روايتي الآولى : لآ تلعبين معاي تراج منتي قدي ( نوف * حمد ) / بقلمي

[احب المدرسة]

اب اب اب اب اب اب اب اب اب اب

 

[ღرحت فيهاღ]

شيووووووم لا يجوز هذا لقد شجعنااك كثيرا ولم تحطين لنا بارت <<< واايد متأثرة بحصة العربي خخخ وسوري اذا كان في بدلية

 

[um-al.sa3af]

شكرااا على البارتاات

بس طولتي متى تخلص الرواايه ؟؟

 

[вяσkεи]

حبي ويييين
حييييل طولتي


بليييييييز كملي

 

[غــلآهاا غير]

متآبعه بصمت

 

[ЯỆẾм]

شـــــــــــــيــــــــومــ

صاحـبـه الـقـلـم الـرائـع
والابــــداااع الـعــــذب

كـــــــــمــــــلــــــــي
حـــــــــــبــــــــــــي ...$

 

[shyy'Om]

سوري حبايبي ع التأخيييير

الحين انزل البارت

 

[shyy'Om]

البارت الــ25​

عند نوف ​

نوف : اوووووولا الساعة 4 ونص و انا بعدي نايمة يخرب بيتي تمبل ​

نزلت تحت بشورت فوق ركبتها بوايد و بلوزة حفر دلعتها وسيعة .. الا تلقى خالها و عبود بالصالة ​

عبدالله بقلبة ( يبوووي و يلوموني فيها ) ​

نوف متنحة : انتوا متى رديتوا ؟!​

بو عبدالله : الناس تقول الحمد الله على السلامة ​

نوف : آسفة خالي حقك علي .. الحمد الله على السلامة ​

عبدالله : الله يسلمج ​

بو عبدالله بصوت حاد : صج الكلام الي سمعناه يا نوف ​

نوف بنفسية : خن ابدل و انزل ( وييع وييع هذول شنو يبون مني يعني غصب ) ​

عقب ما بدلت نزلت ​

نوف : أي صج خالي انا احس ان عبود نفس اخوي ولا مرة فكرت فييه كزوج ​

بو عبدالله : ما علييه الحب ايي بعد الزواج عادي ​

نوف بنفسية : انا ما قلت ما احبة انا قلت ان اهو نفس اخوي ​

ام نواف : خلاص ياخوي ماكو شي بالغصب .. الزواج قسمة و نصيب ​

عبدالله بصراخ : بس انا ابيها ​

نوف : تبيك العافية .. قتلك انت نفس اخوي يعني غصب ​

عبدالله بعصبية : بس انا مابي العافية انا ابيج نوف حسي فيني ​

بو عبدالله + ام نواف جذي حالتهم !! ​

••​

ام نواف : تعال معاي يا خوي السرداب ابيك بكلمة راس ​

طبعا ام نواف ما تبي شي بس عشان ياخذون راحتهم بالسوالف .. عقب ما راحوا ​

نوف : انت ما تقولي شنو تبي فيني انا ما احبك اكرهك .. هالكلام ولا مليون مرة سامعة مني و ياي تخطبني بعد .. انت شنو ما تحس ​

عبدالله منكسر : نوف حاولي .. حبيني انا راح اتغير راح اخليج تحبيني .. صدقيني انا تغيرت واايد .. انا مو عبدالله الاولاني .. صرت احسن ​

نوف : عبدالله لا تسولف واايد .. زواج منك ماراح اتزوج .. انا كل ما اذكر شنو سويت بحمد .. اموت تعرف يعني شنو امووت .. الحين حمد تزوج و انا هني طايحة بجبد نفسي ​

عبدالله : لا مو طايحة بجبد نفسج .. انا احبج وابي اتزوجج ​

نوف بعصبية : ترى صكيت راسي بهالكلام .. خلاص يبا اطلع من حيااتي .. ما ابيك و ما احبك .. ولا راح اتزوجك .. شنو ماكو كرامة ​

عبدالله بصراخ : تكلمي بأسلوب احسن ​

نوف : ليشش شنو راح تسوي !! ​

عبدالله : انتي تعرفين شنو راح اسوي ​

نوف : عبدالله ترى والله اذا تزوجتني راح احول حياتك جحييم راح اخليك تكره حياتك .. تكره نفسك .. ترى انا نوف و ربي اسويييها ​

عبدالله بثقة : وفري على روحج حجية .. الي ما يبيني ما ابييه .. ترى انا وايد ذليت روحي عشانج .. وايد عطيتج اكبر من حجمج .. انتي هيييي لا تصدقين روحج ​

نوف عصبت حييل من كلام عبدالله : مالت عليك وعلى ويهك .. يالله اذلف ​

••​

التكملة تحت بجم رد

 

[shyy'Om]

