روايتي الآولى : لآ تلعبين معاي تراج منتي قدي ( نوف * حمد ) / بقلمي

[ابي قطوة ميوووو]

امبببببببببي لاااا هالبااارت غييير وجهة نظررري
تحملي القرقة التي سوف تصدددر من كييبوووردي! :$
حسنا!
الحيييييين شيمااااء تدري انه احمدووو مايحبها ويبيها عشاان تنسييه وهذا عمررره ما رااح يصييييير! لانه اهوا مااا حبها للاسف!!
وهذاا قدر كل واحد منهم اهما مو مكتوبين لبعض احسهم ماراح يرتااحون لبعض!!
شيووم كل يوووم رااح تتعذذب لمن تعرف انه كاان يحب قبلها وممكن انه هالحب يرجع فيي يوم!!
الزبدة!؟
اتمنى انه شيووم ما تواافق على احمد ! لانه ماارااح يسعدهااا .ليييش؟؟ لانه انااني اهوا يبيها عشان تنسسسيه! ومافكر بمشااعرها
فاهوا كلششش مو منااسب لها
وان شااء الله تلاااقي الي يحبهاااا اكثثثر من حبها لحمد "خنقوول اعجاابها لانه الحب متبادل بين طرفين " <<جني قمت اتفلسف

نوووف!!!
صج صج صج على كثثثثثثر مااااا كرررهتا على كثر ما اهيااا كاااسرة خااااطري الحيييين
وحمد لازم يعرف شئ الحب مو بطوووول الايام والسنيييين! الحب بقووة المشااعر الي باي لحظظظة تنوولد!
يعننني يمممكن نووف كانت تلعب علييه بس اهيااا حببته بالاخييييير!!! من قلببها!! ونددددمت! فاااا ما ادري شقووول بس حمد خل يعطييه فررصةثاانية لانهمبيينانه يحببها لا يظلم شيمااء معااها ولا يظلم نفسسسه مع غيير نووف

حمد!
اددري الي صااارله كللللللللش مو شوووووية ابدااااااا
بس مااااايخااالف خل يسمممع من نوووف ويعطيييها فرررصة ثااانية !
يمكن اهيااااا عيششته بجذبه سنتيييين!! بس بالنهااااية حببببته!!<<سبق وقلت هالكلاام
اااخ
بس ما اقدر اعلق اكثر اخاف انطق :$

 

[om sa3ad]

ناطرينج

 

[ام سلمي]

انا متابعة يديدة للقصة
ووايد عجيبة القصة
تسلمين يا شيوم
بس عافية لا تتأخرين أكثر من جذي في تنزيل البارت
حبيبتي يسلمووووووووووو ادينج على القصة
امووووووووووووووووووووووووه
ويلا يابنات شجعوا الحلوه شيوم
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد
الشعب يرد بارت يديد​

 

[Zhm1996]

حياااتي روايتج وايد روعه ناطرينج و لا توقفينهااااا
ابـ ابـ ابـ ابـ
ابـ ابـ ابـ ابـ ابـ
ابـ ابـ ابـ ابـ ابـ
ابـ ابـ ابـ ابـ ابـ
ابـ ابـ ابـ
ابـ ابـ ابـ ابـ
ابـ ابـ ابـ ابـ ابـ
ابـ ابـ ابـ
ابـ​

 

[احب المدرسة]

البارت عجيب حرام نوف كسرت خاطري
شيماء ان شاء الله ماتوافق لانها راح تنظلم

اب اب اب اب كملي عفية وولا عليج امر حاولي تخلصينها قبل ٣-١١

 

[shyy'Om]

البارت الــ
20


​

نوف قاعدة عند البحر و تشكي حق حور ​

نوف : مادري ليش مو قادرة انسى .. السالفة صار لها اسبوع و انا بعدي اذكر كل شي ​

حور : الي صار مو شوية و صعب انج تنسين ​

نوف : تتوقعين اهو نسى .. حمد نساني نسى أيامنة السنتين كانوا جذبة بس والله لو اقدر ارد الزمن جان خليت كل شي من قلبي .. انا احبه أكثر من نفسي ​

حور : قدر الله و ما شاء فعل .. وانتي لازم تنسين لان حمد قالج انتي صفحة و قلبتها ​

نوف : انا كل ما اذكر كملتة نوف عافج الخاطر .. شلون قلبة سامحة يسوي جذي .. تصدقين كل ما اقوم الصبح اشوف ايدي ادور الخاتم ما ألقاه اذكر اني لبستة زوجة حمد بأييدي .. مادري شلون تصرفت جذي ​

