روايتي الآولى : لآ تلعبين معاي تراج منتي قدي ( نوف * حمد ) / بقلمي

[ღرحت فيهاღ]

ملاحظة : نوافوووو هديت بنت ديرتك رحت حق الخدممم اخاف في شي برااسك تعال خلني اشوف لا تعال ويه ويهك وام نوافووو ما صدقتي على الله ريلج توفى وتبين تزوجين الحب الي موت ريلج ونوفي حياااتي انتي ردي مثل قبل لا اي ازنطج انتي ومشاري مالج وخليكم عصافير الميانين <<<< طلعت كل الي بقلب ومشكورة ، فدييييييتج نبي بارت

 

[shyy'Om]

ياللله يا حلواات خخ

الحين بارت و معلومة كل مرة راح انزل بارتين مع بعض بس اذا ما شفت ردود سنعة راح انزل بارت و قصير بعد

و رجاااءا فديتكم ما ابي كلمة اب ترى ما احبها لووول من صجي ترى :$ !

و ابي توقعااات :$ :$ !

 

[shyy'Om]

البارت الــ23​

حمد رد البيت و الدنيا سودة بعينة .. قعد على الغدا و بالة مو معاه كلش بس قاعد يفكر بالموقف الي صار اليوم ​

حمد بقلبة : لا لا نوف مو جذي اكيد قاعدة تسوي جذي بس عشان تحر قلبي .. الا جذي و نص شكلها تغير شعرها اشقر و ملابسها شوي و تنشق من كثر ما اهي ضيجة واسلوبها وصخ .. للأسف اني لي الحين افكر فيها .. بس يوم شفتها اليوم كل شي تغير انا غير شيوم ما احب ​

شيماء تقطع حبل أفكار حمد : حمود يالله اخذ هاللقمة من ايدي ​

توكل حمد ​

حمد : أحلى لقمة والله ​

شيماء : بالعافية حبيبي ​

حمد : الله يعافيييج ​

حمد بعد هالموقف قرر ان يشيل نوف من بالة و يحب شيماء لان البنت مالها أي ذنب واول شي قرر ان يتخلص منة دبلة شيماء ​

عقب ما خلصوا الغدا و صعدوا الغرفة .. حمد قرب من شيماء الا يفصخها الدبلة و يطلع علبة صغيرة فيها خاتم يديد ​

شيماء : شنو هذا ؟!​

حمد : هالدبلة كانت مو حقج وانا وايد اتضايق لمن اشوفها عندج انتي عروسة يديدة ولازم يكون عندج دبلة يديدة ​

شيماء لمت حمد حييل : أحبك حمد عسى الله لا يحرمني منك ​

حمد كسرت خاطرة شيماء : وانا بعد ​

شيماء كان ودها تسمع كلمة احبج من حمد بس كل مرة يرد عليها وانا بعد .. ما يدري ان احبج واايد أحلى من انا بعد .. الدبلة كانت وايد حلوة نقدر نقول انها احلى من دبلة نوف و أغلى منها .. استانست شيماء حيييل من الدبلة . حست من نظرات حمد ان متغير من داخل ​

••​

​

ام نواف قررت انها تكلم عيالها بالموضوع ​

نطرتهم يردون البيت و تفاتحهم بالموضوع ​

ام نواف : انا بكلمكم بموضوع بس ابي آخذ رايكم لان انا مقررة من زمان ​

نواف ما عجبة الكلام : دام انج مخططة و مقررة ليشش ياية تاخذين راينا بالله ​

نوف بعصبية : نواف احترم امك شوي .. تفضلي يمة ​

ام نواف : انا قررت اتزوج ​

نوف و قفت و بعصبية : نعم !! ابوي ما صارلة سنة من توفى وانتي تبين تتزوجين .. مسرع ما نسيتي ابوي ​

نواف باستهزاء : حلو حلو ايبااا آخر عمرج بتخلين الشباب يعايروني .. ابوي ما صارلة سنة من توفى وامي تبي تتزوج .. انا واختي بعمر الزواج ما تزوجنا و امي طقتنا بالطوفة و راح تتزوج بشييه ​

