روايتي الآولى : لآ تلعبين معاي تراج منتي قدي ( نوف * حمد ) / بقلمي

[ryoonah]

اب اب اب

 

[shyy'Om]

البارت الــ29


خالد ناطر عزوز بحديقة بيت يد عبدالعزيز

خالد يدخن و يغني :تعودت اني ما اتكلم اذا زاد الالم فيني .. ولاكني بديت اتعب من احساسي ولا تدرين ..
ديمة توها طالعة من البيت و قفت ورة الشير و قعدت تسمع خالد .. دموعها بدت تنزل بدون لا تحس .. فجأة الا تشهق حييل

خالد حس فيها قرب منها بس اهي كانت برة الحديقة واهو داخل
خالد :ديوم لا تبجين .. تكفى عشاني لا تبجيين .. حلاص ديمة انتي لازم تروحين .. الي احنا قاعدين نسوييه غلط .. عزوز ولد عمج و صاحبي .. عيب الي قاعدين نسوييه .. وانا صج اني ما اقدر اعيش بدونج بس راح ادوس على قلبي و راح اكمل حياتي .. يكفي انج عايشة و تتنفسين الهوا الي انا اتنفسى .. يكفي انج معاي على نفس الارض هذا يكفي .. لازم نهد بعض
ديمة بصوت مقطع : بسس ا ا انا ما اقدر بدونك .. انا احبك خالد احبك .. صدقني انا مو مخط ططــوبة .. امي تجذب .. خااالد الله يخلييك لا تروح

ريم توها طالعة من الباب و شافت ديمة بهالحالة
ريم معصبة : ديمة مو من صجج .. تعالي السيارة عزوز الحين راح يطلع مو زين يشوفج جذي
ديمة ركبت سيارتها بس ريم اهي الي كانت تسوق
خالد هد الحديقة و مشى .. عقب ما طلع عزوز
عزوز مستغرب : هذا وين راح صارلة ساعة شاقني بنقاات والحين مشى !!


.................................................. .................................................. .................................................. ..........................................



شيماء فزت من نومها حيييل
شيماء : هــــئ !! اعوذ بالله من الشيطان الرجيم
حمد : حياتي شيوم شفيييج !!
شيماء تبجي : كابوس حمد كابوس !!
حمد يلمها حيييل : خلاص حلاص تعوذي من ابلييس
شيماء : حمد انت لازم تتزوج .. انت لازم تشوف عيالك
حمد معصب : شيوم شفيج انا قتلج ما راح اتزوج انا مابي العيال اذا مو منج .. خلاص انا مابي عيال .. انا وين والعيال وين .. انا راضي انتي ليش تبيني اتزوج
شيماء : بس انا ما ارضى علييك اتم جذي بدون لا تشوف عيالك الي يشيلون اسمك .. تزوجها حمد انت لازم تتزوجها
حمد مستغرب : منو اهي الي لازم ازوجها ؟!
شيماء بتردد : نوف !
حمد معصب : انتي شقاعدة تقولين .. اصلا منو نوف .. احنا مو متفقين من زمان ان موضوع نوف تسكر و قلنا ان ما نبي نبطلة مرة ثانية .. شيوم انا ما ابي احد غيرج .. انتي ليشش مو راضية تفهميني
شيماء استانست حيييل كانت مفكرة ان اول ما تقول حق حمد روح حق نوف راح يروح لها على طوول .. من اول زواجهم و شيماء اكبر همها انا تنسي حمد نوف


.................................................. .................................................. .................................................. ..........................................




فاطمة و صلت الكويت .. وعلى طوول أجرت سيارة و راحت المستشفى حق امها سألت عنها الا امها بالعناية .. فاطمة كانت خايفة حييل انها تخسر امها مثل ما خسرت طلال .. نفس الاحداث تمر عليها طلال فجاة انتكست حالتة نقلووا العناية المركزة و بعد جم يوم مااات .. خايفة حييل راحت صوب الغرفة الا تلقى صقر نايم على الكرسي
فاطمة : عمي .. عمي صقر
صقر فز من نومة : هلا هلا بنتي الحمد الله على السلامة
فاطمة تبوس راسة : عمي شلونها امي الحين انشاء الله زينة
صقر : والله الدكاترة هني ما يعطوني ويه كل ما أسئلهم يقولون النتايج ما طلعوا و هذي حالتي كل يوم
فاطمة : انزين اهي متى طاحت و شلون !؟
صقر : والله مادري يا بنتي قعدت الصبح اقعدها عشان تروح الدوام اكلمها اكلمها ما ترد علي على طول دقيت على الاسعاف عشان ياخذونها المستشفى
فاطمة تبجي : انزين عمي الحين انت تعبان روح البيت ارتاح .. وبعدين رد هني وانا اروح الفندق
طبعا فاطمة ما كانت تحس ان صقر مثل ابوها .. بالنسبة حقها صقر ريال غريب لان ولا عمرة حسسها ان ابوها .. عشان جذي ما حبت انها تنام معاه بروحها بالبيت راحت حجزت بفندق
صقر مستغرب : افا يا بنتي تنامين بالفندق و بيتي موجود .. لا يا بنتي العين لج اوسع من البيت
فاطمة مبطلة عيونها و مو مصدقة الي قاعد تسمعة معقولة صقر يعاملني جذي .. اهو اول مستانس حييل لاني عايشة برة الديرة .. والحين ما يبيني اروح الفندق
فاطمة : بس ..
يقاطعها صقر : لا بس ولا شي .. واذا انتي مستحية مني انا لمن انام انتي تكونين بالمستشفى ولمن انتي تنامين انا اكون بالمستشفى
فاطمة بترد : خلاص عمي على امرك


.................................................. .................................................. .................................................. ..........................................



