لي متى ببقى تحت رحمه الكيلوات الزايده نبيها رشاقه

[كويتيهx5]

هلا ليمونه وحساسه

هلا داهيه مطير وحيياج

اي بنات شدووا حيلكم ما بقى شىء ترى نقدر خلال هالشهر نقط 12 كيلوو على الاقل وبدون حرمان بعد يالله شدوو الهمه.

 

[Eng_7asasa]

هلا حبيبتي كويتيه انا توني رادة من 360

تغدينا اب صباح و مسى

تبولة و مقبلات و شوية شيش طاوق مع دايت

والحين بشربلي جاي مع امي

و بالي قطعة حلو عن خاطري بعدين بصكر حلجي لي يعت باكلي تفاحة او خيار كمية مفتوحة وبس

 

[I don’t care]

:eh_s(7):

 

[عليـاء]

مرحبا بنوتات
كل سنة وانتم طيبين
وعيدكم مبارك يارب

انا معاكم
ياحلوات

 

[عليـاء]

أنا أول يوم العيد تخربط من قلب
واكلت كل اللي بخاطري

ثاني يوم
رتبت وجباتي ولا أكلت بين الوجبات
الحمدلله

اليوم
ريوقي
كان شاي ابيض
قطعة صغيرة مناقيش زعتر
وقطعة تشوكليت

الغدا بالسينما
كولا
وكورن
وسندويشة دجاج
تمشينا بالمجمع وبعدها اكلت برد

والعشا
بيض واكلت قطعتين تشوكليت
والحين اشرب ماي
وخذت حبه عشان انظف بطني

ومن بكرة الجد ان شاء الله

 

[عليـاء]

كويتية
مشكورة على التجمع
والله يحقق لج كل امنياتج يارب
واول السنة الجديدة تكونين بشغلج يارب

حساسة
الله يحقق كل امانيج وتكونين ارشق الرشيقات بعيد ميلادج
ومبروك اللوك الجديد

انصارية - لوقن - ام خدوجة
وباقي البنات اللي هنا
بالعافية اكلكم حبايبي

ويارب باقي البنات يدلون الطريج ههههههه

 

[عليـاء]

أنا بكرة باسوي هالريجيم وهو عشان اذا وزنج ثابت
اللي حابه تسوي معاي يارشيقات

الافطار
علبة زبادى لايت ومعاها برتقالة
بعدها بساعتين علبة كمان وبرتقالة اخرى.
الغداء
اى اختيار بروتين قطعة لحم او ربع دجاجة او سمكة كبيرة مشوية معاهم طبق صغير ارز مسلوق ومعاهم طبق السلطة
بعدها بساعتين ثمرة فاكهة
العشاء
ثمرتين فاكهة او زبادى لايت

تقدرين
تسوينه لمدة 5 ايام

 

[عليـاء]

يالله يارشيقات
ايش رايكم بالرشاقة

 

[انصاريه قمره]

انا خربتهاااا اليوووم
طبعا ريوق ما تريقت
تغديت صحن صغير عيش
ويدجتي الله يخليهاا اغصبتني عالحلوو والفطاير اكلت شووي
وعشى كلش ما بتعشى اذا يعت بقزرهااا كيوي والله كريم

 

[Eng_7asasa]

هلا حبيبتي علوييييه اشلونج شخبارج مع العيد

اي لنا بدعنا انا اليوم نظمت نفسي اكثر وماخربطت نفس الايام الي طافو حمدالله وشربت زعتر وطليت شوية ذرة مشوية على الفحم

عن خاطري
ا

ان شاء الله كلنا نوصل لاهدافنااا

يارب ملينااا

والله انتى نفسي علوي قمت امووت بالعصاقيل مادري شفيني ابي اصير عصقولة


الله كريمة ان شاء الله

نظامج جم ينزل علوية

كويتيه
حبيبتي الوزن اي يوم عشان انعرف و ندزلج ما ننسى

 

[Eng_7asasa]

هلا حبيبتي انصاريه شتسوين بعد العيد نكسر القواعد بس والله حرام

نرد الي نزلاناه انا لمن قاعد يسألوني ويقولولي شحلات الضعف علي شجعوني اكمل الدرب الطويل

قطع المتن مو حلو والله

و شباب هل الوقت مايبون المترسة يبون السمبتيكة اهم يدبون ويكرشون ويبونا ماناكل ونحرم عمرنا والله حاله

:0bee2e8d89:

 

[عليـاء]

هلا انصارية
فديتج وقفي التخربط وتري تريقي احسن
لاني اشوف نفسي وانا اتريق مااشتهي بعدين ولا اخربط وايد

