجرحها مرة ثانية و تنزل دمعتها بدال المرة ملييون

نواف : نوف انا كنت ابيج عون صرتيلي فرعون .. انا كنت ابيج تقنعينها مو توقفين بويهي

نوف : انا بهالسالفة عمري ما راح اوقف معاك لاني اموت لمن اشوف دمعة حور .. حور اختي الي ما يابتها امي ..

حرام تسوي فيها جذي

نواف : صدقيني هالمرة من صجي ما راح اجذب علييها .. الله يخليج نوفة ساعديني

نوف : انا مالي شغل بالموضوع عشان لي صار شي بينكم ضميري ما يأنبني

**​

عبدالله : دن دن ياللله قومي

دانة بتعب : عبود تعباانة خلني اناام

عبدالله : دندوون بودييج مكاان يالله قومي

دانة قامت : وين ؟!

عبدالله : انتي بدلي و لمن نوصل المكان تعرفين

دانة تحمست : خلاص دقايق و اكوون عندك

**​

باستراليا

ريم : ديووم انا بروح الحمام دقيقة ورادة

ديمة : امووت عليج وانتي تتهربين من الهزيمة

ريم : يمة بعد الحمام راح اكسر راااسج .. انتي وين والجنجفة وين ؟!


اول ما طلعت ريم الا يرن فون ديمة

ديمة : هلا بالحب

احمد : هلا بروحي .. هلا بقلبي .. هلا بالكل


ديمة : هههه حلوة هذي هلا بالكل

احمد : انتي وينج امس بليل نطتج تحت

ريم ما طولت بالحمام طلعت بسرعة سمعت صوت ديمة تتكلم .. وقفت ورة الباب و قعت تسمع

ديمة : امبييه حمود والله اشتقتلك موت بس شسوي راحت علي نومة

احمد : انزين اليوم راح تيين ولا لأ ؟!

ديمة : افاا علييك اكييد راح ايي بس اليوم وين راح نروح

احمد : مادري خن خشوف لنا بار او يمكن نروح البار مال الفندق

ديمة : خلاص شوف البار مال الفندق الساعة 4 ونص

ريم ردت الحمام و سكرت الباب حييل و ردت عند ديمة جنها ما سمعت شي

ريم : لا يكون طولت

ديمة : لا عادي متعودة علييج زهيوية

ريم : جب جب يالله وزعي

طبعا الكلام الي سمعتة ريم يدل على ان ديمة و احمد بعدهم على سوالفهم وطلعاتهم ... تتوقعون ريم بعدها عند كلامها وراح تفضح ديمة ولا راح

تسكت عن الموضوع ؟!

**

نهاية البارت

.. !
ملاحظة * ( بالبارتات الياية حمد و شيوم راح يغيبون شوي راح اركز على ابطال قصتنا الثانين
و هذا اخر بارت تطلع في فاطمة لان قصتها خلصت )​

 

[احب المدرسة]

البارتات عجيييبة

ومثل ماقلت لج اتوقع ان حمد راح يرد حق نوف واتوقع ان حور ترد حق نواف وريم راح تفضح ديمة وديمة ترجع حق خالد

وحياتي ولا عليج امر ياريت لو ماتكتبين باللون الاخضر عيوني راحت وانا اقرا ����

اب اب اب اب اب اب اب

 

[a8wa shy]

صدمتني ردة فعل حمد لما شاف نوف !!

معنآته ليمه آلحين يحبهآا :eh_s(11): > يآارب يردون حق بعض :eh_s(9):

بس بنفس آلوقت كآسره خاطري شيمآء

ثينكس على البآرت حبيبتي :eh_s(7):​

 

[فتاة الكئابه]

ThunxX 7bebtii 3ala al-part rw3aa
Na6reinch

 

[حبكـ ملكني]

البااارت روووعه ....
ما ادري عندي احسااس كبير ان حمد راااح يرد حق نووف
وحووور ان شاء الله ترد حق نواااف
نبي بااارت حبووبـه

 

[احب المدرسة]

اب اب اب اب اب وينج طولتي

 

[Zhm1996]

Waiting 

 

[om sa3ad]

ناطرينج

 

[ipod-apple]

امبييييييه مووقف حوور مووصج .!!!
حييييييل محييير ..!!! =\\


و ديمه واحمد .... اتوقع ريم راح تلحقهم وتكلمهم بنفس اللحظه عشان تكون جاكتهم بالجرم المشهووود


بس حيييل كااسرين خااطري بيت ام نوااف ... عقب ابوووهم ضاااعوواا


وناااطرييينج ... ^^

 

[احب المدرسة]

وينج حياتي طولتي ؟؟!!
خلاص مو مشكلة راضين بالالوان الفاتحة بس حطي لنا بارت ��������

 

[Zhm1996]

Waiting ya ;**

 

[بنت الجادي]

شيومه اسلوبج اينن او انتي تنفعين صج كاتبه او بين الروايات انا نقيت روايتج عشان اقراها لانه روايتج اسمها اتشجع الواحد يدش او لا تتأخرين حبي حبيي لا تطولين

 

[a8wa shy]

وينج ؟! :eh_s(11):​

 

[ღرحت فيهاღ]

بناااات يمكن البنية قاعدة تدرس حق الامتحانات شوي شوي عليها

 

[احب المدرسة]

اب
اب اب
اب اب اب
اب اب اب اب
اب اب اب اب اب
اب اب
ااب اب
اب اب
اب اب