ام نواف عطت نواف طرااق تبي يتذكر ان الي جدامة امة مو اختة ولا واحد من ربعة ​

ام نواف : الظاهر انتوا نسيتوا انا منو انا امكم مو انتوا امي .. انا مثل ما قلت مقررة بس ياية احطكم بالصورة يعني ​

نوف تبجي : يمة لا تسوينها .. الله يخليج انا ما اتخيل واحد ثاني ياخذ مكان ابوي .. يقعد معاج بنفس الغرفة و على الغدة يوكلج .. و بكل شي معاج يمة عفية ​

نواف : شوفي يما اذا تبين تتزوجين و تخلين واحد ما ندري عنة شي ياخذ مكان ابوي لا انا ولدج ولا انتي تعرفيني .. عاد اذا انتي تبيت تبيعين عيالج عشان ريال هذا شي ثاني ​

نوف : بعدين احنا ما سألناج منو هذا و شعرفج فييه !! ​

ام نواف : هذا مريض عندي بالعيادة و تقدملي و يعرف ظروفي اني أرملة وعندي عيال و راضي فيها ​

نوف : شوفي يما انا قتلج انا مو موافقة .. واذا تزوجتي ما راح احبة وحتى سلام ماراح اسلم علييه .. وكل ساعة راح اقط علييه حجي مثل السم ​

نواف : اذا تزوجتي و يبتي ريلج هني انا راح اتزوج و اييب زوجتي بعد وانتي كيفج ​

ام نواف ما عندها القوة انها تسيطر على عيالها مثل اول حست ان الموضوع صار كبير كانت متوقعة انهم يرفضون بس مو جذي ​

ام نواف بصرااخ : والله يا نواف اذا يبت هالنجسة بيتي راح اقط أغراضك برة البيت وراح اتبرى منك .. الجنة تحت أقدام الامهات عاد انت دش النار عشان وحدة لا راحت ولا ردت​

••

​

نوف : البيت صار يلوع الجبد بدون ابوي .. نواف ابي منك طلب ​

نواف : شتبين !! ​

نوف : بروح المقبرة .. ​

نواف : ماكو روحة ​

نوف تبجي : نواف تكفى ابي اروح عند ابوي .. الله يخليك روح معاي .. عفية نواف لا تردني ​

نواف ما تحمل يشوف اختة جذي حس ان قلبة قاعد يتقطع عليها راح لها ولمها حييل ​

نواف يبجي مع نوف : نوف حيااتي خلاص لا تسوين بروحج جذي ... خلاص راح اوديج وعد راح اوديج حق ابوي خلاص سكتي ​

نوف تلمة أكثر ​

نوف : نوااف مو قادرة اعيش بدونة مو قادرة انساه .. مو قادرة اتنفس مختنقة مقموتة ​

نواف يمسج دموع اختة : خلاص راح اوديج بس انتي بدلي وانا ناطرج هني ​

••


​

راحوا المقبرة بالردة بالسيارة ​

نوف : نواف انت ليش تغيرت علي .. انا ما سويت شي والله اني ما استاهل منك هالمعاملة ​

نواف ساكت مو قاعد يرد عليها ​

نوف تبجي : رد لا تحقرني انا صج شكلي تغير و تصفاتي تغيرت بس من داخل انا نوف ما تغيرت .. انت توأمي اكثر واحد يحس فيني فجأة تغيرت انا مستعدة اسوي أي شي بس عشان ترد علاقتنا مثل اول .. والله اول الي يشوفونة يحطون عيونهم علينة شلون اخو واختة جذي مع بعض .. نواف انت أكثر انسان احبة انت روحي انت اخوي انت كل شي ​

نواف منكسر : انتي مو نوف الي أعرفها مابي شي منج بس شي واحد غيري شكلج .. غيري لبسج وشعرج .. طلعاتج ربعج ردي نوف الأولانية .. وبعدين انا راح ارد نواف الي تعرفينة ​

••



​

ردت نوف البيت و قررت انها تغير شكلها و لبسها يعني ترد مثل اول دقت على حور واول مكان فكرت تروحة الصالون عشان تغير صبغة شعرها ​