حور : هذا احسن تصرف لان جذي حمد راح يحس انج نستييه مثل ما اهو نساج ​

نوف : شالفايدة احساسة غلط انا ولا عمري راح انسااه .. انا احبة مووت ​

حور : مثل ما انا نسيت انتي راح تنسين .. نواف وايد تغير عن اول .. اول لمن اشوف عيونة احس فيها كلام فيها حب اتجاهي .. بس الحين غير مادري شلون اشرح ​

نوف : انا معااج نواف وايد متغير جنة يحب وحدة مادري شلون اقولج ​

حور تبجي : مالا داعي تقولين انا حاسة من زمان ان نواف شالني من بالة و ما يبيني .. بعض الاحيان اكره امي و ابوي و اتمنى لو عندي ام و ابو بدالهم اهم خلوني اخسر كل شي بالدنيا .. في ام وابو لمن يشوفون بنتهم تبجي يضحكون .. مشاعري كلش ما تهمهم ​

نوف : حتى لو صدقيني .. لو خسرتي احد فيهم لا سمح الله راح تحسين شكثر تحبينهم ​

حور : انا ما أكرهم بس أكره تصرفاتهم ​

نوف : الله يعينج و يصبرج .. بعد شنو تسوين هذول امج و ابوج ملزومة تتحميلنهم ​

حور : يالله الله كريم ​

••​

​

عند نواف + خالد​

نواف : شسوي يا خالد انا بين نارين محتار ​

خالد : وخر عنها و فك روحك من المشاكل .. اصلا انت متى عرفتها .. عشان تحبها ​

نواف : من ذاك اليوم انت الي خليتني اطالعها .. انت تعرفني ما تعودت اقص على احد وابيها تكون لي بالحلال ​

خالد : ترى انت مو نواف الي انا أعرفك اول لمن نمشي بالسوق و نشوف واحد متزوج فلبينية نقعد ننقد علييه و ما نخلي علييه ولا كلمة و كنت اقولك انت ما تعرف اسبابة تقولي حتى لو بنت الديرة اولى .. هالكلام وين راحح ؟! ​

نواف : مادري يا خويلد انا مستغرب من نفسي .. المفروض ارد حق حور وهذا الشي انا مخطط له قبل لا يتوفى ابوي .. بس جاسيكا غيرت كل موازيني .. ما قمت اعرف اعيش الا معاها .. والله انها مو نفس الفلبن الي داشين على طمع و الايام راح تثبت لك ​

خالد : انا مالي شغل فيها طمعانة ولا مو طمعانة .. انا افكر بأمك امك لو شنو ما راح ترضى ولا تقولي عادي عندك تخسر امك بس عشانها !! ​

نواف : لا عاد كلش ولا امي .. عشان ما تصير مشاكل بيني و بين امي راح اتزوجها بالسر ​

خالد بعصبية : انت من صجك .. انت صاحي قاعد تسمع روحك شنو تقوول .. سؤال شنو بينك وبينها ​

نواف : بينة حب وانشاء الله راح يكون زواج ​

خالد : من متى وانت تكلمها ؟!!​

نواف : مو من زمان بس ابيها و لا راح اتزوج غيرها هذا كلامي و ما راح اغيرة ​

خالد : مادري شقولك .. بس انا مو معاك بــإلي قاعد تسوييه ​

نواف : بس لازم تصير معاي انت شاهد على زواجي ​

خالد تنرفز : وانا اقولك مو معاك تقولي شاهد على زواجي .. انت خرفت يالله انا ماشي .. فمان الله ​

••

​

من زمان ما تكلمت عن فطووم ​

فاطمة قعدت بالكويت جم اسبوع قلبها ما طاوعها تهد أهل طلال بسهولة بس إجازتها خلصت ولازم ترد لندن .. قررت انها تزور أهل طلال قبل لا تسافر .. عزمتها ام طلال على الغدا .. فاطمة وصلت البيت طقت الجرس و دخلت ​

ام حمد : تفضلي يا بنتي ​

بو حمد : هذي الساعة المباركة الي زرتينة يا بنتي ​

فاطمة : ساعتك أبرك يبة .. شلونكم شخباركم عساكم بخير .. ( فاطمة لفت ويها على حمد ) شلونك حمد ​

ام حمد راحت المطبخ تشوف الاكل لحقها بو حمد ​

حمد : الحمد الله بخير ​

فاطمة و الدمعة بعينها : ما شاء الله نفس ما وصفك طلال بالضبط ​

حمد بحزن : شنو كان يقول عني غير الوصف ​

فاطمة تبجي : كل خير .. كان كل يوم يتكلم عنك .. اسمك ما طاح من لسانة .. كان يقول انك طلال الثاني .. اقرب واحد حقة .. كان يحبك حييل .. يعزك بشكل مو طبيعي ​

