متزوجه ووزنج 85 وصااااعد ومااعندج اراده .. حيااج

[um.zooza]

هااااي مزاااااجيه وقيثاره وبنت السلطان منوشي
أنا معاكم ان شالله وانا مسجله بعد بقرووب عجيييب اسمه حمله أخشبي ١٠ كيلو دهن بدون رجعه بدون تعب
واايد حلو القرووب وفي معلومات قيمه ..

ومع هذا بدش معاكم بعد لانه أنا بعد يبيلي تشجيع يومي علشان ماتقل التراجع ..

أنا متزوجه والوزن اااااااخخخخخ ٩٨.٥ وطولية١٦٥ بس أنا عظمي عريض يعني لما كنت بنت ماكان الوزن بالستينات

اسفه قلتلكم قصه حياتي بس كل اللي بوصله لكم انه الوزن المثالي لي على كلام الدكاترة بالسبعينات ٧٥-٧٣

طبعاً الحمل والولاده اهما اللي يلعبون لعب بالجسم وانا عندي طفلين الله يحفظهم ..

 

[um.zooza]

الحين بقولكم رجيمي واليوم بلشت فيه جدددد

أنا اراجع عند دكتوره بشاير البدر اللي بعياده عبدالله المطوع ورحتلها يوم الأربعاء وعطتني برنامج وان شالله راح امشي عليه

واقوولكم يومياااتي بس هالله هالله بالعزيمه والاراده كل ما حسبان بتخربطون دشو القروب فضفضو

بالتوفيق بنوتات وسامحووني عالاطاااله

 

[نارنجه]

انا بشجعكم اذا تبون تشجيع

عشان تمشون صح بالبداية عدلوا عاداتكم الغذائية
اعتمدوا الاكل الصحي و الطبيعي لين تتعود المعدة و تصغر
وعقب بلشوا باي نظام رجيم

انصحم بنظام الربيعه موجود بقسم الانظمة الغذائية
ماااا بخليج اتيوعين

قاعده اخذ منه

ويارب تضعفون و تحققون الوزن المثالي

 

[كيكه توفي]

بالتوفيق

 

[زوجي كل دنيتي]

انا بعد ابي اشارك معاكم
وزني 70 وطولي 155

 

[ام احلى خلودى]

امبيه جنج تكلمين عنى واااى لاتذكرينى ببجى انا وين كنت ووين صرت والله وزنى كان 58 سمبتيك وطولى 165 جسمى كان ينن والبس كل شى واتفنن بالبس ويطلع حلو لانى ضعفيه وفوق هذا اطلع واروح واطامر وثقه مو طبيعيه اما الحين اول شى ثقتى انعدمت والله ماحب اطلع ولا مكان ولااروح العزايم انحرج من المتن وحتى شخصيتى تغيرت وفوق هذا ولاشى يدش على ولبس المتان يلوع الجبد وغير الكااابه اللى حايشتنى بسبه هالموضوع بس ملييييت ابى اضعف ( الله يقدرنا ونضعف يارب ومشكوورة على هالتجمع الحلو وسامحينى وايد قرقرت بس من القهر ههه

 

[((shoOoshoOo))]

وانا بعد بشارك معاكم وووايد محتاجه لتجمع يشجع
خصوصا ان زوجي قالي بضحك جنج زايده 3 كيلوات لووووول حدي تحبطت

باجر الصبح اقيس وزني عدل .. بس اتوقع 70 وخرده

وريجيمي كالتالي :

وجبتين باليووووم :

الوجبه الاولى : 7تمرات + حليب حالي الدسسسم
الوجبه الثانيـه : 2توست بجبن او همبرغر + ببسي دايت او عصير
أو
ربيان أو شيش طااااااوووق او كباب + ببسي دايت او عصيـــر

 

[7googya]

صبحكم الله بالخير بطوطات وان شالله عن قريب بتكونون رشيقات .. الله الله بالاراده ولازم نحط الهدف جدام عيونا ..
تقبلوني معاكم طولي 160 ووزني 84.7 من رمضان زايده 6 كيلوات امبدعه بالاكل وكالعاده كل يوم اقول باجر رجيييم .. محتااجه تشجيييع وان شالله اوصل عالاقل لي 74 بداية ..
امس نبشت باوراق الرجيماااات الي عندي وياااكثرهم وقررت اسوي نظام عبدالله المطووع بيكون كل يوم نظام غير عن الي قبله واذكر قالي ان بيحرق حرااق .. للاسف مالتزمت بس ان شالله معاكم بالتزم واصير خووش مره ..

يعطييج العافيه صاحبت الموضوع "مزاجيه" كلامج عين العقل واهو الصح لي متى واحنا متان نبي نلبس ونبي نكشخ انتحلى على عمرنا ..

قيثاره الشوق .. حاولاي تاكلين بدال الككاو تمر او فاكهه ترى تغني صدقيني يقولج مسوين دراسه ان الانسان اذا احتااج شي حلوو مجرد ما ياكله تفاحه او اي حبة فاكهه تعيد توازن لاسكر بالدم والجسم ... وتغنيه عن الككاو .. حاولاي وانا بحاول معاج لوول ...