بالسيارة ​

حور : انا اموت و أعرف منو ألي فر راسج مرة وحدة صارلي شكثر اكلمج عن هالموضوع و معاندة ​

نوف : نواف اخوي انا مستعدة اسوي أي شي بس عشان نواف يعاملني مثل اول .. راح اطول شعري و اغير ملابسي و أصبغ شعري و ما احط الا ترجية وحدة واشيل الترجية الي بحواجبي .. راح اغير رسمة حواجبي .. راح اصير مثل اول ​

بالصالون نوف تكلم الكوافييرة ​

نوف : شوفي هالصورة هاذي لون شعري الأصلي ابي الصبغة تكون جذي ​

الكوافيرة : عاد أولي انشاء الله تزبط الصبغة ( عاد قولي انشاء الله تضبط ) ​

نوف : لا لا أكييد راح تضبط دامها من اييدج ​

الكوافيرة : تسلميلي يا بعدي ​

طبعا عقب ما طلعت نوف من الصالون .. نوف صبغت شعرها و غيرت طريقة حواجبها ردت البيت وطلعت ملابسها القديمة بدلت و راحت حق نواف ​

كانت لابسة نفنوف بنفسجي فاتح تحت ركبتها بشوية كان نص جم و بالنص فييه فيونكسة كحلية وضيج صوب صدرها و فلو من تحت شكلها حيل كيوت ​

دقت الباب على نواف دشت ​

نوف بدلع : شرايك !! ​

نواف : اياااباا عاشت نووفوو القدديمة هذي نوف الي اعرفها هذي الملابس السنعة هذا الشعر الحلو ​

نوف : صبغت شعري مثل لونة الاصلي و غيرت حواجبي و طلعت كل ملابسي القديمين .. وكل شي ضيج قطيتة .. و الترجية الي بحواجبي قطيتها .. انا خلاص راح اتغير ​

نواف قرب من اختة وباسها على راسها ​

••


​

من زمان ما تكلمت عن خلود​

بالجمعية صدفة شاف ديمة صارلة جم شهر ما شافها ​

خالد : ديمة .. ديمة ​

مسكها من اييدها حييل ​

خالد : ديمة ليشش ؟! والله اني احبج ​

ديمة : وخر عني انت تدري ان كل اهلي هني خلاص روح مالي خلق عزوز ولا أحمد يشوفني روحي !! ​

خالد : انا ابي اكلمج ​

ديمة : لمن ارد من السفر يصير خير ​

خالد : متى راح تسافرين ​

ديمة هدت خالد ومشت ..قعد بالسيارة تبجي مشتاقتلة حق كل شي فييه ..تحبة مووت .. تتنفس هواه بس ما تقدر .. غلط الي قاعدة تسوييه وتدري بالأخير الله راح يفضحها .. خلصت هالعلاقة من جم شهر وما تبي ترد لها خلاص اهم شي عندها عيال عمها .. وانها ما تنفضح جدام اهلها ..​

شغلت على يا قلب لا تحزن ​

خالد ركب السيارة و صاكة في الدنيا .. ​

خالد : بتسافرين يا ديمة بدون لا اودعج ولا ادري متى راح تردين .. شلون تخليني و تروحين شلون .. شلون هنت عليج .. والله اني احبج أكثر من نفسي .. خنت رفيج عمري بس عشانج .. كنت راح اتحمل أي شي يصير فيني بس عشانج .. وانتي بكل سهولة تهديني وتروحين ​

تلفون خالد قطع حبل أفكارة شاف الرقم الا أحمد أخو عبدالعزيز ​

خالد : الو ​

احمد : هلا هلا بخوييلد وينك يالقاطع ​

خالد : هههه وين قاطع كل يوم وترك عندكم بالدوانية ​

أحمد : المهم انا انشاء الله مسافر هالصيف تامرني على شي ​

خالد بحزن : ما يامر عليك عدو بس وين على الله و متى انشاء الله ​

خالد قاعد يستفسر عشان ديمة ​

أحمد : انشاء الله رايحين استراليا و ماليزيا بس متى والله مادري انا اصلا توني ادري وين ​