حمد بضيقة : و آخر يوم قالج عني شي ​

( آخر يوم اهو اليوم إلي طلال كلم حمد فييه بالسيارة و حمد سكر التلفون بسرعة ) ​

فاطمة : أي قال ​

حمد : شنو قال ؟!​

فاطمة : قال ان خايف علييك حس ان صوتك في شي وانك مو طبيعي ​

حمد مسح الدمعة الي بعينة وقف بسرعة ما قدر يستحمل الي سمعة ​

فاطمة : ممكن اطلب منك طلب​

حمد : تفضلي ​

فاطمة : أبيك توديني المقبرة .. اليوم الفير انا مسافرة .. ابي اسلم على طلال قبل لا أسافر ​

حمد : مو زين عليج يا فاطمة ​

فاطمة : امبلا زين انا لازم اروح قبل لا أسافر ولا ما راح أرتاح ​

حمد : على راحتج ​

تغدت فاطمة و قعدت عند أهل طلال عقب الغدا و بعدها بتروح المقبرة اهي مع حمد و بو حمد و ام حمد​

فاطمة : يعطيكم العافية .. أذيتكم معاي اليوم ​

بو حمد : اشدعوى يبة تعبج راحة ​

فاطمة : ابي منكم آخر شي ​

بو حمد : انتي ما تطلبين يا بنتي انتي تأمرين ​

فاطمة : انا بروح غرفة طلال ​

ام حمد بحزن : تعالي يا بنتي انا أوديج ​

••

​

صعدت فوق و صلت صوب غرفة طلال و اهي مترددة حييل تدش ولا ما تدش .. تبي تنسى .. بس ولهانة على طلال حييل .. قررت انها تدش دشت الغرفة وكان في طوفة كاملة كلها براويز فيهم صور طلال .. قعدت على الفراش قربت صوب المخدة و قعدت تشم ريحة طلال فيها .. بطلت الكبت و خذت بلوزة طلال و حطتها بالجنطة ​

فاطمة : طلال يقولون ان الميت يتم بغرفتة جم اسبوع عقب ما يموت .. مادري اذا هالكلام صح ولا غلط .. بس انا حاسة انك تسمعني و تحس فيني ..شفت الاحساس إلي انت تحسة .. انا قاعدة احسة .. كنت ياية اقولك اني لقيت مليج و خذيت موعد و ما لقيت منك الجواب .. انت ليش خليتني بروحي و رحت .. شلون اسوي عرسي بدون معرس .. حتى بدلة العرس شريتها .. الله يرحمك ​

طلعت من الغرفة و شريط ذكرياتها يمر عليها .. كانت حيل قريبة صوب طلال ..حبتة حييل .. حبت كل شي فيه شكلة اسلوبة تصرفاتة .. حتى الاشياء الي يكرها طلال قامت تكرها فاطمة .. الحين فاطمة راح تعيس على ذكرى طلال .. البلوزة الي خذتها اهي الي راح تصبرها على فراق طلال ​

••
​

عند ديمة و ريم ​

اذكركم ريم اخت عبدالعزيز ​

ديمة : مو قادرة انساه .. تصرفت بشكل غبي .. خسرت الانسان الي أحبة عشان شي تافه ​

ريم : طول عمرج تتصرفين بغباء و بعدها تندمين شنو يفيد الندم ​

ديمة : انا ابي أرد حق خالد .. و بقولة لا يكلمني عن الموضوع مرة ثانية ​

ريم : لا والله .. اذا بترديلة اول شرط بقولة حقج تغيرين ملابس .. يعني غيريهم ما راح يصير شي ​

ديمة : لا يا بابا انشاء الله ما اغيرهم عشان صبي .. انا محد يتحكم بحياتي و انتي تدرين ​

ريم : الحمد الله والشكر انتي حييل متناقضة .. تبينة يردلج و ما تبينة يكلمج عن الموضوع .. هذا شي مستحيل ​

••

​

عقب ما نوف ردت البيت صعدت غرفتها على طوول قعدت بالفراش تحاول تنام مو قادرة ​

عبدالله كان مار صوب بيت عمتة شاف سيارة ام نواف و بو نواف سيارة لي الحين موجودة و سيارة السايق بس ما شاف سيارة نواف ​

