قرووب رجيم التمر واللبن لمدة شهرين ابتداءا من 5 سبتمبر

[fatma A]

ما لعبت رياضه وخربطت شوي اليوم الانه علي الدوره

 

[CRYSTAL GIRL]

مرحبا حبوبات...
ينفع اشترك معكم في القروب؟
انا كذا مره احاول اسوي ريجيم وما اكمل ..
ففكرت اشترك بقروب عشان اتحمس واكمل...
ياليت تقبلوني معكم...

 

[أم وليد الشمري]

فطوووم .....دام عليج الحلوة حاولي تأكلين شوي والرياضه حاولي تمشي ع الاقل
ساااد .... ان شاالله نضعف كلنا ولابد
من الرياضه لانه العضلات هي الي تحرق ... ما عندج عضلات ما تضعفين وان ضعفتي بترجعين دبلات
هذا الشي جربته والله بنات ... مافيكم شده ع الاقل نص ساعه مشي يومياً لها دور مثل السحر
كريستال... مع الاذن من صاحبه الموضوووع حياااااج
اليوم فطرت تمر وحليب خالي الدسم(( ساد خالي وليس قليل الدسم لانه تفرق بالسعرات الحرارية))
نمت والا افتح الثلاجه لقيت رقي بااارد صراحه ما قدرت اقاوم
والعشا سبع حبات تمر وحليب
وصح بعد شربت زنجبيل + شاي اخضر+ قشر قهوة
ولله الحمد والمنه

 

[بنت ذاك الشيخ]

هلا والله معليش
الاسبوع ذا مسافرة للأهل زوجي
وتعرفون ام الزوج كبيرة بالسن ماتعرف للرجيم والخرابيط تجيبلي من اللأكل واكل
بس ع فكرة ماشية بالتخفيف لانو المغرب اقفل خلاص العشاء تجيبلي المغرب سلطة فواكه
والفطور فطير
والغذا مرة مكرونة ومرة دجاج
لكن من السبت الجاي بادية لأنو الأن وانا عندها ممكن انزل الخميس لبيتي
واللي تسأل عن رجبم ام هديل عبارة عن وجبة لبن زبادي اكتفيا وبرتقالة وحدة وموز وحدة
فطورك وغذاك وعشاك يعتمد ع االوجبة ذي مع شرب لترين موية ومشي 45
بس انا كنت الغي الموز لأنو مااحبه
ونزلت ب3 ايام كيلوبن و800 غرام
تقريبا مثل نزول رجيم التمر واللبن
هاه يابنات ترا ع الوعد السبت انشاءالله بابدأ
اذا في قروب بالواتس والبي بي يكون احسن
ويعطيكم الف عافية

 

[عسى الله يهديني]

السلام عليييييكم انا معاكم بذن الله

وزني 77
طولي 164

عمري 22

الهدف الاول 70
الثاني 65

الاخير 60

بس ماعندي اراده

بذن الله باجر راح ابلش بالرجييييييييم هاذا

يعني من باجر الثلاثاء الي يوم السبت اتمنى انزل لو 3 كيلو


المصيبه وزني ثابت












برب راح اوافيكم بالمستجدات

 

[أم وليد الشمري]

صباااااح الخير والرشاقه بنوتات
خبصت اليوم من قلب اهئ اهئ اهئ
ماادري حسيت بمغص وتعب مو طبيعي وشفت ورق العنب
وخواتي كلنوا عندي واكلنا مالذ وطاب مو وايد بالكميه بس اكلت
حاااااسه بتأنيب ضميررر
خصوصاًان هالشهرين قلت ناويه ما اخبص ووراي عرس على عيد الاضحي
وحلمي صار ادش الخمسينات

 

[fatma A]

ام وليد عادي حتى انا مرات اخبص بس اليوم انشالله بلتزم عدل

 

[أم وليد الشمري]

بأذن الله
انا جذي فطوووم اقول اعوضه شوي بالرياضه والأيام الجايه احاول التزم بأذن الله
ربي يقدرنااااا

 

[صفاء حسين]

عالسلام عليكم
بنااات اقدر اشارك وياااكم
عمري 39
ووزني 94
هدفي الأول 80
طولي 162
ان شاء الله بكون وياااكم ومنتظمه
انا حاليا ممتنعه عن الخيز والعيش صار لي عشر ايام تقريباً
لاني سمنتي منهم
وكل يوم العب رياضه بالاضافة للمشي
من نصف ساعه الى ساعه او ساعتين
على حسب ظروفي
اهم شئ اني العب يومي رياضه
والله يوفقكم جميع يااااارب​

 

[Madrideya ~]

هاييو صبايا انا حابة اجرب هالرجيم بس ما اطول فيه تقريبا شهرر بس لانه حيل متعب ..
بس مو الحين راح ابلش فيه لاني صارلي شهرين على نظام معين وامس غيرته لنظام ثاني
يعني من اليوم مبلشة نظام دايت قاسي وراح استمر عليه بس 10 ايام لين تبدأ الدوامات
واذا بدت راح ابلش برجيم التمر ان شاء الله ..

