قررت اني اصك حلجي بس هالمره صج !!!!(Season Tw0)

[Jalowry]

لالا مايشوفون شر ان شاء الله يابرتي
عاد كله والعيال لايمرضون صج تعب الله يعينج
ويعينا معاج يارب واذا على الرياضه سويها عقب ماينامون عيالج
بالليل افتحيلج يوتيوب وطبي وتنقي الرياضه اللي تعجبج وسويها
معاهم

 

[Jalowry]

عوافي عليكم بنات وصاجه وله يازيني قبل وانا انوع في اكلي
ابشرج وقفت ريجيم الوجبه الوحده ورديت نفس قبل

يومياتي لليووووم
الريوق":كوب فنتس مع حليب خالي الدسم
الغدا:"ساندوش نقانق 3 حبات مع شوي سبانخ وشرايح طماط
العيش كان اسمر
السناك":كليت عنب اخضر 10 حبات
العشا:"تفاح اخضر
الرياضه":نط على الحبل 40 مره
والماي": ماشربت واايد اليوم بس 3 قلاصات

 

[Pretty L@dy]

جالوري هذا الاكل الزين
خوفتيني عليج من رجيم الكورن فليكس

انا رجيمي رجيم السعرات الحرارية
بحاول انوع بالاكلات وما امنع نفسي من الاكل اللي احبه
اسوي اكلاتي نفسها بس لو فاااات
وابدل المقالي بالمشاوي
وبخلي اغلب الاسبوع يكون سمج لانه مفيد مع اني ما احبه واااايد

 

[Pretty L@dy]

مشكله السهر

أنا مرة اشتركت بدايت كير طبعا ما التزمت
قالتلي اخصائيه التغذيه حاولي تعدلين نومج
لان مع تخربط النوم و السهر الجسم مايقول بعمليه الهضم بالطريقه الصحيحه
بس مو قادره اعدلها
ماراح تتعدل نومتي الا مع الدواااام وانا الحين اموومه وكله قاعده بالبيت مع النونو

 

[بنت الوفا]

الحمدالله صامده ريقوي جاي وحليب

والغدء دجاج مع عصير انانس وروب

والحمدالله بين علي ضعف

مو حييل

وربكم كريم

 

[نظآره سودآ]

جااات لي الدورررة

أوووففف

بس تخلص بكمل الحين شاي اخضر

يثبت وزني

 

[اسيره احساسي]

انا الحين صارلي اسبوع برجيم التمر واللبن
مرات اكل سلطه او فلافل بس ما اكثر
نزلت 4 كيلو تقريبا

الحين بتغدا لبن و7تمرات

موفقين بنات

 

[Pretty L@dy]

اسيره احساسي ماشاء عليج حلو ٤ كيلوات باسبوع

انا ما احب الرجيمات القاسيه
ممكن اسويها اخر اسبوع من الرجيم

 

[Pretty L@dy]

ريوقي. لبن اكتيفيا
وشربت عصير برتقال
الغدا سمج مشوي بالفرن مع نص خبزه سمرا
العشا حمسه فطر وطماط وخبزه سمرا
لبن اكتيفيا

ودي اكل حلا *

 

[oJgJI]

بسم الله الرحمن الرحيم

السلااام عليكم بنات شلونكم شخباااااركم

ما شاءلله كلكم تمام الحمدالله

وااي يمه على هل رجيمات كل يوم طالعين لنه بشي يديد مايمتن اليوم رحت الجمعيه عند اكل الدايت ماشاااءلله كل شي فيه بس احنا مشكلتنا تقريبا مع العجين والحلويات يعني مهما صارو حق رجيم ماتفيد معانه عل عموم ما اخذت غير بسكوت من اكل الرجيم خذيت عصير تفاح واناناس وطلعت وبسكوت دايجستف لايت

اكلي اليوم
كنت قاعده علي الغدا
تبوله وعصير تفاح
العصر صب القفشه 3 حبات
العشا تبوله
ومن شوي شربت عصير تفاح


والرياضه ان شااءلله باجر ببطي اتعلم رقص شرقي عاد ان شااءلله اتعلم نفسي ومنا عيني اهز خخخخ
وسلامتكم

 

[Jalowry]

حاولت اضبط نومي نمت عقب صلاة العشا صحيت قبل شوي
راح احاول اني اواصل لباجر وانام بدري وان شاء الله يتعدل نومي

يومياتي لليووووم
الريووق":عصير برتقال فريش
الغدا:"5 قطع شيش طاووق+سلطه خس+5 ملاعق رز
السناك":تفاح
العشا":سلطه توونه
الرياضه":مشي ساعه وتمارين المعده
الماي":4 قلاصات ماااي وبس

 

[Jalowry]

عوافي عل يكم بنات يومياتكم تهبل
وبرافو عليج بنت الوفا واصلي
واسيره احساس مبروك عليج النزول بس سبحان الله
مادري ليه ماأحب اللبن والزبادي حاولت اكل منهم بس
ماتحملت
استمري حبيبتي ولاتنسين الرياضه والماي

 

[Jalowry]

دشو بهاالرابط بنات عجبني واايد ("شوفي شكل جسمج عقب ماتكتبين
طولج وعمرج ووزنج)
http://www.sehaonline.com/bmiHome.php

 

[oJgJI]