دخل البيت ما لقا احد سأل الخدامة الا تقولة ان ام نواف بالسرداب ​

عبدالله باس راسها : شلونج عمتي ؟!​

ام نواف : الحمد الله على كل حال ​

عبدالله : الا نواف موجود ( يسوي روحة ما يدري ) ​

ام نواف: لا والله مو موجود​

عبدالله : ولييه يعني يقولي تعال انا موجود و يسحب علي ​

ام نواف : ليشش شنو بغيت منة !! ​

عبدالله : بغيت منة بلوزة ​

ام نواف مستغربة : روح فوق البيت بيتك و بطل الكبت و أخذ الي تبيييه ​

عبدالله بفرح : خلاص دقيقة ونازل ​

طبعا قصة البلوزة كلها تأليف بس عشان يشوف نوف ​

••
​

صعد فوق راح عند باب غرفة نوف بطل الباب شوي شوي نوف حست بحركة ​

نوف بصرااخ : يمة خلاص ما صارت كل شوي مبطلين الباب انا لازم اقفلة ​

قامت من الفراش تبي تقفل الباب ) كانت لابسة بجامة على السنافر شورت و بلوزة حفر ) شافت عبداللله الا تنحاش على الفراش ​

نوف بصرااخ : انت شكو ادش الغرفة بدون استآذان ​

عبدالله بعفوية : نوف لا تصرخين .. ابي اكلمج بهدوء ​

نوف ( كسر خاطرها ) : استغفر الله .. يالله قول بس لا تقرب وخلص بسرعة مالي خلق احد يشوفك بالغرفة ​

عبدالله : لا تخافين نواف مو بالبيت و عمتي بالسرداب .. نوف انا ابي اصلح كل شي ​

نوف بحزن : يا ريت الي انكسر يتصلح ​

عبدالله : انا ابي اتزوجج ​

نوف مستغربة : نعم !! ​

عبدالله قعد على طرف الفراش بس مو قاعد يطالع نوف : انا احبج و ابيج .. وابي اتزوجج ​

نوف : وليشش ما تطالعني .. انت ما تقدر صح .. انت مالك ويه اطالعني ​

قربت صوبة و لفة ويه​

نوف : طالعني شووف عيوني اذا قدرت تطالع عيوني بعدين نتزوج ​

عبدالله لف ويه : ما اقدر ما اقدر يا نوف ​

نوف تبجي : خلاص عيل اطلع برة ​

عبدالله انكسر قرب صوبها لمها واهي تقاوم تبي توخر عنة مو قادرة : خلاص نوف سكتي خلاص انا آسف والله أسف ​

نوف تصرخ : عبدالله هدني شقاعد تسوي هدني ​

عبدالله باسها على راسها و خر عنها : خلاص راح اروح .. راح ارد أمريكا ما راح تشوفين ويهيي عشان ترتاحين ​

نوف تبجي : كلة منك انت الي خربت حيااتي .. انت خليتني اكرهك .. انت سبب كل شي .. روح خلاص .. رد امريكااا .. مابي اشوفك بعد ​

طلع عبدالله من بيت عمتة واهو منكسر حييل .. تمنى ان نوف توافق و تنسى كل شي صار .. كان ودة كل شي يتصلح .. يتذكر شلون لم نوف .. يتذكر جسمها بالبجامة شعرها الناعم كل شي فييها .. يحبها بس خسرها ​

••​

نهاية البارت توقعاتكم يالربع :p​

 

[shyy'Om]

البارت الــ21
بعد مرور 5 أشهر :p
خن نتكلم عن كل واحد من ابطال قصتنا شنو صار معاه بهالخمس أشهر

نوف : بعدها ما نست حمد .. بس لي الحين قاعدة تحاول تنساه .. تعودت على العيشة بدون حنان الابو .. كلمت واحد شهر الا تهدة حست ان محد يفهمها بهالدنيا غير حمد .. و تمت تكلم شباب بس ولا واحد عجبها .. كانت تشوفة من بعيد لي بعيد .. وكل ما تشوفة تتحسر على روحها
نواف : بعدة مع جاسيكا فاتح امة و اخته بالموضوع و كان الرفض شديد قرر ان يكمل حياتة معاها بالسر .. و أكثر من مرة يفاتحها بموضوع الزواج بالسر بس اهي ترفض .. بالوقت الحالي نواف واايد نزل مستواه الدراسي ما قام يهتم بالجامعة و اهم شي عندة بالدنيا امه و اختة و جاسيكا


••




حور : هدت أهلها و راحت تعيش عند يدتها ام امها .. وايد مرتاحة مع يدتها .. احسن من العيشة مع امها و ابوها .. كل يوم يكرهونها بالحياة اكثر .. بالنسبة حق نواف حور شالتة من بالها لان نوف وصلت الصورة حق حور .. لمن سمعت الخبر طاحت بالمستشفى اسبو ع .. معقولة يهدها عشان فلبينية !!
حمد : تقدم حق شيماء .. و اهي وافقت لان هالزواج حلم حياتها .. الي ططول عمرها تدعي ربها بس عشان هالحلم يصير صج .. ملج عليها و صارت حقة و ماكو عرس لان طلال ما صارلة وايد من توفى .. نقدر نقول ان مرتاح معاها بس أكثر من مرة يغلط بأسمها لدرجة ان شيماء قامت تمشي السالفة وقت الي يقولها نوف صار عندها عادي اهم شي تعيش هالايام حتى لو حمد مو مستانس مثل ما اهي مستانسة
••