عبدالله قاعد مع يوسف
عبدالله : اصلا انا مو مصدقها ..
يوسف : شلون ما تصدقها و انت تقول بنفسك انها ولا مرة راحت مع غيرك .. عبود تزوجها و فكنة .. انت مو تبي تبين حق نوف انك شلتها من بالك و تغيرت
عبدالله : طبعا .. بس الياهل الي ابطنها ولد حرررام
يوسف : اسمع يا الاثول .. اول شي ازوجها و بما ان امك بأمريكا خل عمتك تخطبلك و بجذي نوف راح تنقهر .. و بعد جم شهر من زواجك قولهم ان مرتك حامل هني نوف راح تنفجر .. خلها بعدها عانس .. اما انت تزوجت و راح تييب عيال
عبدالله : ما ابي العيال اهي لازم اطيح الياهل انا ما راح اربي ولد حرام
يوسف مستغرب : انت تقول هالكلام !!
عبدالله : شوف يوييسف صج انا مالي بالديانة بس آخر الايام قمت اروح المسيد واسمع كلام الشيوخ .. انا رحت ولا رديت راح اتم مسلم و اسمي عبدالله .. يعني لو ابوي مسميني اسم اجنبي جان قلنا تترقع بس اسمي عبدالله .. ما اقدر ارضى بالياهل
يوسف : انزين اسمع انت تزوجها مو انت تحبها و على قولتك اهي الوحيدة الا نستك نوف .. تزوجها و لمن تولد الياهل اخذ الياهل و قطة عن باب اي مسيد .. ولا من شاف ولا من درة
عبدالله : هههههه ترى انت وايد متأثر بمسلسل اللقيطة
يوسف : تدري الشرهة مو عليك الشرهة علي انا الي قاعد افكرلك .. انت تبيها و تبي تزوجها بس ما تبي الياهل .. خلاص قط الياهل .. و بعدين خلها تحمل مرة ثانية و رب ولد حلال
عبدالله : مادري مادري يوسف مخي قفل سولي راس شيشة خن اعدل مزاجي

ننوقعون عبدالله راح يسوي الكلام الي يوسف قالة ولا لأ ؟! معقولة يهون علييه يقط ولدة بالشارع .. فكرة وايد متناقضة ان اهو راضي يربي ياهل بس مو هالياهل ولد الحرام .. بس اهو كان السبب بأن ولدة او ولد دانة يكون ولد حرام


.................................................. .................................................. .................................................. ..........................................




من عقب سالفة البحر خالد و نواف كلش ما تكلموا مع بعض .. نواف قرر ان يدق على خالد عشان يتأسف منة
نواف : خويلد خلاص عاد .. والله اني طلعت من طوري و صار الي صار
خالد : نواااف انت تدري شنو سويت فضيحة جدام الله و خلقة
نواف : يا حبيبي !! قلنا آسفين .. والله ما كان قصدي بس صج الي انتوا قاعدين تسوونة غلط
خالد بحزن : ادري انا فكرت بالموضوع .. اصلا انت ماتدري شنو صار امي دقت على امها عشان تخطبها .. الا امها تقول انها مخطوبة حق ولد عمها .. واهي لا مخطوبة ولا شي .. امها واقفة بطريجنا غصب تبي تزوج ديوم حق أحمد و ديمة ما تبي احمد .. السالفة وايد صارت كبيرة و معقدة
نواف : انا اول مرة اشوف اهل جذي يقطعون نصيب عيالهم .. الحمد اللله والشكر يعني يا احمد يا ماكو زواج
خالد : اصلا امها الحين حابستها بالبيت ما ترضالها تطلع و تروح و تيي مثل اول .. يعني خلاص انا ما راح اقدر اشوفها و ما بقا شي على سفرتهم .. يا خوفي ان ديمة صج تنساني و تروح حق احمد .. ما اتخيل روحي معزوم على عرس احمد و زوجتة حبيبتي
نواف : والله انت الي سويت بروحك جذي المفروض من اول ما دريت انها تصير حق صاحبك ادني عنها .. و مثل ما قتلك و مليون مرة قتلك الشي الي تأسس على غلط ما راح يكمل
خالد : ضاقت فيني الوسيعة يا نواف .. مو قادر احس مخنوق .. يعني ما بقا الا شوية و كل شي نبييه يصير فجأة امها تخرب كل شي و توقف بويهنا ليشش ؟!
نواف : قدر الله و ماشاء فعل .. هذا الي الله كاتبة و محد يقدر يعترض على قسمة الله و الزواج يا خالد قسمة و نصيب


.................................................. .................................................. .................................................. ..........................................




نوف قعدت على صوت مشاري
مشاري : صباح الخير يا ويه الخير
نوف : صباح النور يا منبع النور هههه
مشاري : هذي يديدة اول مرة اسمعها
نوف : لعيونك افاا عليك كل شي يديد !
مشاري : نوف بقولج شي
نوف متحمسة : قوول
مشاري : نوف انا وايد مرتاحلج .. مادري شلون و متى دشيتي قلبج .. من اول ما شفتج وانا حابج مادري ليش ؟! .. ترى ما اعرف اعبر
نوف ساكتة
مشاري : نوووفة وين رحتي !
نوف مترددة : الصراحة وانا بعد .. مشاري انت حييل طيب و حبوب .. وقلبك ابيض صج اني ما اعرفك من زمان بس انت بسرعة دشيت قلبي ! والصراحة الحين انا ..
مشاري : قولي انتي شنو ؟!
نوف : انا والله مادري شقول مستحية !!
مشاري : قولي عادي لا تستحين مني
نوف تضحك : انا يوعاانة حدي شرايك نروح مالك البحر
مشاري عبالة انها بتقولة انا احبك : ( بدون نفس ) : خلاص الساعة 9 ونص انتي هناك اوكييه مو تتاخرين ترى يشيلون الفطور الساعة 11




.................................................. .................................................. .................................................. ..........................................