حساسة
اي والله حساسة صايرة ابي اصير عصقوله هههههههههه
وترى صج مع اني يشوفوني وايد ضعفت بس احسن للحين بعد ابي
اكثر
الريجيم اللي حطيته فديتج عشان اللي وزنهم ثابت لقيته بمنتدى مصري
واللي كاتبته دكتورة مكتوب تسوينه 5 ايام عشان تخسرين وزن اكثر ومو مكتوب كم
بس حبيته وخاصة لايام الطلعات يعني حلو الغدا تاكلين مشوي وسلط وايد اوكي

الله يعينا يارب ومو بس الشباب يموتون على الضعف حتى البنات خخخخخخخخخ لو شافوج دبة تحطي من عينهم
تغيرت نظرة الناس والله حتى لو انتي حلوة ودبة مايشوفونج لو مو حلوة بس سمبتيك الكل لف عليج ههههههههههههههههههه

 

[عليـاء]

كلامي صاير بدليات لوووووووول
حساسة
اخبار مشروعج
الله يوفقج بارب

اليوم خذت لون حمرة يجنن من ايف سان لوران
رقمة 151 كرزي
وايد روعة

 

[Eng_7asasa]

علويه اي حبيبتي على قولتج اذا حلوة يقولون حلوة بس بطة عادي والله نظرة تغيرت حمدالله والشكر

لووووووول علويه عدال انا من العيله اكتب بسرعة و جوفي البدليات

امبييييييييييييه علويه اانا اليم شريت نفس لون حمرتج بس من ماركس سبنسر وايد عجبتني و مسوين عليها عرض

1.500 بلالالالاش و لونها ايننن كرزي على مادري شلون امي معناها مااتحب الحمر اعجبتهااا اسمها black currnt

شي جذي اتينن حق الشتااا مع باطلو اسود ههههه وحطيها تشبييين

 

[انصاريه قمره]

ايي واااضح بقزرهاا كيوي <<< طل بعيني
خربتها توه استخفيت وكليت كتكات وسنيكرز امبييي شفيني فصلت بنات صحوووني عفيه

 

[Eng_7asasa]

قوة بناات اشلونكم

انا اليوم ريوقي ااان روب خالي الدسم وبحاول اشرب ماي كثر مااقدر

انصاريه نصيحة قطعي الكاكاو من بيتج دام ماتقدرين اتقاومينة واكلي على قدج اذا ما تقدرين مثل ما قتلج لاتخلينة بالبيت

وامشيليج على نظام حرام اضيع التعب كله

 

[عليـاء]

هلا حساسة
عليج بالعافية الحمرة ياقلبي
واللون صج مو صاحي وحلو للجو البارد يمي يمي كأنه كرز هههههههههههه
الجو اليوم يينن على بارد
وانا بنفسي روعة ههههههههههههههههههه

حبيبتي انصارية
مثل ماقالت حساسة اقطعي الكاكو من البيت حاولي
بس صج لأن فترة عيد احنا بيتنا مليان كاكو وحلا بس احاول اني مااشوف ههههههههههههههه

 

[عليـاء]

أنا اليوم وزنت
الحمدلله وزني مثل ماهو 70

فبديت يومي
بطل ماي
برتقالة

وبعدين سويت لي شراب عجيب هههههههه
حطيت بمطارة مع الماي الحار شاي اخضر وبقدونس ونعناع وشاي ابيض وياسمين
واعشاب
وشربت منهم 3 اكواب قبل الغدا

غداي
عيش ابيض
ربع دجاجة
وسلطة

 

[Eng_7asasa]

بالعافية علييج حبيبتي علويه

انا كليت برتقالة على 12 و شي

وبعدييين غداي شوية سلطة و شوربة عدس و شوية عيش وبس قمت واانا خاطري اكمل العيش لانه يوووع و برد

بس قلت لا والف لا ناطره سناك العصر ان شاء الله

 

[عليـاء]

حلو حساسة
عليج بالعافية وشدي حيلج
نبي نقط قبل ماتبدي السنة الجديدة كم كيلو
خاطري اوصل 65 قبل السنة الجديدة وانت معاي بعد شدي حيلج اوكي
وبما ان وقت اجازة نقدر نشد على نفسنا اول مايبدا الدوام بنتعب وبناكل
الجو البارد يبي له اكل بس لا والف لا هههههههه مثل ماقلتي كان خاطري بمكسرات بس مسكت نفسي
وجالسة اشرب الشاي اللي سويته عشان ادفى لان وايد برد

حساسة
كويتية حاطة على الميزان السبت كل اسبوعين
انا ودي نغير
اذا كويتية راضية نخليه كل اسبوع عشان مانمل ونخليه مثل الاول الخميس
مو احسن ؟
ايش رايكم بنات
لان السبت بنكون مخربطين من الجمعة لان كلنا تقريبا نكون فري وناكل بالزوارات