شيماء : قد ما تقدر قاعدة تنسي حمد نوف وهذا شي صعب ان تنسيه سنتين من عمرة بجم شهر .. بس شيماء كانت شاطرة حييل و تعرف شلون تتعامل مع حمد .. صارت له مثل الطبيب النفسي الي يفهم مريضة من عيونة كل ما تشوف دبلتها تتذكر موقفها مع نوف .. طبعا اهي ما غيرت الدبلة وهذا تصرف غبي لان كل ما يشوفها حمد راح يتذكر نوف
خالد : بالخمس أشهر حاول مع ديمة اكثر من مرة انها تغير لبسها و تصرفاتها بس اهي رفضت و بالرغم من ان يحبها بس حس ان حياتة معاها ما تنفع .. اهي لا تنفعلة زوجة ولا حبيبة تبي تعيش حياتها بالطريقة الي تعجبها .. شلون راح يكون زوجها بدون لا يكون له صلطة عليها ..

••

ديمة : ما نست خالد بس قاعدة تتناساه .. كلمت ولد عمها احمد و كان يحبها مثل ما اهي تحبة .. امها كانت ترضالها تكلم بس بشرط غير أحمد ما تكلم .. يعني بجذي البنت ما راح تخترب .. ما تدري انها قاعدة تحثها على الخراب .. بس طبعا ديمة ما كانت تكلم بس أحمد .. لازم اثنين ثلاثة .. البنت لعوبة بدرجة مو طبيعة
ام نواف : طلعت من العدة و ردت بطلت العيادة .. و مشعل كل يوم وترك يزورها طبعا يفاتحها بنفس الموضوع .. ويذكرها بالماضي .. يوم عن يوم بدت تنسى بو نواف .. و ولهت على حبها القديم .. طبعا لي الحين ما تدري ان مشعل اهو السبب في موت بو نواف.. عرض عليها الزواج و قررت انها تفاتح عيالها بالموضوع

••


مشعل : كان كل يوم و ترك يروح حق ام نواف عشاان تلين و قلبها يحن حق ايام قبل .. كل يوم يعيد عليها نفس الكلام .. نفس الذكريات .. نفس المواقف .. نقدر نقول ان نجح و ام نواف وافقت بس عيالها راح يوافقون !!؟
عبدالله : هد الكويت و سافر أمريكا .. رد حق حياتة الي متعود عليها .. طبعا انا ما ذكرت ان عبدالله كان عايش بأمريكا و رد الكويت .. عقب سالفتة مع نوف .. رد امريكا حق ربعة و حق الدولة الي كل شي فيها عادي .. يطلع مع بنات و يروح بارات و كل شي عادي .. يشرب خمر و مخدرات .. يلعب بشرف هذي و هذييك .. هذي العيشة الي تناسب الناس الي نفس عبدالله .. حسافة في الاسم بس
••


فاطمة : ردت لندن و غيرت المستشفى مالتها لان بكل زاوية بالمستشفى تتذكر طلال و ايامها معااه .. تزوجت واحد كويتي عايش بلندن أكبر منها بسنة يموت عليها .. يحبها حييل .. اهي تحبة بس مو كثر الحب الي اهو يحبها .. تشفق علييه او نقدر نقول كاسر خاطرها شايلها بعيونة واهي ردة فعلها اتجاهة باردة
••