 

[**$مزآآجيه$**]

هلا بنااات
الله يحيكم بالقرووب وان شاء الله ياااارب نووصل للهدف


انا حاليا بالدوام بس ارجع بكمل معااكم وبقوولكم شنو بسوي اليووم

 

[بنت السلطآإآن]

سلااام صبايا


اليوم ريوقي كان نسكافيه


والغدى 3 توستات 2 مع بيض مسلوق و1 مع سلطة


ولي باك بعد العشا

 

[um.zooza]

مساااااء الورد عالرشييييقات


اليوم اول ما قعدت شربت كوب كبير ماي دافي

وبالدوام تريقت مع البنات شريحتين توست اسمر بالحبوب مع جبنه 0 fat وااااااايد خفيفه وبعدها بساعه شربت شاي الزنجبيل والشاي الاخضر مع الليمون

وعالساعه ١٢ تفاحه+ روب مخلوط مع بذره الكتان


والحين ويت البيت تغديت سلطه وبنام علشان بإذن الله المغرب اروح الممشى

وبعد الممشا أتعشى كورن فلكس فتنس + حليب خالي الدسم

طبعاً أنا ماشيه على برنامج بشاير البدر اضافه الى كلام الاخت miss lizliz

والماي وااايد قاعد يخليني احس بشبع..

الله يسهل ونوصل للوزن المطلووب​

 

[بنت السلطآإآن]

باااك


تعشيت سلطه فواكه ( فراوله - تفاح - عرموط - عنب اخضر - عنب اسود - موزه )

وكليت سناك مكنتوشه وحده


ويمكن امشي ع الغزال الطائر بعد شوي

 

[بنت الوفا]

انا متزوجه وزني 86
مكان السمنه فوق الارداف والبطن والجتف

ودي اضعففففففففففففف

 

[**$مزآآجيه$**]

بنات اليووم للاسف مابلشت بالداايت

يدتي اتعبت علينا واضطريت اخرربط

وطبعا نفسيتي اتعبت وحطيت حررتي بالاكل

بس جد انا محبطه كنت متشجعه ابدي اليووم

بس ان شاء الله باااجر ابتدي

 

[زوجي كل دنيتي]

مرحبا بنات
اليوم تغديت 2 توست اسمر مع ملعقة جبن كاسات + 2 همبرجر مشوي
والعصر شربت كاس لبن
وبالليل خسارة رحت بيزا هت تعشيت وخربطت وشربت بيبسي

 

[((shoOoshoOo))]

لوووووووووووول
حتى انا رحت بيتزا وتعشيت لووووول

مادري متى بضبط حالي شوووووي !

 

[صاحبة أمل]

السلام عليكم أخواتي في المنتدى
أنا إحدى المحبطات من السمنة وحبيت أشارك معاكم في مشواركم نحو الرشاقة وهذه أول مشاركاتي إنا من ضعيفات الإرادة مش مصدقة إني في يوم هانحف وكل يوم أأقول بكرة وبكرة ما جاء حتى الأن.
قبل شهر تقريبا قلت لازم أخلص من جبل الدهون اللي كابس على عمري وشبابي وخنق فرحتي وثقتي بنفسي وعنها وعملت شوية قوانين لأني مع الأسف من الناس اللي يصيبهم التوتر وشراهة الأكل أول ما يسمعوا كلمة ريجيم أنا طولي 162 ووزني كام تتخيلوا ....
126 كيلو ....
شيء يحطم القلب والصحة والعمر والأمل
لكن ما باليد حيلة لازم أحاول ولا استسلم
قلت مش هاكل الحلويات الجاهزة ولو اشتهيت حاجة حلوة بيكفي التمر والفاكهة والمربى والعسل الابيض والاسود وبلاها الشوكلاتة والبسكوت والكنافة والجلاش والتورتة والجاتوة والذي منه وكنت استهلك هذه الاشياء يوميا
كمان قررت أعتاد وأحب الرياضة فأصبحت نشاط شبه يومي: يعني 5 أيام على الأقل أمارس نوع رياضة واحدة على الأقل وساعات نوعين يعني مثلا الصبح مشي نص ساعة وبعدها ايروبكس في البيت (طبعا بعد ما جربت النوادي وفشلت) وساعات ايروبكس وشوية أثقال خفيفة برضو .
أصل مع وزني الفظيع ده ما اقدرش أعمل أي حاجة بسرعة.
ساعات كثير أندم كيف وصلت للحجم ده ؟؟ مستحيل هاقدر أرجع 60 أو 70 أو حتى 80
السمنة أبشع شيء في حياة المرأة ... إنها الذنب الذي لا يغتفر، لن يفهم كلامي هذا إلا السمينات،
مهما كنت حلوة أو طيبة أو مؤدبة أو متعلمة أو مثقفة ... لكن سمينة ... خسارة ...
سمينة يعني ثقة بنفسي صفر يعني أكره الخروج من البيت إلا للضرورة يعني حلقات مفرغة من الاحباط والأكل ومزيد من السمنة تؤدي إلى أحباط وأكل و و و
كان نفسي الشهر ده يوصلني لتحت 120 لكن مع الأسف 3 كيلو فقط هي حصيلة الاجتهادات التي سبق وأن أخبرتكم عنها
أنا الأن 123 باقي 63 كيلو علشان أرجع بني أدمة وليس نصف ديناصور
ربنا يهون
اليوم فطرت بيضة مسلوقة بعدها بساعتين أخذت 3 ملاعق شاورما وكوب شاي بحليب خالي الدسم ومعاهم ملعقة سوداني وحبيتين عين جمل.
مش عارفة هاكمل ولا لاء وإمتى هاوصل وإزاي لكن ما زلت أحاول
إدعو لي

 

[قيثارةالشوق]

بنااات انااعمل تخفيف مابعد ابدي بالرجيم

 

[قيثارةالشوق]

بحااول اخفف حلا وبسووي مثل مااقلتي ثاانكس

 

[um.zooza]

يالله بنوووتات نبي همه لا تياسووووووون دائماً تذكروا

السمنه تعطييج اكبر من عمرج

معااااناااه باللبس

شكل قبيييح

حكره بالبيت وماكو مناسبات ولا يمعات وكشخه

تذكرو دائماً انه لذه الاكل ثواني وماتتعدى الدقايق ولذه الرشاااااقه دووووووم



انتوووووو قدهااااا ​