قررت اني اصك حلجي بس هالمره صج !!!!(Season Tw0)

[Jalowry]

نثية زوجها حياج الله معانا وهم فرصه وريلج مسافر تضعفين
وكلنا مثلج حبيبتي انا قبل الزواج كنت 58 تخيلي مع الحمل والولاده
زدت واااايد لووول بس كونج نزلتي وزنج ونجحتي ماشاء الله تبارك الله
تقدرين تكملين للخمسين وحنا معاج حبيبتي بالتوفيق
وصاجه وله اكو ريايل مايحبون الضعيفه حيل بس شنو السواة
الشكوى لله انا ريلي يحب الضعف لووول

وله - برتي ليدي- أسيرة احساسي عليكم بالعافيه
باقي البنات وينكم :نظاره سوده - بنت الوفا عسى المانع خير
وحبيبتي برتي مايشوفون عيالج شر ان شاء الله

اليوم يتني الدوره وخربطت واايد مو بالاكل لالا بالحلو
والكاكاو مادري يوم ماتيني الدوره دايم اشتهي الحلو
فعلشان جذي خليت امس يووم مفتوح وان شاء الله من اليوووم
ارد للرجيم والرياضه

 

[اسيره احساسي]

الـوله

اي صح التمر فيه عناصر اساسيه
بس يهد الحيل رجيم التمر واللبن , عشان جذي ما كملت اسبوع
و بسوي رجيم عادي

برتي ليدي

الله يعينج والله يشافي عيالج ان شاءالله
عادي اذا تعبانه مو إلا تسوين رياضه بس لاتخربطين بالاكل

جالوري

الله يعافيج ..
مع انه يقولون مو زين تسوين رجيم وعليج الدورة , بس
مادري انا كنت مسويه واهي علي

 

[نظآره سودآ]

جـآلووري

آنـآمتابعتكم بس بعد الدورة بجي لأني الحين منتظمه ع الشاي الأخضر بسبب الدورة...

 

[oJgJI]

بسم الله الرحمن الرحيم

عوااافي بنااات بس مووو تخربطون عبونه دوره ديرو بالكم دربالكممم
انا اليوم ريوقي كان فطيرة جبن وزعتر وحليب خالي الدسم مع نسكفيه <<<<<< اليوم حسيت بمفعول هل حركه
وماتغديت اكلت بسكوتين.وعصير تفاح
وسلامتكم

 

[نثية زوجها]

الله يحيكم ياقلبي ماااقصرتوووووو والله ابي الضعف لي انا كيفه هو صراحه تحطيم نفسي المتن جاني اكتئااااب منه ماتخيلون شلون الرشاقه تغير النفسيه عشان نتشجعععع

انا اليوم فري بس بحذر تريقت توست اسمر وجبن ومرتديلا وشربت اعشاب كوبين وماتغديت لان بليل معزومه على عشا وبستانس من زمان محررومه وبكره ببدى بالاسبوع الثاني من الريجيم وشوي قوي اقسى من الاول بس متشجعه له وبليل اذا رجعت بمشي عالسير نص ساعه

وبكره بكتب يومياتي من جديد

 

[نثية زوجها]

انا طولي للي سألت ١٥٤

سؤال الشاي الاخضر الصيني يثبت الوزن معقووووووله الشاي الاخضر يثبت الوزن استغرب فيدوني بتجاربكم لاني طايحه فيه مع الاعشاب

 

[اسيره احساسي]

الوله
بالعكس انا تنسد نفسي اكثر بالدوره


اليوم قعدت العصر وشربت حليب خالي الدسم
وبعد شوي بسوي رياضه عشان اتعشى بالليل

 

[نظآره سودآ]

نثية زوجهاا

في ناس تثبت وناس تنحف

انا تثبت وزني طاايحه فييه بالدورة عشان يثبت الوزن ..^^

 

[oJgJI]

انا باك
المغرب يعت اكلت نص موزه مع عصير اناناس وكيوي
وتعشيت ٢ بيض مسلوق من غير شي حق الغثا وقعد بلعومي خخخخخخخ يبيله دازوز غير الماي بس ماني شاربه الا ماي
وبعد اشويه اسوي تمارين

نثية شربي جاي اخضر بزنجبيل او قشر القهوه وايد زين اتضعف
وشنو الفرق بين الجاي الاخضر العادي الاعشاب الي بالجمعيه عن الصيني ؟!؟

بناات بما انه احنا قاعدين نضعف ونبي نطلع بشكل يديد فشرايكم بعد الي عندها خلطات وعنايه حق الجسم والبشره والشعر تفيدنه ونفيدها بالمعلومات
خلونا نطلع بنيو لوك عدل

 

[Jalowry]

لاحول ولاقوه الا بالله هذي ثالث مره اكتب ويعلق النت
صج بنات اذا سكر توربيكانا سليم مايمتن لو استخدمته في الشاي
والقهوة وفكرتج وايد حلوه ياوله لي رجعه ان شاء الله

 

[نظآره سودآ]

انا باك
المغرب يعت اكلت نص موزه مع عصير اناناس وكيوي
وتعشيت 2 بيض مسلوق من غير شي حق الغثا وقعد بلعومي خخخخخخخ يبيله دازوز غير الماي بس ماني شاربه الا ماي
وبعد اشويه اسوي تمارين

نثية شربي جاي اخضر بزنجبيل او قشر القهوه وايد زين اتضعف
وشنو الفرق بين الجاي الاخضر العادي الاعشاب الي بالجمعيه عن الصيني ؟!؟