جالوري وايييييييد حلو الموقع يسلموو

مع اني تحبطت لووووووول
بس احسن عشان اعرف شنو ابي وما ابي

عااااد انا بس اضعف من فوووووق ابي الفخوذ ترووح (

 

[نثية زوجها]

بنات يصير اشاركم بالتجمع شكلكم تشجعون وانا في قمة حيويتي هههههه مابي تضعف الاراده انا لي اسبوعين ريجيم

ريجيمي اول اسبوع تخفيف والثاني ريجيم الدكتور فادي

عندي دافع قووووي زوجي سافر قبل اسبوع ويبيله اسبوعين على رجعته تهقون راح يبين علي

انا حاليا مبين علي الضعف والملابس وسعت خصوصا بنطلوناتي الجينز حيل فرررق استانست وتشجعت واسوي رياضه بس ابي يبين بالشد بزود الرياضه شكلي لان ضعفت بس احس جسمي ترهل شووووي وخايفه

ريجيمي شوي مقيد وهاذا احلى شي عشان ما اتمادى بالاكل والخرابيط صرت التزم

وزني كان ٧١



قولو ماشاءالله بناااات



صرت ٦٦

الف حمد وشكر لك يارب واخيرا كسرت وزني ماتخيلون كاااان ثابت بشكل موطبيعي

هدفي ادخل الخمسينات ويصير خير ههههه*

 

[نثية زوجها]

وانا صج صج قررت وبديت اصك حلجي لان جد زهقت مع اني ماوصلت لوزن كبير بس الجسم حلاته رشيق عاللبس واللي محطمني اللبس ومحد خلاني اسوي ريجيم الا اللبس لان احس ببجي لما اشوف نفسي بالمنظره باللبس القصير والضيق تنعدم فيني الثقه مع انه زوجي عاجبه جسمي لان الحمدلله عندي خصر صغير حيل فيقول اذا ضعفتي يروووح بس مو هامني ولا من سنتين وانا اسوي ريجيم واخربطه بسبته هو الله يسامحه مايحسسني اني متينه ولا جان من زمان صاكه حلجي ههههه الحين بس ابي اضعف عشان استانس بجسمي باللبس والله حراااااام تونا صغار بهالعمر المفروض وزني اقل بواجد توني ٢٢ واذا احد يشوفني اول مره يعطيني اكبر من عمري المتن صججج يكبررر واحس قاعده اضيع وناستي بالكشخه بسبة المتن لما افكر اخربط اتخيل جسمي لما وصلت ٧١ واتخيل جسمي اول ماتزوجت ٤٩ اتحطم واكره الاكل ههههه خوش سد شهيه طبقوها بس راح اوصل لهالجسم وانا مستانسه ان شاءالله ونبشر بعض بالوزن المثالي اللي انتمنااااه

 

[اسيره احساسي]

برتي ليدي

اي والله صعب الرجيم القاسي
بس الحين ببدا برجيم عادي توه ثاني اسبوع


جالوري
اييي انا احس قمت اكره اللبن الحين
الله يبارك فيج حبيبتي الفال لج توصلين للوزن اللي تبينه


نومي معفوس قعدت الساعه 5 المغرب واكلت تفاحة وبرتقالتين
مادري اهو عشا ولا غدا
توني مشيت وسويت رياضه نص ساعه

وبعد ساعه يمكن اكل بيضه وسلطه


نثية زوجها
ابدي وان شاءالله جسمج يصير مثل ماتبين
وحياج هني كل يوم نشجع بعض

قواكم الله بنات

 

[oJgJI]

قووووووه بنات شلونكم شخباركم

اليوم بسرعه خلص مادري شلون لويه لهيت مادري شسالفه

قعدت عساعه ٣
شربت حليب. ونسكفيه
ليه المغرب رقصت شوي شرقي هد حيلي

ليه الساعه عشر بليل كليت فطيرتين مع عصير اناناس

مامدامي اكل شي سنع الحين احس صج تعبانه قلت ما ابي اسوي جذي ب س شسوي
الحين جبدي قاعده تفور اهوا يوع اهيي لوعة جبد ماني عارفه
وانا احذ احبوب روكتان حق بشرتي
والله مادري احس اني مخبصه ياربي

 

[oJgJI]

نثية زوجها حياج الله ياقلبي بس جم طوولج موو حلو الضعف اكثر من اللزوم

في ريايل يحبون المتان فمن جذي مايتحجون اذا متنو الحريم

اسيرة حساس قواج الي ايي متعب انج تلتزمين بهل اشياء اهوا صح في اشياءمفيدا بلبن والتمر بس ينقصها عناصر اساسيه وان شاءلله اعلم روحي هل كلام

ماافيني بوور ابي اسولف لووول بس احس رروحي صاكتها حوله ماشوف جدامي خخخخخخ يلا سلام

 

[Pretty L@dy]

حياج نثيه زوجها وان شاء توصلين ٥٠

ريوقي بيض مقلي بقفشه زين وربع خبزه
شربت لبن اب
غداي صدر دياي بالفرن مع نص بطاطه
سناك. كتكات و بسكوت مالح
عشاي بطاط ودجز بالفرن مع كتشاب

اليوم ودي اخربط بس الحمدالله عدا اليوووم

عيالي مريضين مالي خلق الرجيم ولا الرياضه