ريم تكلم ديمة
ريم : اممبييه حدي متحمسة ما بقا شي على السفرة
ديمة بحزن : عيل انا ما ابي اهد الكويت
ريم : ترى احنا ما عرفنالج مرة تموتين على احمدوو و مرة بتموتين عشان خالد
ديمة : انا نفسي مو عارفة انا شنو ابي ! بس انا احب خالد و بنفس الوقت احب احمد يعني شلون احب اثنين شلون !!
ريم : انزين امج لي الحين ما ترضالج تطلعين الا بيت يدي
ديمة : اصلا انا بايقة فوني اهي حتى فوني خذتة ومفتاح السيارة عندها بس وقت بيت يدي تعطيني المفتاح
ريم : انتي ليشش قلتيلها انج تعرفين خالد
ديمة : شسوي ريوم من الحرة الي فيني .. احتريت من اسلوبها بطت جبدي ( تبجي ) غصب تبيني اتزوج احمد انا مابي اتزوجة اصلا تدرين ؟!
ريم : شنو ؟!
ديمة :ما احس اني احب احمد اخوووج حييل اصلا احسة يقص علي يعني شنو يبي فيني وانا ياهل بالنسبة حقة اهو اكبر مني بــ4 سنين
ريم ما عجبها الكلام : وليش ما تقولين ان خالد الي يقص عليج اهو بعد اكبر منج بــ4 سنين
ديمة : خالد لو يقص علي جان ما خلة امة ادق على امي
ام ديمة دشت الغرفة فجأة الا ديمة على طول تسكر التلفون حركة غبية !!



.................................................. .................................................. .................................................. ..........................................



ام ديمة : منو كنتي تكلمين
ديمة : ريوم بنت العم
ام ديمة راحت عند ديمة و مسكت شعرها حييل : انتي اجذبين علي يا حمارة عطيني التلفون
ديمة تبجي : ماما والله من صج ما اجذب هذي ريم والله انها ريم
ديمة حذفت التلفون حييل على الارض
ام ديمة : قومي عطيني التلفون
ديمة : مو انتي تبينة روحي اخذييه
ام ديمة تاخذ الفون : انا اعلمج يالجلبة هذي نهاية الدلع و الدلال
ديمة حطت راسها على مخدتها وقعدت تبجي
فجأة كل شي انقلب ضدها .. كل شي تغير كانت مدلعة بدرجة مو طبيعية والحين معاملتها ومعاملة الجلب وحدة .. مو متأكدة من مشاعرها اتجاه أحمد .. بس الي تعرفة انها تموت على خالد


.................................................. .................................................. .................................................. ..........................................


نواف يكلم جاسيكا
نواف : ها حبيبتي .. سوري امس ما نمت عندج بس كنت مشغول شوي
جاسيكا : لا انا جعلاان
نواف : اففا والله كنت مشغول .. دقايق واكون عندج
جاسيكا : امس انا يسوي عشاا انطر انطر انت ماكو يجي
نواف : حبيبي .. انا آسف والله ما اعييدها
جاسيكا : خلاص انا راضي بس الحين انا ينطر انت انزين
نواف :اوكيييه شوي و اكوون عندج حوبي


.................................................. .................................................. .................................................. ..........................................

عند حمد وشيماء
حمد : ترى كلمت صاحبي عن الشالييه و هالويكند راح نروح زهبي روحج يا حلوة
شيماء : واااي حمود متحمسة حدي احب الخييران
حمد : مو كثري عاد من زمان مشتهي اروح حدااق بس امي ما ترضى شكلي بقط الخيط بالخيران و اروووووووح
شيماء : هههه اخاف راح تصيد شي .. كل السمج راح ينهاشون منك
حمد : ليشش تحبطيني يعني ؟!
شيماء : ماعاش من يحبطك

.................................................. .................................................. .................................................. ..........................................



نوف بدلت وخلصت انزلت تحت
قاعدة تلبس الكعب تكرمون و فجأة !!


.................................................. .................................................. .................................................. ..........................................


نهاية البارت
توقعاتكم يا حلوين

!

:69:
​

 

[um-al.sa3af]

تسلمين على البارت ... اتوقع انه نوف قبل لا تطلع بتشوف امها ومشعل وهم نواف بعد قبل لا يروح حق جاسيكا

 

[om sa3ad]

بتشوف امها مع هالمشعل الله يأخد جاسيكا قطيعة وناطرينج

 

[ღرحت فيهاღ]

يمكن نوف اتشوف امها مع ريلها المجرم وتنصدم ومشكوووووورة على البارت ويتنق يو حوبي :eh_s(9):

 

[ЯỆẾм]

ثانكيوو حبيبتي على البارت & واتوقع بتشوف امها ومشعل وجاسيكا باطه جبدي ودي اذبحها وناطرينج .......$

 

[a8wa shy]

آناا توني آليوم قريت روايتج وآلصراحه آبدااع :eh_s(22):
آتمنى كل يوم تحطين بارتين لأنه ودي آخلصهاا قبل الآمتحانات..
وبآلتوفيق حبيبتي :eh_s(17):,,
ملآحظة:ع فكره آنا شدني بآسم الروايه وآللي خلاني آدش آنه بطلة آلروايه سميتي لوول < آبي سميتي ترد حق حمد شلون :eh_s(4):​

 

[Zhm1996]

رووووووعه
و هالجلكسي الله ياخذها انشالله تدعمها سياره و نفتك منها هالشيفه أهي و شيماءوو قطيعه

 

[ipod-apple]

لااااا بعررف ششااافت ..!!!!

ماكو غير مشييعل ...

وعبدالله احسسه عايش بعالم ثااني ... عالم محد يدري عنه ولا يحط له اي اهتماام .!

ومشكووورة =))

 

[Zhm1996]

بنات ظيفوني كصديقه عندكم لأني شابكه من جهازي ماعرف اسوي طلبات صداقه و شكرًا

 

[احب المدرسة]

اتوقع نوف تشوف امها مع ريلها وحتى نواف هم جذي

 

[حبكـ ملكني]

تسلمين على البارت ...
اتوقع نوف قبل لا تطلع بتشوف امها وزوجهاا مشعل
ونوااف بعد يشوفهم قبل لا يطلع

 

[shyy'Om]

البارت الــ31​

نوف بدلت وخلصت انزلت تحت ​

قاعدة تلبس الكعب تكرمون و فجأة !! ​

وفجأة تبطل باب البيت رفعت راسها لا تشوف منظر يضيق الخلق حيييل .. كان ودها انها ما تشوف امها مع واحد ثاني غيير ابوها ​

نوف وقفت : شنو هذا ؟!​

مشعل مستغرب ماكان يدري ان عيال سارة كبار جذي ​

ام نواف : صباح الخير ​

نواف توة نازل من الدري ​

نواف يصرخ : اي صباح اي بطييخ .. يعني سويتيها يمة و طقيتينة كلنا بالطوفة عشان هذا الوصخ ( يأشر على مشعل ) ​