خالد : اها زين قبل لا تسافر بيوم قولي عشان ايي المطار اسلم عليكم و سلم على عزوز ​

احمد : حبيب والله خلاص صاار .. انزين تعال اليوم الدوانية الشباب متيمعين ​

خالد : خلاص يصير خير انشاء الله .. يالله حبيبي سلم ​

أحمد : يوصل ​

خالد كانت صاكة في الدنيا .. ناطر أحمد يقولة يوم السفر عشان يروح المطار و يشوف ديمة .. ما يبي شي بس يبي يشوفها .. لمن يقعد يفكر بروحة يحس ان كل شي من البداية غلط .. بس اهو حب ديمة قبل لا يدري انها بنت عم صاحبة .. ما يدري المفروض ما يكلمها و لا اهو غلطان محتاار حييل ​

••
​

نهاية البارت ​

عاد هاللله هاللله بالردود السنعة

'​

​

 

[shyy'Om]

الــ24​

بالجامعة حور و نواف و نوف قاعدين بالكوفي ​

حور : بس ناقصج شي واحد ​

نوف : شنو !! ​

حور : تغيرين الموستنق يعني انتي البنت الوحيدة الي اشوفج تسوقينها ​

نواف : أي واللله ياريت تسمع منج حور ​

نوف : لا لا لو شنو ما راح أغيرها .. هذي هدية من ابوي و لو شنو ما راح اغيرها ​

حور : بس مالت صبياان ​

نوف : اووه طول عمري أسوقها لو شنو ما راح أغيرها .. انزين نواف انا و حور بنروح الــLibrary بنشوف اذا في مواد حق الصيفي .. انت سجلت ​

نواف : والله مادري عن خويلد قالي يبي يسجلي مادتين ​

نوف : ناس مو لاقية مادة وناس عندها مادتين يالله الله يرزقنا ​

حور : يالله خن نمشي قبل لا كل المواد يتسكرون ​

••

​

عقب ما راحوا الــLibrary ​

طبعا نوف كانت لابسة بلوزة مشاري ما لقت شي قبالها بالكبت الا تلبس البلوزة ​

حور : وانتي ما تستحين لابسة بلوزة الصبي ​

نوف : هههه والله اهو عطاني البلوزة يعني صارت حقي مقي ​

حور : والله انج مو صاحية يالله خن نشوف مواد ​

••​

عند خالد ونواف ​

خالد : بتساافر تعرف يعني شنو بتسافر .. احبها نواافو قلبت حالي فوق هدر ​

نواف : ياخوي خلاص شيلها من بالك .. الشي الي تأسس على غلط لو شنو ما يكمل ​

خالد : انا ادري اني غلطان اني كلمت بنت عم صاحبي بس والله اني كنت مخطط اني بس اتخرج راح اتزوجها ​

نواف :دام انك مخطط جان كلمت الرياال و قتلة اني ابي اتزوج يعني خطوبة على الاقل ​

خالد : انا غلطان .. والله ان حياتي ما تسوى بدونها .. احس اني ولا شي اهي كل شي .. اهي طعم حياتي .. حياتي بدونها ماصخة ​

نواف : حط فوقها ملح ماكو مشكلة ​

خالد : انا الحمار الي قاعد اشكيلك الحال .. عطني الولاعة بس خن اعدل مزااجي ​

••​

بو عبدالله يكلم ام نواف بالتلفون ​

بو عبدالله : ها شقلتي يا أختي ​

ام نواف : والله يا بوعبدالله منو راح نلقى احسن من عبود حق بنتي .. بس الرأي الاول والاخير حق نوف .. بعد انت تعرف ما اقدر أقصبها على شي ​

بو عبدالله : صح كلامج .. وانشاء الله هالويكند رادين الديرة و نبي نسمع الاخبار الطيبة .. وانشاء الله تكون خوش اخبار .. الصبي ما يبي يرد الكويت الا و نوف زوجتة ​

