ملفي للسلطات المبتكرة والسندويشات المميزة ...

[jolie_q8]

ماشاءالله فناتق

تسلم ايدج

 

[ام عمار]

تسلم ايدك

 

[جوري وبنفسج]

ساندويش الخضار المشوية بنكهة الأعشاب

السلام عليكم

صباح الخيرات لأحلى بنات

اليوم جايبة لكم ساندويش فرش توني مطلعة فكرته ونفذته لريوقي اليوم . وعلى فكرة الصمونة لذيذة وبنفس الوقت صحية وخفيفة على المعدة


* ساندويش الخضار المشوية بنكهة الأعشاب *

الطريقة

أول شيء نحتاج خضار

حلقات طماط + حلقات فلفل بارد أخضر + حلقات بصل أبيض + مشروم


صمون شباتا المخابز



جبن سويسري




ندهن الخضار بشوية زيت زيتون ونشويها على الشواية



نحمص الصمون بالتوستر شويه



نحتاج الحين مجموعة من الأعشاب على ذوقكم
أنا أستخدمت :
شبت مجفف + بقدونس مجفف + نعناع مجفف + ملح بالثوم + تتبيلة إيطالية



نحط الصمونه بالصحن ونحط أول طبقة الجبن بعدين نحط الطماط ونرش عليه الأعشاب



والحين نحتاج الصلصة وهي عبارة عن = صلصة صويا + مايونيز بالفلفل



والحين نحط باقي الخضار بالصمونه ونصب فوقها الصلصة


وهذا الشكل النهائي




وأتمنى أنها تعجبكم ... وصحتين على قلبكم .




​

 

[just-me]

لا الاه الا الله ... ما شاء الله تبارك الرحمن .. لاقوة الا بالله ...
يهبل ... انا كنت أكره المطبخ ... و من طحت على هالمنتدى و بالذات طبخاتج ياعز الاسلام . قمت أتفنن حق الكل.
أقول صج انكم ناس سنعين :hjy5jewf:
و تخافون الله بالمقادير المضبوطة والشغل السنع ما شاء الله يهبل تسلم ايدج ... بس أنا أحاتي شغلة وحدة ...
المتن :weight_lift:كل مالي و اخذ بالعرض انا وايد صايره احب الاكل و طايحتله كل يوم طبق و طبقين من المنتدى ... ماقصرتوا و الله يواليكم العافية

 

[جوري وبنفسج]

السلام عليكم

الغالية just-me

تسلمين على الكلام الحلو وعيونج الحلوة حبيبتي .ههه وحتى أنا بالهوا سوا وزني زايد بس ما تركت الأكل غيرت طريقة الأكل وقمت أمشي علشان أحرق ​

.

 

[athora]

تسلم ايدج حبيبتي..واي تصدقين زوزو ستايلج بالاكل نفس ستايلي..
انا مو ذاك مع العيوش اموت على الاكل الايطالي والصيني وبعض الهندي واحب ادش مواقع اجنبيه للطبخ اكلهم احسه صحي اكثر
وانتي ستايلج ايطالي..:hjy5jewf:

 

[digital]

تسلم ايدج


ويعطيح الف عافيه

 

[james546613]

شحلاتة والاحلى منة الي مسوية

 

[صدى الأفراح]

يعني شو بدي أحكي يعجز اللسان عن الكلام وفعلا فعلا مافي أحرف توفيكي حقك إنتي لازم بصراحه الإداره تعطيكي لقب خاص فيكي أنا بتمنى هالشي وبطالب فيه بس لحتى لاقي شي يوفيكي حقك بصراحه ممممممممممم بتمنى يكون لقبك ( الملكه ) لكل ماتحويه الكلمه من معنى وبتمنى فعلا هالشي الله يحفظك يارب شو اسلوبك راقي وكيف دخلتي قلوب الجميع الله يحرسك من العين قوووووولي ااااامين

 

[& شهد &]

مازلت متابعه لابداعج عزيزتي
تسلم الايادي

 

[جوري وبنفسج]

السلام عليكم

أخواتي الغاليات

athora
يا أنتي يا أيطالية شكلج ذويقة وستايل في الأكل:wqedqw:
وتسلمين على الكلام الحلو :hjy5jewf:

digital
يسلم لي مرورج يا الغالية :hjy5jewf:

james546613
أنتي الحلا كله ومشكورة على الكلام الحلو :hjy5jewf:

صدى الأفراح
والله أنتي اللي كلج طيبة وذوق تقبريني شو مهضومة :hjy5jewf:


Edmark q8
تسلمين يا قلبي وتعجبني متابعتج :hjy5jewf:

وعشان متابعتكم الحلوة والمميزة راح أحاول أحط لكم أطباق بأقرب فرصة وماراح أطول عليكم :eh_s(7):​

 

[جوري وبنفسج]

* طبق مقبلات شهي وبسيط *

السلام عليكم

شلونكم يا أحلى كويتيات

اليوم جايبة لكم طبق مقبلات شهي وخفيف .أكتشفته في مطعم ساتشي

* الطماطم بالبصل *

خليط جميل وبسيط يصلح للتقديم مع الخبز الفرنسي ( باجيت )

المكونات


طماطم وبصل مفروم



زيت زيتون + خل البلسمك + ملح بالثوم والأعشاب + بقدونس مجفف + نعناع مجفف



نخلط جميع المكونات في طبق

والحين نحتاج خبز فرنسي نقطعه إلى شرايح



نصف شرايح الخبز الفرنسي في طبق ونضع في الوسط طبق صغير فيه الخليط وهذا الشكل النهائي



وعليكم بالعافية وأتمنى أن يكون عجبكم ​

 

[athora]

زوزو تسلم ايدج

 

[صدى الأفراح]

ممممممممممممممم لك انتي صورك لحالها دنيا تانيه والله فيك سحرررررررررر مو طبيعي الله يحميكي بس سؤال الخلطه عملتيها شي عالنار؟؟

 

[جوري وبنفسج]

السلام عليكم

الغالية athora
يسلم لي مرورج الحلو :33_1185028183:

الغالية صدى الأفراح
تسلمين على المرور الحلو يا عسل :33_1185028183:
بالنسبة للخلطة لا ما تنحط على النار ​

 

[جوري وبنفسج]

سلطة التونة على طريقتي

السلام عليكم


شلونكم يا أحلى كويتيات


موعدي معاكم اليوم بوصفة لذيذة زتصلح كوجبة غدا

* سلطة التونة على طريقتي *



المكونات

تونة + ذرة



جرجير مقطع + فلفل بارد أحمر مقطع + بصل مقطع شرايح



مخلل وعندج خيارين

مخلل بنكهة حامض حلو ( وأنا أفضله )



أو مخلل المالح




للصلصة نحتاج

مايونيز + عصير ليمون + نعناع مجفف + بقدونس مجفف




نخلط المكونات




إقتراحي للتقديم

نقدم السلطة مع + عيش بالشعرية ( رز بالشعرية )





أنصحكم تجربونها حدها لذيذة

وعليكم بالعافية​

 

[صدى الأفراح]

يعني بتعرفي شي؟؟؟؟؟؟؟؟؟ انا مستحييل أكل السمك ولا اي شي بحري بس إدام هالصحن اعلنت الاستسلااااااااام بجد بشهي تسلم ايديكي انا بحب المعكرووووووووووووووووووووووووونه بكرا اعملي معكرونه وهي أعده ناطرتك

 

[جوري وبنفسج]

السلام عليكم

أختي الغالية صدى الأفراح

طيب دام أنتي بتحبي المكرونة قريباً أحط لج سلطة المكرونة + طريقتي للباستا في الأطباق الرئيسية


واليوم موعدي معاكم مع سلطة حلوة ومميزة وراح تعجب محبين الباذنجان

* سلطة الباذنجان بالحلوة *


جبن حلوم مقطع مكعبات ومقلي

باذنجان مقطع مكعبات ومقلي

جرجير مقطع

ريحان

طماطم مجفف مقطع

نخلط المكونات

وللصلصة نحتاج زيت زيتون + خل بلسمك

ورشة بسيطة من الملح بالثوم + النعناع المجفف


وللوجه نزينه بالسمسم المحمص ( نحمصه في مقلاة بدون زيت لين يصور لونه ذهبي )

وهذا الشكل النهائي للسلطة

وصحتين على قلبكم ​

 

[jolie_q8]

وااااااااو حبيت اخر سلطه اللي بالحلوم والبيديان

شكله حده خطير

ماشاء الله عليج ... متابعينج

 

[athora]

واو زوزو تسلم ايدج يامبدعه ..ناطرين الباستا عشقي الابدي اموت عليها واسويها بانواع البستو مره بستو ا لجرجير ومره بستو الريحان ومره بستو البقدونس ومره اخلطهم واو يوعتيني..