مشعل : اذا ما حشمت زوج امك على الاقل احشم امك ​

نوف : ه ه ه .. تعرف تسولف بعد .. تدرين انا ماراح اعور راسي راح اهد البيت و اخلييه حقج و حق زوجج ​

ام نواف : شوفوا انا ما جبرتكم انكم اتهدون بيتكم و تطلعون .. انتوا الي ما تبون تقعدون معانة .. انتوا حتى ما عطيتوني فرصة عشان ابرر ... ​

نواف يقاطعها : تبررين شنو ؟! ولا شنو !! .. انج صارلج يومين برة البيت ماتدرين عن عيالج عايشين مو عايشين .. ولا انج ما نطرتي على ابوي سنة على طول تزوجتي .. ولا انج يايبة ريال غريب البيت بدون لا تاخذين راينة بالموضوع ​

مشعل يدافع عن ام نواف : ترى هذي امكم والمفروض تحترمونها شوي .. وعيب تكلمونها جذي ​

نوف تصرخ : انت خلك برة الموضوع و لو ترد بيتك يكون وايد احسن ​

ام نواف : انتوا كلش ما قمتوا تحشمون لا صغير ولا كبير .. كل واحد لسانة اطول من الثاني .. كلش ما قمتوا تحترموني .. انا امكم !​

نوف : انا طالعة و مخلية البيت لكم ​

نواف : وانا بعد !!
​

​

•••​

​

عقب ما طلعوا ​

نوف ما استحملت قعدت تبجي حيييل ​

نواف : نوف خلاص الي صار صار لا تسوين بروحج جذي ​

نوف : ابووي ابي ابووي .. انا ما ابي هذا الهيلقي الي يايبتة حقنا ابي ابوي ​

نواف : سمعي احنا لازم ما انام بالبيت انا بروح بيت خويلد وانتي روحي حق حور .. عشان تعرف ان احنا مو راضين و لو شنو ما راح نرضى ​

نوف : ماكو فايدة نواف خلاص اهي تزوجتة اهي تخلت عنة بس عشانة .. مادري شلون قلبها طاوعها تسوي جذي .. اهي شلون نست ابوي بهالسهولة ​

نواف : انا ما قاهرني الا هذا الي مرتز يمها لا و يدافع عنها بعد .. حدي منقهر .. ودي احطة وادوس ابطنة .. المشكلة اناهي امنا .. انتي وين بتروحين الحين ​

نوف : بمر ماك باخذلي ريوق و بعدين بروح الجامعة بسألهم عن شغلة .. وانت ! ​

نواف : بروح حق خويييلد نبي نتريق بــ360 والله مادري شلون راح آكل عقب الا شفتة اليوم .. بكل ثقة داشين البيت جنة مو صاير شي ​

نوف : اهم شي انك اليوم ما ترد البيت و انا بشوف حور ​

نواف : خلاص هالبيت ماراحاطبة الا لمن يطلع هالحقيير ​

نوف ركبت سيارتها وكالعادة لمن تتضايق تشغل على دنيا الوله ​

​

​

•••​

​

عبدالله يككلم دانة ​

دانة : يالله عبودي متى راح تيون تخطبوني ​

عبدالله من غير نفس : ترى انتي وايد تحنين قلنالج يصير خيير خلاص غلطة وراح نصلحها​

دانة : فدييييتك اخييه بس .. عبود وربي اني احبك وسالفة الحمل يت بالغلط والله ماكان قصدي ​

عبدالله : شنسوي صار الي صاار ولو انا مو خوش واحد جان ما تزوجتجوانا بعدي مو متاكد ان الياهل ولدي ولا لأ واصلا مادري انا شنو قاعد اسوي !!​

دانة : لا اكييد انك قاعد تسوي الشي الصح .. خلاص عاد اضحك ​

عبدالله : شوفي دانة هذي اول مرة اصارحج .. انا وايد أرتاح معاج وتقرييبا طبعي مثل طبعج .. بسرعة حبيتج .. بأمريكا كان في وايد بنات بس انتي الي شديتي انتباهي .. يمكن لان حالتج نفس حالتي ​

دانة : قصدك ان امي امريكية .. ترى امي كويتية مو امريكية بس يدتي امريكية .. يدي كان يدرس بأمريكا و تزوج يدتي .. و بعدين امي طلعت أشباها اشباه يدتي و من يومها وانا اقص ع الاوادم ان امي امريكية ​

عبدالله : هههه والله انج مو صاحية .. اصلا انا الحين اتمنى مليون مرة ان امي كويتية ربتني تربية صح مو تربية امي .. امي كانت تشوفني اسوي الغلط وعادي لان اصلا الي اسوييه بالنسبة لها مو غلط .. عيشتي صعبة بالكويت شخصية و بأمريكا شخصية ثانية .. انتي الوحيدة الي فهمتيني .. اتمنى انج مو قاعدة اجذبين علي والولد يطلع مو مني ! ​

دانة : عبدالله انا مو قاعدة اجذب عليك .. الولد هذا صج ولدك .. شوف انا ابيك تتزوجني عشان ما انفضح جدام اهلي اني حامل بدون زواج .. خلاص تزوجني و بعد جم شهر طلقني وانا مستعدة اربي ولدي بروحي بدونك .. صدقني انا مو قاعدة اجذب ​

​

•••​

​

فاطمة تكلم الدكتور ​

فاطمة : انزين اهي زينة الحين ؟!​

الدكتور : الحمدالله الحين اهي احسن من اول .. وانشاء الله بعد جم يوم راح تصير احسن واحسن ​

فاطمة : الله يبشرك بالخير ​

فاطمة دشت عن امها .. باست راسها ​

فاطمة : الحمدالله على سلامتج يمة ​

ام فاطمة : الله يسلمج ​

فاطمة : جذي تخوفينة علييج .. انا عندي خبر راح يفرحج ​

ام فاطمة : شنو يا بنتي من زمان ما سمعنا اخبار حلوة ​

فاطمة : يمة انا حامل ​

ام فاطمة فرحت حييييل : مبرووووك .. الله يتمم عليييييج انشاء الله .. عاد ولد ولا بنت ​