عقب ما طلع بو عبدالله + عبدالله ​

​

نوف : شنو قالج خالي ​

​

ام نواف : ولا شي سوالف عادية ​

​

نوف معصبية : عيل ليشش خليتيني بروحي و رحتي هاا !!​

​

ام نواف : عشان تتفاهمون ​

​

نوف : يمة انا قتلج ما بينة تفاهم عبدالله ما ابييييه ​

​

ام نواف : خلاص لا تموتين عبدالله و راح ​

​

نوف : زين انا بروح اشتري عصير من الجمعية .. تبين شي ​

​

ام نواف : اخذيلي عصير فراولة و برتقال ​

​

نوف تضحك : يمة شفيج ترقعين بالعصير .. انا خبري فراولة و مانقاا .. مو فراولة و برتقاال ​

​

ام نوف : انا احب جذي .. ما تبين تشتريلي كيفج ​

​

نوف : خلاص كلش ولا زعلج دقايق والعصير يكون عندج ​

​

••

​

عند حمد + شيماء ​

​

شيماء : هالمرة احساسي بمحلة و قلت حق خالتي عن الي احسة و قالت انتي حامل ​

​

حمد فرحان : انشاء الله خير .. شرايج نروح نفحص ​

​

شيماء : خلاص ابدل و اييي ​

​

توها بتروح الا حمد يلمها من ورة لمهاا حيييل كان فرحان بشكل مو طبيعي .. يعني خلاص راح يصير بو طلال .. حمد قرب شفايفة من أذون شيماء ​

​

حمد : أحبج ​

​

شيماء تنحت ما صدقت اذونها .. حست ان الكلمة طالعة من قلبة ​

​

شيماء لفت ويها عليه .. كانت حيل قريبة من حمد تحس بأنفاسة ​

​

شيماء : وانا بعد ​

​

حمد بحزن : وانتي بعد شنو ؟!​

​

شيماء بخجل : وانا بعد أحبك .. يالله عاد لا نتأخر ​

​

حمد يقط روحة على الفراش : شيوم والله ان حياتي بدونج ما تسوى ​

​

​

••

​

بعد تحت

 

[shyy'Om]

عند ديمة ​

ديمة : انا اليوم ياية بيتكم .. راح تكون موجود ​

أحمد : لا والله مواعد صاحبي خويلد .. بنروح نتعشا برة ​

ديمة بدلع : خلاص عيل راح انام عندكم و رد مبجر زين ​

أحمد : من عيوني هذي قبل هاذي .. تعالي الحين قبل لا اطلع عشان اشوفج ​

ديمة : خلاص ربع ساعة وانا عندكم ​

​

••​

خالد وصل عند بيت أحمد نفس الوقت الي ديمة وصلت فيييه .. ديمة ما لاحظت سيارة خالد بس خالد لاحظها .. حركة طلعت منه لا آرادياا طق لها هرن ​

​

ديمة لفت ويها الا تشوف خالد .. وقفت جدام سيارة عند الجامة .. اهو ما بطل الجامة تموا فترة ساكتين و يطالعون بعض .. خالد بطل الجامة ​

​

خالد بحزن : ديمة ولهت عليج ​

​

ديمة ساكتة ولا كلمة ​

​

خالد يطالع عيونها : ديمة ما ولهتي علي .. شلون حياتج بدوني ​

​

ديمة بصوت واطي : ما ينفع .. خالد ما ينفع ( نزلت دمعتها ) ​

​

خالد : لا لا تبجين .. ولا اني اتقطع .. ديمة لا تبجين عشاني .. مابي اشوف دموعج ​

​

ديمة : انا لازم اروح اخاف احد يشوفنة ( لفت ويها تبي تمشي ) ​

​

خالد : ديوم ​

​

ديمة بقلها : ( اخيييييه علييك يا خالد اخييييه ) ما لفت ويها ​

​

خالد : ما اقدر اعيش بدونج تكفين فكري عدل تكفين​

​

ديمة : ما يصير .. ما يصير ​

​

خالد : ليشش ؟!​

​

ديمة : بعدين اقولك لازم اروح



​

••

ديمة هدت خالد بحسرتة .. توها بدش داخل البيت الا احمد بويها .. شاف الدمعة بعيونها ​

​

احمد : شفييج !!​

​

ديمة : ولا شي بس في رمشة بعيوني قاعدة تعورني حييل ​

​

أحمد : يالله يالحب ما تشوفين شر .. ديري بالج على روحج .. الحين انا ماشي زرعت خلود رفيجي .. يالله باي ​

​

ديمة : دير بالك على نفسك وقول حق صاحبك ( سكتت ) خالد لا يسوق سرعة ​

​

أحمد : ليشش تخافين علي ؟!​

​

ديمة بدون نفس : أحمد عفية مالي خلق !!​

​

أحمد ما اهتم ركب السيارة و مشوا



​

••

عند العصير ​

​

نوف : ابي واحد واو و واحد فراولة و برتقال ​

​

.... : حاضر ​

​

نوف : هاك هذا الاحساب والباجي حقك ​

​

مال العصير طول صفطت سيارة ورا نوف و طلبت عصير نزلت نوف تشوف ليشش تاخر العصير ​

​

نوف : ما صارت صارلي ساعة انطر عصيرين ​

​

... : آسفين ع التأخير تفضلي يا حلوة ​

​

نوف : مشكوور



​

••

ركبت السيارة و طقت هرن حق الشباب الي وراها .. بس محد معبرها مو راضين يدنون عن سيارتها .. قررت انها تنزل تشوف شسالفتهم .. الا بالصدفة طلع الي وراها مشاري ​