بس اقولكُم شي انا ما احب لا اللبن ولا الحليب يصير استبدلهُم بشي ثاني
يعني عصير اناناس مثلاً ؟ لان الاناناس يساعد على حرق الدهون !
والتمر اللي ناكله له نوع معين !! يعني قليل السكر ولا شنو !
واخر سؤال اللي جربت هالدايت خل تقولنا مميزاته وسلبياته وجم ينزل بالاسبوع !

لأني بصراحة خاطري فيه بس خايفة لانه اغلب اللي جربوه نزلو عليه نزلة قوية وغالبية اخصاء التغذية قالوا
انه اللي تنزل بسرعه بأيام قليلة تردهُم دبل بالمستقبل وبنفس الوقت خايفة اذا هديت هالرجيم بعد الشهر وبلشت
بواحد ثاني يثبت وزني !!

يا ليت اللي جربته تفيدنا ،، والله يوفقكُم وان شاء الله الكل يضعف بصحة
وانا عن نفسي ودي اجربه وما ودي جااري التفكير والبحث واذا اقتنعت فيه راح اسويه
بس مثل ما قتلكم مو الحين بعد 10 ايام ان شاء الله ..

 

[STILL G L A M ~]

معاكم باذن الله ..


ببدي اليوم ان شاء الله :eh_s(9):

 

[fatma A]

اليوم تريقت لبن و7 تمرات

 

[دايت تمر ولبن]

هلا بنات
وشلونكم
مرررررة اعجبني الموضوع
وكذا سجلت بالمنتدى علشان
امممم
وش اقول
اية وزني 120 قبل اسبوعين تقريبا ( مسكييييييينة )
وطولي 170
الان وزني
114,50 ( راااااائع )
وانا قريب اتزووووج
باركوووووولي
امممم
لقيت موضوعكم الحلو
وجمعتكم الحلوة
قلت اشارككم
ودايت التمررر و اللبن
مررررررة حلو
ونزلت اكثر من 5 كلج
خلال اسبوعين بس
لكن يوميا امشي ساعة تقريبا
واحيانا شوي فواكة
بس قليل
اممممم
ودي ترحيب حلو وتشجيع
نسيت اقول
انا بديت بالدايت
29 اغسطس
وماااشية تمام
يااااااااربي
اسفة طولت هههههههه
​

 

[PrettyPretty]

عساكم على القوه

 

[صفاء حسين]

فطوري
سبع تمرات ولبن بس مع الاسف كامل الدسم
ما اقدر على خالي الدسم
البارحه لعبت رياضه ساعه الا ربع
​

 

[دايت تمر ولبن]

بناااااااااااااات وينكم
الحقووو علي
احس توقفت عن النزول
اقصد ثبت وزني
لي تقريبا 5 ايام موقف
مو بالعادة
؟؟؟؟؟؟؟؟؟؟؟؟؟؟
شنو السالفة
خايفة من مرحلة ثبات الوزن اسمع كتير عنها
وش اسوووي
محتارة


​

 

[لياحه بنت لواح]

ماشالله عالتجمع

وين صاحبة الموضوع
من زمان مااشتركت بهالقسم
ادعولي اووولد بالسلامه واشترك معاكم
تراه خوووش رجيم وضعفت عليه العام
وانشالله اطبقه بعد الولاده معاكم
ها شدووو حيلكم
شكلكم نمتووو
سااادشدي حيلج عشان اشترك معاچ



موفقين

 

[سارةة]

سوري عالتاخير
ان شاء الله من باجر ابدي معاكم الرجيم تعرفون الظروف ودوام الجامعه والارهاق
اليوم شريت التمر والحليب بأذن الله من باجر ويبدا الحماااس

 

[STILL G L A M ~]

امبيه انا خبصت الدنيااا جربتا يوم وحسيت بدوخه بنات

 

[ســـولي]

احم احم القروب اكتفى ولا باقي