فاطمة : ههههه تو الناس توني بالشهر الثاني .. ادعيلي يمة انا ابي توآم ​

ام فاطمة : توأم مرة وحدة هههه الله يرزقج ​

فاطمة : انزين لا تقولين حق عمي صقر انا ابي اقولة​

​

•••​

​

نوف وصلت ماك البحر قعدت ادور مشاري ​

مشاري من وراها : بووو ​

نوف فزت : بسم الله ههههه خرعتني ( تشوف عيونة ) صاير حلو ​

مشاري : مو كثرج حلو هههه .. يالله شنو تاكلين و ناكل برة ولا داخل ​

نوف : صجان في شمس بس انا احب آكل برة ​

مشاري : خلاص عشانج كل شي يهون .. شنو تاكلين ​

نوف : لا لا انا عازمتك ​

مشاري : وانا حلفت علييج اني انا الي عازمج ​

نوف : هههههه خلاص بس المرة الياية انا عازمتك .. يالله انا قاعدة بالكراسي الي قبال البحر .. انا آكل هاش براون و عصير برتقال ​

نوف بس شافت مشاري نست الي صار بالبيت نست الزعل و الخلافات الي بينها وبين امها .. كانت وايد تستانس لمن تقعد معاه و تشوفة .. كان يفهمهاا حيييل يمكن يفهمها اكثر من نفسها ​

عقب ما خلص الطلب مشاري قعد يم نوف بالكرسي
​

​

•••​

​

مشاري : نوف انتي فيج شي ​

نوف استغرب شلون عرف : لا من قال ​

مشاري : انا اقوول .. عيونج فيها كلام .. صايرلج شي ترا انا خوش مستمع ​

نوف : انت شدراك ؟!​

مشاري : احساس .. يالله قولي شفيج ​

نوف : ابوي صارلة جم شهر ميت وامي صارلها يومين مو بالبيت اليوم ردت البيت معاها واحد ( نزلت دمعتها ) امي باعتنا كلنا بس عشان واحد ! ​

مشاري : لا لا لا تبجين .. اول شي اهي خذت رايكم بالموضوع ​

نوف : أي بس لا انا ولا نواف كنا موافقين ​

مشاري : واليوم لمن دريتوا شنو سويتوا ​

نوف : طبعا عصبنا وكلش ما كنا راضييييين !! ​

مشاري : شوفي انا ادري ان امج ما اهتمت حق رايكم و تزوجت بدون رضاكم .. بس بالمقابل اهي اكبر منكم ولا تنسين انها امكم .. المفروض تقعدون معاها تعرفون أسبابها .. اهي ليشش تزوجت ؟! .. و متى اصلا تزوجت .. مو على طول معارضين .. و في حل ثاني انكم تتعرفون على زوج امج يمكن يكون واحد زين ​

نوف : حتى لو زين ماراح ياخذ مكان ابوي ​

مشاري : طبعا ما ياخذ مكان ابوج .. بس على الاقل تعرفون امكم ليش تزوجت انتوا اكييد ما عطيتوها فرصة عشان تقول أسبابها ​

نوف فجأة اسكتت ​

نوف بقلبها ( يا لييتك يا حمد معطيني فرصة عشان اقول اسبابي ) ​

مشاري جنة سمع الكلام الي نوف قالتة : حطي نفسج مكانها .. انتي غلطتي بحقي و فجأة اهدج وما اكلمج .. بدون لا أسئلج ليشش سويتي هالغلط ​

نوف : امبيييه انت تخرع ! ​

مشاري : ههههه ليشش ؟!​

نوف : مادري بس انت حيييل تفهمني .. مادري شقوول بس طريقتك بحل المشاكل حلوة يعني حسيت اني غلطانة شوي ​

مشاري : شوي ​

نوف : ههههه .. انزين يالله دورك سولف عن نفسك مو بس انا اقعدة اقرق ​

مشاري : انا ما عندي الا اخو واحد اسمة حمد عمرة 30 و عندة بنوتة صغيرة اسمها غلا امي و ابوي أغلى شي عندي بهالدنيا .. وانا اصلا عايش عشانهم ​

نوف وايد اندمجت مع مشاري و بفترة قصيرة حيييل .. بس طبعا لي الحين لا مشاري قالها احبج ولا اهي قالتة احبك .. يعني جنهم الاصدقاء ​

تتوقعون هالصداقة تتحول حق حب ؟!
​

​

•••​

​

نواف وصل عند جاسيكا ​

نواف عقب ما باس جاسيكا على راسها : شلونج يا بعد جبدي ​

جاسيكا : جين يا بعت قلبي ​

نواف : اتتتتتتعب انااا ههههه ... جاسيكا خن نرووح السينما ​

جاسيكا : ساعة جم ؟!​

نواف : مادري انتي قولي متى زين ​

جاسيكا : اوقييه ساعة 6

​

نواف : اوكيييه صااار ​

•••​

​

فاطمة نايمة بغرفتها فجأة حست ان احد دخل عليها رفعت راسها الا صقر ​

فاطمة : عمي تامرني على شي ​

صقر كل مالة ويقرب اكثر من فاطمة ​

صقر : انتي ما تصدقين شكثر انا مستانس لان امج بالمستشفى ​

فاطمة خافت : نعم !! انتش قاعد تقول صج انك ناكر الجميل ​

صقر : يووبة انا ما ابي امج انا .. ​

فاطمة تقاطعة : اطلع برة ! مابي اشوف رقعة ويهك​

صقر قعد بالفراش صوب فاطمة .. فاطمة توهقة ماتدري شتسوي لانها كانت لابسة نفنوف قصير حييييل .. نزلت من الفراش و ركضت طلعت برة الغرفة لحقها صقر ​

صقر : انا من زمان احبج .. وكنت ناطر هالفرصة .. انا معاج بمكان بروحنا أحلى فرصة ​

فاطمة : صقر انا حامل الله يخليك لا تسوي شي بولدي .. الله يخليك وخر ​

صقر : ههههه لعبيها على غيري يا حلوة ​

فاطمة تبجي : والله اني ما اجذب .. وخر عني انا حامل .. حرام عليك الياهل ما ثبت ابطني والله اني حامل ​