نرد حق الاحداث
نوف ضاق صدرها دقت على حور قالتلها شرايج نروح بحر عقيلة .. هالبحر نوف وايد ترتاح فييه .. لمن تروح لي الحين تشم ريحة حمد .. بس جذي لو شنو ما راح تنسى وصلت حور
نوف : نزلت دمعتة حور كان ودي الارض تنشق و تبلعني ولا اشوف دمعتة .. وربي ما اقدر اشوف دمعة ريال .. و مو أي ريال
حور عطت نوف طرااق قوي
حور بصرااخ : لي متى نوف لي متى اهو تزوج و انتي بعدج كل اسبوع تيين هني و نفس الكلام خلاص انسي اصحي من الي انتي فييه اتمنى ان طراقي يصحيج
نوف : زين تسوين خوش طراق حسيت ان الدنيا مرة .. من بعد حمد كلمت واايد ابي واحد يفهمني ماكو .. كل مالا و اتغير اصير مو نوف .. انا نفسي ما قمت اعرف نفسي ..شوفي شكلي هذا شكل نوف الي قبل سالفة حمد .. شعري اشقر و اذوني كلها تراجي و لبسي ضيج و ويهي متروس مكيااج .. حتى حواجبي فيهم تراجي انا مو جذي .. عقب حمد صرت نوف ثانية .. صار كل شي عندي عادي
حور : وراح تتغيرين لان حالتج هذي لا تسر لا عدو ولا صديق .. انتي لازم توقفين مع امج .. امج لمن تشوفج جذي راح تزعل . واهي أكثر من مرة تكلمني عن شكلج و تصرفاتج بس انا ما عندي رد شنو اقولها !!
نوف : قوليلها اني جسد بدون روح .. انا قمت اشوف نفسي بالمنظرة و ما اعرف روحي .. وين جمالي الطبيعي و شعري الطويل الكستنائي و عيوني البريئة .. الحين صرت انا و بنت الشواارع واحد
حور : انتي الي سويتي بروحج جذي .. شوفي انتي شنو وحمد شنو .. الحين اهو فتح له بيت و بكون أسرة و بعد جم شهر راح يصير ابو .. وانتي هذي حالتج .. قبل لا يصير شكلج جذي شكثر تقدمولج و قتلج نوف ابدي حياتج من يديد انتي عاندتي و ما رضيتي .. لازم تتغيرين
نوف تبجي : الي صار مو شوية فجأة حسيت اني خسرت كل شي .. ابوي .. حبيبي .. دنيتي .. امي وايد تغيرت عقب موت أبوي .. و نواف الفلبينية لاعبة في لعب .. ما قام يشوف شي الا الفلبينية وما يرضى نسأل عنها انا حتى اسمها ما اعرفة !! .. يالله الله كريم

••

ديمة تكلم احمد ولد عمها بالتلفون
ديمة : لا تصير جذي السفرة بدونك تلو ع الجبد .. اصلا اذا انت ما رحت انا ما راح اروح و عادي اقول حق امي
أحمد : يا حياتي شسوي عندي كورس صيفي
ديمة : انت سجلت المواد
أحمد : لا ما سجلتهم بس باجر راح أسجل
ديمة بدلع : حموودي عشاني لا تسجلهم تعال معانة خن نستانس شوي والدراسة لاحق عليها
أحمد : يمة قلبي امووت انا على حموودي .. شوي شوي علي لا اروح من جييس اهلي
ديمة : يمة فال الله ولا فاالك .. لك طولت العمر
أحمد : خلاص لعيوننج ماكو كورس صيفي و راح اسافر معاكم بعد آي اوامر فديتج
ديمة : وااااي حيااتي والله .. فداك ديوم و طوايف ديووم
أحمد : عسى الله لا يحرمني من ديوم قولي آمين
ديمة : آمين و ما يحرمني منك
أحمد : ترى انا مادري وين بسافرون .. وين السفرة انشاء الله
ديمة : استراليا و ماليزيا
أحمد : أيااباا شغل عدل تتذكرين أخر مرة رحنا انا كنت كلش ما اشتهييج والحين بنروح وانا امووت عليج
ديمة :Same on here

••


ام نواف بالعيادة و مثل كل مرة مشعل ياخذ موعد و يزورها على اساس ان مريض
ام نواف : تفضل
مشعل : انا درعمت قبل لا تقوليلي تفضل ولا ما تعودتي على هالساعة
ام نواف : هههه لا تعودت كل مرة نفس الموعد و نفس الكلام و نفس الذكريات
مشعل : وانتي شنو قلتي .. يا بنت الحلال نشفتي ريجي وافقي
ام نواف : والله انا الحين شوري مو بيدي بأييد عيالي
مشعل : سارة شنو هالكلام ترى انتي امهم مو اهم امج
ام نواف : هههه الله يخس سوالفك
مشعل : عطيني وعد اليوم راح تكلمينهم مو
ام نواف : خلاص وعد
مشعل : والدليل !!
ام نواف : شنو الدليل بعد
مشعل : نسيتي الدليل نسيتي اول لمن اقولج الدليل شنو تسوين
ام نواف بخجل : لا ما نسيت واحنا كبرنا على هالسوالف قتلك وعد وخلاص
غريبة ام نواف جنها ما صدقت على الله ريلها يموت عشان ترد حق حبيبها .. معقولة في ناس جذي .. الا في ازيد من جذي في حريم و اهم على ذمة ريااييلهم تطلقوا بس عشان يردون حق حبهم الاول .. محد محترم سنة .. و كل واحد يبي يشبب وياخذ زمانة و زمن غيرة