ام نواف : انشاء الله تسمع الي يسرك يا خوي و ما يصير خاطرك الا طيب .. و تروح و ترد بالسلامة ​

ام نواف ما كانت موافقة على هالزواجة لانها تعرف خمار ولد اخوها .. بس ما تقدر ترد اخوها الكبير و تبيت اخذ راي بنتها بالموضوع .. و متوقعة انها ما راح توافق ​

••​

أحمد يكلم ديمة ​

ديمة : منو كنت تكلم امس ادق عليك ويتنق ​

أحمد : هذا صاحبي خويلد .. قاعدة اقولة عن السفرة ​

ديمة بحزن : أهاا ​

أحمد حس من صوتها ان فيها شي : هههه انتوا شفيكم اليوم خويلد جنة يبي يموت وانتي صوتج مادري شفييه ​

ديمة ( يا حياتي يا خالد ) : ههههه منو قال ان فيني شي .. و شفييه صاحبك بعد ​

أحمد : مافييه شي .. المهم سمعي هالسفرة غيير ابيج كلة عندنا بالشقة عشان ما اشتاقلج هههه يعني كل سفرة انا اطردج من الشقة بس الحين عادي تعالي ​

ديمة : ههههه عجيييب و من قالك اني بسمع كلامك انا ثقيلة و ما راح تشوف رقعت ويهي اصلا ​

أحمد : لأ صج تعالي كل يوم و ما ابيج تغيبين عن بالي ولا دقيقة .. ديمة انتي تحبيني ​

ديمة بتردد : انا مو بس احبك انا امووت عليك .. ترى انا ما اجذب و طول عمري صريحة و أقطها بالوي ​

أحمد : فدييييتييها يا ناااس و ربي اني أحبج .. مادري شلون و متى و ليشش .. جذي فجأة دمرتي حيااتي .. اصلا الي يشوف قلبي راح يلقااج متربعة فييه ​

ديمة : بس عاد ترى ما اعبر .. تعرفني ما اعرف أرد على الي يمدحوني ​

أحمد : قولي آمين عسى الله ما يحرمني منج يا احلى شي صار بحياتي ​

ديمة بدلع : آمييين .. قول آمين .. يا عساني بس لك ​

أحمد من قلب : آآميييين ​

••​

بالــ عند حور و نوف ​

نوف : خراا خراا خراا .. يعني شنو بسرعة المواد تسكرت .. اذا ما خذيت مادة راح أتأخر ما يصير جذي مابي ابي مادة ​

حور : بس فشلتينة سكتي انشاء الله ما تسبين و اللاب كلة شباب ​

نوف بعصبية : يا عل ماكو شباب يعني كل الكلاسات موفلين والسبة هالشباب ​

حور : امبييه نوفوو مو قادرة بروح الحمام انزين شوي و رادة ​

••​

طبعا طريقة المكتبة لاينين فيهم كمبيوترات يعني كل كمبيوتر قبال الثاني و في بينهم حاجز ​

الي نوف ما تعرفة ان مشاري كان قبالها و سمع كل كلامها .. والي ما تعرفة بعد ان مشاري معاها بالجامعة حول اوراقة من جامعة الكويت لي جامعة نوف ​

قرب شخص من ورة نوف و قرب صوب اذونها ​

مشاري : انا عندي مادتين تبينهم ​

نوف فزت من مكانها ​

نوف متوهقة : انت انت شيايبك هني ​

مشاري : شنو عبالج جامعتج بروحج .. يبا انا ادرس هني ​

نوف : أرقص مثلا ​

مشاري يقعد مكان حور : لا ترقصين ولا شي .. والله انتي غريبة هم لابسة بلوزتي و هم تزفيني ​

نوف تفشلت حييل : شسمة يعني لازم تفشلني خو ما لقيت شي قبالي الا هالبلوزة خو شسوي ​

