مشكوره وايد ياوله انا بعد اهو اللي عندي
كنت بس ابي اتاكد اذا فيه كالوري والا لاء
واذا على الخلطات انا بعدني باديه بخلطة انل اليديده ماصارلي
يومين احطها عقب مايطلع ريلي للداوام واتسبح منها
قبل ماليرد ريلي يعني بحدودعقب 8 ساعات وارطب جسمي بلوشن فازلين لتوحيد البشرة وايد يهببل هالوشن
أما زيوت للشعر ماأسوي لاني صابغه شعري اشقر فاتح
وعوافي عليكم بنات
العفووو حبيبتي ... شنو اهيا خلطة انل شتسوي ؟!؟؟
بنات انا اليوم خربطت تريقت مطعم هئ هئ هئ
وشربت اعشاب ماراح اتغدى لاني منغثه من ريوقي ومتحسفه
بليل باكل روب بس وبكره ببدي بالاسبوع الثاني
وبخش الميزان لانه قام يحطمني كل شوي قايسته والصبح انصدمت اليوم لقيته زايد كيلو وخربتها بخليه الجمعه الجاي احسن
وبلعب رياضه المغرب بعدل نفسيتي شووي
الخلطات
اذا تبين وجهج يصحصح حطي خميرة البيره مع الروب
او ترمس وروب وماي ورد
او عسل وروب وليمون
او طحينيه وروب
هالشغلات بالذات تصحصح الوجه وتعطيه حيويه وصفاء
وبليل دهنيه بزيت جنين القمح يجنن يجنن يجنن جربو يوميا لمده اسبوع ولاحظو
والسنفره يوم بالاسبوع كافي لاني لاحظت كثرتها ترهق البشره وتشيل النضاره
الجسم
بخلاف كل الخلطات اهم شي زيت اللوز المر عندي بعد الشور خليه بالحمام ودهني جسمج فيه وهو رطب انا اخلطه بلجسرين وزيت الليمون ومرات بروحه
صج فضيع يوحد ويشيل الخطوط ويندي الجسم طول اليوم تحسين جسمج لييين
وووووشكثر خلطات غرامي اموت فيهم هههه
ماشاااءلله شكلج خبره خل اسالج جم سؤال شنو هذي خميرة البير من وين القاها ... او وايد خلطات اشوفهم يحطون عسل اهوا اي عسل احطه عادي يعني ما ياثر ...
وزيتلوز المر والجلسرين وزيت الليمون هذوله تستخدمينهم مثل البيبي اويل يعني يغنوني عنه !؟!
انا مدمنه قشر قهوووووه هههههه وتبين الصج هواللي خاااافي بطني طحت فيه من الاربعين وبعدها 3شهور تقولين سحرر وحاليا اشربه بس مو يومي ومو بروحه اشربه مع زنجبيل ودارسين
الشاي الاخضر الصيني نصحتني فيه حماتي خبره بهالسوالف ولا انا مو ذاك مع الشاي الاخضر بس استغربت يوم قريت انه يثبت بوقفه هالاسبوع واشوف وهي قالتلي يكون اقوى ومركز مو نفس الشركات التجاريه هذاك الاصلي وطعمه شووي مررر
وجاي الاخضر الصيني وين القااه !؟!
بناااات انا اضافري تكسررو اكيد من نقص في اكل
الي يصير فيها جذي تستخدم
عصير ليمون مع زيت زيتون يوميا ومره وحده بالسبوع تفرك اضافرها بفص ثوم
وفي صبغ اضافر بالصيدليه ادور اسمه وعطيكم اياه