صقر : بسج جذب .. لو انتي حامل جان قلتي اول ما رديتي الكويت مو الحين بعد يومين تقولين انا حامل ​

فاطمة توخر عنة بدون لا تشوف شنو وراها ​

فجأة وصلت عند حافة الدري .. الا تطيييح من الدري ​

​

•••​

​

عبدالله قاعد مع ابووه ​

عبدالله : خلاص انا بتزوج ​

بو عبدالله : ومنو سعيدة الحظ !! ​

عبدالله : تتذكر جيرانة بأمرييكا الكويتي بو جاسم ​

بوعبدالله : وانت شعرفك بالبنت ​

عبدالله : يبة انا احبها ​

بو عبدالله : ردينة على طير يلي !! انت كل ساع حاب وحدة ​

عبدالله : يبة هذي انا ابيها وابي ازوجها عاد لا تصير جذي ​

بو عبدالله : خلاص لا تموت يصير خيير .. خن اقول حق عمتك لان امك شكلها مطولة بأمريكا .. كل ساع ميت احد والله ابتلشناا ​

عبدالله : لا لا انا راح اقوول حق عمتي اليوم بروح هناك و بقولها .. وجدام الشييفة نوف والله مادري على شنو شايفة روحها ! ​

بو عبدالله : كل هذا عشان رفضتك يبة انت بالنسبة حقها اخو ​

عبدالله : خل تذلف احسن العانس الحين اهي طايحة بجبد نفسها ​

​

•••​

​

​

نهاية البارت

​

توقعاتكم يا جماعة الربع

! ​

 

[shyy'Om]

البارت الــ32​

​

​

​

•••​

​

عبدالله راح حق عمتة و طق الجرس اكثر من مرة طلعت له الخدامة ​

عبدالله : وين ماما ؟!​

الخدامة : ماما بابا فوق ​

عبدالله متنح : شنو ماما بابا فووق منو بابا انتي شنو حالمة صج سيلانية بابا مات و شبع موت ​

الخدامة : لا بابا جديد ​

عبدالله : انزين دني عن ويهي ونادي نواف ​

الخدامة : نواف سوي جنجار و روح برة ​

عبدالله : انزين روحي نادي ماما​

•••​

عبود نطر نطر الا تنزل ام نواف معاها مشعل ​

عبود يطنز : الا ما تعرفنا هههه ​

ام نواف : اعقل يا صبي .. هذا مشعل زوجي .. مشعل هذا عبيد ولد اخوي ​

عبود : nice 2 meet you​

مشعل : تسلم ​

عبود : الا وين نواف ونوف ​

ام نواف : طالعين ​

عبود : وراح يردون ولا لاااا ​

ام نواف عصبت : مالك شغل ..​

عبود : المهم عمتي ابيج بكلمة راس ​

طبعا مشعل ما كان له دور بهالبيت ما يتكلم مع ولا احد غير ام نواف ​

ام نواف : ما من غريب ​

عبود معصب : وهذا شنو !! انا ابيج بكلمة راس اذا تبيت تكلميني بروحج اقول ما تبين ارد بيتنة احسن ​

مشعل : عن اذنكم ​

عبود بصوت واطي : روحة بلا ردة ​

ام نواف تنرفزت : يعني ما تمسك لسانك انت ​

عبدالله : عمتي انتي متى تزوجتي و ليش ما خذيتي راي ابوي ولا حتى ابوي طقيتييه بالطووفة .. ترى ابوي اخوج الكبير و اكييد ما راح يرضى بألي انتي سوييتيه ​

ام نواف تصرخ : حلو حلو كل واحد طول الزبوط ياي يحاسبني انت من وصووب و عيالي من صووب .. ترى انا مو مسوية منكر انا مزوجة على سنة الله ورسولة ​

عبود حس ان عمتة عصبت قال يغير المود : المهم منج المال و منة العيال ... ​

ام نواف تقاطعة : انت صج جليل حية ​

عبود : عمتي والله بالغلط .. اقصد منة المال و منج العيال .. عاد نبي توأم ما اوصيييج ​

ام نواف : اللله يخسك .. انزين شنو كلمة الراس الي خابنة فيها ​

عبود : واللله يا عمتي انا قررت اتزوج ​

ام نواف : مو شي يديد انت من زمان تبي تتزوج .. بس منو سعيدة الحظ ​

عبود : وحدة اعرفها من امرييكا ​

ام نواف بقلبها : اي هذي الي تنفع لك مو بنتي نوف ​

ام نواف : او وين امك السنعة ​

عبود : امي بعدها بأمرييكا ما ردت الكويت .. بعدين امي شعرفها بهالسوالف خطبة ما خطبة .. خليها بعيد احسن ​

ام نواف : على قولتك .. خلاص عطني رقم ام البنت و ابشر بعزك ​

عبود : على راسي العمة والله انج تفجيير ​

•••​

خالد قاعد يطالع صور ديمة باللابتوب ​

خالد : هذول من وين طلعوا .. استغفر الله لازم امسحهم ​

عقب ما مسح الصور دق على عبدالعزيز ​

خالد : عزوز متملل شرايك نروح القهوة ​

عزوز : مو زينة لك الشيشة انت فييك ربو ​

خالد : محد ربو .. انا اليوم ابي راس شيشة يعدل مزاج مزاجي .. ​

عزوز : لمن اطييح بعدين قوول ابي راس شيشة ​

خالد : عزوز لا تصير امي .. تبي تيي ولا اروح بروحي ​

عزوز : لا لا راح اروح معاك ​

•••​

عند ديمة ​

ام ديمة : ابوج باجر راح يرد من السفر و اذا ما احترمتي نفسج راح اقولة كل شي اقولة انج تعرفين واحد و تروحين و تردين معااه .. وماتبين تتزوجين ولد عمج ​

ديمة : يمة ليش اسوين فيني جذي انتي قاعدة تبيعيني حق ولد عمي .. لا عمي ولا مرتة خطبوني منج وانتي غصب تبيني اتزوج احمد ليشش يعني لهالدرجة انا رخييصة عندج ​