••

عند نواف + خالد
خالد : انا خلاص قررت اتزوج
نواف : هذي الساعة المباركة و منو سعيدة الحظ
خالد :راح اتزوج زواج تقليدي لان زواج الحب ما وراه الا المشاكل و عوار الراس
نواف : امووت على النغزة انا
خالد : لا والله مو قصدي عنك .. شوف انت تعرفني لا امدح روحي ولا شي .. بس انا البنات اييون لي عندي مالاداعي امشي وراهم .. انا هديتهم كلهم وحبيت ديمة و قصدي كان شريف وابيها على زواج .. بس الشي اذا بدايتة على غلط .. لا يمكن ان يستمر .. يعني المفروض ما أكلمها و اروح وارد معاها .. ابيها لازم اخطبها و غلطتي اني كلمتها
نواف : لا يبا انا مو معاك زين سويت وكلمتها عشان تعرف حقيقتها والحمد الله انك عرفت اهي شنو قبل لا تتزوجها و تبتلش فيها .. عيل في بنت ما تبي احد يقول لها لأ
خالد بحزن : ديمة .. تصدق لمن اكلم بنت عمها ريم تقولي ان اهلها ولا مرة رفضولها طلب بدون مبالغة .. يعني سفر بروحها او مع رفيجاتها تسافر عادي .. حتى الشالييه تروح مع رفيجاتها بروحها ولا مرة قالولها وين رايحة وين رادة .. عادي تتأخر عن البيت و لا حسيب ولا رقيب .. استغرب من الاهل الي جذي
نواف : لا تستغرب .. هذول على قولة المثل خلفوها و نسوها .. مخلينها تسرح و تمرح على كيفها
خالد : مشكلتي مو قادر انساها .. دلعها شكلها شعرها .. اخييه على شعرها .. عيونها كلامها وكل شي .. الله كريم .. والله يقدرني اني انساها

••


عند حمد و شيماء
حمد : شرايج نسافر .. احنا ما سوينة عرس ولا شي .. نسافر نستانس شوي
شيماء : إلي تشوفة
حمد : زين وين ودج تسافرين ؟!
شيماء : خن نروح فرنسا او ايطاليا
حمد : خلاص ولا يهمج نروح الاثنين .. اشوف السفرياات و أسئل اذا في قروبات و جذي و اقولج
شيماء : عسى الله لا يرحمني منك .. و تعيش و تييبلي
حمد : آمين ( قرب من شيماء باس ايدها )
شيماء : اليوم ابي انام بحضنك ههه ابي احط راسي بحظنك و ابي اناااااام
حمد : غالية الطلب رخيص
( شيماء حطت راسها على حظن حمد )
شيماء : امي و انا صغيرة اذا تبيني انام تحط راسي على حظنها و تلعب بشعري احس اني تخدرت و انام على طول
حمد : انزين الحين انتي بتنامين
شيماء تضحك : مادري
قرب منها باسها على خدها و بدة يلعب بشعرها لين داخت و نامت
حمد و شيماء حياتهم اقل من عادية مافيها رومانسة و غراميات .. حياتهم حييل باردة .. حمد مو قاعد يعطي شيماء مثل ما عطى نوف .. وشيماء قاعدة تقطع روحها بس عشان تشوف ضحكتة .. ودايما تحس ان بعدة ما نساها .. بس شنو تسوي اهي الي رضت بهالزواج و اهي الي لازم تتحمل النتائج

نهاية البارت
اتمنى ان يعجبكم

​

و للمرة المليون اقوول ابي ردود حلوة و ما اشوف الردود كل ردودكم أأب أأب شسوي انا بالآآب

بليييز الي يبي يكتب رد خل يعلق على الشخصيات و يكتب توقعات ولا لا يحط رد

شكرا عفوا

 

[MeeMeeYoo_2]

نوووف حدها غلطانه عاللي تسويه

ونواف مو صاحي انشالله مو فلبينيه !!



