صغري مقاسج مع طـفولية ( الجزء الثاني من التجمع ) حياكن =)

[طـفولية]

​

السلام عليكم ورحمة الله وبركاته
بنات تجمعي .. عُدت والعودُ أحمدُ ..

فكرت وايد بطريقة حلوة تشجعني وتشجعكم .. وبفضل الله لقيت هالفكرة الي على بساطتها راح تييب نتيجة باذن الله تعالى ..
كل وحدة تييب لها قطعة ملابس غالية عليها .. او تحبها .. خاطرها تلبسها .. واصغر من مقاسها ..
يعني .. انا عندي بنطلون مقاسه اتوقع 8 .. من زارا .. أحببببه وخاشته من المتوسط .. كان ما يفكر ان يوصل لي نص ريولي .. الحين الحمد لله أقدر البسه بس ضيج مبين صغير ..

راح نبدي ان شاء الله من الثلاثاء 18- 10 - 2011 ومدة هالجزء 20 يوم .. ليما قبل العيد 6-11-2011

وأنا ان صار قدي البنطلون وصار مقاسي .. راح ألبسه حق العيد !!

هالتجمع بنركز فيه على التشجيع .. وانا عن نفسي بقيس وزني اليوم .. وما راح اقيسه لمن يخلصون هال20 يوم باذن الله ..

ونبي تشجيع قوي .. ( سالفة يمين يسار - اخر ما توصلتله الابحاث - قصص ناس متااان وضعفواا - المهم شي موثوق ) ..

كل وحدة وهمتها ..

وكلكم تساهمون وتفرفشون الموضوع وتشجعون بعضكم ..

غير انكم لازم تكتبون طبعا يومياتكم و نشاطاتكم الرياضية ..

وانا باذن الله بكتبلي نظام غذائي يديد وراجعتلكم :*​

 

[طـفولية]

هذا نظامي الغذائي .. والله يعيني وأطبقه ..

على الريق : بطل ماي صغير + كوب شاي ينسون مع ملعقة صغيرة عسل + حبة زيت كبد الحوت

الافطار بعد ربع ساعة :
ثابت : حليب خالي الدسم
اختياري :
- كورن فلكس بران + خوخ / موز
- صمون اسمر كلوب ساندوج
- صمون اسمر لبنة مرتدلة وطماط
- صمون اسمر بيض مفيوح ولبنة وطماط و فلفل
- 7 تمرات
- 2 كيك جالكسي

سناك :
ثابت : عصير برتقال
اختياري :
- 3 حبات جوز
- 2 بسكوت بيتي بور
- كتكات

الغداء :
- وجبة دايت كير
- نص صمونة سمرة خضار من صبوي
- تونة بالماي مع ليمون
- 6 ملاعق من الوجبة الرئيسية مع قطعة كبر الكف يدام

سناك :
ثابت : تفاحة


العشاء :​

ثابت : روب خالي الدسم

 

[فواصل]

مساء الخير

شخباركم

وحشتوووووووووني ووووووووااااااااااااااااااااااااااااااااااااااااايد


صج مالنا حلاة بدون التجمع

طفولية

امس شارية من اتش اند ام فستان اصغر من مقاسي بخليه هدفي

^_^

وعجبني رجيمج بكرة بطبقه *_*

بس عندي مشكلة في الريوق

خاصة الموظفات اذا جابوا الاكل و يحلفون لازم تاكلين

كل مرة احط من كل شي نوع او اقل من الربع

 

[فواصل]

طفولية

اشوف الميزان تخلينه في نص الاسبوع يالثلاثاء او الاربعاء

لان في الويك اند وقت الطلعات و الزيارات

فلازم يزيد الون بشكل طبيعي

وانا جربت اوزن في وسط الاسبوع و في يوم السبت

في نص الاسبوع الوزن اقل من يوم السبت :$

اتمنى ان تتقبلي اقتراحي بصدر رحب ولج حرية الاختيار

 

[حصه11]

هلا والله طفوليه
انا بعد بشارك وياكم

خذت لي بنطلون مقاس مديم وما يدخل فيني بس للركب ومايرتفع خخخخخ

لازم اخليه مقاس وعندي بدي رهيب بس كرشي مخرب







نظااام راح اتبع لمدة 10 ايام نظام دوكان مال الامرحله الاولى وبكسره يوم عالخفيف وبرد بسويه 10 ايام

عباره عن بروتين والبان خاليه من الدسم اوقليله والبروتين يامشوي ولا مسلوق ممنوع المقالي

 

[شقاوة طفوله]

أنا بعد باشارك معاكم
وزني ٩٢
الهدف الاول ٨٥
الهدف الثاني ٧٥
الهدف الاخير ٦٠
طولي ١٥٨
وبابتدي معاكم من بكره بإذن الله
وراح امشي على رجيم ١٠٠٠ سعره *

 

[امونه السعوديه]

انا بعد معكم ياكثر الملابس اللي بخاطري البسهم بس الجسم الشكوى لله وزني ٧٢ وطولي ١٥٦
ببدا برجيم عذاري

 

[Makeup.Queen]