ام ديمة : لا اطولينها .. محد قالج تخسرين ثقتي فييج .. انا و ابوج كنا نثق فييج ثقة عمية وانتي جذي تردين لنا الجميل ​

ديمة : والله الشيطان قص علي وعشان اصلح غلطتي الصبي يا عشان يخطبني شنو تبين اكثر من جذي ​

ام ديمة : ابيج تشيليينة من بالج والسفرة ما بقالها شي صيري خوش بنت جدام عمج و مرة ولا والله افر راج ابوج علييج عاد تعرفين ابووج اذا حمق ( عصب ) ​

ديمة : لا لا يمة راح اسوي اي شي تبينة بس لا تقولين حق ابوي انا ما ابي اطييح من عينة الله يخلييج ماما ​

ام ديمة بدون نفس : خلاص افكر ​

•••​

عند شيماء و حمد ​

شيماء : شرايك نسافر علاج !! ​

حمد : شيوم شرايج نتبنى ياهل منها انربييه و منها ناخذ اجر ​

شيماء : بس لو شنو ماراح يكون هذا ولدنا .. يعني هذا راح يتم ولد حرام من الشارع ​

حمد : لا تفكرين بالموضوع من هالناحية .. انتي خلينة نروح نشوف اليهال الي هناك وانا متأكد انج راح توافقين ​

شيماء : حمد انت مستانس معاي​

حمد : شيوم شفيييج اكثر من ما تتصورين اصلا انتي غيرتي حياتي وخليتيني ابلش من الصفر .. انا لمن طحت انتي خليتيني أرد اووقف .. شيوم انتي أحلى شي صار بحياتي .. وانا مستعد اكمل حياتي معاج لو شنو تصير لنا مشاكل .. انا ما ابي غيرج وانا متأكد ان انتي بعد ما تبين غيري ​

شيماء نزلت دمعتها : حمد يشهد الله علي انك أغلى من روحي علي ​

حمد : لا تنزل دمعتج ترى دمعتج غالية ​

•••​

فاطمة طاحت من الدري حييل على بطنها و صار فيها نزيف حااد .. صقر واقف بمكانة ما يدري شنو يسوي ​

فاطمة : آآآآآآآآآآآآآآآآآآآآآآآآآآآآه بطني مو قادرة اتحرك دق على الاسعااف احس اني بمووت آآآآآآآآه يمةةةة ( طاحت غشيانة ) ​

صقر دق على الاسعاف و خذوها المستشفى ​

الدكتور : انا أسف يا اخت فاطمة بس انتي خسرتي الجنين ​

فاطمة بدت تصرخ بشكل هستيري : الللللله ياخذ الي كان السبب الله ينتقم من كل ظاالم .. آآآآآه يا فرحة ما تمت الحين شقوول حق جااسم .. ولدي مااات ولدي ماات ​

قعدت تصرخ و تبجي حييل السستر عطتها ابرة منومة وناامت فاطمة ​

•••​

الدكتور كلم صقر ​

الدكتور : انت شنو تصير لها ؟!​

صقر بخووف : ريل امها ​

الدكتور : بما ان فاطمة ما تقدر تتكلم بهالحالة المحقق يبي يكلمك ​

صقر متوتر حييييل : اي عادي ماكو مشكلة ​

راح صقر عند المحقق ​

المحقق : شلون صار معاها الحادث الي خسرت الجنين الي ابطنها و كان في كدمات بأييدها و ويها ​

صقر : والله يا حظرت المحقق انا كنت بالغرفة نايم و امها هني بالمستشفى ما وعيت الا فاطمة تصرخ .. لمن نزلت الا اشوفها على الارض .. الظاهر انها تعرجبت على الدري وطاحت ​

المحقق : انا لله وانا اليه راجعون .. بس انا لازم اتكلم معاها لمن تصحى انا راح ارجع مرة ثانية ​

صقر حييل كان متوتر و متوهق بنفس الوقت خايف ان فاطمة اذا قامت تقول حق امها كل شي .. و بجذي راح يخسر كل شي راح يخسر حياتة الي متعود علييها .. وبنفس الوقت عذااب الضمير لاعب في لعب حتى نوم ماقام يقدر ينام ​

•••​

عند حور في بيت يدتها ​

نوف : والله مستحية منج حور مادري شلون بنام هني ​

حور : لا تقولين جذي .. اصلا ماما عودة حدها مستانسة علييج اذا طلعتي شوي سألت عنج يبا احنا الداشين وانتي الطالعة ​

نوف : فدييتج والله .. اما ماما عودة هذي اطيب انسانة شفتها بحياتي .. والله يدتج حدها عسل ​

حور : المهم خلينا من يدتي .. انتي شلونج مع ميشو الحب​

نوف مستحية : امبيييه حور اينن تعرفين شنو يعني اينن .. وااي شقوول شخلي اول شي شكلة انا اموت ع الشباب الي ستايلهم جي و بعدين تكانة وربي تكانة ما يعطي ويه حق البنات الي معانة بالكلاس .. واهم شي ان حييل يفهمني .. اهو يفهمني بدون لا أتكلم من عيوني .. انا صج احبة الا مو احبة امووت علييه ​

حور : يه يه و الله و قمنا نحب .. اصلا اهو مبين علييه ان خوش رياال رزة حدة .. انزين لي الحين ما قلتيلة احبك ​

نوف : يعني مو اشكرة جي احبك بس من تصرفاتي وكلامي ابين كل شي اصلا من نظراتي حقة كل شي واضح .. يمة قلبي لمن اشوفة ادخل جو !! ​

حور : حركاات وااي ما هقيتج رومنسية جي ​

•••​

بعد اسبووع

​

بالمطااار وقت طيارة ديمة وكانت عيونها على كل زاوية بالمطار .. آخر مرة كلمت خالد بالسر قالها ان راح ايي المطار بس ما شافتة ​