بناات بما انه احنا قاعدين نضعف ونبي نطلع بشكل يديد فشرايكم بعد الي عندها خلطات وعنايه حق الجسم والبشره والشعر تفيدنه ونفيدها بالمعلومات
خلونا نطلع بنيو لوك عدل

بقـولج آللي نتـآيجهم مضموونه بإذن الله

إذآ عندج حـبوب حطيلك أسكينول ولاتغسليينه نامي فييه

وإذآ بتطولين شعرج زيت بآرشوت أو زيت دابر املا

والحليب يفتح وزيين للحبووب ويصفي الويه

ولاااتنسي آلممـويه

وموفقه حبيبتي..:eh_s(15):

 

[Pretty L@dy]

عواااافي عليكم بنات

انا بعد بعد جم يوم بتييني الدوره ومشتهيه اكل حلو مع اني ما احب الحلو و الكاكاو وايد

اليوم تريقت عنب
الغدا كليت شوي مطبق سمج
شربت عصير برتقال و لبن اكتيفيا
صراااحه لبن اكتيفيا عجيب للهضم
والعشا صمون حلوم و زعتر
*

 

[Pretty L@dy]

بنااات انا اشتركت بمسابقه احلى عيوووون
عجبتني فكرتها
شكلي بطلع اول وحه برااا ؛)

 

[oJgJI]

لاحول ولاقوه الا بالله هذي ثالث مره اكتب ويعلق النت
صج بنات اذا سكر توربيكانا سليم مايمتن لو استخدمته في الشاي
والقهوة وفكرتج وايد حلوه ياوله لي رجعه ان شاء الله

لا مايمتن لانه السيلوري صفر انا ماخذه الاخضر بالاصفر

 

[Pretty L@dy]

الوله اي والله نبي خلطات
ابي خلطات للشعر انا شعري وايد يطيح
يمكن لانه فيني نقص حديد او لاني والده
كل ما امشي القى شعر طايح :eh_s(16):
ما ادري شسوي

 

[Jalowry]

سلامتج حبيبتي برتي عسى ماشر حق شنو التحاليل
يمكن تساقط شعرج يكون نقص في الحديد
انتي تولدين طبيعي والا قيصري انا اللي اعرفه الوالده قيصري
يطيح شعرها بشكل كبير عموما برتي في كل الحالات ضروري تاخذين
فتامين اعتقد ان اكوا فيتامينات ماتسمن انتي سئلي طبيبج اكيد راح يفيدج
بهالمعلومه اكثر مني

كنت سألتج يابرتي قبل بس شكلج ماانتبهتي
انا عن نفسي اولد قيصري يعني مايمر على ولادتي شهرين
الا نص شعري بيدي صدقيني برتي ماكو شي يوقف التساقط
غير فيتامينات انا قاعده اخذ نفس حبوب الحديد اللي كنت اخذها
وانا حامل وزياده عليهم حبوب الزنك بس اي فيتامين تاخذينه
برتي لازم تكملينه 3 شهور عقبها تريحين شهر وتردين تكملين
الكورس 3 شهور ثانين وهكذا

 

[Jalowry]

النت اليوم مينني كل شوي يقطع المهم
يومياتي:"
الريوق: عصير برتقال فريش- ساندوش توست اسمر
مدهونه بجبنه لايت
الغدا:"نص سمك مشوي-5 ملاعق رز -سلطه
السناك":عصير برتقال فريش (لان فيني الدوره احاول اعوض بالعصير
العشا":سلطة توووونه

 

[Jalowry]

مشكوره وايد ياوله انا بعد اهو اللي عندي
كنت بس ابي اتاكد اذا فيه كالوري والا لاء
واذا على الخلطات انا بعدني باديه بخلطة انل اليديده ماصارلي
يومين احطها عقب مايطلع ريلي للداوام واتسبح منها
قبل ماليرد ريلي يعني بحدودعقب 8 ساعات وارطب جسمي بلوشن فازلين لتوحيد البشرة وايد يهببل هالوشن
أما زيوت للشعر ماأسوي لاني صابغه شعري اشقر فاتح
وعوافي عليكم بنات

 

[نظآره سودآ]

جـآلوري الرجيم وقت الدورة خططططر

 

[نثية زوجها]

بنات انا اليوم خربطت تريقت مطعم هئ هئ هئ
وشربت اعشاب ماراح اتغدى لاني منغثه من ريوقي ومتحسفه
بليل باكل روب بس وبكره ببدي بالاسبوع الثاني
وبخش الميزان لانه قام يحطمني كل شوي قايسته والصبح انصدمت اليوم لقيته زايد كيلو وخربتها بخليه الجمعه الجاي احسن
وبلعب رياضه المغرب بعدل نفسيتي شووي

الخلطات
اذا تبين وجهج يصحصح حطي خميرة البيره مع الروب
او ترمس وروب وماي ورد
او عسل وروب وليمون
او طحينيه وروب

هالشغلات بالذات تصحصح الوجه وتعطيه حيويه وصفاء

وبليل دهنيه بزيت جنين القمح يجنن يجنن يجنن جربو يوميا لمده اسبوع ولاحظو

والسنفره يوم بالاسبوع كافي لاني لاحظت كثرتها ترهق البشره وتشيل النضاره


الجسم
بخلاف كل الخلطات اهم شي زيت اللوز المر عندي بعد الشور خليه بالحمام ودهني جسمج فيه وهو رطب انا اخلطه بلجسرين وزيت الليمون ومرات بروحه
صج فضيع يوحد ويشيل الخطوط ويندي الجسم طول اليوم تحسين جسمج لييين



وووووشكثر خلطات غرامي اموت فيهم هههه