وانا معاااااااااااكم قلبا وقالبا :eh_s(9):
وانا باديه من اليوم الحمدلله .
وزني الحالي 101 وطولي 162
الهدف الي ابي احققه لين عيد الاظحى 20 kg
ادري قويه شوي بس ماكسموم ابيه20 ومينيموم ابيه 10
وانشالله اقددددر وكلكم تقدرووون
وانا ماراح اوزن الا ليلة العيد بأذن الله
معني ما اقدر اشوف الميزان وما اطب فوقه بس الله يقدرني
بديت اليوم وهاذا كان غداي , ماتريقت لان ماكان عندي جامعه وصحيت متأخر بس من بكره كل شي بيكون مرتب .
الغدا :

ثلاث حبات كفته مشويه صغيره
سلطة خس مع ليمون
والمشروب ماي لاني ما احب العصاير والماي اخف على معدتي

بعد الغدى بربع ساعه تقريبا
سويت بروحي خلطه شاي اخضر مع زنجبيل وليمون وكمون
فحتهم شربهتم عشان ينزل الدهون .

وسناك راح اكل لي قطعة انناس

والعشا انشالله راح يكون يا شوربة خضار او روب مع خيار

ادري بنات رجيمي شوي ممكن يكون قاسي , بس انشالله ب الأراده راح ننزل للعييييد
وانكوووون غيييييييييييييييييير
بليز الي عندها رجيم مرتب ومجرررررب تعطيني
والي عندها خلطات الي تنشرب على الريق ياليت تفيدني
وبنات كلكم انسو الميزان لييييييييييييييييييين ليلة العيد بيكون الشعوور حلو وحماسي
بس لين قعدتو تشوفون الميزان كل دقيقه ممكن تكون عملية الخساره بطيئه وبتتحطمون وبتاكلوون
:rerrerek:
وياليت يكون فيه توقيع انحطه عشان يميمزنا ويزيد من حماستنا واذا تبوني اسوي لكم انا حاظره
:ggdw::ggdw::ggdw:​

 

[فواصل]

بنات


الله يوفقكم

 

[فواصل]

يومياتي ليوم الاثنين 17-10-2011

الريوق=دسم

2 كراكرز مع مسحة جبنة بيضا مالت كرافت

كوب شاي حليب -سكر سبليندا

وكلت مع البنات سندويش بيض وشربت كرك بس ماكملته لاعت جبدي منه استغفر الله متروس شكر

السناك

حبة من جالكسي جواهر

الغداء

سلطة خضراء

السناك

قهوة و ماي

رحت كيرفز لمدة نص ساعة


العشاء

سلطة خضرا وخذت خبزة صغيرة قطعتها وحطيتها على السلطة -جنها فتوش بس بدون سماق

شربت كابتشينو بدون حليب بس مب وايد بس شوي

كلت 5 حبات شيبس ما كثرت

والحين اشرب شاي اخضر

وبكرة بجرب نظام طفولية

وان شاء الله استمر عليه

 

[توووووتة الحلوة]

انا معاكم

الطول: 156
الوزن: 73
الهدف الاول: 70

اليوم

الريوق
2 بيض مسلوق مع نص رغيف خبز اسمر. 3 خيار وكاس شاي.

الغدا
مافيه غدا

العصر
2 كاس ماي

المغرب
شيبس 14 جرام >> 131 سعرة حرارية
كاس شاي وفطيرة لبنة متوسطة مع زيتون

العشا

2 بيض مسلوق مع نص رغيف خبز اسمر. 2 خيار وكاس شاي.

الرياضة
ساعة ونص مشي
عشر دقايق تمارين الذراعين

 

[فواصل]

http://www.hungry-girl.com/

هالموقع لوحدة تقترح عليكم خيارات صحية

حلو حق اللي تخفف

 

[أإأم روويم]

عااادي اشترك معاكم؟؟

 

[&كرز&]

انا انا خذيني معكم

عجبتني الفتره لحد العيد وخصوصا اننا ما نقيس الا لما يجي العيد

باجر اقيس وزني واكتبه عند

ونظامي تخفيف والعشاء يكون فواكه فقط

 

[فواصل]

صباح النور

شعلومكم

 

[فواصل]

طفولية توني فاهمة سالفة الوزن عبالي نفس قبل نوزن كل اسبوع:eh_s(22)::eh_s(22)::eh_s(22)::eh_s(22):

 

[حصه11]

صبااااح الخير ^__^

 

[&كرز&]

مساء الخير


وزنت اليوم الصبح وزني 68 و300 غرام

طولي 158

لو صار وزني للعيد 63 خير ونعمه

 

[تل السكر]

السلام عليكم ورحمة الله وبركااته
شلونج طفوليه وحشتيني وااايد
ودي اشترك معاج
وزني 100 ك
وطولي 167
وودي اكسر الثلاث ارقام ابي 80
وان شاء الله ابتدي معاكم من باجر
ادري متاخره توني دشيت وشفتج

 

[حصه11]

بكتب يومياااتي لليوم احتمال ما ادخل فالليل

الصبح الساعه 6 ونص كلت لي علبة زبادي قليلة الدسم

والساعه 9 كلت بيضتين مع جبن مربعات قليل الدسم

والغداء كلت لي حلقات من السمج مشوي بالفرن ...+ شربت بيبسي دااايت

وكثرة مااي

والعشاااء بخليه تونة او ما اتعشى

رياضه من باجر ايروبيك لمدة سااعه

وزني = 74
وطولي = 163

هدفي اغير مقاساتي وخاصه هالكرش اقضي عليه

والهدف الاخير =60