ديمة : خلاص اهو نساني .. كان حالف ان راح ايي و لا ية ولا شي ​

ريم : الغايب عذرة معااه انتي ماتدرين اهو شنو عذرة ​

ديمة : ما عندة عذر .. خلاص صج ما يستاهل كل الي سويتة عشانة مستخسر فيني نص ساعة ​

ريم : ان بعض الظن اثم ترة انتي قاعدة تظلمين الرياال ​

ديمة : او الي يسلمج سكتي بس .. حاطينج محامي قاعدة وادافعين ​

•••​

قطع كلامهم احمد ​

احمد : ابي اطلب اكل تبون شي ​

ديمة من غير نفس : سلامتك بالعافية ​

ريم : لا والله احمدوو توني ماكلة بيزا ​

احمد مستغرب من معاملة ديمة حقة بس بالفترة الاخيرة ديمة وايد قامت تصد عن احمد و ما تعطييه ويه .. ما يدري شنو السبب ؟!​

•••​

خالد فز من نومة ​

خالد بسرعة خذة التلفوون شاف الساعة الا متأخر على الموعد نص سااعة بسرعة بدل و ركب سيارة و شخط ع المطار .. يوم وصل المطار الا الطيارة طارت .. ضاق خلقة خييل امس كان مواصل ما قدر ينام لان ديمة تبي تسافر حط alarme بس ما قعد على صوتة .. ركب السياارة شغل على يا قلبي لا تحزن و كمل دربة ​

•••​

فاطمة بعدها بالمستشفى وكل مالا وحالتها تصير بالحضيض .. ما قالت حق ولا احد ان صقر اهو السبب وان كان يبي يعتدي عليها .. لان لو قالت حق امها راح تكون صدمة كبيرة عليها و بما انها مريضة بالقلب مو زين عليها الاخبار الموزينة .. و لو قالت حق جااسم يمكن جاسم يذبح صقر ​

جاسم : فطووم حبيبتي علشاني اخذي هاللقمة من ايدي انتي لازم تاكلين عشان تطلعين من هني .. و نرد لندن و نعيش حياتنة مثل اول واحسن ​

ام فاطمة : يمة لا تسوين بروحج جذي ترى انا ما فيني شدة اشوفج بهالحالة .. الله مثل ما عطاج هالجنين يعطيج غيرة .. اهم شي انج اشدين على روحج شوي و تطلعين من المستشفى ​

فاطمة : ليشش يصير فيني جذييه ؟! ليشش كل شي احبة يروح ؟! كل الي احبهم ماتوا !! ​

•••​

طبعا جاسم و ام فاطمة مو فاهمين ولا شي ​

جاسم : تعوذي من ابليس فطوم مثل ما قالت خالتي الله يرزقج مرة ثانية مثل ما رزقج المرة الأولى ​

فاطمة تبجي : بس هذا ولدي .. ولدي طااح ما تبوني ابجي علييه خلوني اطلع الي فيني حرام تقمتوني حرام عليييكم ​

•••​

عند نوف​

نوف علاقتها واايد تطورت مع مشاري .. قامت تحبة اكثر من نفسها .. بعض الاحيان تحس ان اهي و مشاري وااحد​

بالكلاس ​

نوف كانت مواصلة امس لي الصبح تكلم مشاري و اثنينهم قاعدين يطقون روس .. نوف خربتها ونامت بالكلاس .. مشاري حط الآيفون مالة عند راس نوف وقال حق صاحبة يدق علييه .. رنة مشاري كانت مزعجة ​

رن التلفون ​

نوف فزت بالكلاس : بسم الله الرحمن الرحييييم ​

المس معصبة : nouf we all have iphone 4g pleace put your iphone silent​

نوف انبطت جبدها : okii عبالها ان هذا أيفونها لمن شافتة الا ايفون مشاري ​

نوف بصوت واطي : انا اعلمك يالخايس شغلك مو الحين شغلك برة ​

مشاري : ترى مو بس انتي الي مواصلة .. ما يصير تنامين و انا قاعد ​

نوف معصبة : حراام علييك والله حدي دايخة دام هالخداية مو ملاحظة جان خليتني اكمل نومتي ​

مشاري : امووووت انا ع المعصبة .. حدج مزيونة وانتي معصبة .. عسل عسل ​

نوف : ههههه بس اسكت لا تفضحنا عيوز النار ​

المس : nouf mshaariii quiet ​

نهاية البارت

.. !​

توقعاتكم يا جماعة الربع

​

:73:

 

[ღرحت فيهاღ]

ثاانكس على البارت ويعل ماكو مشعل وام نواف وصقر توقعته تااب بسس صج لعييين ومشاري ونوف عصافير الحب خخخخ وويتنق يوو حوووبي

 

[Føzöø]

عجيييب البااارت

و ام نووف تقهر خرا فيها

و صقر عما بعينه الحيواان

و فطووم تكسر الخاطر 

و شيما ويع مليقه ما احبها احس انها مو لايقه حق حمد كلش حلاته حمد و نوف بس تكسر الخاطر :|

و مشااري حلاته والله يهبل مادري ليش حبيته لوول يت حلوه


وو بس نااطرينج حووبي *

 

[um-al.sa3af]

البارت عجييييب
توقعت انه صقر كاان بيسوي جذي بس استحين اقول شي يفشل ويسلمووو
امبيييييييه ابي اعرف شيصير

 

[احب المدرسة]

ام نواف ومشعل مااقول الا مالت علييكم
مشاري ونوف احسهم وايد لايقين على بعض
فاطمة حرااام كسرت خاطري &#55357;&#56852;
صقر مالت عليه صج جلب

 

[ام سلمي]

اول شي تسلم ادينج
ثاني شي مالت على مشعل وام نواف عيوز النار هاذي
وشيماء وحمد الله يعطيهم ولا شيماء كاسره خاطري
وفاطمه حسيبى الله عليه صقر يعله يمووت وتفتك منه وتبرد قلبها ان شا الله
ثالث شي الله يهديها نوف وما تظيع مشاري من ايدنها زي حمد وما تكذب عليه في شي
ولا تطولين يا عمري منتظرينج على نار
لووووووووووووووووووووول​

 

[ipod-apple]

ولااا وااحد فييهم متررقع من صوووب ..!!!!!!

كل وااحد معفووس ..!

بس نووف اشرقت الامل شوي بالرواااية غير الباجي ...

واحس نواااف حيااته كئييبه ماشلون يعييش استغفر الله ... =\\

وشكرااااا .. =)