مشاري : خو ما تسوين شي خو ​

نوف ضحكت من قلب غمازتها طلعت : هههه بس عاد فشلتني ​

مشاري : يبوووي يمة فديت الغمازة توني ألاحظها ​

نوف بدلع : امبيييه ترى احنا بالجامعة اووش خلاص ​

مشاري : انزين نووفتي ​

نوف بحزن ( تذكرت حمد ) : لا تقوول نوفتي و وخر عني خلاص​

مشاري : افاا شفييج .. خلاص خلاص أغير الموضوع سمعي تبين المادتين ولا لأ لان الحين كل الكلاساات فولت و لو شنو ما راح تلقين .. صاحبي يبي يسافر يعني بدال لا احد ياخذهم انتي اخذيهم .. الاقربون أولى بالمعروف ​

نوف تنحت : الاقربون أولى بالمعرووف !!! ​

مشاري : الحين هديتي كل شي و حنجتي على هالكلمة يالله ترى طولت ابي امشي ​

نوف : خلاص خلاص راح آخذهم شوف خل صاحبك ايي هني و اول ما يسحبهم انا آخذهم ​

عقب ما سجلت نوف المادتين و حور ضايعة بالطووشة ما تدري شنو السالفة ​

مشاري : بس في شي نسيت اقولة ​

نوف : شنو بعد !! ​

مشاري يغمز حق نوف : ترى انا معاج بالكلاساات ​

نوف : ولييييه المهم يالله حورتي خن نمشي ​

عقب ما مشوا حور كلت نوف بالأسئلة لمن عرفت كل السالفة ​

••​

ردت نوف البيت و امها قررت انها تفاتحها بالموضوع ​

ام نواف : وهذا الي صار .. انا ياية آخذ رايج ​

نوف متنحة تمت مدة ساكتة ​

ام نواف : نوف يمة شفييج ​

نوف بصرااخ : لأ يما لأ لو شنو ما راح أوافق ​

ام نواف بفرح : يمة قلبي .. كنت خايفة انج موافقة لاني الصراحة مو موافقة ​

نوف : ههههه فديييتج والله حاسة فيني .. و لا تبطلين معاي الموضوع مرة ثانية ​

ام نواف : بس شنو اقول حق خالج الحين اهم بردون الكويت بس عشان الزواج​

نوف : قوليلة ما في نصيب والزواج قسمة ونصيب .. و اني احس ان عبود اخوي يعني ما اتخيلة يصير زوجي .. خو قوليلة أي شي انا شدراني ​

نوف وايد فرحانة من ردة فعل امها عبالها ان امها راح توقف ضدها و مع خالها ​

••​

عند فاطمة ​

فاطمة فرحانة : انا حاسة اني حامل .. كل أعراض الحمل فيني .. لازم احلل و اشوف النتيجة ​

جاسم فرحان حييل : والله هذا احلى خبر سمعتة بحياتي .. قولي يا رب ​

فاطمة : يارب ​

جاسم : عسااج تكونين حامل و تفرحيني و نييب ياهل مجكنم يملي علينة البيت ​

فاطمة : يارب .. بس عاد انا عندي طلب ​

جاسم : طلباتج أوامر ​

فاطمة : الصبيان انا اسميهم والبنات انت تسميهم ​

جاسم : على شرط ​

فاطمة : ههههه شنو الشرط ! ​

جاسم : ان اول صبي يكون اسمة محمد بعد انا جاسم ينادوني بو محمد ​

فاطمة بحزن : بس انا ابي طلال ​

جاسم : ولا يهمج طلال ثاني صبي .. ترى انا ناوي على درزن ​

فاطمة بعفوية : و كلهم فوق أفااي ​

جاسم : لا يبا محد فوق أفااج ترى انا احب اليهال .. و أعرف ابدل حفاضات و أسوي الحليب .. يعني مو كل شي عليييج ​

فاطمة : خلاص عيل درزن و الله يستر ​

طبعا على طول راحت فاطمة المستشفى و فحصت و طلعت صج حاامل ​

نهاية البارت ​

سوري لان هالبارت ما في عبوود .. انشاء الله البارت الياي عبود موجود

'

:55:
​

​

 

[احب المدرسة]

نوووف عجبتني هالمرة
واتوقع انها ترتبط مع مشاري وتحبة وبعدين حمد ايي يكلمها

اب اب اب اب عفية كملي

 

[ღرحت فيهاღ]