يعطيج العاااافيه

 

[احب المدرسة]

وااااااي نواف بططك جبدي مالت عليه <وايد مندمجة

نوف ياحياتي تكسر الخاطر

 

[um-al.sa3af]

اااااااااااااااااااااااااااااااااااااااااااااااااااااه على القصه ااااااااااااااااااااااه عذااااااااااااااااب حدها عذااااب

حدهاا تهبل يعطيج العافيه ..
ترى قعدت ابجي معاهم وخصووصا الطراااق !! ووحاله نوف يمه لا لا
متى بتنزلين الباجي ؟؟

جان زين تخلص قبل العيد احسن علشان اذا القصه طالت تصير ماصخه

 

[بطلع لاتدفون]

نوف : كسسسسرت خاااطري حراااااااااام
حمد: اووووووووف يقهر يعني ليش اتزوج شيووووم ليش ما سمع من نووووف
عبدالله: ضربني وبكى سبقني واشتكى يستااهل خلي يحس بتأنيب الضميير
ام نواف : حمااااااارة >>>> سوري تحمست خخخ
بس من جد تقهر اهي الثانية ما صدقت خبر تبي تتزوج ومنو الي كان سبب في موت زوجها
نوااف : خييييييييييييييير اهو والفلبينيه =(
امممممم الصراحة الروايةصاير ما فيها احداث تحمس
وجهة نظر=)​

 

[Zhm1996]

الباااااارت عجيب و نبي بارت اليوم بعد 
اتوقع حمد يشوف نوف صدفه و قلبه يفز لها 
و اتوقع خالد يخطب نوف !!!!
و الام تكتشف انه اللي ذبح الأبو مشعل مالت عليه بس تكتشف بعد الزواج !!! بس صج مالت عليها صج رقله جنها مو مصدقه ع الله انه ريلها مات
يلا حبيبتي اذا قدرتي نزليلنه بارت
و روايتج صج وايد واااااااااو و اهي من روايات المفضله 
و هذا صج مو مدح ​

 

[ام سلمي]

والله نوف كاسره خاطري وايد
وحمد بعد اثنناتهم مو قادرين يعيشون
وام نواف اتوقع عيالها ما راح يوافقون
على هاذاك مشعلوه باط جبدي والله
وتسلمين يالغالية ويسلموا ايدينج على البارت
فديتج لا تطولين علينا​

 

[shyy'Om]

وااااااي نواف بططك جبدي مالت عليه <وايد مندمجة

نوف ياحياتي تكسر الخاطر

لوول عادي اندمجي خخ :d

منورة

 

[ابي قطوة ميوووو]

امببببي لااا حرااام نوووف ليييش جذذذي
بلييييييز بليييييز خل ترررررد مثل قبببببببل :'(
الي تسووويه حددده غلللللط
وان شاء الله ما تكلمم 60 الف واااحد يعني !!!
امبببي صج امها وااااايد هااملتها ومدلعتهاااا
بسسسس في شئ وااحد انا اواافق ام انواف فييه
انها تتزوج!!
لا تقوولين ما صدقت على الله ريلها يموت وتزووجت علييه !!
لاا نقص على اعماارنا لو اهيا الي مااتت اكيييد بو نوااف بيتزززوج علييها !! مايببيلها كلااام
بس صح شووي صعب لانه عياالها تووهم صغاار وتصرفااتهم تصرفاات مرااهقيييييين !
فمااتقدر تتزوج وتخلييهم !
ظروووفهم حدهاا صعبة
احمممد حرااااااااام عليييييييييييييك ؛@
شيماااااء انا شقلت لججججج ؛@ لاااا توااافقيييييين !! شنو ما عندج كراامه تدريين انه الرياال ما يحبج ويحب غيييرج حرااام ظلمتي عمرررج معااها تحممملي الي بييصييير
*

 

[ipod-apple]

لااا امبيييه نوااف شفيييه ...!! يبييله طراااق عشااان يصحى .... :0

ونوف لازم تشد ع نفسهااا شوي عشااان تحاول تبدا حياتها لان هالشي ماراح يفيدهااا كللش ...

وام نواف هذي بروحها قصه ثاانيه بععد ..

ويعطيييج العاااافيه حيااااتي ... waiting u .. =)))

 

[вяσkεи]

امبيييييييييييه انشالله موجذي نوااافوووو

خويييلد لبى رااااااسه بس
اهوو الصح

اماا ام نواااف
يامااال البط شنو فيهااااا
مخرررفه

 

[Te Amo<3]

امبييه ويع حمد قاهرني شكوو اهوا وشيماؤؤ المليقه كرهتها<<<خخخخخ
ونوف حرااام كاسره خااااطري
والام خو حاله خاصه لووول كبرت وخرفت
ونواف والفلبييه خبل حمدالله والشكر
اهم شي خلي نوف وحمد يردون بلييييز
ناطريينج حبوبه رواايتج عذاب

 

[زهراء*]

أمبيييييييييييه لااا لايحب الفلبينية أم لعيوون المفقصة .,

ونوف وحدم لا للفرااااق مابيهم يفترقون والله حرام حبهم يظيييع

خاالد زووغه هالصبي

يلاا شيوم أب أب

 

[вяσkεи]

شيوووووووم

بليييييييييز نبي باااارت اليووووم

تكفييين بسرعه

اب اب اب اب اب اب اب