​

نوف معصبة : وليييه انتي هني بعد .. شنو انت تلحقني من مكان لي مكان ولا شالسالفة .. يالله وخر السيارة ​

​

مشاري : ماراح اوخرها شنو راح تسوين ؟!​

​

نوف : بابا مالي خلقك خلص امي وخر ​

​

مشاري يكلم صاحبة : امانة شنو الفرق بين اسلوبك و اسلوبها !!​

​

نوف عصبت حييل : شقصدك ؟! يالله يالله وخر مو فاضية حق سوالفك ​

​

مشاري : ما راح اوخر ( سكر الدريشة و علة ع الاغاني و قعد يرقص ) ​

​

نوف قاعدة تطق ع الجامة حيييل و مشاري مو معبرها ​

​

الا تركب سيارتها و قعدت ترجع على سيارة مشاري لين طق لها هرن ​

​

نوف : شووف اذا ما دنيت راح ادعمك ​

​

مشاري : دعميني عادي اصلا هذي مو سيارتي سيارة السايق ماكو مشكلة انتي الي سيارتج راح تخترب .. والله سيارتج شغل عدل مديل السنة بعد ​

​

نوف دشت مال العصير و شرت ماي يوم رجعت الا تلاقي مشاري قاعد مكانها بسيارتها .. ركبت يمة ​

​

نوف تصرخ من قمة راسها : امبييييه انت شنو مو صاحي .. اطلع اطلع قبل لا احد يشوفك .. شوف انا شارية هالماي عشان اسبحك فيه اطلع احسن ​

​

مشاري : اذا طلعت راح ادقين علي ؟!!​

​

نوف : لا طبعا ​

​

مشاري يرجع السيارة قري .. طبعا عقب ما صاحبة دنة سيارة السايق ​

​

نوف تصرخ : امبييه ليش قاعد تسوق سيارتي انزل انزل ​

​

مشاري : راح اودييج مشواار ..​

​

نوف : اذا ما وقفت السيارة و نزلت الحين راح اقط روحي وانت راح تبتلش ​

​

مشاري : راح ادقين ​

​

نوف : خلاص يبا راح ادق ​

​

مشاري : يالله الحين عطيني رنة​

​

نوف : وليييه يا صبر ايوب على بلواه ​

​

مشاري : يالله !!​

​

نوف : زين زين .. شنو مسجل روحك ذاك اليوم !!​

​

مشاري : مشيري الحب ​

​

نوف : وع مصدق روحك ​

​

عقب ما دقت علييه و تطمن قلبة هدها و مشا​

​

••

نهاية البارت

و ما اوصيييكم بالردوود لوول لوعت جبدكم ادري كل نهاية بارت نفس الكلام

:59:
​

 

[вяσkεи]

واااااااااااااااو حبوووبه

اتوقع نوووف رااح تحب مشاااري
ومشاااري بيسوي حركات نذاااله فيهااا
واهو ما يحبهااا
وام نواااف تزوج مشعل
وعبووود يرجع لامريكا ولخرابيطه
و خااالد بتكلمه ديوووم عن موضوعها اهي واحمد وبيسااافر برااا

 

[Te Amo<3]

شكلهم مراح يردون حق بعض نوف وحمد
ومشاااري شيبي هذا بعد وعبوود يستاهل زين تسوي فيه نوف

 

[حبكـ ملكني]

ويــنـــج شيوووووم طولــــــــتــــــــــي
نبي باااااارت

 

[ipod-apple]

واخيييرا افتكينا من عبووود .....~

ومشااري هذا بعد قصه ثااانيه ... !!

ويعطييج العاااافيه .. =)))

 

[om sa3ad]

ناطرينج

 

[ЯỆẾм]

شـيـــوووومـ
ويــــنـــــــــج طــــــولــــتـــي
نـــــــــــبــــــي بــــــــااااارت

 

[*_*3nona*_*]

ناطرينج خيتو ؛)

 

[ღرحت فيهاღ]

خخخخخخ مشيري واايد عنده ثقة وعبوود مال زنط وشيووم ربي يفرحج بلي بطنج << الحين يطقوني  بس بعد ماتنلام ريلها اوو حمد اشلوون اثنين اب قلبك !؟ وبث ناطرينج على احر من الجمر

 

[um-al.sa3af]

شكرا على البارت

يلااا طولتي وينج ؟؟

باقي شكثر عليها ؟
ومتى بتحطينهم كلهم ؟
ادري كثرت اسئله !

 

[shyy'Om]

آآآب حق الي ما قروا

و ترى ما طولت امس حاطة البارت ما اقدر انزل مليون واحد بوقت وااحد

و الي يسأل الرواية 40 بارت

و ما ادري متى راح تخلص لوول