انا اقووول ليش البارت منور عشاان ما في عبوود خخخ و نوف شكلج سمعتي كلامي كااااك ومشاري احس انه يحب نوف من قلب احساس بعد ما ادري وتسلم ايدج على هل بارت

 

[Zhm1996]

امبييييييي البااااااارت عجييييب
و نبي بارتااااات اطوللل و تسلميييين و يعطييييج العافيه
اتوقع نوف تتزوج حمد مادري ليش و شيماء تموت و نواف يتزوج حور
و ناااطرينج 

 

[ابي قطوة ميوووو]

هففففففففففف نوووفوو مااال طق ;@
واااي سووري ما اقدر اعلق !!

 

[ام سلمي]

فديتج والله نوف عجبتني
ديمه هاذي ما ادري تراها تلعب على الحبال وايد
ما ادري ان شاء الله مشاري يجب نوف وينسيها حمد
والله شيماء كسرت خاطري تراها تحبه وااااااااه من الحب
هههههههههههههههه
كملي ابي اعرف شنو بيصير لعبيد حقير ما احبه​

 

[вяσkεи]

تسلميييييييين على البارتات الحلوه




اتوقع عبووود بيتزوج نوووف غصب
و نواااف بيتزوج هالفلبينيه
وام نواف بتزوج مشعل
^^
خلصوا العايله<خخخخخخخخخخخ

و حووووور بتصير نفس نوووف

 

[ЯỆẾм]

امبييييي البارت حده زوغه

اتوقع نواف راح يتزوج حور
و نوف تتزوج حمد وشيماء تموت

كملي ابي اعرف شنو راح يصير لعبدالله ؟؟؟؟

 

[Te Amo<3]

واااي نووف احبها بس مرات تقهرني وحمد باط جبدي اوف وشيماؤؤ بعد
ومشاري حبوب بس انشالله مايحبون بعض نوف حق حمد متى يردون حق بعض

 

[غلأأأأ مغليهأأأ]

اب اب

 

[حبكـ ملكني]

نوااف احسن شي سوااه ان غير نووف
ونووف زين اقتنعت وغيرت شكلهاا..
وحمد صج يكســر الخاااطر
اتــوقع مشااري يحب نووف ويتزووجهاا..
وحوور ترجع مثل قبل مع نواااف


وبــــــــــــــــث....

 

[ღرحت فيهاღ]

امبييييي البارت حده زوغه

اتوقع نواف راح يتزوج حور
و نوف تتزوج حمد وشيماء تموت

كملي ابي اعرف شنو راح يصير لعبدالله ؟؟؟؟

خخخخخ ماشاءالله يصلح انه تكونيين كاتبة:krkrkr: لاصج اسلوبج عجيب:eh_s(9)::ggdw:

 

[Te Amo<3]

امبييييي البارت حده زوغه

اتوقع نواف راح يتزوج حور
و نوف تتزوج حمد وشيماء تموت

كملي ابي اعرف شنو راح يصير لعبدالله ؟؟؟؟

خخخخخ جان زين يصير نفس ماقلتي :ggdw:

 

[ipod-apple]

مووصج بييتهم انعفس حدددااا ...

الام بتتزوج وهذا بييب الفلبينيه .!!

انا انطر شغلتييين ... زوااااج الام .... و عبوووود ....

وهم ردة فعل الخال لمن يعرف بموضوع زوااج اخته ...~

وثاانكيووووو حيااتيي ... نااطريينج ... =))))

 

[ابي قطوة ميوووو]

يمكن نووف غيرت شكلها صح!
بس ماا غيرت اخلاقها للاسف ؛@!
ان شاء الله ما تظل على هالتصرفاااات القذررة!
وبعدييين مشااري عذا شيبي من وييين طااالع !!!!
ومستحييييل يتزوج نوووف اسوووء كبييلز ما ادري شلون بيربون عيالهم !!!!
واااااي

 

[om sa3ad]

ناطرينج

 

[حبكـ ملكني]

وينــج بلييز لا تطوليـــن ...
ابي اعرف شبيصير عليهم كلهم ...